((في مستشفى الحبيب)) إذا حولك الدكتور إلى المختبر فمن حقك هذا العمل .

[صافي*]

السلام عليكم

اخوتي في الله إذا حولك الطبيب الى المختبر فمن حقك ان تاخذ اوراق التحليل وتعملها في مستوصف او مستشفى آخر ولا يملك احد منعك من ذلك فان هذا حق مكتسب لك .

اسعار تحاليل هذا المستشفى فلكية وغير معقولة ، تخيلوا يا اخوان اختبار الحمل 270ريال !!!

لذلك فإني انصح باجراء التحاليل خارج المستشفى والتنيجة واحدة وخل فلوسك في جيبك انت و اولادك اولى بها .​

 

[غـــلـــوز]

لكن اعتقد يستحق هذا المبلغ لان التحاليل والفحوصات تتم بأقصى دقة ..


مُجرد رئي

 

[صاحب محل]

وقسم بالله انا الوالد ه الله يحفظه سوة تحليل رومتيزوم امس 880 ريالا بدوت اشاعه

وسوية قبل شوي اشاعه 502 ريالا ينطح ريالا
مع تسجيل ملف 200 ريالا بيوم واحد طلعو من 1700 ريالا بدون حق

 

[مهندس دايخ]

اذا غاب الرقيب تمادى الجشع لا حول ولا قوة الا بالله ​

 

[يازين الحر]

ايه معروفه التحليل بالمستشفى الحكومي اوفر
شكرا لك

 

[حكيم 10]

حرام يدبل ويضرب كذا

 

[خفاق]

تحياتي ...

با النسبه لتحاليل الحمل ... بخمسين ريال في اي مسشفى انا استغرب من اللي يروح للحبيب عشان يقول رحت للحبيب .. مسشفى الولاده فاتح ابوابه وبلاش ويتابع الحمل اول باول

با النسبه لمسشفى الحبيب .. هو ما وقف بوسط الشارع وقال ادخلو غصب ..

عنده اسعار ويمشي بها ..

يا اخوان عنده اخصائيين بعضهم ساكنين في بريدة وبعضهم يجون با الشهر 6 مرات تقريبا .. عشان الكشف للمرضى بدل ما كانو الناس تروح للرياض ...

الدكاتره الأخصائيين فيه سعوديين وغير سعوديين رواتبهم عاليه والمبنى راقي والنضافه على اشده في هذا المسشفى ..

رواتب الدكاتره تتعدى الخمسين الف مع بدل السكن والترحال ..

لما ترقد با المسشفى الممرضين المتابعين لك اثنين ولا ثلاث تلاقيهم حولك ولا يبعدون عندك

ياخي اذا دخلته تنفتح نفسك من زين المعامله صح بفلوسك بس احسن من اي مسشفى ثاني...

 

[دم الغـــــزال]

والله مشكله الاهلي يخدمونك ع طول بس بفلوس
اما الحكومي يرصونك لمين تحوم تسبدك وبعده يحولك لمستوصف او ما يتم عمل اللازم يعني يبلش الي ما عنده خبره

 

[أمين بريدة]

شكرا جزيلا هذا شي مهم يعرفونه الناس.
واللي يبي يحلل ياخذ الاوراق ويروح مستوصف الحي ويحللون له ابلاش ثم ياخذ النتايج ويعرضها على الدختور اللي بالحبيب وغيره.

 

[طالب عفو ربة]

الي يبي الدح ما يقول اح

 

["الهلالي"]

وقسم بالله انا الوالد ه الله يحفظه سوة تحليل رومتيزوم امس 880 ريالا بدوت اشاعه

وسوية قبل شوي اشاعه 502 ريالا ينطح ريالا
مع تسجيل ملف 200 ريالا بيوم واحد طلعو من 1700 ريالا بدون حق

ودي أفهم وشلون دون حق؟؟؟

يعني لعبوا عليكم مثلاً

أسأل الله الشفاء لوالدتك ولجميع مرضى المسلمين​

 

[فديت القصيم]

صح انه غالي لكن يستاهل

 

[صافي*]

شكرا جزيلا هذا شي مهم يعرفونه الناس.
واللي يبي يحلل ياخذ الاوراق ويروح مستوصف الحي ويحللون له ابلاش ثم ياخذ النتايج ويعرضها على الدختور اللي بالحبيب وغيره.

شكرا لك اخي

هذه الرسالة التي اردت ايصالها لناس



.

 

[ام ديمي]

انا رحت للمركزي اسعاف ويطلعونن يقولون حرارة مسكن ومضاد مرتين
ورحت للتخصصي يطلعونن التهاب حاد بالمسالك البولية مسكن ومضاد قوي
رحت للحبيب واكتشفو زايدة
واطلع للمركزي بالتحاليل وتنفجر قبل العملية

 

[الاسلام هو الحل]

السلام عليكم

اخوتي في الله إذا حولك الطبيب الى المختبر فمن حقك ان تاخذ اوراق التحليل وتعملها في مستوصف او مستشفى آخر ولا يملك احد منعك من ذلك فان هذا حق مكتسب لك .

اسعار تحاليل هذا المستشفى فلكية وغير معقولة ، تخيلوا يا اخوان اختبار الحمل 270ريال !!!

لذلك فإني انصح باجراء التحاليل خارج المستشفى والتنيجة واحدة وخل فلوسك في جيبك انت و اولادك اولى بها .​

طبعا .... أكيد هذا من حق المريض .. المهم يكون في نتائج موثوق فيها .... و ما يهم وين تعمل الفحص ما دام انه جديد و صحيح ....

الله يوفق الجميع و ما تشوفون شر او مرض

 

[سهيل اليماني (1)]

يارجال اختبار الحمل يهون

أنا لقيت تحليل البول العادي ( أعزكم الله ) بـ( 264 ريال )

وفي مستوصف المحيميد صلحت نفس التحليل وطلّع نفس النتيجه بـ( 20 ريال )

يعني نصب عيني عينك عند الحبيب أفندي​

​

 

[محفز]

اعتقد أن الدكتور رايح يشخص حالتك بناءا على التحليل

فإذا قال لك أنا رايح اشخص حالتك بناءا على هذه التحاليل الي جبتها من مستوصف خارجي

لالا لا لا لا أتحمل مصداقيتها من عدمه

بهذه الحال لا تطمئن

وراااااااااااااااايح تسوي الحاليل عندهم

يعني ما غزينا .

 

[ابواياد]

الي يبي الدح ما يقول اح

يابعدي ماحد رايح له إلا مريض لاتقول( دح )
ماقول إلا الحمدلله الذي عافانا من ما أبتلاهم فيه وفضلنا على كثيراً من خلقه تفضيلا

 

[khaledjaser]

تدفع هنا في مدينتك وعند ابنائك أفضل من ان تذهب غربا أو شرقا ووتتغرب ووتتبهذل واحمد الله على هذه النعمه التي تتمناها جميع مدن المملكة ولا داعي للخرابيط والكلام الي مالة داعي على مستشفى عالمي وما حد غصبك علية رح لأي مستوصف وحلل وسوي الي تبي وخلي الغالي لأهلة ولمن يحتاج خدماته بأي ثمن والله يشفينا ويشفي مرضانا .

 

[توفي-38]

ياناس ليش كل مافتح عندنا في بريدة شيء صح تحطونه تحت المجهر أتوقع إن هؤلاء من خارج بريدة يمكن السبب ............. (اللبيب بالآشارة يفهم )والحبيب ماخدع أحد يعلم بكل المصاريف بالتلفون قبل ماتجي وتعني علشان ما تقول أخداعون وبعدين الله يوفق د.سليمان الحبيب اللي جاب المستشفى عندنا بدل ماحنا خر مر على هالرياض خلوا اللي عنده فلوس تخدمه فلوسة بدل مايتمنن ألدكاترة والممرضات اللي بالمستشفى الحكومي وكأنهم يشتغلون ببلاش.