عاجل: لحاملات البكالوريوس (تم تمديد مدة التقديم ليوم الإثنين 19/ 11)

[راقيه باخلاقي]

كيف تمدد الفترة وهم موقفينها من يوم الأحد
والله لعب وإستخفاف بعقولنا
حسبنا الله ونعم الوكيل

 

[حلمي العذري]

هآآم للي بتقدم ع الوظآئف المسائيه المفتوحه بالاشراف التربوي >> أخر يوم الاثنين القآدم




بدخل بالموضوع مبآشره بدون مقدمات ..

اليوم رحت للاشرآف التربوي علشآن الوظائف المسائيه وعبيت بيآنآتي ورآح أقولكم بالظبط وش يبون ..!!

صوره من وثيقة التخرج + شهادة حسن السيره والسلوك + صوره من بطاقة العائله + إذا عندك شهاده لآي دوره تدريبيه

( وفيه أوراق يعطونك أياهآ تعبين فيها بياناتك أيضاً )

ورآح أكتب لكم الطلبآت اللي يبغونهآ بالسيره الذاتيه وياليت تسوينهآ بالبيت وتكتب وتطبع بالكمبيوتر لانه مايبون خط اليد

الاسم
تاريخ الميلاد
مكان الميلاد
السجل المدني
الحالة الاجتماعيه
المؤهل
التخصص
التقدير
النسبه
المهارآت
العنوآن
الاتصآل (رقم الجوآل )


أخر يوم يوم الاثنين ..

دعوآآتكم لي بالتوفيق دنيآ وأخره ويفرج همي ..

 

[مستقبل واعد]

جزاك الله خير

 

[الاميره توحه]

جزاك الله خير بس وشو وضائف اشراف تربوي
ومسائيه مافي صباحي ؟

 

[قـــصـــيـــة]

المعذرة على التأخير ورد على عجل :f:


أنا رايحه اليوم الإربعاء وكانت معي أكثر من 17 بنت جايات للتقديم واستقبلونا بكل احترام
وتقول الموظفة هذي الطاولة فيها الإستمارات كل وحده تاخذ ورقة وتعبيها وتقول تبون شي أي إستفسار

لا قالوا موقفينها ولا غيره!


المهم .. المطلوب منكم/
- السيرة الذاتية ( اللي كتبتها لكم اطبعوها مع بياناتكم بالكمبيوتر)
- صور من شهاداتك
- صورة لبطاقة العائلة
- مع الإستمارة اللي عبيتيها منهم


موقع الإشراف التربوي الشمال/
قسم النساء بحي البشر مجمع الامير سلطان التعليمي
تحديدًا للقادم من دوار النهضة
( يضع أسواق ـ بركتين سابقًا العثيم حاليًا ـ خلفه )
ويتجه جنوبًا في طريق عمر بن الخطاب
ثم ينعطف يمين عند أول إشارة
ويتجه غربًا يأتي المبنى على اليسار.



بالتوفيق ..

​

 

[بنت الشيخ صالح]

الله يجزاك خيييير​

 

[سر الوجود]

الله يجزاك خير

 

[حلمي العذري]

آميـــــــــــن وياكم يارب ..

لا أختي مافيه صباحيه بس مسائي وهي في مدآرس الاحياء تقريباً مثل الانشطه الصيفيه..

 

[ام احمد3]

طيب ياحبي لك اللي معه ثانويه ودبلوم حاسب

يقبلون شهادته؟

 

[قـــصـــيـــة]

^^

نعم يقبلون شهادة الثانوية وشهادة الحاسب .. موفقه​

 

[د:سهى]

أختي قصيه
وحده من معارفي راحت لاداره النشاط بالإشراف يوم الثلاثاء الماضي 13/11
قالوا لها خلص التقديم يوم الإثنين12/11!!!!
كيف اللحين صار تمديد؟؟؟؟؟

 

[قـــصـــيـــة]

^^

أتوقع بعد ما انتشر خبر التقديم اللي هم ساكتين عليه حسب ماقالوا اضطروا للقبول!

وروحي السبت ماراح يردونك واطبعي السيرة الذاتية قبل ماتروحين لأنهم مايقبلون أوراقك إلا تكون كاملة
لأننا يوم نجي الإربعاء طلعنا علشان نطبع السيرة والبيانات بالكمبيوتر ورجعنا ثانية !​

 

[د:سهى]

الله يجزاك خير ويسعدك اختي قصيه
وربي يكتب الخير للجميع

 

[برق تلالا]

حبوباتي لا تطيرون بالعجة !!!!!!!!!!
التعميم نازل للمدارس و الخبر نازل بموقع الإدارة العامة للتربية و التعليم بالقصيم و فيه المعلومات الصحيحة و هذا رابط الخبر
http://www.qassimedu.gov.sa/main/news.php?newsid=468

 

[بنت البشر]

مشــــكوره اختي قصية

ياليت اللي راحت لهم تخبرنا وشش شروطهم

 

[القمرررر]

ثااااااااااااااانكس ع الخبريه

 

[روعة النسيان]

طيب اختي ماتدرين عن حاملات الدبلوم؟؟

 

[بسمه فرح]

مشكووووورة اختي
ربي يوفقك(f)(f)

 

[قـــصـــيـــة]

جزاكم الله خير جميعًا :f:

طيب اختي ماتدرين عن حاملات الدبلوم؟؟

سواء شهادة ثانوي بكالوريوس دبلوم توكلي على الله وقدمي : )

مشــــكوره اختي قصية

ياليت اللي راحت لهم تخبرنا وشش شروطهم

العفو .. ادخلي هذا الرابط

http://www.buraydahcity.net/vb/showpost.php?p=3233504&postcount=25

​

 

[برق تلالا]

بنات ادخلوا على الرابط اللي بموقع الإدارة و اطلعوا على الشروط و الأوراق المطلوبة عشان تروحون بأوراقكم كاملة و تختصرون الوقت و الجهد على أنفسكم و على الموظفات.