هذا ما حصل لي مع محل الطائر الجوال في بريدة

الحالة
مغلق و غير مفتوح للمزيد من الردود.
كاسك قال:
اسمع برد على كلامك وانا مريح اعصابي وبس بقول شي واحد مو عشان ارضيك او ردك هذا

بس عشان الشباب اللي تعبو بالردود

ترا يعلم الله لا لي محل ولا لي اي عداوة مع صاحب المحل وصاحب الموضوع اول مره ادخل موضوع له ومااعرفة لاشخصيا ولا بهالمنتدى الا من هالموضوع ومن اول رد لي

ترا هالتوضيح للشباب الموجودين بالمنتدى مو لك يعني لاتتعب نفسك بالرد

وترا ابو كشاف على قولتك وقولتك هالصغار اللي بالشوارع لانهم طايحن بهالكلمة وعن جد ماعمري سمعتها من رجال

ابو كشاف اذا يخدم ومااقدر الا عليه الحمد لله والشكر نعمة من الله ليه التفاخر والتباهي


اخيرااااااااااااااااا
تحياتي للموجودين كلهم واسف على الاطالة
أنقر للتوسيع...


لما كشفناك يا ابو كشاف رحت تقسم اقول هردلك الخسارة وروح دورلك نشاط ثاني هههههههههه
 
تأبط خيراً قال:
عربي اصيل - كاسك

شكلكم طابخينها مع بعض وكاسر سوقكم الطائر لا تكونو من اصحاب الكشك الي في النافورة او الي بالصاله الداخلية حاطين كراسي و تبيعو ههههههههههههههههههه اقول دورو غيرها قديم انت وياه

اقول يمدحون ابو كشاف تراه البنقالي يعزه ههههههههههههههه

قال الطائر قال لاتحط راسك برأس الكبار تخسر يا ابو كشاف انت وياه ههههههههههههه

محلات ابو كشاف
لصاحبها : عربي اصيل - كاسك​
أنقر للتوسيع...

ياخي وراك معلق على كلمة حاسدينه عشانه رجل ناجح او غيره وقولك لا تحط راسك براس الكبار تخسر .. الي يسمعك الحين يقول هذا سليمان الراجحي ولا ممدوح الحسون صاحب الحسون سنتر ولا صاحب محلات سامرة المحيميد ولا العثيم ولا القفاري للسجاد ولا غيره من التجار ..
ياولد حنا نتناقش عن محل مساحته 3× 5 متر ومحل لفرع الثاني 1.5× 10 متر مربع تقلو قطار .. ومعلق فيها خيوط ..
 
التعديل الأخير بواسطة المشرف:
اشكر الجميع على المرور والتعليق الطيــــــــــــــــب ؛؛
وخصصاً اشكرك يا أخي ( كاســـــــــــــــــــــك ) على ردودك الجيده والطيبه ،، واقول لا تستغرب تراني متأكد من أول ما كتبت موضوعي وأنا واثق أنه بيطلع واحد مثل هذا ولا راح يأثر هذا الشيء .. والدليل انه يشكل 1% من جميع ردود الموضوع ..
 
اشوف يا ( تأبط خيراً ) المبه الخضراء طفت شكلها إنتهت الساعة الي مستاجرها بخمسة ريال من أحد المقاهي ..
 

الله يعينك

ولكن خذ النصيحة من واحد حصل له نفس الموقف

لاتثق بالضمانات فهي كذب ويأخذون عليك زيادة وإذا جبت جهازك خربان قال سوء استخدام

وعلى فكرة تراهم كاتبينها ورى الضمان من شان يطلعون منها

فأنا أعجبني واحد يقول أنا ماأشتري جوال فيه ضمان لإنه كذب

وهذا الصحيح
 
التلاعب كبير جداً في محلات الاتصالات من فتره طويله للأسف . وبصراحه لا أخفيك عجبتني يوم رحت وطالبت بحقك ، لانك كما تعلم ما يجعلهم مستمرين بالتلاعب الا سكوت الاغلبيه وعدم مطالبتهم بحقوقهم .

بصراحه اتمنى تمنى ان عندي رأس مال والله لا ابعد التلاعب كله عن الاتصالات هناك والمهازل اللي تصير .

بتقولي كيف .. اقولك كيف با اختصار شديد افتح محل كبير واضع له اعلانات كثيره واجعل هدفي من فتح المحل التالي :

مخافة الله و الريح القليل مقارنه بالمحلات الأخرى التي تستغل المساكين. تجد الشاب توه طالع رويتبه ومستانس يبي يطلع جوال ويصقعونه بجوال سعره مبالغ فيه او الضمان لك عليه كما حصل معك .
ايضاً توعيه الزبائن من خلال اعلانات نصائح وغيره عن التلاعب والاستغلال .

بكذا بتحارب جميع المفسدين ليس حسد لا والله الله يرزق الجميع . لكن يا انهم يمسكون الطريق الصحيح بلا تلاعب واستغلال ولا كل عصريه يجون للمحل ومعهم مهفات (يهشون ذبان) .

تراه فكره حلوه للي عنده مال وماهو طماع بالربح الكثير ومقصده مساعدة المساكين بيوفقه الله ان شاء الله .
 
نا صارلي نفس الموقف لكن مع محل ثاني محل جداف اللي بالزاوية شاري الجوال جديد منه قالي ضمانه تلسكوم يعني بنفس المحل وبعدفترة خرب الجهاز ووديته لمهم قالي مهوب عندنا ضمانه رح للحداد المه م رحت للحداد قالي هذا ضمانه بالأمارات امر ارجع لمه ناوين شر بس انه قالي انا ازينه لك وخليته يكتب لي على الفاتوره
 
الأخ : عربي أصيل ممكن تفيدنا عن هذه الإدارة "المختصة " ماهي ليستفيد منها الجميع
وشكرًا لك
 
أفدنا عن الإدارة التي اشتكيت لها

الأخ : عربي أصيل ممكن تفيدنا عن هذه الإدارة "المختصة " ماهي ليستفيد منها الجميع
وشكرًا لك
 
نبع الوفا قال:
نا صارلي نفس الموقف لكن مع محل ثاني محل جداف اللي بالزاوية شاري الجوال جديد منه قالي ضمانه تلسكوم يعني بنفس المحل وبعدفترة خرب الجهاز ووديته لمهم قالي مهوب عندنا ضمانه رح للحداد المه م رحت للحداد قالي هذا ضمانه بالأمارات امر ارجع لمه ناوين شر بس انه قالي انا ازينه لك وخليته يكتب لي على الفاتوره
أنقر للتوسيع...

زي ما قالو الشباب بردودهم ودك تشتري الجوال من الوكيل نفسه حتى تضمن انه أصلي وبنفس الوقت تلقى خدمة ممتازة مثل الصيانة
اشكر مرورك الطيب ،،،،
 
عطــر الأمــاكن قال:
التلاعب كبير جداً في محلات الاتصالات من فتره طويله للأسف . وبصراحه لا أخفيك عجبتني يوم رحت وطالبت بحقك ، لانك كما تعلم ما يجعلهم مستمرين بالتلاعب الا سكوت الاغلبيه وعدم مطالبتهم بحقوقهم .

بصراحه اتمنى تمنى ان عندي رأس مال والله لا ابعد التلاعب كله عن الاتصالات هناك والمهازل اللي تصير .

بتقولي كيف .. اقولك كيف با اختصار شديد افتح محل كبير واضع له اعلانات كثيره واجعل هدفي من فتح المحل التالي :

مخافة الله و الريح القليل مقارنه بالمحلات الأخرى التي تستغل المساكين. تجد الشاب توه طالع رويتبه ومستانس يبي يطلع جوال ويصقعونه بجوال سعره مبالغ فيه او الضمان لك عليه كما حصل معك .
ايضاً توعيه الزبائن من خلال اعلانات نصائح وغيره عن التلاعب والاستغلال .

بكذا بتحارب جميع المفسدين ليس حسد لا والله الله يرزق الجميع . لكن يا انهم يمسكون الطريق الصحيح بلا تلاعب واستغلال ولا كل عصريه يجون للمحل ومعهم مهفات (يهشون ذبان) .

تراه فكره حلوه للي عنده مال وماهو طماع بالربح الكثير ومقصده مساعدة المساكين بيوفقه الله ان شاء الله .
أنقر للتوسيع...

:) الله يوفقك يا خوي ويرزق راس مال زين وتفتح مشروع مثل هذا ودام هذي نيتك الله يبي يسر أمورك كلها ويوفقك إن شاء الله حتى لو كان نشاط آخر مو بالجوالات ..
اشكرك على مرورك الطيب ،،،
 
الطائر الجوال معروف بخبثه منذ زمن بعيد ولكن الناس (ماتنجسل) الغريبة ان الناس ما زالت تتعامل مع هذا الماكر ....
 
الحالة
مغلق و غير مفتوح للمزيد من الردود.
عودة
أعلى