مقترحاتكم لمحلي الجديد

[ابو سك]

السلام عليكم ورحمة الله وبركاته
حيا الله الجميع
انا عندي مبلغ كويس
وابي افكار لمحلات تريد ان تفتح ببريدة
المحلات عندنا تقليد مثلا شارع واحد فيه اكثر من اربع محلات زي بعض :i121:i121
لكن هذي نقطة ايجابية بالنسبة لي لانها ستشكل اقبال على محلي
الموقع راح يكون بالفايزية ممكن شارع الثلاثين
المساحة صغيرة الى متوسطة
ليس شرطا ان يكون هو الوحيد ببريدة اهم شيء عليه سوق
الموظفين سعوديين 100%
وانا اولهم:d:d

 

[حنو القصيميه]

اذا فعلا عندك مبلغ انصحك بمحل تغليف هدايا بالعثيم او النخيل الدخل عالي جدا تخيل شئ مايسوى 20 ريال يباع ويغلف ب150
صحيح فيه موسم ذلروه وكود بس بوقت الذروه بتغطي مصاريفك كله
البالونات كلفته ب2 ريال او اقل وتباع بعد مليه ب 8-10ريال

 

[ابو سك]

شكرا لكي
مشكلة الهدايا ان الزبون المهم هو المراة وهي لا تتواجد الا بالنخيل او العثيم
والسوقين ايجارهم مبالغ-- وانا اصلا افضل العمل خارجهما لاحظى براحتي
لكن ربما قد ينفع هذا المحل في السوق الداخلي
الله يوفقك

 

[عبدالله98]

شف و انا اخوك

اللي يقولك بقالة تراها ما تنفع
الا اذا كان المحل كبيييير

يعني اذا كان المحل كبير توكل على الله و افتح بقالة
و تكون مكملة كل شى

الخيار الثاني
محل كمبيوترات

الخيار الثالث
محل خضار
تبيع خضار و فواكه

ملاحظة هامة جداً جدا جداً جدا >>> انبح حلقي من قولة جدا هههههه
اول سنتين راح تخسر
يعني اول 6 شهور يمكن تجيب راس المال و هاا مكسب بسييط

بعدين بعد الـ 6 شهور راح تلاحظ ان الزباين بدوا يزيدون
و كذا
طبعا بارادة الله
لا تعتمد على الكلام هذا لانه الاغلب انه كذا
يعني لا تياس وااصل ان شاء الله لو تخسر مليون
ترا الخسارة تجيب المكسب صدقني
مو اذا خسرت مره قلت خلاص و قفلت المحل

لا وااصل ترا اغلب التجار الكبارين
ترا بداياتهم خساير في خساير

و اهم شى المعاملة
لانه اذا تعاملت مع احد معاملة حسنة
راح يذكرك عند فلان و فلان بيجي عندك و لين يبون الناس يتذاكرونك لانك حسن المعاملة
و الاسعار اهم شى لا تطمع
لا تطمع لا تطمع لا تطمع
ترا الزبون اذا شافك غالي ولله ما يطب عندك و يبداء يذكر عند الناس انك غالي و عاد يله ولله ما يطب عندك احد

اسال مجرب ولا تسال دكتور

ولا تنس انه الرزق بيد الله و الشى توفيق
يعني اللي فوق هذا كله اسباب
و الرزق على الله


هاا وش رايك بالكورس المختصر ههههههه

لاتنسانا من دعواتك ​

 

[متأملة......]

الله يرزقك....يعجبني الشاب الطموح تبارك الله.............

 

[هذا]

الله يوفقك ويرزقك
والاستاذ عبدالله كفاء وفاء

وش رايك بالادوات الكهرباء والسباكه
او مكتبه

 

[جوولي]

الله يرزقك من واسع فضله

 

[درر سنية]

رايي انك تنقل معلمات للقرى وتخلي معك محرم لخساير ولا تعب راس

 

[منآير]

آلله يرزققك من وإسسٌع فضَـله ,
وبآلتؤفيق لكِ يَآرب ]ٍ
يعجبؤنيُ آلطمؤحين ^_^ ​

 

[ام الشيخ]

انا دايم افكر وارغب ان يصير محل لبيع الكماليات الصينية اللي تكثر الطلبات عليها ومانلقاها الا بالنت مانلقاها بالسوق والنت مهب كل يحب شتري منه او يكون السعر مبالغ فيه او تاخر الطلبيه يذبح احيانا.

 

[عبدالله98]

رايي انك تنقل معلمات للقرى وتخلي معك محرم لخساير ولا تعب راس

انا دايم افكر وارغب ان يصير محل لبيع الكماليات الصينية اللي تكثر الطلبات عليها ومانلقاها الا بالنت مانلقاها بالسوق والنت مهب كل يحب شتري منه او يكون السعر مبالغ فيه او تاخر الطلبيه يذبح احيانا.

كلن يشد السفرة لمه
هههههههههههههههههههههههاي​

 

[شاهي منعنع]

محل جوالات
المبزره الحين معهم جوالين وش عاد الكبار

 

[حربي عابر دربي]

=ابو سك;لسلام عليكم ورحمة الله وبركاته

وعليكم السلام ورحمة الله وبركاته

حيا الله الجميع

الله يحييك

انا عندي مبلغ كويس

كم يعني مبلغ كويس من المليون وطالع ولا نزلت لك مكافأة الجامعه حق شهرين وفرحت بهن وحسيت انك الراجحي

الموقع راح يكون بالفايزية ممكن شارع الثلاثين

ياخي هـ الشارع ذا وشارع كيرلا ماشفت بالقصيم زيهن كل شي بهن

المساحة صغيرة الى متوسطة

كم المساحة يااخ العرب

ليس شرطا ان يكون هو الوحيد ببريدة اهم شيء عليه سوق

كلوواشربوا وتداوو

الموظفين سعوديين 100%

بداية الخساير

وانا اولهم:d:d

آكملت الرصه

اتمنى لك الرزق الحلال

 

[طيف آلمزن]

اذا فعلا عندك مبلغ انصحك بمحل تغليف هدايا بالعثيم او النخيل الدخل عالي جدا تخيل شئ مايسوى 20 ريال يباع ويغلف ب150
صحيح فيه موسم ذلروه وكود بس بوقت الذروه بتغطي مصاريفك كله
البالونات كلفته ب2 ريال او اقل وتباع بعد مليه ب 8-10ريال

حنووو صدقتي وانا اضم صوتي لك بجد ربح ماشاء الله عندهم



اخووووووي الله يوفقك ولاتنس تسوي اعلانات له: 12

 

[آآآشبيل]

بوفية بس بـ شكل متكتك ..

الصدز ودي اشرح لك بس اخاف اخر شي تقول مهب زينة ..

بس بالمختصر المفيد

بوفيه او كفي فيه اشياء تلفت النظر ..
أول شي الموظفين سعودين ..
فيه افكاار جديده لا تخلي الكفي مثل المعروف
حاول تصنع كفي غريب شوي ..
​

 

[عبدالله98]

بداية الخساير
آكملت الرصه

ما عليك منه يابو سك

اللحين ياحربي وش بهم السعوديين
هاا..!!
وراهم اول الخسارة
احسن من انه يجيب هندي ولابنقالي

يلعبك لعب
و زود على كذا ياكلك
!!!!!!!!
ناس عجيبة

ترا اذا شفت واحد ولا اثنين وما جاز لك شغالهم
ترا مب معناته كل السعودين كذا!!
اصابعك مب واحدة

و اذا ما صدقتن رح لم سوق الخضرة و شف
قسم بالله يكدون ولا كد حمير


و رواتبهم على 1200 و 1500 و اذا كان الراتب
يقاله كبير وصل 2000

وللمعلومية
تراني كد اشتغلت بسوق الخضرة على وقت العمال قبل ما يجي تطبيق نظام السعوديين
الللي يقول ان الاجانب ينزلون بالسعر و انتم لا
اقوله انت بقرة و ما عندك ما عند جدتي
تراهم يدبلون بالاسعار و اذا نزل لك 5 ريالات رحت تقول السعوديين و السعوديين.....!

​

 

[to be or no‘t to be]

اذا تبي نصيحتي محلات الخضار مالين الديره والجولات وغيره لا تسوي شي تقليدي
الشي الثاني اذا تبي تكسب سو شي رواده حريم :41:41
انا مع الي اقترحت انك تسوي محل هدايا لكن جب اشيا مميزه عشان تشد العالم
او اذا تبي مشروع ناجح الف بالميه افتح صاله رياضيه نسائيه:41
القصيم تحتاج هالشي لانه كثير حريم يحتاجون الرياضه وما فيه صالات غير ب عيادات !!!!
الصاله الرياضيه بتربح من وراه ذهب واذا اعجبتك الفكره وجاد راسلني ع الخاص واعطيك باقي التفاصيل

 

[صوت البحر]

محل صيانة كمبيوترات او مقصف
وربي يوفقك

 

[امثاال]

الله يوفقك خيو

اقتراحي لك تفتح لك خياطه نسائيه وقسم رياضه وذا فيه زاويه فااضيه حطلك كووفي راح تكسسسسسسسب ذهب

 

[حربي عابر دربي]

ما عليك منه يابو سك

اللحين ياحربي وش بهم السعوديين
هاا..!!
وراهم اول الخسارة
احسن من انه يجيب هندي ولابنقالي

يلعبك لعب
و زود على كذا ياكلك
!!!!!!!!
ناس عجيبة

ترا اذا شفت واحد ولا اثنين وما جاز لك شغالهم
ترا مب معناته كل السعودين كذا!!
اصابعك مب واحدة

و اذا ما صدقتن رح لم سوق الخضرة و شف
قسم بالله يكدون ولا كد حمير


و رواتبهم على 1200 و 1500 و اذا كان الراتب
يقاله كبير وصل 2000

وللمعلومية
تراني كد اشتغلت بسوق الخضرة على وقت العمال قبل ما يجي تطبيق نظام السعوديين
الللي يقول ان الاجانب ينزلون بالسعر و انتم لا
اقوله انت بقرة و ما عندك ما عند جدتي
تراهم يدبلون بالاسعار و اذا نزل لك 5 ريالات رحت تقول السعوديين و السعوديين.....!

​

عبدالله

اشوفك متحمس شوي

طبعاً رئيي الشخصي وانا حر فيه وصدقني اتكلم من واقع تجربة وخبره

لكن

انت

وش

خبرتك العملية والعلمية ؟

هل مارست التجارة كـ نشاط شخصي او حتى عامل عآدي؟

ها عملت بالتسويق التجاري لو لمدة ساعة واحدة ؟

هل اشرفت على تجارة حتى لو كان بيع طر طعان ؟

هل توليت ادارة موسسة خاصة او لـ شخص اخر ؟

هل توليت مهام مدير شركة لو لمدة يوم واحد ؟

^^^^^^^^^^^^^^^^^^^^^^^^^^

كل هـ الاسئلة ما انتظر منك تجاوب عليها


نعرف انك اشتغلت حمال بسوق الخضار وخلنا من الهنود والبقر

لكن

سوالي

لماذا لم تستمر بعملك ؟