ساعدوني ,, جرثومة المعده

الأموره

New Member
السلام عليكم



انا اليوم سويت اشعه وتحاليل وطلع معاي جرثومه بالمعده :eek5 والحمدلله على كل حال

انا رحت مستوصف سلامات لاخصائيه باطنيه جنسيتها سوريه وارتحت لها واول مره اروح لها

بغيت اسألكم احد جرب هالدكتوره ؟

وش افضل اخصائي او اخصائيه باطني عندنا في بريده عن تجربه ؟

وياليت اللي اصابته هالجرثومه تفيدوني كيف تعالجتوا منها ؟ وش هي اعراضها ؟ ووين تعالجتو ؟


الله يجزاكم خير تفيدوني من خبراتكم ولاتبخلون علي وان شاء الله لكم دعوه بظهر الغيب
 



اولا : الله يشفيك ويشفيني ويشفي جميع المسلمين ..

ثانيا : جرثومة المعده من الأمراض المنتشره في كثير من الناس .

ثالثا : من واقع تجربتي ابعطيك العلاج وان شاء الله ينفع معك ..

العلاج : فيه صيدلي بصيدلية الخويلد اللي بالأسكان مقابل اسواق الحسن وبجانب مستوصف بريده للأسنان ,, قولي له ابغى علاج الجرثومه وعلاج اللي مسببته الجرثومه وهو صيدلي كوووويس مره
وانا مامدحته الا اني شفت فائده من علاجه وهو راح يعرف وش تبين وراح يعطيك العلاج وطريقة استخدامه ..

طبعا الجرثومه هي اللي تسبب لك الغثيان بالعاميه ( المر ) وكثير من الناس مايعرف ان الغثيان اصله من جرثومة المعدة وخصوصا اذا كان عندك الغثيان مستمر ..

طبعا انتي استخدمي العلاج اللي يصرفه لك الصيدلي وبنفس الفتره اللي تستخدمين فيها العلاج فيه مشروبات لازم تتركينها نهائيا بفترة العلاج والا علاجك ماراح يكون له قيمه ابدا ..

1- المشروبات الغازيه بأنواعها : بيبسي , سفن آب الخ
2- مشروبات الشعير ( البيره )
3- الشاهي وهذا هو عدو الجرثومه خصوصا اذا الشاهي خادر مره ...

كل هالمشروبات بفترة العلاج اقطعيها نهائيا ,, وبعد ماتخلص فترة العلاج عادي ترجعين لها بس الأفضل تخففين منها خصوصا الشاهي لأنه يوجد فيه ماده هي اللي تتغذى عليها الجرثومه ..



مع تمنياتي لك بالشفاء العاجل وجميع مرضى المسلمين ..




تحياتي واشواقي ,,


 
الله يعطيك الصحه والعافيه اخوي ماقصرت


ياليت اللي ماعنده خبرة يرفع لي الموضوع والله يجزاكم خير
 
ماتشوفين شرّ طهور بإذن الله -

أعطيكِ نصائح سريعة جداً جداً مهمة لا تهمليها أبداً ولا تتراخي فعلاج الجرثومة هو | المكافحة | :

1- تناولي في الصباح الباكر وعلى الريق " زبادي مع نصف فصّ ثوم بمعنى أنها قطعة صغيرة تقطعينها وتخلطيها بالزبادي " ( ليسَ لها رائحة إذا تم خلطه مع الزبادي )

إضافة لـ 7 تمرات في الصّباح .
2- ابتعدي تماماً عن الأكلات الحارة والتوابلْ وأيضاً بقدر ماتستطيعي تجنب الملح . حاولي التقليلْ منه .
كثير من أقاربي أصيبوا بالجرثومة وغداؤهم " أرزّ مسلوق بماء وزيت زيتون وقليل من الملح " !

3 - تجنبي القهوة خاصّة على الريق .



| هذه نصائح لمكافحة الجرثومة مع تناولْ العلاج |
أسأل الله لكِ السلامة الدائمة والعافية -
 
اهلين يااختي والله يعافيك ان شاء الله وانا صارت معي كنت احس بالجوع مرررره واذا اكلت لو تمره احس اني مكتفيه والجوع استمرار معي يعني كل نص ساعه احس به وآلم في المعده وبعض الاحيان احس من شدت ألم بظهري الله يعين وانا رحت للمستوصف سلامات وعن الدكتور الباطنيه اسمه د/عماد عزو خدو واخذت العلاج اول شئ عطاني مضادات للمده اسبوع بس لازم تأكلين لانه قويه المضادات وبعدين عطاني علاج ثاتي واحد استمر عليه لمده خمسه ايام وتركه وثاتي اكله لمده شهر وبعدها واتركه واسوي تحليل بعد اسبوعين لانه ماراح يروح مفعول العلاج الا بعد اسبوعين ع فكره اسم تحليل جوتومه المعده باختيار تنفس اليوريا وهواحسن شئ يطلع نسبه الجرثومه المعده وهو تحليل دقيق جداااو الحمدلله والشكر راحت عني الجرثومه
 
الله يشفيك يـــــــارب

اختي إنتبهي تشربين القهوه بهيل

وتأكلين قشر التفاح يزيدن الآلم

كثير أقاربي جتهم الجرثومه وتعالجوا عند الشدوخي برياض

على ماأعتقد اسمه كذا ..
 
عودة
أعلى