في بيتنا بخشة ..

[بندر 1430]

السلام عليكم ..

من المضحك المبكي في نفس الوقت أن تسمية بخشة حسب بعض كبار السن .. مادري عن صحتهم العقلية يوم قالوا لي هالكلام .. مأخوذة من عوائل بخش الباكستانية المهاجرة للمنطقة الغربية في أزمان قديمة وهم أول من زين البيوت بالحدائق بالمملكة نظراً لطبيعة بلادهم في تلك الفترة ..

طبعاً حنا يا سكان نجد في ذاك الوقت ما كنا نعرف إلا النخل والأثل لذلك كنا نجهل الورود و أشجار الزينة .. حتى كبار السن بالوقت الحالي ما يواطنون شي إسمه شجر زينة و يعتبرونه إسراف ..

من هذا المنطلق .. بغيت أعرف عن ثقافة البخشات (الحدائق) عندنا في بريدة وكيف تطورت عبر الزمن .. لذلك ياليت كل واحد يتحفنا بصورة من بخشة بيتهم من باب التسلية لا أكثر ..

ولكم تحياتي

 

[الـعـابـر]

اجل تبي صورة من بخشتنا ؟؟؟
هههههه
على فكرة اعتقد انه اسم البخشه منتشرة دولياً
لأني اذكر سمت شاعر سوري ذكر في قصيدته موعد ومكان اللقاء بالبخشه ( بالبخشة استناني )
الحين فهمت مكان الموعد
يعطيك العافيه بندر ​

 

[حربي عابر دربي]

الحين فهمت مكان الموعد

​

انتبه لا تروح تخرب عليهم

 

[بندر 1430]

اجل تبي صورة من بخشتنا ؟؟؟
هههههه
على فكرة اعتقد انه اسم البخشه منتشرة دولياً
لأني اذكر سمت شاعر سوري ذكر في قصيدته موعد ومكان اللقاء بالبخشه ( بالبخشة استناني )
الحين فهمت مكان الموعد
يعطيك العافيه بندر ​

كنت حاس إن ثقافتك شامية

شو جابك عنا هون يا زلمة؟

إلا ماودك تتحفنا بصورة من حديقة بيتكم بدل الفلسفة الزايدة؟!

(h)

 

[M.mrtz]

بخشتنا اللي بحديقة الشارع شجر برسوبس ..


{} تبون أصورهن ؟​

 

[^صريح^]

لي ساعة أقرأ كلمه بخشه>> خيشه :113:
لكن كان إنك تبي صورة بخشتنا (قل قصيدة شاعرنا من الجماعه)

أفنان يا أفنان حبك في القلب ولهان و .. إلخ ..بس لا تنسى تلحن القصيدة

:113: :113

 

[كآيدهمـ]

هههههههههههه
حلو موضوعك

ولكن تم القضاء ع بخشة بيتنا

اممممممممممم

ينفع صورة للي عند الباب بالشارع :09:
طبعاً شارع ( طـنـطـا ) :113:​

 

[بندر 1430]

انتبه لا تروح تخرب عليهم

:d



:i121

 

[بندر 1430]

بخشتنا اللي بحديقة الشارع شجر برسوبس ..


{} تبون أصورهن ؟​

ننتظرك ..

 

[مخاوي الذيب 90]

:07::07::07::07::07::07:

 

[تمر القصيم]

انتبه لا تروح تخرب عليهم

هههههههههههههههههههههههههههههههههههههههههه



ياحبيل هالخشيشة تضحكني من قلب والله
إلى الأمام ياغالي :d

 

[فـارس]

كانت امي منيرة ادام الله ظلها دايم تقول لنا قصة الشاعر الشايب اللي لقى شباب ناعمين بحديقة وقال فيهم هالقصيدة

لقيت بالبخشة طيور بلا ريش = جنحانها وأذنابها دقم وقصـــــــــــــار

طيور مرباها من السوق للحيش = وإلى أونست لفح الهواء تزبن الدار

فيهم طبايع من طوال العكاريش = وفيهم من الطليان تدويج وخــــــوار

قضو على اللحية وحطوا كشاكيش= وقاموا يحنون البراطم والأظفـــــار

البودرة في خدودهم تقل ورنيش = وحطوا باصابعهم خواتم لها أســــرار

جيل خبيث لو يجي فيه تفتيش = ظهر كثير منه أناثي له أذكــــــــار

اللي يســـــمون النشاما شواكيش = أهل اللحى بافكارهم مالهم كــــار

وأهل اللحى صبيان نجد المداغيش =اللي لهم فضل على الضيف والجار

يوم السنين شداد والرزق تنويش = وهم يدوجون الفيافي والأقطــــــــار

ذولا جماميل وذولا قراريش = وذولا لهم دور على قحص الأمهـــــــــار

تلقى الولد مثل الفهد بالمطاريش = على الشدايد حيث ماكان صبـــــــــار

واليوم كثر الخير والأمن والعيش = وقت تساوت فيه الأذرع والأشــــبار

يظهر شبابه ناعم مابعد هيش = فيه الولد يظهر كما عشبة الغـــــــــــار

يمشون بالاسباب مثل الدراويش = وإلى أذن المذن يهجون عــــــــــبار

ماتسمع الا ويش زيك وقد يش = ويطرب إلى أوحى دق عود ومزمــار

عسى شباب مايجي به نغاميش = يحيا حياة الذل وإن مات للنـــــــــــار

استغفر الله

 

[انوثه طاغيه]

قهر انا بيتي مافيه اشجار زينه كل ماقول لرجلي حط ورد وشجر يقول طسي انتي متأثرة بالمسلسلات التركيه مدري وش يحس فيه.

 

[x..فيصل..x]

قهر انا بيتي مافيه اشجار زينه كل ماقول لرجلي حط ورد وشجر يقول طسي انتي متأثرة بالمسلسلات التركيه مدري وش يحس فيه.

لا والله عسى ما تكلفتي ؟
** ممنوع مشاركه الحريم هنا **

 

[أبو رزان]

أيا السلنقح

هالحين 14 رد ولا واحد بخشش بندر




ووالله يابندر ماعندنا بخشة ولا شين ومن باب المشاركة هذي بخشة مؤقتة
صارت بالبطون عقب كيذا :d

 

[حربي عابر دربي]

^^^^^^^

عسى ابليسك للمر

والله يا انا جوعان

ان مغصك بطنك تراه من ( طاقك بعين )

علمن وارسل لك رسالة واكتب به ماشاء الله تبارك الله تف تف تف ( وانقع الرسالة بالماء وترش رش وخذ لك جغمه منه )

 

[عاشق بريده القصيم]

الله يعطيك العافيه