لماذا الناس تفرح بالعيد .. وفي (بريدة) الناس تحزن وكأنه (عزاء)

[عزتي في شموخي]

والله ياخوي معاك حق بكل كلمه قلته o

ولا حد يجي يتفلسف علينا لا بريده حلوه اقول ماعندك سالفه ابد لان لو تعايد بره بريده كن تكره اليوم اللي جلست فيه ببريده

والله اللي خالقتني اني اتكلم من الحره اللي فني
ابي نستناس نفس جده ولا بتلفزون جايبن احتفلات المناطق
عاد احتفال منطق بريده مشفر هع <<علي قولت وحده من الا عضاء لو يحلتون جثه ماحد درو عنها:i125

انتهي عيدنا الصباح نبي نستناس طلعنا مافي تقل بعزاء<<طبعن هذي معانتن مع كل عيد يارب لك الحمد
رحنا بمسطحات الاستاذ قسم ضيقه ذبحتني ابو اونس نفسي عجزت اقول يالله ان شالله الحين بطلقون العاب ناريه
للاسف ماصار فيه العاب ناريه بسبب السلمان الله يسامحه:eek5

وين رحنا للعثيم
والله لو تشوفن الدور الثاني جمهوريه مصر العربيه ترحب بك
انا امشي احس نفسي غريبه بينهم تفشلت من جد مافي سعودين الا نااااااااااادرن جدا
والعثيم تحس انك بعزاء:eek5

ياناس نبي نصير مثل احتفالات العالم

فعلن مره من السنين سافرنا بالعيد لجده ثاني عيد وكانك باول عيدد مافاتك شي

متي قريده اقصد بريده تطور<<بس لو يخلوني ا نضم الحفل ياسلام كن تدعو لي ليل ونهار اخلي بكل شارع حفل حتي بالخبيب عشان الهنود يستناسو مو يصير مثلي مايدور وين تعيد


المفروض العيد يصير مثل اليوم وطني لا بعد 3 ايام وناسه والله خساره بس

من جد ربي يجزك الف خير علي الموضوع اول موضوع بحايتي يعجني

 

[أبو إياس]

بكل صراحة ،، الأعياد والزواجات عندنا لاتفرق عن مراسم العزاء إلا أن العزاء مايقال لك عند السلام " هذي الساعة المباركة اللي شفناك فيها :d:d " وأذكر إن أشرت للكلام هذا في موضوع لك أخي المنخرش عن المحرمات التي أصلها العادت دون دليل شرعي .

بل حتى الدف الذي أباحه الشرع في الاعياد وفي الزواجات أصبح محرماعند كثير من النساء لدرجة إنها تتورع عن العرس اللي فيه دف لكن تبيح لنفسها الحش بالناس والقيل والقال وشفتي فلانة وشفتي علانه ،،

 

[قائد المجد]

.
.

إذ كانت بريـدة لاتعني لك شـئياً وأنا أعلم ذلك , فإنا والله إنه يجري حبها في دمائنا
لك الحق أن تمدح ماشئت من المدن فهذا شأنك , أما أن تسئ لمدينتنا وفي منتدى يمثلها
وكان الأحرى أن يقدم فيه صورة مشرقة عن هذه المدينة
أنت بالغت بالإساءة ولن نغفرها لك حينما قلت الجنة سـاخراً ومستهزءاً وأنا أقول
من أين أتيت أنت ؟؟
هي والله عندنا من جنان الأرض ..(h):41
لاأدري لماذا إذا أراد أحدنا أن يتحدث عن موضوع راق له فإنه لابد أن
يقحم بريدة فيه

.
.​

سلمت يمينك أخي العزيز(f):41

 

[جيهان]

كل سنه المنظمين المهرجان يقولون حضور بريده ضعيف وراه يوم امنع السنه ..اهل بريده سووا شوشره ولجه...؟​

~ ~
يااليت تكون عندنا مثل مهرجانات دبي وجده وغيره بس نبيها محافظه مانبي مثل جده كأنه بااوروبا استغفرالله
لكن تكلف مبالغ طائله.. <<مافيه احد يتبرع لبريده​

 

[لؤلؤة القران]

والله صدقتَ وجبتهٍآ ع آٍلججرحَ وآللهَ
بريدَه الصرٍآحة مَ فيهَ شيَ يونسَ لكَنَ آلشكًُوىَ لله
الحمٍدلله ع ٍسٍلآمتكَ وٍآلله وآزينَ لكَ وخذ آلعبآره منيً ( كلَ عيٍد تعيًٍََـد بعيٍـد ٍ)

وتستٍآهلَ تقييمَ + فآٍيفَ ستٍآر+ كٍل عٍآم وآٍنتَ بآلف صحٍة وسٍلآمه



تحيٍآتيَ للكلَ
​

 

[قائد المجد]

أخي وصديقي العزيز المنخرش اختلف معك في حاجتين
1-الألعاب الناريه سلبيتها اكثر من ايجابياتها يعني لو يدورون شي فيه تسليه اكثر من الالعاب الناريه يكون افضل بدلا من ترويع الامنين بأصواتها المقاربة لأصوات القنابل
2-بالنسبة للسينما فانا اقول لك المثل الشهير(ابعد عن الشر وغني له)وانت تدري ان الناس اول مادخلو الدش بداية بقناة
المجد ثم انفرطت السبحه بعد ذلك.

 

[بنت السفير]

لان جــــــــدة غييير...

 

[رنيم2]

احمدو ربكم على الاقل انتم عندكم عيد ياعيال بعيد العائله حنا يالحريم نصلي ونرجع ننام كانه عيد نوم ماندري لابالعيد ولابغيره بس الحمدالله مو اهم شي يصير عندنا عيد فيه الاهم والي هو الصحه والعافيه ومانفقد غالي والحمدالله ياربي يتقبل صيامنا وقيامنا
مشكور

 

[قاآآآآسم]

يا رجال تعرف أنت ماحد متعب نفسه
الأفضل تسوي انت وعيآل عمك مسابقات و فله طرطعان

حنا سوينا لحد 3 أيام العيد سراحه هالعيد السنه توووب

 

[عنيزاوي منصف]

تعال عندنا بعنيزة الله يحيك إذا براسك طرب سامري كل عيد فطر نسوي إحتفال أنا أذكرها تقام من عام 1395كانت تقام عند منطقة تقاطع الساعة كان أرض فضاء وذلحين على الدائري الجنوبي أخر منطقة الشباب
حتى الحريم ممكن يتفرجن إذا كانن من جهة مركز الملك فهد الحضاري يجلسن بالثيل ماعندهن أحد

 

[شــموـوـوخ]

العيد عندنا
سلام عليكم عيدكم مبارك
اشرب فنجالين قهوه وكل رز ولحم ومع السلامه كل هذا بنص ساعه من يوم كامل!!
وباقي اليوم نوم+احباط

 

[akr]

لماذا ؟

لماذا كثرة المهرجانات
ومهرجان العيد
ليس كاهتمام
مهرجان
الصيف ؟؟؟

 

[e7ssas]

بـــالـــــعــــــربـــــي : مالنا قيمة عندهم ولا جابوا لنا خبر = /

أقصد بلدية بريدة : ( ​

 

[معلم مغترب]

فكيف تحتفل
على انغام ومصائب
اخواننا


مثلا في
الصومال

واخواننا يقتلون في
سوريا

وليبيا لازالوا في محن

ومصر العزيزه


بمعنى العالم الاسلامي
جسد واحد

يارجال هو قال وش علينا منهم بصريح العباره
الله لا يبلانا نحن في عصر
قست فيه القلوب واصبح حب الملذات يطغى على وحده المسلمين
الله يهديه ويرد عليه صوابه​

​

 

[ربي الله]

ههههههههـ


احلى ما بالعيد انك تنام لين العشاء محد يقومك يقول المغرب قم افطر

وراه واوقات الصلاة مسهوجة يعني اهم ماهنا تملاء بطنك والصلاة الله يخلف
قل لامك ترى هناك وادي بجهنم خاص للي يجمعون الصلاة او يأخرونه عن وقته

 

[اخو دريحم]

بعض الناس يريد فرحة انتهاء شهررمضان حتى يرجع الى ملذات بطنه وفرجة وعينه وأذنه وحتى يفرح بالطرطعان .
ونسي فرحته المشروعه ان الله ابقاه حتى اكمل مدة صيام شهر رمضان
حيا يرزق معافى في جسمه وبدنه وآمنا في بيته ووطنه
اللهم اجعلنا ممن صام الشهر واستكمل الاجر وفاز بليلة القدر
اما هذا العيد فهو أفضل عيد فطررمضان مر على مدينة بريدة
والسبب :

أفضل عيد فطر رمضان منع الطرطعان من قبل حمد السلمان


​

 

[الافضل]

اخوي المنخرش س سؤال:d

ليش ثلاثة ارباع مواضيعك انتقادات

صدق انا معك ان العيد ممل بس مايوصول انك تتكلم بهالطريقه وثانيا العيد يختلف من عائله الى اخرى

يعني فيه عوائل معجبها العيد على هذا الحال وفيه ناس لا

وان كنت تقصد الصواريخ الي يطلعن الوان شف برج بريده كل عيد يطلقون صواريخ

وجهة نظر

اختلاف الارآء لايفسد للود قضيه(h)(f): 12

 

[C R Λ S H]

العيد عندنا قلق قسم بالله

انا اكره العيد كره مب طبيعي

والسبب البيئة اللي حنا فيها

اقرب مثال يوم العيد بالليل اخذت قنبلة من احد الاطفال وقمت بتوليعها بجنب جلوس الرجال كلهم

بصراحة كلهم قعدو يهاوشون ويقولون مب وقتك ومن هالحتسي

ياخي خلونا نستانس تقل مولعها فوق روسهم ..

قسم بالله شي يقهر عيد قلق كل واحد يكشخ ويجامل الثاني

مافيه اي معلم من معالم الفرح

ان طلعت بالشارع تلقى الشوارع فاضي وان قعدت مع اقاربك = قلق وهم ..

قسم بالله ودي العب بالالعاب النارية بس كله خوف الملامة من الاقارب

كله علشان ما يقولون كبير ويسوي تسذا ..

الله يرحم الحال

كلامك جداً جميل المنخرش

لافض فوك​

 

[شــادن]

أقول احمدو ربكم بنعمة تراكم ..غيركم فوقه قنابل بحروب
وتقولون جدة والشرقية عند البحر مستانسين ..طيب انتم ماعندكم بحر اطلعو بالطرفية فوق النفود وعبو الطشت ماء وبربسو بوة هههههههه

 

[دينـآ]

مو حاله كل سنه نتعيد برا القصيم
وش يضر القصيم لسوت احتفالات مثل الناس
العيد بعد صلاة العشاء يبدا الهدوء والاكتائب
مااكنه العيد
عكس اللي برى 3 ايام تحس انك بعيد
وفرحه غير ..

وياليت القصيم تطور شوي وتسوي مهرجانات حلوه
تحسسنا بااجواء وفرحة العيد .​