من يخبر لنا طبيبة أسنان ممتازة تخلع ضرس العقل ؟؟؟



امممممممممممممم

فيه مستوصف رامه والله حلو الصراحه

عن تجربتي بتركيب الكريستال وتجربة قريباتي بخلع الاسنان

فيه دكتوره اسمها(وفـــــاء) ماشاء الله عليها يدها خفيفه مره

الله يكون بعونك​
 
والله من ناحية ضرس العقل مو كلا يقدر عليه والطبيبات خوافات لانه يبي جزامه لكن عندك دكتور سوداني بمستوصف المنتزة الحكومي ممتااااااااااااااااااااز لقلع ضرس العقل كانك تعرف احد هناك خله يدبر شغلك

والله يعينكم
 
رحيق الوردة قال:
والله من ناحية ضرس العقل مو كلا يقدر عليه والطبيبات خوافات لانه يبي جزامه لكن عندك دكتور سوداني بمستوصف المنتزة الحكومي ممتااااااااااااااااااااز لقلع ضرس العقل كانك تعرف احد هناك خله يدبر شغلك

والله يعينكم
أنقر للتوسيع...

آمين ..
صحيح الرجل أقوى ..
شكرا لك .
 
اه يالضروس انا قالعه ضرس العقل قبل يومين

عند المستشفى السعودي الي بالصفراء عند الدكتوره ايمان مصريه

صراحتا شغلها حلو وماحسيت بشي انصحك تروحين لمها
بالتوفيق رديت علشان افيدك
 
اخوي ...
نصيحة لا تروح الا لدكتور ..
خاصة لضرس العقل ..
وحبذا لو يكون جراح ..لانه عادة ضرس العقل يحتاج جراحة بسيطة...
انا الصراحة رحت لدكتور مدحوة لي مرررة الظاهر اسمه الدكتور :طارق..جراحة..
بمستوصف بريدة لطب الاسنان...الي عند الولادة
ويوم شاف ضرسي كان ملتهب ..قال كل الاثنين يحتاجن خلع ويمكن جراحة..
سألته عن السعر ..قال من 1000 الا 1500 خلع الضرس الواحد طبعا"من غير الاشاعة..
طلعت والا الحين ما خلعته...الصراحة يبيله ميزانيه ....ههههههه
بس هو شاااااااااطر ومزحوووم..الحق يقال..​
 
اذا جراحه انا شايله ضرس العقل جراحه بمستوصف بريده الي مقابل مستشفى الولاده وماشاءالله
عند الجراح لانه مافيه جراح الا رجال وقلليل بعد الي زين ومثل ماقال الي قبلي عليه زحمه ​
​
 
طائرة من ورق- ميلان القلوب.. شكرا لكما .
ولد الصقير وش هالسعر يادفع البلاء !!أخبر الضرس ب250 و300ريال بس وش طيره لحد هالسعر ؟؟!!
 
ولد صقير قال:
اخوي ...
نصيحة لا تروح الا لدكتور ..
خاصة لضرس العقل ..
وحبذا لو يكون جراح ..لانه عادة ضرس العقل يحتاج جراحة بسيطة...
انا الصراحة رحت لدكتور مدحوة لي مرررة الظاهر اسمه الدكتور :طارق..جراحة..
بمستوصف بريدة لطب الاسنان...الي عند الولادة
ويوم شاف ضرسي كان ملتهب ..قال كل الاثنين يحتاجن خلع ويمكن جراحة..
سألته عن السعر ..قال من 1000 الا 1500 خلع الضرس الواحد طبعا"من غير الاشاعة..
طلعت والا الحين ما خلعته...الصراحة يبيله ميزانيه ....ههههههه
بس هو شاااااااااطر ومزحوووم..الحق يقال..​
أنقر للتوسيع...

هلا ولد صقيررر انصحك تروح لمستوصف الرواد الدكتور محمد ممتاز ماعليه كلام جراح هو واسعاره معقووله شلت عنده ثنين يشيل الضرس ب 200
 
خلع الضرس خلع عادي فعلا بخمسين واحيانا بميه
بس اذا خلع الضرس العقل جراحيا يعني لزم عمليه جرحيه شق وخيوط يوصل 700 ومافووق الاشاعه لحاله 150 ​
 
اذا تبي نصيحة مثل ماقال الاخوان

لازم دكتور جراح

فيه بمستوصف الروواد عند البرج

الدكتور : احمد جحا ( ممتاز جدا للخلع والجراحة )

الدكتور : محمد كسحوت ( خلع وجراحة )

ممتازين مرره بس الدكتور احمد افضل واخف يد

واسعار الخلع 400 ريال

الله يسهل امرك يارب
 
السلام عليكم
اخواني
عملت اليوم جراحه لخلع ضرس العقل
وليتني لم افعل
تعبني تعب بالحيل
بس اللقافه وماتسوي
كان طويل العمر جالس في الاخير ومافيه شي
لكني هجمت عليه
وسوالي الهوايل
مدة الجراحه ساعه ونصف
ولازم كل 12 ساعه ابره 4 حقن
ومضاد فليكس كل 8 ساعات
نصيحه لكم ياخواني اتركوه بالحاله لا تتحرشون فيه << واذا كان لابد اخذ موعد بالمستشفى بنج كامل
واسأل الله انه يشفيني
وتوبه ماعاد اقربه
نموه كان افقي
وكان يضغط على الاسنان بعض الشي


منقول
 
يجب تسجيل الدخول أو التسجيل كي تتمكن من الرد هنا.
عودة
أعلى