طريق الناصريه ( هضم وانت في السياره)

الحالة
مغلق و غير مفتوح للمزيد من الردود.
ن

ناقد وصريح

New Member
بسم الله الرحمن الرحيم
مساكم الله بالخير
بالامس كنت في طريق الناصريه الصراحة البلديه وش يحسون به
حفريات ترجعك للونيان مطبات وانت تمشي كانك في سباق قفز الحواجز
لا اناره ولا شي اااااااه بس الله يصبرنا
 
ياليت يصور ويعرض قبل انتخابات المجالس البلدية

ويقال لااعضاء المجلس البلدي كلوا ماخبزتوا​
 
والله اني لامرينا من عنده خصوصا بالليل
وأخوي الله يصلحه راعي جلعده بالسياره مهب صاحيه
اني اتشهد وماغير الا متمسكه
وأناظر بالطريق وياويل أحد يتكلم

الصراحه طريق مررررررررعب​
 
ياما كتبنا وبكين عند ابواب المسؤلين بس على فكرة الطريق مو شمال والا كان مصلح من زمان

هذا جنوب بريدة وجنوب بريدة الامانة مخليتة محرقة هذا اللى صاير
 
الكلام كثير عن طريق الناصرية
والله إن المسؤولين ما عندهم
إلا الابتسامات الصفراء
ولا يزينون أي شيء
أنا بالنسبة لي والله إني أكثر
ما أمر من عند طريق الناصرية
وآكل المطبات أدعي على الأمين .
ولا يقول أحد إنه ماله دخل .
إلا له دخل ونص لأنه لويبي وقف
على روسهم لمين يزينونه
لكن هو أصلا ما همه ، ولا له استراحة
بالناصرية ولا له بيت ولا فيه أحد يستفاد منه
مناك . ( ولكن لاحياة لمن تنادي )​

وعلى العموم فيه واحد مقدم خطاب لللأمير يوم
الأربعاء الماضي الموافق 23 / 5 / 1432​
 
السلام عليكم -انا يوم الاربعاء دخلت على الامير فيصل بن بندر واعطيته خطاب بي أسمه وبي اسماء الحي من الاخضر والوجيعان والناصرية والخليج وصور من ملاحظة الطريق وانا أنتظر الرد يوم السبت غداً أن شاء الله الله يكتب فيها الخير.
 
طريق الناصرية ... اقل شيء يقال عنه مهزلة وفضيحه ..
ياأخوان حنا من اللي يمرون مع هالشارع بشكل رسمي ..
شارع بدون زفلتة متوسطه .. كله حفر وترقيع .. حفريات .. تحويلات .. مطبات ... بدون عيون القطط ..
شارع كله مستودعات ..
انا ابسأل سؤال لو هالشارع يمر من عنده السلطان ولا الأحمد .. هل يبي يستمر على ما هو عليه ..
لكن الله لا يوفق من كان السبب ..
 
اي والله انه ملاهي

انا امر بشكل مستمر هناك

انا ودي ادري ليه حاطين مطبات صغار ؟ علشان نهدي مثلا من زين الشارع لو نهدي تتفكك السياره ولااسرعنا اشوا شوي

اعوذ بالله ياهالبلديه
مادري متى بتصير عنده ذمه


تحياتي لمن دمر حياتي = البلديه هع
 
الحالة
مغلق و غير مفتوح للمزيد من الردود.
عودة
أعلى