ما رزقتس الله ,,(عسى الله يرفعتس يا بنيتي)!!

[الانسه باغه]

ههههههههه
وقسم القسمات انه فله هالموضوع
عندنا وعندتس يامزنه خير
انا مابوه عجوز ببريده ماوادزت بخشتي خخخ ومعطيتهن الخامس
يعني اذا لقيت له وجه ابعرس مثلا ؟؟!!

بس اللي غاثن انا بنت اختي البزقه بأول ابتدائي تقول وين رجلتس ماعمري شفته < وش تبين بوووه !!!
قلت له رايح بعثه يدرس << تحلم خخخخ

يعني بالمختصر يامزنه توتس ماجاتس شي ممديه على الحتسي اللي يغث ..
وعسى الله يرزقنا جميعا

 

[موتي ولا حزن امي]

موضوع بالصميم يخترق القلب اختراققققا

الناس ما منهم سلامة وخاصة هالعجيزات>صح الله يخليهن لنا بس كل شي له حدود
ولا كلمة الله يرفعتس ويرفع حظيظتس>وش معناه أصلا,,ودي أدري هن يعرفن معناه ولا بس تسذا
وقولي لمزينه تطنش وتعيش حياته

 

[السيدة نانا]

حطي بذي طين وبذي عجين
كنك ماتسمعين
الله يهديهن من جد يقهر كلامهن بس التطنيش اهم شيء:d
ولا بعد ازيدك من الشعر بيت اذا تزوجتي وراك ماحملتي؟.؟؟
كل اللي معك حملوا :eek5
يالله عاد يستلمونك بهالمجلس كل وحده تجيب وصفة عادي بس قدام الناس شيء يقهر:i121
اهم حاقة طنش تعش تنتعش :d:d
دمتم سالمين: 12

 

[الملاك الوردي]

ههههههههههه ياحبيل مزنوه بس
الله يرزقه

بعض العجز الدعوه منهن زي العسل وأسلوبه حلو وتحسين نيته طيبه
بس بعض العجز الله يهديهن لقافه لااكثر ولاأقل :42

أذكر وحده من العجز اللي نعرفه تسأل أمي قبل سنتين يوم كان عمري 19 والله ماأبالغ
تقول لأمي:ملاك بنتس مارزقه الله مب معرسه...ماعندكم نيه تزوجونه <<<حسيت اني ام 40 سنه o

انا ماهمن سؤاله كثر ماهمن أنه عنده بنتين اكبر مني ولاتزوجن والثالثه الصغيره والقعده هي كبري ونفس عمري
ياشين اللي يبلش ويحرج كني قاعده فوق راسه :d
زوجي بناتك همن تعالي للبنات خلق الله

أمي طبعا ماردت عليه
قلت لأمي كان قلتي له بنتنا ماقعدت على راستس يوم انتس تسوقين له هههههه:111: :02:
بس أمي أخذته على قد عقله ولاردت عليه


أسفه ع الإطاله ورمضان كريييم :110:​

 

[حُمّى المَشَــاعِر|..]

أي عجوز تقولك كذا
لاترادينه ولا تظهرين إنك منكسره ..خلك وآثقه..
لأن غالب هالأشكال<بشوف وش عندك<او يستفزك عند الغير!!
ابتسمي فقط..عشان ماينقل كلامك ويزاد فيه مع النقل..