هماه بريده ديرت حسودين ومتفتفين ومقاريد وش تبون به خلوها لأهلهابريده صارت زحمه

الحالة
مغلق و غير مفتوح للمزيد من الردود.
فليفه قال:
بنسبه لبداية الموضوع تراك صادق سب سب وخرته تلقاهم ببريده

اما بنسبه لتغيير الموضوع لزحمه الناس دقق تلقاهم اجانب وسواقين يعني (بنقالي او اندنوسي )

وهاذا من غير ابو خلق ددسن وكمبريشن وكتابه علي الجدران معلم قرميد وا يالله

كل هاذا يرجع لنا يا اهل الديره يستاجر محل ويطلع فيز ويبيعهن

كم من محل مستاجر وفاضي كل بريده مليانه حتي الشقق بلخبيب نفس الحكايه

الله يخلف
أنقر للتوسيع...
صدقت
الشي الثاني فيه فئه اتمنى من الله انه يهديهم وهي فئه حاقده وان شاء الله انهم قليله
 
ياحليلكم تخيليكم بقهوه طين النقاش حاامي الوطيس.

والزحمه ماله حل الا هالشيبان والعجز اللي يطيعون أعيال,

وقبل يفقش يشتريه سياره .وسببوا زحمه

وراء ما يجحزون هم وعجزهم بالقرعاء.
 
عذيب قال:
يقولون بريده ديرت مقاريد وحسودين ومتفتفين وماهنا شي شين إلا قالوه ببريده
وهالسنه مير الله يدفع البلاء صارت بريده زحمه وصار الواحد ماوده يطلع من البيت
أو الأستراحه
أنقر للتوسيع...


الأخ عذيب [[[ هماه ]]] ذي لحالها في كفة

والموضوع في كفة أخرى

بالنسبة للزِّحام الحاصل سبق أن تم الإشارة إليه

بأن هناك تخطيط سابق سيء ..

وهناك تخطيط لاحق أسوأ

لكن [ هماه ] زيادة السكان كشفت السوء .

الحسد ... وهماه .. وش حيثه .. وش كاره .. وشسسمه

( لغة من لا لغة له )

كمْ نتمنى أن تكون بيئة بريدة بيئة جاذبة

وليست طاره... أليس كذلك ..؟

والحسد مذموم ... وإذا كانت هذه الصفة موجودة

يجب تركها

والحسد كان موجودا من إخوة يوسف ..

.. قال تعالى : الآية

[ قالوا ليوسف وأخوه أحب إلى أبينا منا ونحن عصبة ]

يجب تركها .. وعدم الاتصاف بها


....​
 
:dبسراحه كلي فخر اني من بريده
(h)
وبعدين مايسب بريده الا واحد غيوووووور
يكفينا فخر اننا منبع العلم والبطوله واكبر دليل ان مدينتنا طلعت وزراء وومشايخ واغلب المناصب العاليه ورجال الاعمال قصيميه:41
عاد كل اللي يتطنزون هالقصيم واهلها وخصوصا اذا كانو من برا نجد لو تجي تسالهم وشي اصولكم قالو بكل فخر بريده وهم اصلا مايعرفون وش بريده بس تلقاه يعرف واحد يعرف احد من معارف اللي يعرفون جيرانهم:d
لانهم يعرفون ان بريده اصول صح فالكل يفخر بالانتماء له
يكفيكم ان اهله رجال لا نخيت الواحد منهم طق الصدر وفداك بكل ماعنده ·
لان اهلها يمثلون عائله وحده واللي يمس غيرهم يمسهم:41
كل هذا وماتبغوننا نحسد:p
انا معكم انه فيها اشياء مو زينه بس الاشياء هذي كله بس شكليات والا واقعه شي الكل يحسدنا عليه:eek:

وه بس يالبى ابوي واخواني وكل من يمثل بريده(h)
ربي يحفظنا ويجعلنا دوووووم يد وحده ويبعد عنا كل من فيه شر:mad:
 
اموت ببريده قال:
وزعو المستشفيات والادارات والاسواق والطرق والمناقصات وووووووووو
على جميع المحافضات والقرى واتركوا عنكم الواسطات وشوفوا ان جاء احد عندكم
والله ما تلقى غير البنقاليين
تاخذون كل شي ولا تبون احد يجي
مع اني من اهل بريده لاكن ما ارضى بالسب لاي ضيف يجينا
واهلا وسهلا بالجميع
أنقر للتوسيع...

نقعد بدون مستشفى واسواق ....الخ
عاد هذا الناقص ترى بريده مدينه موب قريه
 
مطرق الريحان قال:
ياحليلكم تخيليكم بقهوه طين النقاش حاامي الوطيس.

والزحمه ماله حل الا هالشيبان والعجز اللي يطيعون أعيال,

وقبل يفقش يشتريه سياره .وسببوا زحمه

وراء ما يجحزون هم وعجزهم بالقرعاء.
أنقر للتوسيع...

حبيبتي وه من يحصله قهوة الطين اللي تكلمين عنه يالله من فضلك براد ووناسه وسوالف وفلة حجاج مع شاهي خادر بذاك البريق :d اطلق شي السراحه
بعدين حدك حسني الفاظك يوم تتكلمين عن من طلعنا على هالدنيا:i121
بعدين ياقلبي هذي الدنيا وش تبغينهم يسوون يشترون لعيالهم حمير وسياكل :mad:
وبعدين اللي انا اشوفه والمعروف ان الواحد مايعطي ولده سياره الا اذا وصل لمرحله صار كفو بانه يمسك السياره وبعدين يا ماما انتي مو احرص من الاب والام على ولدهم وراح تخافين عليه اكثر منهم:confused:
واذا كنتي شأيفه بزر او بزرين ماسكين السياره انتي تعرفين ايش ظروفهم:mad:
يمكن ابوهم متوفي وامهم ماعنده غير الولد وتلقين ماعنده اخوان يخدمونه وش تبينه تسوي بهالحاله تجي تشحذ اخوانك وتمنن الناس عشان يوصلونه:(

احسن كلمه قلتيها بكلامك ( القرعاء ) فز قلبي لما جاء طاريها ديرت ومنبع خوالي(h)
ولولا البعد والمسافه والخدمات اللي موجوده ببريده كان مالقيتي احد هنا كل الناس وده تبعد عن جو المدينه وتروح تعيش بالمزارع وتشم الهواء الطلق اللي يشرح النفس لكن الشكوى لله...
وسوف نظل نعشق برييييييييييده بكل مافيها من عيوب :109:
 
بكسل قال:
ياجماعه

بريده اصبحت خليط من كل الفئات والحضارات وعلينا ان نفتخر انها استقطبت الكل القاصي والداني المتعلم والجاهل


فعلينا نحن اهلها الرفعة والسمو بها والفكير بتطويرها

ربما نرى اشياء لايراها المسؤولين

علينا بالنقاش الحر المحترم وذكر السلبيات للتطوير لا للتدمير

رعاكم الله ووفقكم
أنقر للتوسيع...



كلام سليم 100 %


اتفق معك وبقوه مدينة بريده لابد وان تكون خليط بين كل الفئات والحضارات وهذا من صالحها وصالح المنطقه وخير دليل لاحظوا مدينة الرياض ومدينة جده والمنطقه الشرقيه هذه كل خليط من الفئات والحضارات وشاهدوا تطورها الهائل :41

اي مدينه تكون زحمه يقل فيها الحسد والعكس صحيح فالمدن قليلة السكان يكثر بينهم الحسد والمدن كثيرة السكان والمختلطه من جميع المناطق يقل فيها الحسد بشكل كبير

الحسد في بريده اكثر مما هو عليه في المدن المزحومه والمختلطه كالرياض وجده والشرقيه
وخير دليل الحسد لايكاد يذكر في تلك المدن !

ولكن بريده ولله الحمد في السنوات الاخيره بدأت تستقطب نوعا ما الحضارات والفئات من جميع المناطق وان شاء الله نرى بريده مثل تلك المدن وافضل


اي مدينه ينتشر فيها الحسد يفر منها الناس :bad
 
ام القمرين1 قال:
اشبكم يالقصمان زعلانين عشان سكنا ببريده

من حبنا لكم اخترنا بريدة من بين مدن المملكة
أنقر للتوسيع...


الله يحييكم اللي يحب بريده بريده ترحب بكم

بس كلامي للي ينكت ويستهزيء ببريده وشعب بريده

وتلقينه يحلم يكون من سكانها

مرة أخرى حللتم أهلا ووطأتم سهلا
 
مالك الا خشمك لو هو عوج
وشنسوي مره نكره الديره بسبب يقع
واذا ابعدنا عنه نوله عليه
هههههههه مالنا حل
 
انا اقول وش مطلعكم من بيوتكم .اللحين تقولون زحمه وحاله وكل واحد يقول الشارع لي ان اقترح تروحون وتجون على سياكل عشان تقدر تشيل السيكل معك لابيغيت ترقى الرصيف.اجل المطاعم يادفع البلاء والبلاوي الناس ماعندهم مطابخ ببيوتهم .به واحد لعوط وش رايكم نكلمه عشان يلعط الزحمة وتنخف شوي....تصدقون عاد مرت ابي غرض بالاسكان مت ماوصلت مساقط وكل واحد يجدع الموتر علي مرة والله العظيم تقل يطلبونن شئ ش هالعالم الدايخة..
العطلة جاية وتبي تكثر الزحمه بس نصيحتي لاحد يطلع من البيت الا مظطر اماء مريض اوبين الحاية والموت والا يبي مقاضي للبيت والا لاتتطلع الا الظهر لأن الزحمة اخف شوي والناس ماتطلع الى بعد الاخير تقل خفافيش.........................................بريدة ليس لها مثيل ...............بريدة غير ......بريدة مخاريش........بريدة يحول اللي مالة بريدة........بريدة بردي على الارواح..........بريدة عاصمة الشرق الاوسط
 
انا مستغربه الموضوع السخيف به ما حذف
تخيلو معي واحد او وحده من الجنوب او الشمال او الفرب او الشرق
فتحو يبون يشوفون اخبار بريده
ولقو هالموضوع (بريده ديرة حست ...واطلعو من بريده ما نبي احد
سخافه
على فكرة عنيزه قاعدين يستقطبون اي واحد ويتم تسهيل اجرآاتهم حتى تصبح اكبر مدينه بالقصيم
وين عايشن انتم تبون تكونون منغلقين ومتحجرين على افكاركم بس
 
جمعة مباركة:

مثل واحد يدور وظيفة ببريدة انهبل ماحصل تدرون وش قال قال بريدة ديرة حسد وانه به ملابه وبداء يجدع من الهرج .عقب ماتوظف تغير الكلام قال بريدة ياحبيلة انا موت ولااطلع من بريدة طبعا متوظف خارج بريدة بس او ماتعطل المدارس يجي موشح ماتشوف الا عواصف جاية معة .معقولة الكلام ياناس تراكم مزودين من الحبة قبة الحسد بكل مكان حتى عند اليهود عندهم حسد ..
انا مايغثن الا لاقال انتم حسودين طيب لصرنا حسودين على كلامك وش جابك عندنا رح واسكن بجيزان .............................

اللهم انصر اخواننا في سوريا على الطاغي بشار وزمرته ومن عاونهم من الرافضة وقوي عزائم المجاهدين وسدد رميهم يارب العالمين في هذة الجمعة المباركة
 
بريده ليست حكر على اهلها بريده احدى مدن المملكة ويعيش بها من اراد العيش بها وليس لاحد فضل على احد ثم يتضح لي ان صاحب الموضوع صغير بالسن ولايفقه شي للمعلوميه اكثر اهل بريده والذين يقولون ان بريده ديرتهم كلهم نازحين من قديم الزمان الى بريده واستقروا بها والان يقولون بريده ديرتنا مانبي احد بها السعوديه كلها وطن واحد اذا ماعجبك ياصاحب الموضوع اسأل جدك من اين اتيتوا ثم ارجع من حيث اتيت.

ارجوا من الاداره حذف مثل هذه المواضيع التي لامعنى لها
 
غرب بريدة قال:
جمعة مباركة:

مثل واحد يدور وظيفة ببريدة انهبل ماحصل تدرون وش قال قال بريدة ديرة حسد وانه به ملابه وبداء يجدع من الهرج .عقب ماتوظف تغير الكلام قال بريدة ياحبيلة انا موت ولااطلع من بريدة طبعا متوظف خارج بريدة بس او ماتعطل المدارس يجي موشح ماتشوف الا عواصف جاية معة .معقولة الكلام ياناس تراكم مزودين من الحبة قبة الحسد بكل مكان حتى عند اليهود عندهم حسد ..
انا مايغثن الا لاقال انتم حسودين طيب لصرنا حسودين على كلامك وش جابك عندنا رح واسكن بجيزان .............................

اللهم انصر اخواننا في سوريا على الطاغي بشار وزمرته ومن عاونهم من الرافضة وقوي عزائم المجاهدين وسدد رميهم يارب العالمين في هذة الجمعة المباركة
أنقر للتوسيع...

ما حكم قول "جمعة مباركة" للناس في كل جمعة، مع العلم أن الجملة انتشرت بين الناس ..؟

الحمد لله والصلاة والسلام على رسول الله وعلى آله وصحبه، أما بعـد:
فالتزام قول المسلم لأخيه المسلم بعد الجمعة أو كل جمعة ( جمعة مباركة ) لا نعلم فيه سنة عن رسول الله صلى الله عليه وسلم ولا عن صحابته الكرام، ولم نطلع على أحد من أهل العلم قال بمشروعيته، فعلى هذا يكون بهذا الاعتبار بدعة محدثة لا سيما إذا كان ذلك على وجه التعبد واعتقاد السنية، وقد ثبت عن النبي صلى الله عليه وسلم أنه قال: من عمل عملا ليس عليه أمرنا فهو رد . رواه مسلم والبخاري معلقا، وفي لفظ لهما: من أحدث في أمرنا هذا ما ليس منه فهو رد . وأما إذا قال المسلم لأخيه أحيانا من غير اعتقاد لثبوتها ولا التزام بها ولا مداومة عليها، ولكن على سبيل الدعاء فنرجو أن لا يكون بها بأس، وتركها أولى حتى لا تصير كالسنة الثابتة، وانظر الفتوى

والله اعلـم ...

آميــن
 
الحالة
مغلق و غير مفتوح للمزيد من الردود.
عودة
أعلى