هذا اللي صار في مبارك ستايل

الحالة
مغلق و غير مفتوح للمزيد من الردود.
مساء الخير

بختصر الموضوع

كنت في مبارك ستايل

وانااا واهلي وبعدين وانااا لوحدي حاول اليمااني البائع يرقمني

كتب رقمه بورقه بسرعه يبغى اخذها

وخفت منه وابعدت عنه بس قهرني ايش هالجرأة فيه


مو عارفه بالمواااقف هذي ايش نسوي خاصه انناا نخاااف منهم
 
التعديل الأخير بواسطة المشرف:
إدارة مبارك ستايل لا ترضى بذلك وتحارب هذا التصرف من موظفيها

وسبق أن تم التواصل مع الإدارة بعنيزة وتم طرد موظفين سعوديين بفرع بريدة بسبب المعاكسات

وجميل التواصل مع مركز هيئة الصفراء
٣٨٢٢٨٥٢
 
التعديل الأخير بواسطة المشرف:
والله لو كل بنت عفيفة نظيفة يكون عندها جرأه نفس جرأة الحقير الي يرقم و تفضح ابو ابوه قدام الله و خلقه لأصبحنا لا نجد مثل هذه النوعية بكثرة و بتزايد و ببجاحه
لكن المشكلة في اي بنت عندما تتعرض لمثل هذا الموقف تكون يالجماد الذي لايصدر منه ردة فعل
حتى بعنوان الموضوع نكتبه و نحن نرتجف
و بعكس الموقف عندما تريد اي فتاة اللف و الدوران تجدها تدير المواقف ببطولة تامه
لا اعلم لماذا هذا التناقض التام
 
^^^

أنت تطلب المستحيل ياأخي من الجمآعه,..
البنآت من طبعهنّ الخوف والحيآء..فلن تجد فتآة تصرخ وتشتكي,..
 
بكل صراحه جاوبي أختي..

وش كنتي لابسه عشان نحكم على الموقف..؟؟



أياً كآن اللبس..لايبرر للشآب الجُرأة والتحرش بالفتآة ,..
حتى لو كآنت لآبسه جينز وبدون عبآة,..

الأدب لآزم يكون حآضر في كلّ الاحوآل ,..
 
أياً كآن اللبس..لايبرر للشآب الجُرأة والتحرش بالفتآة ,..
حتى لو كآنت لآبسه جينز وبدون عبآة,..

الأدب لآزم يكون حآضر في كلّ الاحوآل ,..

ومن الواجب شرعا ومن الأدب أيضا الالتزام بالحجاب الشرعي

ومن لا تلتزم بالحجاب الشرعي فهي من تجني على نفسها وهي سبب بالتحرش بها

مع ملاحظة أني لا أتهم الكاتبة بذلك ولا أقصدها بحديثي .
 
ومن الواجب شرعا ومن الأدب أيضا الالتزام بالحجاب الشرعي

ومن لا تلتزم بالحجاب الشرعي فهي من تجني على نفسها وهي سبب بالتحرش بها

مع ملاحظة أني لا أتهم الكاتبة بذلك ولا أقصدها بحديثي .



أخي الحبيب .. لآ أختلف معك في هذآ ,..

لكن ليس مُبرر للشآب التحرش والعبث مع النسآء بسبب تعديهن
على بعض المحظورآت أو عدم التزآمهنّ بالستر,..

الشآب لآزم يكون عندهـ حيآء وأدب مع الآخرين أياً كآنوا ,..
 
^^^

أنت تطلب المستحيل ياأخي من الجمآعه,..
البنآت من طبعهنّ الخوف والحيآء..فلن تجد فتآة تصرخ وتشتكي,..

مستحيل عاد ماتحتاج..
مادام احد مخطي علي ليه الخوف من جـد هذا يسمى دفاع..
والله انا مااقصر خاصه باالحرم طبعاً الاجانب ماعندهم مره ولارجل عادي عندهم يتلزقون انواع الوقاحه ياما وياما مسحت الارض بهم ماعندي =)




أياً كآن اللبس..لايبرر للشآب الجُرأة والتحرش بالفتآة ,..
حتى لو كآنت لآبسه جينز وبدون عبآة,..

الأدب لآزم يكون حآضر في كلّ الاحوآل ,..


حتى ولــــو..
خلنا اكثر صراحه ماراح تلقى احد يرمي رقم على وحده متحشمه الا نادراً صح ولا لا..؟؟
الله يهدين البنات اللحين باالسوق انا انفتن منهن وش عاد الرجال عارضات ازياء بعضهن
ماااحد يتوقع يوم من الايام ان بريده توصل لهدرجه مع الاسف..!​
 
*

أولا أحيي فيك شجاعتك ..
وأجزم أنه لن يهدأ لك بال إلا بأخذ حقك ورد اعتبارك أمام نفسك

كان ينبغي أن يُصعّد الموضوع في حينه
ويتدخل أحد محارمك من خلال تدخل الهيئة

عموما .. يجب ألا يترك الموضوع حتى يتم تأديبه وطرده
ومن على شاكلته
فأعراض العفيفات ثمنه باهظ
وإدارة السوق يهمُّها بالدرجة الأولى سمعتها

ثم لا تخافي منهم أبدا فهم أجبن وأحقر من أن يُخشى منهم
خصوصا المرأة العفيفة والمحتشمة

همسة ..
لكل أب أو أخ أو زوج ..
يترك محارمه يخالطن ويحادثن ويفاصلن بالسعر
مع ( رجال )

حتما أنت تثق بأهلك ..
ولكن هل تثق بألا يوجد بينهم كلاب مسعورة ؟!

*
 
والله لو كل بنت عفيفة نظيفة يكون عندها جرأه نفس جرأة الحقير الي يرقم و تفضح ابو ابوه قدام الله و خلقه لأصبحنا لا نجد مثل هذه النوعية بكثرة و بتزايد و ببجاحه
لكن المشكلة في اي بنت عندما تتعرض لمثل هذا الموقف تكون يالجماد الذي لايصدر منه ردة فعل
حتى بعنوان الموضوع نكتبه و نحن نرتجف
و بعكس الموقف عندما تريد اي فتاة اللف و الدوران تجدها تدير المواقف ببطولة تامه
لا اعلم لماذا هذا التناقض التام

أخي من الجماعة ممكن تُكرمنا بالحلول في مثل هذا الموقف وما شابهه لتستفيد صاحبة الموضوع والجميع ..؟؟؟؟؟؟؟؟

الله يحفظنا بحفظه التام
 
أخي الحبيب .. لآ أختلف معك في هذآ ,..

لكن ليس مُبرر للشآب التحرش والعبث مع النسآء بسبب تعديهن
على بعض المحظورآت أو عدم التزآمهنّ بالستر,..

الشآب لآزم يكون عندهـ حيآء وأدب مع الآخرين أياً كآنوا ,..

لكن تعديهن على بعض المحظورات أو عدم التزامهم بالستر ( هو السبب الرئيسي بالتحرش بهن )

شاكر لك
 
أخي من الجماعة ممكن تُكرمنا بالحلول في مثل هذا الموقف وما شابهه لتستفيد صاحبة الموضوع والجميع ..؟؟؟؟؟؟؟؟



الله يحفظنا بحفظه التام


ضحكت من ردتس من جد =)
اجل حلول مايبي شي أختي
خوذي النعله ومخمس على وجهه :113:
اصلا عشانه مخطي اي شي تبين تسوينه بيهج يخاف ينفضح بين العالم

واهم سبين للتحرش..
1)اغلب البنات تدخل المحل ويكون مافيه الا هو وهذا غلط.
والتبرج.

 


مستحيل عاد ماتحتاج..
مادام احد مخطي علي ليه الخوف من جـد هذا يسمى دفاع..
والله انا مااقصر خاصه باالحرم طبعاً الاجانب ماعندهم مره ولارجل عادي عندهم يتلزقون انواع الوقاحه ياما وياما مسحت الارض بهم ماعندي =)


المرأة بطبعهآ ضعيفة وقد تُهضم حقوقهآ .. وبعضهن بريئآت لصغر سنّ أو طيبه زآيده ,..
قد لايفعلن شيء وهن يتعرّضن لأعظم شيء ,..
وليست كل إمرأة قوية مثلك ,..




حتى ولــــو..
خلنا اكثر صراحه ماراح تلقى احد يرمي رقم على وحده متحشمه الا نادراً صح ولا لا..؟؟
الله يهدين البنات اللحين باالسوق انا انفتن منهن وش عاد الرجال عارضات ازياء بعضهن
ماااحد يتوقع يوم من الايام ان بريده توصل لهدرجه مع الاسف..!​


المحتشمة لا تتعرض للتحرش في غآلب الاحوآل ,..
ومن تحتشم تلقى الاجر والمثوبه من الله ,..

لكن هذآ لا يعني أن كل من لم تحتشم تود التحرش ,..

أنآ انفتن اذا رأيت .. ولكني لآ أرى ولآ أحرص على الذهآب للسوق ..
يمكن بالسنه مرّه أو مرتين,..

وبعض بنآت هالوقت الله يهديهن يبتلن يشوفن الرجّآل ,..
 
لو أخذتي رقمه وخليتي أحد من أهلك يتصل عليه وأنتم بالحل وقريبين منه تتأكدون من صحه الرقم,

بعدين تتصلون على الهيئه.

ولا خليتي أبوك أواللي معك يلفعونه حتى يصير عبره لمن حوله.
 
وناسه..
قل ماشاءالله اول شي ترا ماعندك احد =)
خوافه بس اذا صارت معي امي ولا أختي أهون اتشجع =)

تصدق اللي يقولن نستحي..؟
شفهن ضحك باالمحل ولا لاجت تحاسب صوته ماشاءالله بااخر الشارع
واذا احد اخطأ عليه ماترد ماادري وش ايقالهن عيب ولا ماتبي يخرب
الشكل ايقالها ياي نعومه واحس احد ولا ماادري وشي =)

اصلا اكيد مانتي رايحه الا معتس امتس ولااحد خواتتس ليش ماتبلغينهن اذا تستحين..؟​
 
الحقران يقطع المصران.
جهان
لو صكيته بالنعله مثلا
خلاص ماراح يرقم طول عمرهـ..
اللي بوه عيب بوه عيب !
ليش اسوي زحمه..؟؟

الله يهدي شباب المسلمين..
 
التعديل الأخير بواسطة المشرف:
لا لا تأخذ رقمه ولا شيء ، إنما تدلين على محله هيئة الأمر بالمعروف والنهي عن المنكر ، لابد من ذلك .

الخطأ كل الخطأ أن تسكتي على هذا وهو لا يزال يمارس جرائمه في الإيقاع بالغافلات ..

أحذركِ أن تسكتي عليه .
 
الحالة
مغلق و غير مفتوح للمزيد من الردود.
عودة
أعلى