في المطبخ .. أسئلة واستفسارات ( أفيدي واستفيدي )

كيفكم بنات

من زمان وانا ابحث عن مراصيع نظيفة وشغل بيت

والحمدلله حصلتها ورتحت

وحبيت افيد اللي تدور عليهن

لقيتهن عند شعبيات الجردة اللي بالفاخرية​
 
التعديل الأخير بواسطة المشرف:
فيه التورتيلا بمخايز رغد
بس اظنها موجوده بعنيزه ويجيبون هنا للمحلات بس مو دايم اشوفها
عيبها صغيره انا افضل الكبيره احلى للحشوو
 
النجده يالنشميات

السلام عليكم
ضني مايخيب أن شاء الله بكن يالنشميات
مشكلتي يابنات
بالحشره الصغيره مره الطائره تعبتني توني جايه من المطبخ وشفت وحده:eek:o
مع أني والله العضيم أغسله بمنضف وعملاق بس شفتها وأيدني والله متشقشقه منه
وأنا تعبت منها مادري من وين تجي
عطوني الحل والله لأدعيلكم بكرى بفطوري لا تحرموني طلبتكم ومنكم نستفيد:eek5
 
ابي رد عااااااااااجل


بنات ابي مساعدتكم
زوجي عنده فطور بياخذه للدوام
الله يخليكم ابي طرق غريبه وحلوة للساندويش
او طريقة ترتيبهن
وهذي للي ترد(f)(f)​
 
واثقة الخطى
مممم
عندك خبز التورتيلا اشتري ثلاث أنواع تصير ملونة وكل لون حشيه بحشوة مناسبة له
مثلاً الأبيض تكون حشوته دجاج وجزر وجبن ومايونيز أو جبن وبيض
والأحمر حشوته خضار مشكلة
والأخضر فلافل

عندك بعد كب كيك المالح
عجينته تشبه عجينة الفطاير والحشوة ( جبن تشيدر , فلفل رومي ملون , زيتون )
وينفع تسوينه بصينية
إذا تبين طريقته حطيتها لك =)

لو تسوين لهم فطور شعبي أحس هذا يقدرونه الرجال :d
( حنيني , قشد , مراصيع مبللة , كيك بر , مصابيب , )
خصوصاً هالوقت برد والناس يبون شيء يدفيهم مع الزنجبيل والشاهي :d


موفقة (f)
 
القلب الوردي قال:
واثقة الخطى
مممم
عندك خبز التورتيلا اشتري ثلاث أنواع تصير ملونة وكل لون حشيه بحشوة مناسبة له
مثلاً الأبيض تكون حشوته دجاج وجزر وجبن ومايونيز أو جبن وبيض
والأحمر حشوته خضار مشكلة
والأخضر فلافل

عندك بعد كب كيك المالح
عجينته تشبه عجينة الفطاير والحشوة ( جبن تشيدر , فلفل رومي ملون , زيتون )
وينفع تسوينه بصينية
إذا تبين طريقته حطيتها لك =)

ياليت توضحينه يالغلا اذا سهله سويته:eek5

لو تسوين لهم فطور شعبي أحس هذا يقدرونه الرجال :d
( حنيني , قشد , مراصيع مبللة , كيك بر , مصابيب , )
خصوصاً هالوقت برد والناس يبون شيء يدفيهم مع الزنجبيل والشاهي :d


موفقة (f)
أنقر للتوسيع...
يسلموووووووووووووووا
الله يغفر لموتاكم وحبيبك عموما
 
ونجي للمـالـــح ...



تشـدر تشيـز كب كيك


مررررررررررره لذيذ مع الشاهي طعمه خيااااااالي
عجينته تختلف عن عجينة الفطاير لانها تطلع انشف شوي وماتنفش كثير وطعمها خطير
طريقته الاصليه عباره عن انه تفردين نصف مقدار العجينه بعدين تحطين الحشوه بعدين باقي العجينه
وهذي اصلحها لما نكون لحالنا ، بس للتقديم اصلحه بشكل كب كيك <== تكره التقطيع مررره :d


مقـاديـر العجينـه ::
كوبين دقيق
4 ملاعق كبار حليب بودره
2 ملعقتين كبار خميره
بيضه
2 ملعقتين صغار سكر
ذره ملح
2 فنجانين قهوه زيت
ثلثين كوب ماء تقريبا


الطـريقـه ::
طريقتي دائما بالعجن : اخلطي كل المقادير عدا الدقيق بالخلاط بعدين اضيفيهم عالدقيق واعجني
واذا احتجتي زيادة دقيق او ماء زيدي لحد ماتطلع معك عجينه متماسكه
بتلاحظين قوامها لين شوي اخف من عجينة الفطاير وبتشوفين يدك كلها زيت لانها دهنيه تطلع
وغطيها واتركيها تخمر مدة ساعه ،،

DSC03871.JPG



الحشـوه ::
جبن كرافت تشدر مبشور
فلفل رومي ملون مقطع مربعات
شرائح زيتون اسود واخضر
اخلطيهم مع بعض ..

DSC03879.JPG



ادهني قوالب الكب كيك بالزيت وسخني الفرن على درجة حرارة 375
اقطعي قطعه صغيره من العجينه وافرديها بيدينك وهي بكفك حطي بوسطها من الحشوه وكثري مثل الصوره :

1.jpg



تلاحظين كيف العجينه مو متماسكه مره
سكريها زين وحطيها فقوالب الكب كيك وادهنيها ببيض ورشي سمسم

DSC03889.JPG



ودخليها الفرن حتى تتحمر من تحت وحمريها من فوق
واذا طلعت غطيهم بفوطه حتى تلين شوي ، بعدها طلعيهم وحطيهم بورق البليسيه
وعليكم بالعاااااااااااااااافيه


DSC03902.JPG



DSC03915.JPG



وهنا كنت مصلحتها بصينيه عاديه ..
rose.gif



P1010050.JPG
أنقر للتوسيع...

نسخته من صاحبة الطريقة الله يجزاها الجنة ووالديها يارب (h)
 
بنات انا ودي اسالكم وشلون اخلي الكيك يفك من الصينية انا كل مااصلحة يلزق في الصينية ياليت[تفيدوني
 
واثقة الخطى (h)
آمييين وإياااك يارب (f)

أولكر (h)
أنا كنت مثلك بس الحمدلله جربت طريقة لقيتها بالنت مرة تجنن
جيبي لك قطعة زبدة وادهني فيها الصينية لين تتكون طبقة وبعدها صبي خليط الكيكة وأنتِ مرتاحة :)
الشيء الثاني لا تقلبينها أول ماتطلعينها من الفرن إصبري عليها خمس دقايق تقريباً
جربيها وماراح تندمين (f)
 
مشكورة القلب الوردي على ردك ان شاء اللة اجربة وبالمناسبة حبيت اقول لك اني كل ماشوف لك رد ادعو لوالدي ووالدك بالرحمة وان يجمعنا اللة بهم في مستقر رحمتة
 
نونو الحلوه2 قال:
السلام عليكم
ضني مايخيب أن شاء الله بكن يالنشميات
مشكلتي يابنات
بالحشره الصغيره مره الطائره تعبتني توني جايه من المطبخ وشفت وحده:eek:o
مع أني والله العضيم أغسله بمنضف وعملاق بس شفتها وأيدني والله متشقشقه منه
وأنا تعبت منها مادري من وين تجي
عطوني الحل والله لأدعيلكم بكرى بفطوري لا تحرموني طلبتكم ومنكم نستفيد:eek5
أنقر للتوسيع...


هلا اختي ما عليش رد متأخر بس توي ادخل الموضوع ..


يمكن تحطين فاكهه برى الثلاجه واكثر شي يجيبه البرتقاااااااااال
 
يجب تسجيل الدخول أو التسجيل كي تتمكن من الرد هنا.
عودة
أعلى