حــــــــــــــــــــــــــــريم ورجــــــــــــــــــــال القصيم وين وصلتوا له !!!؟

[فــ ـهـ ــد]

الفاسقات من اهل القصيم اكثر فسقاً وتمرداً من غيرهن في المناطق الأخرى .. مع الأسف o​

متأكد ..؟!​

 

[ونـاسه]

الاخوات الفاضلات ..​

اتفقتن على ان :
((الفتاة هي فتاة من أهل الرياض أو من أهل القصيم
هي الصالحة وودات الدين التي رغب النبي بها _صلى الله عليه وسلم _))



نعم الفتاة هي فتاة سواء من القصيم او غيرهـ .. ولكن يُلام على اهل القصيم اكثر من غيرهم
لانهم اكثر تمسكاً بالشريعه الاسلاميه والعادات النبيله
وهم الاكثر تصديراً للمشايخ والعلماء والقرّاء..​

 

[صاحب الجوال]

الله يصلح بنات المسلمين

 

[ونـاسه]

متأكد ..؟!​

لا لا اصبر ابفكر شوي ..!!

ممكن حذف اجابتين..او استعانه بصديق :d​

 

[نبض العفاف]

مع اني والله متحشمه بلبسي الا انكم متسلطين ع البنات يحول
مادري وراه ماتشوفون سربتت العيال وبزرنجيتهم فشلونا عند الله وخلقه

لاننا بنات ونعيش مع بنات !!!!

 

[الصمت الهادئ]

بآرك الله فيكِ ونفع الله بكِ..

.

شيء يدمي القلب بالفعل والذي أرآه أن الفتيآت أصبحن الآن يتنآفسن على اللبآس العآري تودا كل
وآحده أن يكون لبسهآأحسن من الأخرى فتآة المستقبل مربية الأجيآل,, كيف ستربي أبنآئهآ..!!
والله في القلب حرقه على وضع بنآتنآ أصبح الوضع مزري جداً اختي يآمن فعلتِ هذا الأمر العظيم
امآعلمتي أن من يرآكِ سيقلدكِ ليتهآعلى هذا فقد فأنكِ ستلحقين بالأثم عليهآ لأنهآ قلدتكِ بالفعل
وسيقلدهآأخريآت وأنتِ من تحملين هذا الأثم مآموقفكِ حينهآ امآم الله أتقي الله يآأخية وأستري نفسك,
أستري نفسك.. توبي الى بآرئكِ قبل فوآت الأوآن فبآب التوبة مفتوح مآدآمت لم تغرغر الروح..
الم تعلمي أنكِ أصبحتِ من الكآسيآت العآريآت التي أخبرناعنهآ رسول الله
حيث قال صلى الله عليه وسلم "صنفان من أهل النار لم أرهما بعد : رجال معهم سياط كأذناب
البقر يضربون بها الناس ، ونساء كاسيات عاريات مائلات مميلات على رؤوسهن كأسنمة
البخت المائلة ، لا يدخلن الجنة ولا يجد ريحها ، وإن ريحها ليوجد من مسيرة كذا وكذا"
اما وآلديهآالله المستعآن فأذكرهم بقول رسول الله ((كلكم رآع وكلكم مسؤول عن رعيته))
والأدهى والأمر في ذلك سكوتنآعن الحق نعم أصبح أنكآر المنكر والأمر بالمعروف لآوجود له
والسبب في ذلك ضعف الإيمآن والخوف من كلمة الحق ولو أن التنآصح موجود بيننآلمآتمآدوا في
فعل المنكرآت فاللهم أليك الشكوى وأنت المستعآن اسأل الله العظيم أن يصلح الأحوآل
وأن ينير الدروب لمن أضل وغوى ..
​

 

[انا غير.]

الله يجززاااااااك خير ع كلامك القووي بصرااحة..

والله يقبضنا الية غير مفتونين ويتوب علينا ..

 

[ملح يذر]

اولا ترددت بان ارد على بعض الردود لان كثيرا يكون الترفع افضل
لكن قلت لعلها مناصحه وفهم اكثر للموضوع !!!

تعالي بسالك انتي تلبسين تنوره وبلوزه والاجلابيات ؟
اذا كنتي تلبسين تنوره وبلوزه فهذي بعد تقليد للاجانب وانا اختك الهويه السعوديه جلابيات فلبسيهم وبعدين تكلمي

حبيبتي وليش احس من ردك ان (سعابيلك تتطاير فحمة من الهواش ههههههه)
الله يجزاك خير السعوديه بالخارج بصمة على الدين الاسلامي لانها منبع الاسلام وبكذا تناضر سواء طبق بها الدين صح او لا
فاللبس الله يسلمك يصير اسلامي وبس سواء جلابيه خيشه خيمه اي شي
تسالينن وش البس أأأ البس كل شي محتشم ولله الحمد وان بغيتي بعد البس بنجابي ، ساري ...

وبعدين منو بنات العوايل ؟ فيه بنت تطلع من عائله وبنت تطلع زي الفطر في الارض مثلا ؟

وانتي اول مرة تسمعين احد يقول بنت عوايل !! وين عايشه !!
زين ابفهمك هالمصطلح الي شوي واحلف انك تستخدمينه لا احتجتيه
بنت عوايل يعني بنت سعويين مهب مثلا ابوها سعودي وامها سوريه او ان شاء الله تكرونيه
فمقصدي من هالمقوله انها لو امها او احد اقاربها غير سعوديين كان نقول متربية على هاللبس
الا انها من عرفت نفسها وجداتها حشمة واحتشام

وبعدين ليش يشار اليكم بالبنان ياختي <<< متعوب عليها كلمة البنان هع قصدك من الكشخه؟

!! وشفيك معصبة !! ابحث عن تفسير ؟؟ لو انا قدامك قلت يمكن تغار بس فيه احد يغار من شخص وهمي بجهاز !! وبسؤالك كانك مستغربه وتسالين ليش تتميزين وانتي محتشمه !!
ما قلتها يا قلبي عشان تحسين بالنقص او تحسين باحاسيسك المدفونه !!
فما قلتها اعني نفسي خاصه جبتها بالجمع
فيعني المحتشمات يقدرون يتميزون باكثر من هالي متعريات (او الرجعيات)


من متى صارت الكشخه بالغلاء ؟ يعني ممكن اشوف فستان حلو ب200 مثلا وبلوزه تجيب المرض ب1000

حبيتي وبعدي انتي تكلمت عن الغلاء ليس على نهج حياتي انا او تفكيري بل على نهج وتفكير هالي يتعرن لانها ما تعرت الا وانها تلاحق الموضه ومن المعروف ان اللي تلاحق الموضه تفكيرها يصير وهمها تشتري ولو باغلى الاسعار عشان تبرز نفسها او تجاكر بغلاء لبسها (تجادلين وكننا ماعشنا وشفنا حركات وهرج هالنوع من الحريم !! اسكتي بس لا تطلع الفضايح طبعا لمن هن على هالشاكله فقط

وبعدين توك تقولين وين هويتكم كسعوديات وقصيميات وقبلها تقولين يقولون لك اناقة لبنانيات .... هذا شي وكونك قلتي اناقة لبنانيات شي ثاني

افتهههمي انا احاكي عقول الي يتعرن فهذا كلامهن لبنانيه ووو فمن يريد ان يناصح يناصح بطريقة
تفكير الي المنصوح
فهذه لغة قد لا تعرفينها او لم تخوضيها بان تكون قدمت نصيحة لاحد !! وان كنت قد نصحتي فانك تجهلين كيفية
وصول النصيحه سريعا فهميها او قلبيا
واكبر مثال شوفي سليمان الجبيلان كل شي يتكلم به وكانه مسوي منكرات او مجربها
بس يبغى يلامس عقول مستمعيه



وبعدين شدخل الرجال الله يحفظك ... كل واحد مسؤول عن نفسه .. لو بينصحون خواتهم وامهاتهم كيفهم خل ينصحون

انتبههههههههي لكلامك كل ما يلفظ من القول لديه رقيب عتيد
حاسبي
تبين اعطيك درس فقهي مستعده عادي
فواضح انك تقولين لا تذكرين احد من الرجال انه ينتبه لرعيته ومن هم تحته ويكون بعلمك الاخ له قوامه على اخته ان لم يقومها ابوها
وكانك تقولين ممنوع التذكير ونسيتي(ان الذكرى تنفع المؤمنين)

بس شدخلهم عشان تقولين مسكوا خواتكم ومشوهم عدل ؟ خير ان شاء الله ؟؟ والا تبينهم يوقفون عند الباب بالعصا
وقبل ماتطلع البنت يشوفون ملابسها؟ الله يحوم كبد ابليس

ردودك فضحتك ههههههه
الي واثق من نفسه ما تهمه هالمواضيع ويأيدها
وبالنسبة لي ميخالف هماي متحشمه ابطلع عند ولي امري اي ما كان وهو ماسك عصا وانا اضحك
اصلا ماراح يمسك عصا لانه يشوف اخته ماشيه صح
وما راح مايمسك عصا الا الي تستاهله


وبعدين تقولين لهمممم مافيه تربيه داخليه ليييييييييييييش؟؟؟؟؟؟ لايكون الرجال هم اللي يربون الحريم وانا مدري؟


واضح ان المفاهيم عندك مخخخخخلوطه
ايه وليش الرجال مايربي مرته لا صارت فاسقه وتتبرج
يربيها ومن ثم هي تربي بناتها
وان غابت تربيتها عن بناتها هو يربيهن
وليش انتي زعلانه !!!
غريبه صدق
الي متربيه ما يحتاج تربى عقب هالعمر خلاص وصلت مرحلة يجي دورها اهي تربي


اخيرا وليس اخرا فيه نصيحه ضحكتني كثيرا اضحك الله سنك
كانك قلتي الطالح والصالح يبي المحتشمه فرغبوهم؟؟؟ يعني لايكون البنت همها الشاغل ان تحظى برضا الصالح والطالح عشان يجي هالصالح والطالح ياخذها؟

لا تنكرين
يعني بيطق عمر البنت 30 سنه وما راح تفكر تتزوج
حبيبتي حنا مجتمع يقدس الحياة الزوجيه رضينا او ابينا من ديننا واخلاقنا وتربيتنا وعاداتنا
فلو انتي اجنبيه
كيفك عيشي بدون رجل الله يقويك
وبعدين قبل لا يرضى عليها الصالح والطالح يصير همها ربها الي خلقها
لكن قلت كذا كما اشرت سابقا لان الي تسوي هالسوايا دينها اقل من المحتشمه
لانه كما يقال اذا قل الحياء قل الدين
فكما اعرف ويعرفن الكثيرات ان اكثر هالي يتعرن
نلقاها متبرجه وتترزز بالمولات (كل هذا وما همها الجنس الاخر!!)والله مصيبه
ان كان همها الجنس بس بالغلط


انا سمعت ان الفالح والمالح بعد مايبون الا الاحتشام ...

يلا عن اذنك بروح اضحك

ههههههههههههههههههههه

وانا بعد ابضحك سبحان الله تبان الشخصيات وفضايح الوحده من ردودها
الله يهديك(h) بس هههههههههه

 

[دفا.]

الرجـــال ؟؟؟ بالمــــطاء !!!؟؟؟؟؟

تقصدين
الرجال بمقبرة الموطأ
طبعآ هذا اعتراف صريح من كاتبة متميزة ​

اختي
الغريب اذا صار شيء سلبي حطيتوه على الرجال
واذا ايجابي بدأت المزايدات ونبي ونبي مساوة بالرجل
يا اختي ارسوا على بر
ماصارت كل شيء على الرجال ؟؟؟؟؟​

\
\
اما تعليقي على الموضوع​

اختنا صاحبة الموضوع
سؤالك لماذا انفلات بنات القصيم
ومفروض ماتكون التساؤل بهذه الصيغة
صحيح اهل القصيم مصدرين للعلماء
ولكن ؟؟​

ولكن هذي حطي تحتها مليون خط​

تعرفي ليه بنات القصيم اصبح انفلاتهم اسرع من غيرهن
لان السبب المنع بالقوة
يعني اغلب العوائل في السابق
يمنعون بناتهم وعيالهم من اشياء
بدون مايوضحون السبب ويشاركونهم الحوار​

ولو تلاحظين ابناء الاجانب انحرافهم بطيء او اقل شيء
مايكون بهذه السرعة
لان اهلهم اعطوهم الثقة والنصيحه​

وانصحك مادام نزلتي موضوع
ان لاتمنعي ابنائك من اي سلوك بأسلوب التسلط
الافضل المشاركة في الاقناع وفتح مساحة للحوار​

واغلب الانحرافات
بسبب التسلط الجائر والمنع بسبب او بدون سبب
وعدم مشاركة الابناء في فهم اسباب المنع​

 

[ملح يذر]

حلو بعد انك تقولين الاخو لازم يصير قدوه لاخته او على الاقل يستر منكراته .......

يعني كانك تقولين للشباب خشوا منكراتكم لاحد يدري عنكم عشان تظبطون خواتكم

ايه يا حبيبتي
المجاهرة بالمعصية منتشرة الحين
وعذرا لاحضت من ردودك قلت العلم الشرعي !!!
درس فقهي بطريقتي ههههه (الله يستر عبده اذا ستر نفسه بالدنيا ويمكن يرحمه بستره لنفسه وان كان مجاهرا حاسبه لجهاره
لان الناس رأوه فلابد من محاسبته
ويأثم من يجاهر بالمعصية اكثر من يفعلها بالسر وقد يحمل اوزار كل من قلدوه او تهاونو بعد ما رأو المجاهر)

وانا صادقه من الواقع
والله وحده ماتحتشم واخوها ذو صلاح وما يلاحظ عليه منكرات او ملتزم
ويجي يناصحه علطول بتستحي وماتدري وش تسوي من الفشيله وله هيبه عنده فتحاول مايشوف عليها غلط لو قدامه بس
ووحده ماتحتشم واخوها الله بالخير او عليه قل اهتمام بالصلاة وو ويجي بيحاكيها
ما يهمها ولا يحرك بها ساكن وشوي تقول اصلح حالك ثم تعال تكلم

فالاب لو هو مثلا يدخن مايجاهر عند عياله عشانه قدوه وله سلطه عليهم
والاخ ايضا ما يجاهر مثلا بالاغاني او المغازل او او لان له سلطه على اخته اذا لزم الامر
وهذا سبب شريف انه ما يجاهر لو عشانه قدوه او لكي يسمع كلامه اذا صار له سلطه واجبه على اخواته
وما قلت نافق وقل يازيني ملتزم ووو بس عشان تمدح ويشهر بك بالمدح بس
لا قلت عشان يصير لك يد اذا صرت ملزوم بعيالك ببناتك باخواتك ...

 

[دفا.]

^^^^
صاحبة الموضوع
جزاك الله خير
على متابعة مشاركة
الاعضاء والرد عليها

بصراحة اجتهاد
محل الاعجاب
بارك الله في مجهودك

الى الامام​

 

[برق1]

ما على كلامك مزيد يا أختنا ملح يذر , جزاك الله خيرا

 

[سجين الزمن]

مع اني والله متحشمه بلبسي الا انكم متسلطين ع البنات يحول
مادري وراه ماتشوفون سربتت العيال وبزرنجيتهم فشلونا عند الله وخلقه

هذا موب تسلط هذي نصيحه لوجه الله
وبعدين البنت لمن تلبس عاري وتصير ملفتت انتباه يعني مجاهر بالمعصيه تصير موب بس هي اللي عليه الذنب حتى غيره اللي ماله ومال الشيطان طريق شافته ولانصحته وتعرفين اللي تنصح الحين وش يجيه من سب وغيره تجي المتعريه يوم القيامه وتعلق برقبته شافتن ولانصحتن
والولد لمن يسربت على قولتك مايدرى عنه يعني بخفيه مادرى عنه احد كذا هو اللي بيتحمل ذنبه ماجاهر بالمعصيه ذنبه وراء جنبه​

 

[سجين الزمن]

والبنات اللي لبسهن عاري ويحسبنه من الكشخه
هذي تحس بالنقص وتبي تلفت النظر
ولاماخبرت الكشخه تجي بالبس العاري​

 

[ملح يذر]

جزاك الله خير .. بس اللون!!!

بنطفي اللون شوي عشانك

سؤال : كم مرة قلتِ بنات القصيم....؟ بنات بريدة ......؟ وكأن الاسلام نزل عليهن دون غيرهن.. وكأن الاحتشام لانجده الا بالقصيميات!
وكم مرة قلتِ المسلمات...؟ وبنات المسلمين ........؟


حبيبتي انا بمنتدى قصيمي فيه تجمع بنات وشباب القصيم
فعند النصيحه أخص المتحدث اليه ابلغ اثر فيه
غير اني خصصت اهل القصيم للاسباب السابقة الذكر في ردودي

والسؤال الذي يطرح نفسه هل غيرتك بسبب ترك عادات بالاسلام او عادات القصمان.....؟

اولا :وشي عادات الاسلام !!
قصدك تعاليم الاسلام

غيرتي بسبب ترك تعاليم الاسلام الي كان قريب مطبقها بحذافيرها اهل القصيم (اهلي)
فالغيرة تاتي على الاقربون اكثر



ماقصرتِ فيري _^

الطيور على اشكالها تقع هههه

.......

 

[سُـقيا]

ملح يذر

الله يجزاك خير الجزاء
وحفظ الرحمن لنا ديننا
وثبتنا على الحق
وهدانا الى الصراط المستقيم

الصراحه اختصرتي كلام كنت أفكر بكتابته منذ أيام
وذلك لأني رأيت بعض الذكور ممن أعرفهم شخصيا وأعرف أهلهم
انشغلوا بمواضيع تافهه ومن المميزين في المنتدى ويشكرون ويناقشون
وتثبت مواضيعهم
ومع ذلك وأنا أقرا كلامهم أحس بالقهر
وينك عن بناتك ؟ وخواتك؟
اللي مافيه أغنيه جديده أو قديمه الا وتتظاهر بمعرفتها وترديدها
والمسلسلات والأفلام حدث ولاحرج
واللبس والعباءه >>>الله يستر عليه
والبعض في مدارس تحفيظ >>>>للأسف

وأبيها أو أخيها يتظاهر هنا بالثقافه والعلم
ومع ذلك لم أجدهم ردوا على موضوعك


دمتي بحفظ الرحمن ورعايته​

 

[ملح يذر]

رامااا
شكرا لمشاركتك


بنت القصيم مثل النسيم
اغدينا نحطك مثال للبنت القصيميه على اسمك هذا هههه
شكرا على ابداء رايك


وناسه
شكرا لك
وكنت تبتسم وما دري وش السالفه
عقب فهمت
بس نتفائل
باقي اصلاب هالرجال الي ماتوا
وقولتك فاسقات !!!
مانعمم
وبهن الخيررررررر الكثير
و ان شاء الله ما يوصلن حد الفسق


كاريزما
وان شاء الله يضل القصيم متمسك بدينه
لان اكثر الناهون عن المنكر والامرون بالمعروف
من اهل القصيم
فيجدد دينه كل فترة وفترة
وغيرتهم اكبر


​

 

[L&M]

الفاسقات من اهل القصيم اكثر فسقاً وتمرداً من غيرهن في المناطق الأخرى .. مع الأسف o

لا أدري لماذا ..؟


الله يهديهن ويفتح على قلوبهن ..​

اعوذ بالله .. وش هالكلام وانا اخوك ..


قريت ردك رقم 23 .. ولقيته مناقض لـ ردك هذا ..


حدد .. وش نظرتك انك لبنات القصيم ..


هل هن فاسقات على كلامك .. او كل ديرة به الصالح والطارح ..؟؟
​

 

[ام لانــأ]

 

[ظيغميه]

جزاك الله خير

و أسأل الله أن يهدينا و يستر علي و على بنياتي و على نساء المسلمين أجمعين