نساؤنا واللباس العاري اين التجار

[ارض جو]

نداء نداء نداء الى الموسرين من اهل هذا البلد الطيب والجمعيات الخيريه والشراكات المباركه ان يتبنوا فكرة ايجاد مركز او مراكز للملابس المحتشمه للنساءوالاطفال تكون موافقه للضوابط الشرعيه بادارة مأمونة موثوقه وخطة مدروسه لدوام المشروع وليس للتجربه ولا يكون الهدف من وراء هذا المشروع مادي بحت بل مساهمه في دفع الشر عن نساء المسلمين واطفالهم فقد اصبحت المرأه تبحث في المعارض فلاتجد لباسا محتشما لها ولاطفالها لان اكثراصحاب المعارض لايعنيهم الا الربح ولوكان على حساب الستر والحشمه فمن يعلق الجرس ويفوز بالمبادره ويسن سنة حسنه فتجارنا ورجال العمال عندنا والجمعيات الخيريه فيهم خير كثير ولله الحمد نسأل الله ان يوفقهم لسد هذا الثغروكسب عظيم الاجر ​

 

[متى يحل السلام؟؟؟]

ياليت أحد يتبنى الفكرة والربح مضمون ان شاء الله والاجر قبل كل شي ..

 

[أبورامي]

جزاك الله خير​

 

[رهين الذكريات]

جزاك الله خير

 

[بنت الامه]

جزآك الله خير

 

[هاني القصيمي]

اشكرك ارض جو على الموضوع وربي ونعم العقل ....

 

[فوز]

شكراعلى الموضوع......... في الحقيقة اخي مسؤلية لباس النساء يعود لنساء انفسهن اولا لكل امراءه تدين بدين الاسلام وتلتزم بواجبته .........ثم لمن ولي امرها .......ثم التجار لمن يخاف الله منهم ولو لم تشترى البضاعة لما أتى التاجر بمثلها !!!!!!!!!!!!!

 

[عمر الأحمد]

جزآإك الله خير

 

[A . R]

ما ادري وشوله المبالغات

السوق مليان من كل صنف

اللي تبي شورت / بنطلون / تنوره / فستان / بلوزه .. كله موجود

كل وحده تاخذ اللي يناسبه ما احد يجبره تاخذ عاري

 

[اي فون ابيض]

فوز + a.r كلامكما صحيح 1000%
اخي ارض جو اشكر لك غيرتك على محارم اخواتك المسلمات

 

[abum]

ما ادري وشوله المبالغات

السوق مليان من كل صنف

اللي تبي شورت / بنطلون / تنوره / فستان / بلوزه .. كله موجود

كل وحده تاخذ اللي يناسبه ما احد يجبره تاخذ عاري

وانت بعد اذا فتح هذا المحل فلست مجبرة على ارتياده وزيارته
حتى الطلب للملابس المحتشمة تكاثرتي هذا الطلب
اتقي الله اتقي الله

اني والله اذهب للاسواق واتعب كثيرا لشراء ملابس لبناتي فلا اجد ملابس محتشمة تليق بالمسلمة
فهذا بنطلون وهذا قصير وهذا عاري وهذا وهذا

نعم نريد محلا متخصصا لملابس البنات للملابس المحتشمة
المكسية والطويلة والساترة

 

[تهاني...]

^

كثير من الناس تاخذ العاري وتعَـدل ......

 

[حافزاوي]

الموضوع مبالغ فية جدااااا

 

[حافزاوي]

ارجو من كل من اراد الحديث عن الحشمة ان لا يتحدث وكان الوضع سيى
الا اذا كان شايف شي محد شافة

 

[د فهد]

جزاك الله الف خير والف الف الف شكرا

 

[غرب بريدة]

المرأه العاقل تفرق بين اللبس العاري من اللبس الساتر .....وعسى الله يستر على بناتنا................

 

[A . R]

وانت بعد اذا فتح هذا المحل فلست مجبرة على ارتياده وزيارته
حتى الطلب للملابس المحتشمة تكاثرتي هذا الطلب
اتقي الله اتقي الله

اني والله اذهب للاسواق واتعب كثيرا لشراء ملابس لبناتي فلا اجد ملابس محتشمة تليق بالمسلمة
فهذا بنطلون وهذا قصير وهذا عاري وهذا وهذا

نعم نريد محلا متخصصا لملابس البنات للملابس المحتشمة
المكسية والطويلة والساترة

اول شيء لا تقول لي اتقي الله تقل اني قلت شيء كبير

الحمدلله متقية الله وما احتاج لاحد يعلمن


ثاني شيء و انا كل ما فتح محل صكيتوه ؟ خلهم يفتحون مليون محل وش دخلن انا

بس ما احب اللي يبالغ عاري وما نلقى شيء

خصوصا هالسنه السوق مليان تنانير طويله غير كذا الاكتاف تستر بجاكيت والقصير يلبس تحته تايت وخلصنا


السالفة غباء والا وشو بالضبط


ما ادري شلون الناس كل ما راحوا للسوق يالله يمشون من الاكياس

معقول كلهم يلبسون عاري ؟

 

[دودي المميزة]

الله يجزاك خير ي صاحب الموضوع
ياليت والله يقرأ الموضوع أحد التجااار
وبالنسبه للي عاجبهن وضع اللباس بالسووق
اقووول الحمدلله علئ نعمة العقل
والله أننا مانلاقي الا قصير وعاري والظهر طالع ووووو الخ......
ونضطر ناخذه ونوديه للخياط عشرين مره
واذا قلنا نبي لبس ساتر يرررد البياااع ويقووول هذي الموضه ورغبة النساء
ياااكافي والله وراه بعض النساء صارت ترررضي رغبــــــــــــات الغــــــــــــــرب
حسبي الله ونعم الووووووكيل

 

[أبو بسام 99]

ياجماعة الخير لاأحد يشري منهم والبديل موجود​

 

[نبضة خفوق]

مساء الخير ..
انا ابي اقول شي لراعي الموضوع واي احد يكتب موضوع مقارب ...

ممكن سؤال انتم الحين بهالمنتدى تحطون مواضيع تخلون الواحد يحس انه بمدينة مجرمة ...
ياخي ابي اقولك شي ولا تزعل ...

موضوع يقول اللباس العاري

ومواضيعكم اللي كله تعري بالناس وذكر اشياء عنهم وسبهم و تقطيعهم قطعة قطعة هذا حلال .. والا الله ماراح يسألكم عنه ...( ترا ما اقصدك انت اقصد اللي يكتب مثل هالمواضيع و بعض اللي يردون ... )


عجبي ...!!