مستشفيان خاصان ومطاعم البيك يلغيان مشاريعهم ببريدة لأسباب غير معروفه من إمانة القصيم؟

الحالة
مغلق و غير مفتوح للمزيد من الردود.
خب الجطيلي

خب الجطيلي

New Member
مستشفيان خاصان ومطاعم البيك يلغيان مشاريعهم ببريدة لأسباب غير معروفه من إمانة القصيم فهل من جواب؟

الغاء مستشفي المغربي للعيون مشروعه والذي كان مقررآ في مدينة بريدة عاصمة القصيم بعد ان اتفق مع احد الملاك على إستئجار موقع على طريق الملك عبدالعزيز ببريدة بعد ان أخذ موافقة الامانه على أقامة المشروع الا ان هناك شروط تعجيزية ولغز محير لم يتم معرفته حد الآن من قبل أمانة القصيم جعل ادارة المستشفي تلغي التنفيذ بعد ان كلفته الدراسات الاوليه مايقارب الاربعة ملايين ريال0 تقريبآ 0 واتجه الى منطقة اخرى غير القصيم 0

كما كان مستشفي أخرخاص من أكبر المسشفيات السعودية قد تملك ارض في حي الحمراء ببريدة وقام بتقديم على امانة المنطقه للحصول على التراخيص الازمه طالبآ أقامة مبناه من ستة أدوار الا ان الامانة رفضة وأصرت على الايتجاوز المبني الاربعة اداور وبعد اخذ وعطى بينه وبين مسئولى الامانه الغاء مشروعه وقام بعرض ارضه للبيع وأنتقل الى اخد المحافظات القريبه 0

ونأتي الى مطاعم البيك بعد ان انتهاء مع الامانه والوكاله سمه ماسميت على أقامة ثلاث فروع ببريدة واتم تجهيزاته على البداء في المشروع تم الغاء المشروع من قبل الامانه وتم ايقاف مخططات المشروع بحجة ان هناك شروط جديده وبالتالي طال الانتظار وتم الغاء فكرة إنشاء تلك المطاعم نهائيآ في مدينة بريدة0

وننتقل الى عمائر الراجحي طريق الملك عبدالله والتى دخلت عامه الثالث موقوفه بلاء عمل لأسباب غير معروفه ؟

السؤال الان يحتاج الى أجابات كافيه عن صحة ماذكر من قبل اعلى سلطه في الامانه وعبر هذا الموقع لكي تتضح الصورة للجميع ؟

​

منقول​
 
اللي يقول المصدر

بصراحه مو معقول عايش ببريده ولا تحس بشي

بريده جدا بطى بالمشاريع تحس في حاجز للمشاريع

انا كذا مره اشوف مشروع ويتوقف وينقلب فوق وتحت

وش السبب

ليه يحطون حاحز ويمنعون الناس نبي بريده تتطور شوي

خساره انه منعو مستشفي لان بريده باأمس الحاجه للمستشفيات لان خلاص ماعاد نثق بالتخصصى

لامستشفيات زينة لاترفية منتزهات وغيرها لا مطاعم مشهوره لا مجمعات
تحس انك بقريه توى ماتطورت ولا بعد تمشى زي خطوات السلحفاة​
 
اسال عن اسماء واصحاب المحال والمطاعم والمستوصفات والمستشفيات ومراكزهم ومناصبهم تعرف الاجابة
 
شحيبر قال:
اسال عن اسماء واصحاب المحال والمطاعم والمستوصفات والمستشفيات ومراكزهم ومناصبهم تعرف الاجابة
أنقر للتوسيع...

والله خسارررررررررررة مشاريع كبيرة بتنقل بريدة نقله كبيرة
لكن ابحث عن المستفدين
وبصراحه وين امير المنطقة ونائبه نتمني تدخلهم باسرع وقت
 
مصيبة اذا المشاريع الحيويه تعاق بهذه الطريقه وكنت اسمع كثير ان الانظمة في بريده لا تشجع المستثمر بس لم اتوقع انه تصل الى عدم التسهيل لوجود مستشفيات ومشاريع متقدمة من شانه ترفع المستوى الخدمي للمنطقة. حسبي الله على من تسبب وعقد امورك يا بريده..

كل يوم اطاالع مشاريع صحاري(الراجحي) واللى اصبحت اطلال واقول ما السبب لهذا التوقف لكن الايام ستظهر كل شي وحينها سيكون الدعا على قدر الضرر من المتضررين..

يعطيك العافيه على الايضاح وننتظر الايجابات الكافية ممن يعنيهم الامر..​
 
المفروض المناصب التي تخص تطور المدينة لا يرسها الا ناس مزكيين من اعيان المدينة
بانهم حرصين على خدمة المدينة
 
مشكور على الموضوع لكن احب ان اعلق على الموضوع اولا المستشفيات الي تم رفضها ان تقام في بريدة هذه علمها عند الله
ثانيا مطعم البيك في الرياض لم يقام فكيف يقام في بريدة لان فيه شخص من الشخصيات الكبيرة منعه من فتح مطاعم في نجد والاكتفاء بالغربية حتى في الطائف يبغى يفتح محل ثاني ومع ذلك منع من ذلك
اما مشروع الراجحي الذي فرح الجميع فيه حتى انه قال ان المشروع سيكون لإصحاب الدخل المحدود وبعد ان خلص من المشروع قال ان البيت سعرها مليون ريال هل هذا مساعدة الدخل المحدود او طمع والله فيه مباني في الشمال افضل منها وسعرها اقل والبعض يقول ان المباني لاتحتوى على مخارج طوارئ يعني اذا حصل مكروه وفقدنا ارواح من المسؤول اكيد الكثير من الناس راح يسب ويشتم الدفاع المدني
بارك الله فيكم وسدد خطاكم ويعلم الله انني لم اكتب هذه الكلمات الى بقصد الفائدة
 
الحالة
مغلق و غير مفتوح للمزيد من الردود.
عودة
أعلى