مدينة بريدة .. في اليوم الوطني هل سيتكرر ماحدث الموسم الماضي؟؟

الحالة
مغلق و غير مفتوح للمزيد من الردود.
شمعة الخير قال:
مافي مكان لشباب يحتفلون فيه عشان كده كسرو المحلة وقطعو اشارات وتعدو على الممتلكات وضيقو العوئل وعلى العموم عشان تكون بصوره ترا بريده هي المدينه الوحيده ما عنده مكان حق الاحتفالت تبي تقولي الحضاري انت عارف البير وغطاه وتبي تقولي وشوله يحتفلون من حق اي واحد يحتفل بهاليوم وتقول \الدفاع المدني و الشرطه وقوات الطواريء ومرور وأمن طرق وهيئة الأمر بالمعروف والنهي عن المنكر\ وشلون تبيهم يحتفلون باجزاتهم وهم اولهم المرور الي حط نظام ساهر ولعنونا بالمخالفات ولا امن الطرق الي مسجلون عليك المخالفه الابعد ماتدبل
أنقر للتوسيع...

وين مافي مكان لشباب احمد ربكم الديره كله لكم اجل حنا وش نقول منطقات بالبيت واذ طلعنا لازم حارس مالنا الا السوق نبي نسوق هبتو بوجيهنا يليتنا مثلكم والله ماامل ابد : 12
 
أشكر الجميع على المرور والتعليق

وقد لاحظت بعض الأعضاء يقول ليس لنا
إلا عيد رمضان وعيد الأضحى

وحقيقة أنا لم أقل أن يوم اليوم الوطني عيد وإنما مناسبة وطنية

فيها أشياء سلبية تحدث يجب مناقشتها وإلقاء الضوء عليها​
 
عيون عسلية قال:
والله عاد من زين هذا اليوم
العام انواع الازعاج من الشباب وقلة الحياء
الواحد منهم ماكأنه شاف شئ
انواع التخلف من المجتمع القروي ؟؟؟؟؟
تحياتي الشمرررية
أنقر للتوسيع...

ماتوقع ان لك علاقه بشمر لان شمر معروفين مجتمع قروي ونعم فيهم اهل كرم انا يقهرني اللي ينتسب لمجتمع وهو مايعرف عوايده ومن اين نشاء
لتوضيع الحقيقه
يالشمريه
 
هذا اسمه يوم وطني خلو كلن بحاله اي شي بروسهم
بيطلعونه هذاااك اليوم واللي ماايعجبه يجلسس ببيته آآحسن له
من الزحمات والمشاكل,,
الشباب وغيرهم لو فيه شي بديل كان ما سوو حركات الدوران وغيره,,
على الله ثم عليكم حطو لهم الجنادريه ..
 
خـلهـم يسستآنسون وآلي يستهبلون مب وآحد ولا هب 2 وصصعبـه الهيئهِ بيمنعون كـم ششخص

اجل ماشفت بالمدن الثانيه وش يسسسون ..!!


الله يهديهـم و يصصلحهِم بسس
 
انت الاول اللي سل الحسام
وقالوا الخيل من فرسانها
الفخر لك ولا تسمع كلام
لا يهمك حكي عدوانها
ديرتك من عشقها ما يلام
ويغضب الله على من خانها

لاح يوم الوطن والعز لاح وكلمة الله على البيرق تلوح
يوم الاسلام يا يوم الفلاح والوطن كل روح له تروح


الأرض
انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض


عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود
 
سحابة بيضاء قال:
وشو اليوم الوطني الاحتفال بوقت عيدالفطر وعيد الاضحى فقط لاغير
والله قبل سنين ماقد خبرت اننا احتفلنا باليوم الوطني مادري من وين طلعلنا يقلدون الكويت الحمدلله والشكر
ماعندهم الا المهايط والدجه المشكله يفرحون باليوم الوطني مادري على ايش
على زين المدارس ولا المستشفيات ولا الوظايف ولا الرواتب ولا الشوارع ولا غلاء الاسعار.........الخ
أنقر للتوسيع...

اول شي مع نفسك يالحبيبه ..


وثاني شي اسمه يوم وطني مو عيد وطني في فرق

ثالث شي وش دخل الكويت بام السالفه الحقد للحين بدمك؟؟؟؟؟ عيب عليك

ورابع شي دام مو عاجبك شي بهالديره ترا في ديار تجنسك هوى وغيري ديرتك ....

وخامس شي ألخ..​
 
الحالة
مغلق و غير مفتوح للمزيد من الردود.
عودة
أعلى