وش افضل المطاعم في بريدة؟؟

[فاهم غلط]

السلام عليكم .. مساء الخير لجميع الاعضاء والزوار


بصراحة مليت وانا ادور لي مطعم اكله رهيب في بريدة >> اخوكم في الله عزوبي

ما ودي اطيل عليكم الحديث ، اتمنى منكم تعطوني افضل المطاعم النظيفة في بريدة ( مع وصفها ان قدرتم :d )





فمان الله ، ومنتظر ردكم باقرب وقت لاني عازم واحد وقلت له بوديك لاحلى مطعم في بريدة بس مو معناتها تودوني للمطاعم الفخمة .. يعني ابي من زي رشوش وتحت

 

[الـهـواوي]

أفضل مطعم من وجهة نظري
1- عمو حمزة
2- الشام شامك الجديد
وعلمنا متى العزيمة عشان نجي:d:d:d

 

[فاهم غلط]

ياخي اقول لك من رشوش وتحت تقولي انكل حمزة < ياشين الهياط بس

علمني مطعم واحد علشان اعزمك

 

[*سـكـر خـشـن*]

اللي تحت رشووش البقاالة اللي بجنبه

انت تبي الرخيص عندك الشاام شاامك اللي بالآفق راائــــــــع ،،​

 

[الشمالي999]

فوال الطائف---شعبيات على طريق عمر---احسن شىء للعزوبيه(فطور=عشاء)

 

[$مكتف النملة$]

رشـــــــــــــــــــــــــــــــــــــــــوش بلا منازع

 

[تكبر وتنسى]

تبي مطعم زين

رح لم فطيرتي .:41:41........فيه بحي الخليج.
او هرفي/////والله يالفرق:d:d

 

[فاهم غلط]

اقول ثور يقول احلبوه :d

الحين انا قاعد اقول لك مطعم تقولي بقاله < الظاهر انت تفكر من ركبتك


..

المهم عطوني غير فوال الطائف لاني مليت منه

 

[اخو دريحم]

تبي مطعم زين وإلا موبايلي

مطعم درة المطابخ يضبط الدفان

بخاري سعودي مندي برياني
​

 

[فهد العنزي]

اززين مطعم موفنبيك بوفيه مفتوح 125 على كيف كيفك

واذا تبي مطعم عاااادي رح كنتاكي

غير هل الكلام ماعندي
سلام عليييييييييييكم

 

[فاهم غلط]

مافيه بعد ..

 

[ورق خريف]

مطعم الفخار ممتاز

كذالك بوفية الانهار

 

[العفالقي]

والله كان تبي شوري وتبي مطبخ نظيف وعلى كيف كيفك 0 رح لمطبخ امك اللي في بيتكم مطازيزوقرصان من احسن مايكون0 00 بلا مطاريس مطاعم بلا هم0 سلامي للغالي0

 

[مخاوي الزعل]

احسن مطعم طبخ امي بريده دوار التخصصي بجوار جيرانا هذا الوصف لتصيف لانه يخلص بسرعه

انت تبي غدا ولا عشاء​

 

[شووق]

مطعم سنيز الصفرا <<<<<

ومطعم بحبوحة وجبة فاهيتا حار مررررررة روعة <<<< بالفاخرية

 

[هايين]

طبخ البيت مامثله

 

[ام الزلمات]

انا اقول فيشون
وتراي من زماااااااااان عن القصيم مادري طلع شي جديد عقبي او لا

 

[تحكمني قناعاتي]

فيشون .. سينيز

 

[بايعه بقرش]

تعود الطبخ يااااااااااااااااخوي و الله إن تدج من المطاعم !!​

وين محلك و نعطيك أقرب شي لك زين .


بالشمال :

كنتاكي و هارديز........و إذا سبحان الله مريت بزنقة و صرت داج ذاك اليوم انحر الروشن و خذ مضبي مع رز بشاور .

....

الشرق :

هرفي حي السلام و إذا جاك الي أنت خابر (دجه) المقاصف الي عنه من شرق تراهن حلواة أو مضغوط طيف الي بملف الشكوى لله أو مطعم الديرة.

........
الوسط :

كنتاكي و ماكدونالدزأو بيتزا هت و إن حصل دجه (مندي الربيع بالشارع التجاري) أو بيت الدجاج و الي حوله بالصفراء
....

الغرب :

مندي ملف حويلان بلا منازع مع البشاور ورح بدري لأنه 9 مساءاً مخلص .

.........

الجنوب :

مندي المبارك بطريق عنيزة (هبال تطق ما شبعت).

.........................................................................................


وش رايك بي عاااااد مانب رهييييب ؟

 

[العنبر]

أفضل مطعم ( الخـــــــــــــــلــــــــــوج ) وبس وغيره لاتدور
أنا ساكن بالسلام وروح للخلوج مع إنه بعيد وإشارات وزحمه بس أضمن شي زين
ويكفيك المحاسب المحلي ( باسم ) ( يمني أخلاق ومحترم )
والديره بس مشكلته فيه المصاريا مستلمينه وأنواع الكده كأنك تبي منهم فلوس
والضباب مشكلته يجيك طلبك بارد والرز ملتبخ والدجاجه مانضجت على الفحم والبوداي متعجنه وكم مره أنبهم ويقولون إن شاء الله ولا فاد والغرف مليانه ترص نصف ساعه حتى يطلع أحد من الغرفه همن نصف ساعه ماجاك طلبك ومطعم درة المطابخ ممتاز جداً بس مشكلته يخلص بسرعه ويتميز بالرز البشاور فقط
هذولي طبعاً أعتقد المطاعم المشهوره في بريدة
الطاهي أنا بنفسي وجدت فيه شعره قبل سنه ونصف وعقبه كرهته .........