ـ*ـ*ـ( أنا الذي نظر العور إلى أدبي .. وأسمعت كلماتي من به صقهو )ـ*ـ*ـ تأملات فكرية :d

[خوي السرور]

سلام عليكم .. حي الله العرابجة والمطاوعة والفاضين فكرياً ووقتياً




النت الآن صار بمتناول كل مهب ودب .. العاقل والمهبول ( ولا أعيّر أحد:d ) الكبير والصغير ..

فصارت الدعوى دردبيس .. لدرجة أني أنا وهو أنا كاتبن موضوع وبه هدورهـ يضيعون وقتهم بالقراية :d


المهم .. صار كلّن ينسخ من أي هرج يلقاوهـ قدامهـ ويلزخهـ ( نك نيم ) له بالمسن ولا بالفيس بوك ولا بأي مكان ..

يعني تخيلوا واحد شين قوة .. ولا جاء طاري الجمال وهيك .. نفخ صدره وقال : الجمال وأنا أخوك جمال النفس

ولا واحدن داجن هاج .. كل شوي ناقز يقول : الغنى غنى النفس .. ههههههههههه الله يقلع مخك عشانك داج فطنت لهالحكمة :d:d

أذكر أنتشر برود كاست قبل فترة عن هالموضوع .. دقيقة خل ألزخه لكم


برب ..


..

..

..

تيت لووووووووووووووول ..


البرودكاست يقول :

ولدعمره 10 سنين عنده بلاك بيري وكاتب بالبروفايل( أحبها .. ليش يآ دنيآ ضيعتي سنيني ؟!؟) أي سنين ضاعت ! وأنت باقي لك تطعيمات ماخذتها.

والله أنه صادز هاللي كتب هالبرودكاست .. يعني تخيلوا تخيلوا .. لي قريبة مابعد طقت الـ 12 سنة ..

كاتبتن عن الحب وموت ورآح عمري ومدريش أيش .. على راح عمري قلت هذي جايبتن سبعة عيال وطلقه رجلهـ :d

ولا يجيك واحد يحط توقيعه بالمنتدى :

ان صمتي لا يعني جهلي بما يدور حولي ولكن ما يدور حولي لا يستحق الكلام

طبعاً لاقريت هالكلام تقول وش هالذيب الأمعط .. لكن لو تويدز من ورا الشاشة وش تشوف ..

تلقى دبشتن هاجتن به .. تناديه فلان فلان تلقاوه مادري عنك .. أجل لايعني جهلي بما يدور حولي .. هأ هأ :d


ولا الثاني اللي يكتب :

لكل كلمة أذن، ولعل أذنك ليست لكلماتي, فلا تتهمني بالغموض

تلقى براطم كبار وخمسة سنون مكسرات .. والطاء ينطقه عين والتاء ينطقه غاء .. بعذرهم الناس مايقهمون هرجك وأنا أخوك :d


عاد كل شي ولا اللي يكتب بيت شعر بالفيس بوك :

الزمن هذا مات الأوفياء ولم يبقى إلا الخونة ....الخ

:09:
:09:

عاد لو أنت خويه ذا وتدق عليه تقول له فلان الله لايهينك أبيك بحاجة بسيطة تلقاوه يصك جواله ..
أجل مات الأوفياء ؟ :d


ولا عاد لاصرت طالب جامعي وجاك حدا الطلاب يسأل الدكتور :

ياشيخ ياشيخ .. ماعلاج التعامل مع عوام الناس ودهماءهم ..الخ


:09:
:09:
:09:

يعنني تراي الحين أنا أعقل الناس .. يوم قرا كتابين صار يشوف الناس عوام ودهماء عسى تدهمه سيارة :i121

ولا يجيك اثنين يتناقشون .. ولا أنحجر واحد منهم نفخ صدره وقال :

يخاطبني السفيه بكل قبح ..

ولا :

لو كل كلب عوى ألقمته حجراً

لا ياشيخ ؟ يوم أنحجرت ؟!

الهرج يطول .. لكن ماهوب كل من كتب كلمتين طلع يستاهل هالكلمتين ..

ويالله عن أذنكم ..(h)

 

[أبو غــلا]

يخاطبني السفيه بكل قبح ..

ولا :

لو كل كلب عوى ألقمته حجراً

والله إنك جبته , بعض الناس لآ منك حجرته قال يخاطبني السفيه هههههههه
طيب ياهدر حنا بنقآش :113: ~

يآخي صآرت الناس تشوف الكلام المزبرق ونسخ ولصق ومآيدرون إنهم من جنبه هههههه

تذكرت واحد مرسلي رساله يقول [ بمعنآه ] :
إني أعامل الناس بأخلاقهم مب بإخلاقي

هههههههه تسيف إنه دبشه !
لو تقول يعني انت ابو وجيه ومالك شخصيه زعل :d


موضوع عظيم (h)

 

[تمر القصيم]

موضوع متميز يقطع الكبود من الضحك
اجل مااخذ تطعيمات وراح عمره
:d :d :d :d :d :d :d
والله اثرك تنسيم يابو سرور وينك عن الكشكول
اخبرك من نجومه الالمعين ومن القداما به​

 

[الهــارف]

السلام عليكم موضوعك فيه شي من الصحة لكن يقابله أيضاً شيء من الخطأ واللي أستغربه منك تحط أقتباس وتقعد تخيل الشخص على أنه صغير ولا زي كذا يعني ( تخيل )
شكلك متعقد ههههههه

 

[GIVENCHY]

جبته بالصميم والله :096:

الانتقال الكبير .. من الرياض إلى بريدة :

|||||||||||||||||||||||||||||||||||||||||||||||||| ||||||||||||
100 %
جاري الآن الانتقال ..

منزلن مبارك يابو سرررر , لاتقولي شمال بريدة ؟ :113:

 

[~ [ جناح ] ~]

بـ إغماض الأذن عن سماع موضوعك :d

> وش سالفة توقيعك :09:
لأني بأروح للي قال لي الخبر آك اليوم و قلت له مهب صحيح و أقول له أنه صار صح عليك :d

> ضروري نشوتك أنت و أبو عزاز :$

 

[Bleeder]

تميز مع إني مادري وش أنت تقول :09: ذذذذ

لكل كلمة أذن، ولعل أذنك ليست لكلماتي, فلا تتهمني بالغموض

شي جميل والله :096:

 

[أبو رزان]

ولدعمره 10 سنين عنده بلاك بيري وكاتب بالبروفايل( أحبها .. ليش يآ دنيآ ضيعتي سنيني ؟!؟) أي سنين ضاعت ! وأنت باقي لك تطعيمات ماخذتها.

والله أنه صادز هاللي كتب هالبرودكاست .. يعني تخيلوا تخيلوا .. لي قريبة مابعد طقت الـ 12 سنة ..
كاتبتن عن الحب وموت ورآح عمري ومدريش أيش .. على راح عمري قلت هذي جايبتن سبعة عيال وطلقه رجلهـ

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ذي بلحآآله :d
موضوووع تووووحفة :f:

 

[تمر القصيم]

هههههههههههههههههه
ابوعمر اثرك معادي 2011 للنصر
خخخخخخخخخخخخخخخ
الله يعينك على نصراويين المنتدى
يبي يجيك جلد بس تولم
وكان تبي فزعات ماعندك ايت مشكلة
^_^ هههههههههه ^_^​

 

[Leader.20]

ههههههههههههههههه :090: باقي لك تطعيمات

مهبول هالبرود كاست :41 :d

موضوع خوقاقي :113:

يخاطبني السفيه بكل قبح ..

بديت اكره هالبيت هذا من كثر ما سمعته

 

[[ لــمّــآح ]]

^
لأنك سفيه .. :d


أبو سر /,
أول شي وعليكم السلام < عشان الواجب وإلآ منتب كفو من يرد عليك !!
الحين كل هالطمج الي فوق قاعدن تسبهم ويردون عليك ومرفعينك =(
يعني الحين لو أسبك تمدحن هههههههههههههههههههه ناس ما ادري معين تقرأ :113:
ولا شفت نفسك هدر مب كلنا هدورة مثلي أنا أستمتع بمشاهدة كتابات الهدورة مثل الموجودة فوق :d
ولا أدري من متى وأنت بادي تنصح هههههههههههههه أخبرك من الربع الي أنت رآسمه والعيال الي يلعبون حوله ههههههههههههههههههه ولا أنسى مثلثات فيثاغورس ههههههههههههههههههههههههههههههههههههههههههههههههه أنت مثل العمى الي يقول انتبه لا تطيح ههههههههههه صرآآحة توي أدري إنك ثقل هالموضوع ما ادري هو جاي غلط وإلآ أحد كآتبه غيرك وأنت ناسخه بالغلط وإلآ مكثر من المرقوق البارح :113: حبي لك أبو سر :d

ولا أنسى أقول /
يخاطبني السفيه بكل قبح
فأكره أن أكون له سفيهاً
​

 

[Leader.20]

^^

لا تمدحن بالحيل تراي أستحي :113:

 

[مخاوي الصمت]

آن لمخاوي أن يمد رجليه :113:

أبو سر ياهلا والله ومسهلا
توه تنور بريدة بالرجال شرواك

 

[خوي السرور]

الشرهة علي أنا اللي أعطيكم من حكمي وتجاربي في الحياة .. قم تقلع بذاك

 

[تمر القصيم]

ههههههههههههههههه
لا والله ياخوي تراني معك يالغالي
كلام توووب والله وصحيح
ولكن تكون الصحة في جزء
ومرة في الاخر لأنه قد يكون
هناك من هو صادق بقوله..!
ولا لا..​

 

[kozan]

هههههههههههههههههه ض1 تنسيم يابو سر ض1





\

 

[[ لــمّــآح ]]

الشرهة علي أنا اللي أعطيكم من حكمي وتجاربي في الحياة .. قم تقلع بذاك

هههههههههههه ع هونك يالعم أتفق معك إنك شايب بس حكم وتجارب بالحياة !! يا عم أنت متى هارجت العالم وإلآ اختلطت بهم :113: كله حرفين وأنت ماشي العمر مب دليل على إنك حكيم
ما عمرك شفت شايب خبل :113: أتمنى تبص على المراية شوي (h)

 

[خوي السرور]

^
^
^

بس ولو !!

 

[قــــراقــــوش]

هههههههههههه قسم انك فطستني من الضحك... مع ان الموضوع قديم لكن والله فطست من الضحك..

إلا تعال :09::09:ايه صدق الموضوع قديم:i125 أنا أشوف الضحكه تقل مغبره:070::070:

ومع ذلك ..

يخاطبني السفيه فلا أجبه:028::089:​

 

[خوي السرور]

وش اللي قديم .. ماله ألا شهرين وتوي أفطن أردّ


ههههههه حياك قراقوش .. الله يكفينا شر كل من تفكيره قرقوش ..