هنا التشهير بالمحلات التجارية التي رفعت أسعار موادها !

[أبو جمانة]

ياجماعة انا من وجهة نظري انة حنا الى نرفع الاسعار مهب التجار والسبب

انة كل مرفع شرينا ويرفعون ونشري

خلونا نتبع مقولة مازاد ثمنة وجب تركة ونؤدبهم وخلو بضاعتهم تصداء عندهم وتخرب

فى بريطانيا رفع سعر البطاطا 1 جنية والبطاطس فى بريطانيا من الاكلات الرئيسية

طبعا وشصلحو البريطانين قاطعو البطاطس مع انة وجبة رئيسية لهم حتى اجبر التجار على تنزيل السعر باقل ماكان علية اول

يعنى خلونا يد وحدة رفع ريال خلاص نبدل ونشوف لة بديل على طول وكذا نضربهم بيد من حديد

كـــــــــــــــــــــــــــلامك 100% صح................................................... حل عملي

وإيجاد قسم للتشهير في هذا المنتدى بحـــــد ذاته شيء إيجابي جــــــــــــــــداً ورائع

 

[ABO.JANA]

اشكرك على هذا الطرح الرائع

 

[قاطع الفياض]

مشكوووووووووووووووووووووووووور

 

[عزتي في شموخي]

في محل يالعثيم يقول انتم يالسعودين البنزيل رخيص عندكم والسيارات فخمه وووووو<<اللهم لاحسد

يعني علي بالهم انا اغنياء مايدرون انا نهتم بالضاهر عشان نعيش مع العالم ومانحس بالنقص




اقتراح

اخوي ياليت تجمع ردود الاعضاء وتكتب باول الصفحه المحلات لاني تعبت وانا اقراء بين الصفحات عان اشوف محلات واكيد غيري تعب والاختصار احسن عشان الذهن الشخص مايتشتت

بالتوفيق

 

[أم بنتها]

كفو والله
كملوا وصاحب الموضوع لو يلخص المحلات المذكوره برد واحد أفضل
وشكرا لكم..​

 

[خنفشارية]

^^^^
فكرة رائعة
أحيانن يوجعن راسي وأنا أدور أسم المحل بين كلام ​

 

[سامي بريدة]

السلام عليكم ورحمة الله وبركاته ​

استجابة وتقديرا للأخوة والأخوات ​

أضع بالرد التالي ​

جميع أسماء المحلات التجارية التي أوردتموها بمشاركاتكم اختصار للوقت ​

وجزاكم ألف ألف خير على هذه المشاركات والتفاعل الجميل
​

- 1 -​

محل زارا بالنخيل رفع اسعار بعض القطع 20 ريال..

السلام عليكم ورحمة الله وبركاته ...​

اصدرت الجمعة الماضيه اوامر ملكيه من قبل الملك عبد الله بن عبد العزيز حفظه الله واطال الله في عمره ..
ومن ضمن الاومر امر وزارة التجارة للرقابة على الأسعار ومكافحة الغش التجاري في الأسواق المحلية و إيقاع الجزاء الرادع على المتلاعبين بالأسعار والتشهير بهم دون تردد كائناً من كان المخالف، ​

ومن هنا اخواني واخواتي قبل يومين كنت في احد المراكز التجاريه في مدينة بريدة اشتري بعض الاغراض يوم رجعت للبيت واتفاجأ من سعر كريم در مو فيت الاخضر 13 ريال وانا اشتريه في الصيدليه بسعر 9,45ريال يعني زياده اربع ريال في جيبهم ليش الطمع والغش والاستغلال ... اليوم زيادة اربع ريال بكرا عشره وعشرين ...بعدها يتمادون فينا الى زياده 100 ريال عن سعره الحقيقي كل هذا لاننا حنا تركنا التجار يتمادون في الاسعار لاننا نشتري ونسكت ولا نشتكي عليهم فكذا من هذا الموضوع مراح نسكت عن غش تجاري لأي مركز اذا وزارة التجارة ماتشهر ولا تعاقب احنا راح نشهر لكل من يغش ويتلاعب في الاسعار ....خلاص كفايا استغلال ياتجار بنا مراح نسكت عن الموضوع فكذا حبيت انزل لكم صورة الكريم بسعر المستغل وسعره الحقيقي.....​

السعر المستغل​

​

السعر الحقيقي ....​

​

وهذه صوره للكريم لمن اراد معرفة شكله​

بنده يبنده اكبر متلاعب بالسواق والله زيت عافيه كان عندهم ب16ونصف وذحين 19 ونصف واكثر عروضه ضحك بضحك

حليب المراعي المحلي بدل 91صار 98

وهذا رابط الإبلاغ عن المخالفات التجارية ​

http://www.commerce.gov.sa/mok2/form.asp​

وهذا رقم خاص للبلاغ عن المخالفات : 8001241616 لدى وزارة التجاره ​

المخالفات تشمل :زيادة الأسعار

انتهاء تاريخ الصلاحيه

عدم وجود تسعيرة على البضائع
عدم اصلاح اية جهاز عليه ضمان مثلا جوال سيارة او غيره
الامتناع عن البيع
قذارة المحلات
عدم نظافة الأطعمه
و اى شئ مشابه ​

امس رحت اسواق سلتي بحي البشر ابشتري اغراض من ضمنها كريمة كاسترد من المراعي وتفاجى يوم قالي سعرها بريال ونصف وقبل يومين مشتريها بريال واحد
وقبله بيومين بالفايزيه قالي العامل بريال ونصف قلت له مايصير امس بريال قالي خلاص خذها بريال خخخخخخخ
حسبي الله عليهم ونعم الوكيل
مراقبة الاسعار خرطي المفروض اي منتج يطبعون عليه السعر طباعه من الشركة باشراف وزارة التجاره مافيه حمايه للمستهلك
تعيين وزير ولافصل وزير كله واحد

نعم محل زارا في النخيل زايد الاسعار وجيته يوم الخميس .......

اولا شكر الله للصاحب الموضووع ,,

ثانيا:
التلاعب في هايبر بندة مو معقول ابد ان شفت فاين حق اللي يحطونه بالعشاء الاصفر والاحمر اهم شئ مكتوب 7ريال واجي اروح لم الكاشير بشوف مومعقولة بسبعة قلت بكم قال هذا بــ 8 يعن يحطون السلعة رخيصة واذا رحت لمهم يزودون كم ريال والعياذ بالله

كل الشكر لصاحب الموضوع
انا اليوم رحت لم الحسون سنتر واشوف انه مزود ع الاسعار بكثير

يعني مثلا زود ع القطعة 9 ريال و5 ريال ليش يسووون كذا مايكفيهم الربح اللي ياخذونه
وين المراقبة عنهم والله لعب بالاسعااار موطبيعي

سجل عندك الدجاج الوطنية وبعد كم يوم انتاج زود عليه نصف ريال وقبل زود ريال
منول تاخذ وزن ١٠٠٠ب ١٠ والحين ١٣.٥

جميع المحلات التابعة للحكير

يقول سعودي يبيع بمحل تابع لهم

انه جاهم امر من الحكير بعد رفع الرواتب برفع الاسعار لمدة شهرين

والعمده عليه وليست علي ولكن ان شاء الله انة ثقة

اشتريت أكرمكم الله ( حفائظ بييبي جوي ) العائلة بـ 33 ريال​

وبعد فتحها بالبيت وجدتهم حاطين كيسين الواحدة بـ 12 ريال يعني الكيسين بـ 24 ​

ويأخذون مكسب 9 ريال ​

حسبي الله على الظلمه . وعندما سألت العامل قال اشتر الي يناسبك​

شكرا لمن اقترح هذا الموضوع​

صيدلية الحكمة بالفاخرية .

سعر الشامبو ( دوف دوف ) حجم كبير 14 ريال وسعره لدى المحلات الأخرى ( 12 ) ريال الزيادة 2 ريالان !​

شكراً على الموضوع .​

صيدليه بالسالميه تبيع الحليب27 ومحلات ثانيه 24وغيره كثير ليش الطمع حسبي الله ونعم الوكيل

محل الضبيعي لبيع المواد الغذائيه بالجمله اللي بشارع المياه يبيع القهوه ام حبال ب230 ريال بزياده50 ريال لانه قبل ب180 ريال

تكفووووووووووووووووون

قهرني محل توب تاتو باالنخيل اشتريت منه فستان سعره 1000

وليقيته بسوق الداخلي 550

حسبي الله عليهم مايخفون الله والله محللهم :029::029::029::029:​

الطازج رفع سعر البسبوسة من 4 ريال الى 5 ريال

شوف محل >ساكوراللحلويات< بجنب بركتين >>>غالي بقوه

مكاتب العقار شرق بريدة......الفوزان والرشودي والحجاب والوقيت....رفعوا سعر المتر مابين 50 الى 80 ريال......كانه سوم عادي مافيه مشكله.......اما اذا كان تحايل ......الله يسد بوجيههم من وين مايوجهون

بيت الدجاج الي في محطة الرواف

صاحبه سوري حرامي كبير​

يتبــــــــــــع إن شاء الله ​

 

[سامي بريدة]

- 2 -​

عليكم بمقاطعة إنتاج للدواجن كل يوم يرفع سعر كان مقاس 700بي 7ريال والان بي10 ومأدري هو ارتفع بعد
وكذلك محل الضبيعي رافع الاسعار والناس منكبة عليه

محل الفلافل اللي جوار مخابز الأسره بالبشر رفع سعرالحمص من (5) ريال الى (7) ريال

يا اخوان اسعد الله مساءكم بكل خير
اليوم مريت محل ( سلتي ) اللي بسلطانه وحقيقه زي ماسمعت اسعاااااره نااار ولم يتقيد بالاوامر الساميه .
مثال شاي ربيع تلقيمه سعره عندهم ب 7.5 ريال بينما بالجوزاء وغيرها ب 4.5 ريال
فما رايكم ايها الاعزاء وهناك الكثير من المواد الغذائية المبالغ بها
اتحفونا بردودكم وماهو الحل مع من يتلاعب بالاسعاااااار ؟؟؟

http://www.buraydahcity.net/vb/showthread.php?t=255425

صيدلية مستشفى سليمان الحبيب
أسعاره نار نار
حليب الاطفال نوفالاك بالصيدليات 25 وبعضهم 26
وعندهم 28 وناظرت أكثر من صنف اغلى من الصيدليات @

الصيعري بطريق الملك فهد
كل الي بلبقاله رافعين سعره الا الخبز والبارد.......:eek5
يبدو انهم يوم كبرو البقاله دجو قالو ليش مانصير المستفيد الاكبر من الاوامر الملكيه ورفعو الاسعار
الحذر ثم الحذر :eek5 احححححححذر كيلا تخخخخخخسر:eek5

معروفه غاليه أغلى الصيدليات في منطقة الشرق واصغرهن بعدد شين وقوة عين

البريدي وأطلس وللي عند اوشال واللي عند الدوار وعادل كلهن ارخص طبعا بريال وريالي:badن بس يبقون ارخص منه...خصوصا بحليب الأطفال

السلام عليكم
من ضمن المحلات التي قامت بزياده الاسعار
هي / الشامل للكمبيوتر اللي مقابل النخيل بلازا
حيث يوم السبت حطيت جهازي الكمبيوتر لتغيير الشاشه وكتب لي اللي بالاستقبال فاتوره بــ 375 ريال
ويوم جيت أستلم الجهاز أمس ليقته مضيف على الفاتوره 25 ريال
قلت ليش الزيادة وعندي بالفاتورة 375 ريال قال الــ25 ريال شغل يد؟
الصراحه أول مره أسمع شغل يد ماعدا بالورشات أو اذا جبت عامل سباكه عندك بالبيت يركب لك السخانه .....

السلام عليكم
مخابز وحلويات الارياف قبل كم يوم كان 4 حبات خبز البرقر بريال
ومن امس 6 حبات خبز البرقر بريالين

!!!!!!

صيدليه السلمان
يبيعون كريم الحجم الاقل بسعر الحجم الاكبر ؟؟؟!!!!
بينما صيدليات اخرى تبيع الكبير بسعر الصغير اللي عند السلمان

السلام عليكم
اليوم اشتريت طحين الفاخر {الكويتي} الحجم الصغير
كان قبل بريال واحد وبعد مازادت الاسعار العام الماضي كان باثنين ريال
والحين بخمسه ريال!!!!!!!!!


حسبنا الله ونعم الوكيل""""""

احذروا من بندو واخواتها وكارفور وتلاعبهم الأسعار.................

خبر أكيييييد 100% والله على مااقول شهيد

الأرياف زادو بأسعارهم مثلا كيلو زادوه ريالين وغيره

ومذركير زادو على بعض الأشياء 5 ريال <<حرام والله إذا اباخذ أكثر من قطعه بيطلع وااجد

في النخيل محل ليف ستيل ابشتري فرشاة مكياج مكتوب سعرها 9ريال يوم رحت ابحاسب

قال سعرها 10ريال!!! قلت مكتوب سعرها 9 ريال قال رفعن السعر....

قلت له وشوله الاستغلال وجي اجلسها عنده وطلع..

هذا الشغل وإلا بلاش
أنا اليوم رحت للنخيل المحلات اللي جوى بالحكير السعر دبل
ومحل باجه بالمول أسعاره مرتفعه

حتى أريج اللي بالصنآعهـ مزيدين بالأسعآر ~ ... وش عليهـ مآ ادري :/ كلهـ زبآيل يآرب لك الحمد ... ~

اللي بـ 120 صآير بـ 150 :/

مطعم الخيمة الي بالفاخرية.....اليوم الصباح طلبت صحن كبدة وشاهي ..قال لي 9 ريال قلت وشلون ...صحن الكبدةب7 والشاهي 1 يعني 8.....قال لي الكبدة مرتفعه 1 ....بس ما خليته .......التفت على الي واقفين وراي.....وقلت ياجماعة تراه رافع الاسعار بأعلى صوتي...الي اطلعوا وراي اثنين وهاوشوه.......يا ناس لازم نتكاتف ونصير يد وحدة

 

[أعتز بعقيدتي]

مهرجان
قوت فيه أشياء غير معقولة
ما أدري ليه
الأسعار نار يمكن علشان شغل بلدي

 

[اعذريني يالهديا]

مشكور والله يعطيك العافيه

 

[الرحاله العربي]

مهرجان
قوت فيه أشياء غير معقولة
ما أدري ليه
الأسعار نار يمكن علشان شغل بلدي

كلام صحيح

 

[شهلا]

مطعم هم بيتزا

طلبنا منه أمس بيتزا بالجبن كنا نشتريها أول بـ8 ريال الوسط وأمس باعها علينا بـ15ريال !!!
يعني زيادة 7 ريال !!!!!!!!!!!
بس مدري إذا هالزيادة من زمان أو من جديد !!
ياليت أحد يتأكد لنا

 

[العند ليب]

حمدلله أول حالة تشهير ..

اتمنى هالقرار يكون حافز لكل شخص بسرعه الإبلاغ عن أي جهة تقوم برفع الأسعار
لكي تلقى العقاب الرادع بإذن الله ..!

 

[الوساااام]

ايه عليكم فيهم ..

الله يعطيكم القوة يا اخوان واخوات ..

 

[عاشق مالديني]

مشكوووووووووور ع الموضوع الرائع

 

[خوي الذيب]

ههههههههههههههههههه

 

[نيوتن بن توماس]

انا ساكتب عن الذي ينزل الاسعار وهي ( صيدلية تــــــد اويـــنــا ) موقع الصيديله قبل دوار خضيراء على اليمين وانت متجه جنوب .
اسعار حليب الاطفال مخفضه جدا الفرق عن الصيدليات 7ريال
سعر حليب نوفلاك بصيدليات 29 اما في صيدلية تدوينا سعر22 ريال.
والحفائض الاطفال الفرق 3ريال اذهب وشاهد بعيونك

 

[الخاشوقة..]

نعم محل زارا زادوا بالاسعار ..

سمعت هالكلام كثير .. لكن لم أصدق ولم أكذب ..
حتى رأيت بعيني عصر اليوم ..

كنت قد أشتريت منهم قطعة قبل شهر تقريبا ..
وتفاجأت اليوم بهم وقد زادوا سعرها ..

وحماية المستهلك نايمة بالعسل ..

لو أن هالمحلات عارفة أنها راح تُحاسب على فعلتها تلك..
لما تجرأت على رفع أسعارها

لكن بالعامي(تدري أن ماعندها أحد) ..

والضحية المواطن المسكين .. الذي لم يهنأ بزيادة الرواتب ..

:i121:i121
​

 

[active]

هكذا فليكن التفاعل ولنقف أمام هؤلاء الجشعين الذين لايرجون لله وقارا

جزيل الشكر لكاتب الموضوع :
سامي بريدة

ولإدارة المنتدى

ولكل من تفاعل ...

 

[حسبي الله وكفى]

المحيسني للمواد الغذائية بالصفراء

المحيسني للمواد الغذائية بالصفراء نهاية شارع المشاغل وأنت وجهك شمال يجيك حرف تي تلف يمين تشوف المحل بالخدمة على يمينك
هذا سلمكم الله عنده حفايظ من نوع فايني وأنتم بكرامه رقم بلس 4 (10-22) كيلو سعره 21 ريال
بينما سعره في بقاله ثانية إسمها بقالة الربيش في نهاية شارع المشاغل وأنت وجهك جنوب يجيك حرف تي تلف يمين تتعدى الجاسر ووالخياط والمغسلة المهم أول لفه يمين من بعد مالفيت مع الأشارة هذي بقالة الربيش عنده الحفايظ هذي نفسها وسعرها 19 ريال .
وصدفه قابلت مندوب شركة الحفايظ هذي وسألته كيف هذا يبيغه كذا وهذا يبيعه كذا قال أنا ببيع الكرتون وفيه أربع أكياس ب(70) ريال يعني يطلع الكيس الواحد سعره 17,5 ويبيعه بقالة الربيش بسعر 19 ريال يعني مكسبه (1,5)ريال معقول بينما المحيسنى للمواد الغذائية يبيعه ب(21)ريال يعني مكسبه (3.5)ريال واللي ماصدق يروح يشوف بنفسه هذا أنا وقفت عليهم بنفسي والله على مأقول شهيد