( شعيب الحثاقى ) !

[أبو شهـــــد]

بسم الله الرحمن الرحيم ..
السلام عليكم ورحمة الله وبركاته ..
---

يؤيؤيؤ .. من زمااااان عنكم :d
الصراحة عصر التقنية ذا قطعنا قطع ..
الواحد ما يدري وش يلحق عليه .. هابةً مع كل محل ..
يالله .. زين جيناكم :113: .. <-- ليين اللحين ذا رمزه 113 ههههههههههههههههه
يووووه ليين اللحين الحريم مايسولفن بالكشكول :113: والله ياهي زمن :d
على طاري الكشكول ؛ .... <-- كل تبن وهات الصور :S

هاذي ياجماعة الربع طلعة امس لشعيب الحثاقي هذااك اللي ما ادري معين جيناه :d
الزبده من عند المجمعه هو .. قبل الأرطاوية .. نزل له صوؤ واجد يوم الأثنين .. فقلنا نروح
نسوي برنامج إستنزاه :S من تنزه من نزهه ..

نبدأ بالصور .. عادي أستعدوا للصور بالمرة ..
اللي جوعان يروح ياكل .. واللي به نوم ينام .. واللي عنده اختبار يذاكر
لأنه تقريباً 6 مليون صورة :113: ..

هاذي الجلسة المقابلة للشعيب .. ويظهر راعي جمس كنت أتوقع أنه أبو رزان :d

برضوه هذولا أبو رزان وأخوياه .. :d بس أعلمكم أنهم شركااااااااااااااات هههههههههههههههههههه
الله يغفر لنا ولهم ..

شمس لكن مع لا تعب مع الطلاحي المغاتير ذذ

الجلسة الخنفشارية ..
ظلال وماء ووجه حسن :113: بس بالطريقة العربية هههههههه :d:d

اصلاً الكامري أزين :113:

يااااااه يازين هالشعيب والله ..
عاد الماء معدل لونه للأزرق لزوم الأغراء (h)
ولا لونه كان ( ترابي ) <-- يقالي قااايلن لون :d هههههههههههه

جال الشعيب .. والجلسة من بعييييد ..

جلستنا العصرية .. مع غدانا .. وراح أبو رزان وربعه وجو قصمان ثانين ..
أتوقع أنهم امممم يمكن وميض :113: .. بس ذولا معهم واحد مصخنته ..

مشكلة الشعيب سواليفنا عندهم وسواليفهم عندنا .. بطتنا بطت بطن بطتكم :d

ياااازين الأحادي (h)(h)(h)

الصورة ذي تكملة عدد :113:

هذا خويي وبنفس الوقت ولد خالة وولد عم :113:
صحيح والله هههههههههه

على الغرووب كلاااااام ..

هاذي شجرة فرركتز .. :S صحييح ترى ..

الله يكفينا الشر ههههه

( يازيييين هالعدسة يالبيييييييه .. )
على الغروب ووجبتنا اللي ما ادري وش اسمية .. ( غشاء :d ) قربت وقرب توديعكم :eek5 <-- مصريات :113:

وأحلى برااد شاااهي .. ولا الدلة فاضية :d لزوم التصوير بسس ..

محدثكم ما أدخن والله

CANON 7D
70-200
10-20
50 (1.8)




الموضووع أهداء لشلة الوتز أب :d <-- بان على الحقيقة :113:
الخفاش - الصمصام - الدعساوي - على الساقي
لماح - وميض - أبو رزان - جفنشي - طالب طب

ولا يهونن البقية ..
​

​

 

[د.عبادي]

صور قميله قداً:41
طيب وين صور غداكم..؟؟
اكيد انكم طابخين دجاج...
اقول ابو شهد بالله وشيله الحبتين ذي
مادري ليش من الله اكره هالحركه...ههههههههههههههههه

(f)< دووك تستاهل والله ع التقرير​

 

[أبو رزان]

ههههههههههههههههههههههههههه إييييييه أثره أنتم اللي قدامنا :113: << يبي يكشت به :d

والله ياهي كشته بعد أهنيييكم (h)

:41

يا لبى هالسنون (h)

 

[شوق ~]

تغطية رائعة
ماأجمل إجتماع الأحبّة

جعله المولى إجتماعٌ دائم
​

 

[جيهان]

لنا الله :eek5

ماشاءالله ياالرجال ماتخلون مكان الا ترحون لمه ..

المكان خيال صراحه كم يبعد عن بريده..؟

وشكرآ على التغطيه

 

[بنت الهاشمي]

يامال المر وثركم تجلسون فيذا
ياولي يخبل هالمكان ---------------> بس وراه موصخين المكان يمال الصلاح

ياولد آختش وشلوه مطلع صورتك ترا ابخبر عليك راعين الخبوب خوالك اخليهم يمسجورنك:113:

بعين العدو ذذذذ <<<ياليته بعين الزرقان ذذذ:113:
تقرير جمميل بالعافيه هالسعسقه :d

 

[GIVENCHY]

صور حوض وشوي تقرير :113:

تقرير كروعة صاحب الموزوع :d
والله يزرقنا الغيث والربيع ( الي مانمل منه ).. هالسنة سنة خير إن شاء الله

* تميّز

 

[شاهد ماشفش حاجة]

مشاء الله تبارك الله عليك مبدع

 

[الـدعساوي]

أووووووه ، ابوشهد حبيبنا فيذا
ماشاء الله ، يالله حيّه يالله حيّه ، والله مشتائين ومشتائين لفقشاتك
ههههههههههههههههههههههه <= لا والله شوق :d

والله شغل سنع وعدل ماشاء الله ، تجوز لي الطلعات الخفافية
هن اطعم الكشتات ولا لا يابوشهد <= أكيد
تقل اشوف ام صتمة ولا انا واهم ، لاني احس انه مهب وقت صيد <= تلين يابولافي
هههههههههههههه

مجرمة هالصورة يابوشهد ، اصلاً انت بكبرك مجرم (h)

وش اسمي هالصورة يابوشهد
ههههههههههههههههههههههههه
ههههههههههههههههههههههههه

والله وافي وقرم ، منتب مثلي عجاز
من بداية الدراسة وانا بنزل التقرير ، وكل يوم يافيصل باتسر
ويبدوا انه بدمجة مع العطلة الصيفية " حج وقضاء حاجة " ذذ

 

[الــمــفــتــرس]

مشاء الله
وش هالزيين وش اقول وش اخلي

تسلم يمناك والقادم احلا

 

[أبو شهـــــد]

بالرغم من أني نزلت الموضوع بكم منتدى بس أكثر شيء أستمتعت به ردود هالمنتدى .. :d
شويات وأرد عليكم فرداً فرداً .. زنقة زنقة :d

 

[روقــآن]

وأثرك كول يا أبو شهد ياليتي طايحن بك قبل ما تخلي الإشراف :113:

سبقن الذيب بالتميز

 

[قائد المجد]

ابداع بكل ماتعنيه الكلمه
ماشاء الله تبارك الله

 

[^صريح^]

رائع..
ماشاء الله تبارك الله..
إبداع..

 

[Leader.20]

يالبى الطلعات اللي زي كذا (h)

مير تعال يابو شهد ياخي وصف لنا هالشعيب ذا بالضبط وأي يوم طلعتوا به ؟

إجرااااااااااااام والله ياهي صورة هباال يالبى الكانون (h)

بس وراكم كاسرين راس الغطا حق البريق :d

 

[حفيد اعقيل]

.

.

رد كيبوردي على الطريقة العقيلية :

[POEM="type=1 font="bold x-large 'Traditional Arabic', Arial, Helvetica, sans-serif""]أرتاح أنا لاشفت نار ومعاميل = وحوله رجال من يمين وشمالي

رجال من وصف الرجال المشاكيل = دين ووقار وماتحب الريالي

لاجيتهم تنسى جميع الغرابيل = في فيضة رش المطر لايزالي[/POEM]​

حفيد عقيل ..



.

.​

 

[أبو رزان]

من قدك ياشـلّـقة :113:

 

[أبو شهـــــد]

بسم الله .. هههه

د. عبادي
حياك الله يالدكتووور ..
والله يابعدي الجاج نعمه ولاهوب عيب
اصلاً حنا يوم شفنا الماء نحسبه بحر وسوينا صياديه خخخخخخخخ
حبتين ذي وش عرفك انت .. حركات الكوول هههههه ياحبيلهم الكوليين ذولا


أبو رزان
هلااا والله بالملييح ..
والله أني كنت موتقعه أنت كيييف الحدس بس
هههههههههههه صدق سنوني صح :113: يعني أدعع
قل ماشاء الله :113: كييييييييف الثقة ..
بعدين شلقة انا بها المنتدى منذ مبططي توك تدري أنت :d
ااااه يا معرف شلقة جا له طوور ..:bad:eek5


راحله ..
حياك الله يا أختي

جيهان ..
حياك الله يا أختي ..
بعد المجمعه بكم كيلو ..
70 الظاهر ، ما أذكر .


ديزي ..
الله من الهبال كان لي علم
خوالي من الخبوب ايه ههههههههههههههه منااك :-045:


( متى يجي دورك بالرد يالدعساوي )


جفنشي ..
ياخي وش محرق رزك أنت :d
تسلم على التميز المستحق الصراحة
<== برااسه مناقر :113: .. أيه مستحق وش عندك :d


أبو تفاحة ..
هلا بك


الدعساوي ..
ههههههههه اللحين وراه ماحطيت صورة رمزيه
يعنني ههههههههه

والله يالطلعات الخفافية سلاح ذو حدين ههههه تعال للوتز أب أعلمك وش الحدود
هينا فيييه مقص الرقيب اللي مادري وش يبي .. هههه

بالنصصبه لأم صتمه ياخي لاتفوتك بالشعباان .. اجلس حنب الماء واطلق تشوف الصتمع تصقع الماء تدخل وتطلع انواااع الفله :113: .. مير حنا محنب راعين صيد ولله الحمد :d جايبه رفييقي فسقة

بالنسبة للأحادية معجبتن أقوى شيء اصلاً حتى أنا :d ترى انا من جماهير نفسي <== نصراوي :d

بالنسببة لرفع الصور .. عندي لك فكرة رهييبه بعدين أعلكم :113: كسل

.
.
.

قريباً " sooon"​

.
.
.

أيه هيييييييييييييين ههههههههههههههههههههههههههههه


المفترس ..
هلااا والله بالتواجر كلهم .. وسمح الله دربهم :052:
* ما شاء الله <== يقالي لماح وأنا أصحح لك :113:

روقاااان
تذكر يوم أنا فتك وأنت شلقة :113:
كيفك أقول ..
الكول جابته أمك :113: ههههه هلا بك ياحلو ..

قائد المجد ..
حياك ياحلو ..

صريح ..
هلا بك والله ..

ليدر ( رقم ياسر :113: )

هالشعيب يالكوييس على طريق الأرطاوية المجمعه
تقريباً 60 مادري 70 أو 50 كيلو عن المجمعه :113: والله أني ناسي
لكن له احداثيات بالنت .. رحت له الخميس وجاه المطر من الأثنين اللي راح ..

عز الله أن الكانون مابعده كلام .. ماشاء الله عليه تبارك الله ..


حفيد عقيل ..
صح لساااانك يابعدي ..
والله حاولت أرد عليك بس لامني شفت ابياتك هونت :d
صح لسانك يابعدي ..

 

[غربة غريب]

ماشاء الله صور جميلة وكشتة فلة

والأجمل لاصار الواحد يستهبل بمكان وبمكان تقل إنه ثقل :d​

 

[hilaly death]

ماشاءالله تبارك الله

صوووور رووعه بروعة صاحبها