حفل تخرّج مدارس الريادة الأهليه

الحالة
مغلق و غير مفتوح للمزيد من الردود.
شكرا لكم
انا وحدة من طالبات الرياده حاضره الحفل مو متخرجه قسم بالله حفل ماقول حفل الا وشو بس خايييس بكل معنى الكلمه
المكان حرر وصغير والمسيره حوسه والامهات بلشوا يدورون لهن مكان يجلسن والمايك ضعيف مافيه سمعات ع سنع وربي اني رحمت كل البنات الي تخرجوا واقول تعوضونه بالجامعه يارب
وان شاء الله تخرجي ماراح يكون عندهم مابي اعيش الي شفته ابي رُقي وسنع ابي اذا جيت اخذ بطاقات مايذلون من معلمه لمعلمه نتطلبهن

واللي يقولون حفل المناهل صحيح هو بمدرستهم بس انيق وجميل وديكور حلو

عزائي لبنات الرياده الي تخرجوا ذي السنه
 
من جد حفل اقل كلمه تنقال عنه (زباله)

اولا :ززحمممه
ثانياً : موقفيننا ساعه علشان المسيره وشالو الكراسسي وجلسو يكرمون وسحبو علينا !!!
ثالثاً : وحنا واقفين للمسيره ننتظر يخلص تكريمهم دخل علينا رجاال !!!ويخافون على سمعتهم من التصوير واخذو الجوالات ولا اهتمو بالرجل الي داخل علينا هه
رابعاً : سكرو الباب على امهاتنا يقولون المديره تقول لحد يدخل من الضيوف زحمه مافيه اماكن .. ايي اسلوب هذا !!!! من الذوق يامديرتي العزيزه ماتردين ناس معزومين !!!

* الرياده خربت بعد بشااير

# لحد يسجل بالرياده الي يبي اهليه يروح رياض القصيم ولا المناهل
 
ايي صح نسيت ..


ماعطونا شي ذكرى للتخرج ولا شهادات
عطونا ورد بريال هه ولا حتى ضيفونا ولا عطونا ولا شي !!!!!

هههه عمركم شايفين حفففل تخرررج جايبين بسسسطه !!!!! هذا اكبر دليل انه بدبره مبزره وقليلين ذوق

اهنيهم الصراحه على ذوقهم الجميل هههه

المفروض يعوضوننا بحفل احسن خربت سمعتهم بعد الحفل هذا ,,,,
 
اشوف لو الموضوع يغلق اصرف ooo1
واضح الموضوع تصفية حسابات :cool:
احمدي ربك انه محطوط لك حفل غيرك يتمنى يطلع وينجح مايبي حفل :rolleyes:

وترى صحيح انا معلمه سابقه بااحد المدارس وفعلا فيه تعميم انه ممنوع الحفل يكون بقاعه او بأي مكان
مالم يكن في صرح تعليمي

واتق الله ترى كل كلمة محاسبه عليه (h)
نصيحه اخويه فقط لاغير :p
 
اوك ... عارفين انه فيه تعاميم

البيان ماسوو الحفل بمدرستهم بقاعه مسوينه

نور الرساله ( الروضه ) مسوين حفلهم بالرصافه !!

ليه هم سوو برا وحنا لا ليه حاطيننا بمكان فشلونا مع اهلنا ( حسبي الله ونعم الوكيل عليهم )
 
وجع أصبتي ب الأغلب وبالغتي ب القلييل ..
و أساساً الرياده هذي أول سنه لها تصير سمعتها سيئه لدرجه عاليه ويدل هالشيء على قايدتها الفاشله مع احترامي :)

وحفل التخرج ! حدددث ولا حرج
كان نفسي لحظتها امشي على الزايرات وأعتذر لهم على بشاعة الحفل
وأحررر التعازي للدفعه الخامسه واللي أنا منهم :')
 
el7lm قال:
اشوف لو الموضوع يغلق اصرف ooo1
واضح الموضوع تصفية حسابات :cool:
احمدي ربك انه محطوط لك حفل غيرك يتمنى يطلع وينجح مايبي حفل :rolleyes:

وترى صحيح انا معلمه سابقه بااحد المدارس وفعلا فيه تعميم انه ممنوع الحفل يكون بقاعه او بأي مكان
مالم يكن في صرح تعليمي

واتق الله ترى كل كلمة محاسبه عليه (h)
نصيحه اخويه فقط لاغير :p
أنقر للتوسيع...

اشوف لو الموضوع ماعجبك مايلزمك تردين ، وإلا ؟
غيري عينه صغيره !
وغيري مادفع وتخسّر عشان يدرس ويحتفل مثل الناس ،
انا ما اعترضت على المكان ! مع تنه غيري طالع بس مشكلتنا نسمع ونطيع !
شوفي المناهل بمدرستهم لكن قالبين المدرسه ، وغير كذا ساحتهم غير عنا ،

عارفه ان كل كلمه محاسبه عليها ،على العموم شكرًا ()
نصيحه تخويه وانتي تحرقين كبودنا زياده ؟

* اسلوب بالكلام فاشل ( الله يعافيك ولايبلانا)
 
كوب شآي قال:
وجع أصبتي ب الأغلب وبالغتي ب القلييل ..
و أساساً الرياده هذي أول سنه لها تصير سمعتها سيئه لدرجه عاليه ويدل هالشيء على قايدتها الفاشله مع احترامي :)

وحفل التخرج ! حدددث ولا حرج
كان نفسي لحظتها امشي على الزايرات وأعتذر لهم على بشاعة الحفل
وأحررر التعازي للدفعه الخامسه واللي أنا منهم :')
أنقر للتوسيع...

بالغت من ناحية الغش وذم المعلمات يمكن ،

المعلمات متميزات بالحيل ،
والظلم ماشفت من المعلمات شيء حمدلله : )
لكن الاداريات ، يفتقرون للضمير والذمه ،
حسبي ربي وكفى ،

*لكن يمكن هي شافت شيء حنا ماشفناه !
 
صح بالغت من ناحيه المعلمات والاداريات

المعلمات من احسن ما يكون ( الاغلبيه طبعا )
والاداريات يسوون المطلوب منهم ولا هم ودهم يتركوننا على كيفنا ...
 
حرك تبلش5 قال:
الى يذاكر درسه ينفع نفسه >عبارة تربويه من معلمتي ايام الثانوي

قومي الله يصلحتس وذاكري دروسك ترى الاختبارات السبت الجاي

بدل مانتي داخله النت تسبين عشان حفله ورحله

انا ايام الجامعه ماحضرت حفل تخرجي بحجه انه قبل الاختبارات باسبوع ولاهتميت به وهو ضخم على مستوى المنطقه

استعجب من بنات هالوقت

الاختبارات السبت ترى ذاكرو خذو حقكم بيدكم وعلمكم هو سلاحكم

الله يصلح مايعطي بس
أنقر للتوسيع...

كلام سليم :41 أختي ما ادري على أيش تحتفلون طيب ماعجبكم الحفل تحتفلون بيتكم أزين لكم بعدين هذا حظكم والله ماراح تحسن بطعم تخرج الا عند الجامعة تطلعين وانتي ماسكة شهاده الجامعة ورافعه راس اهلك مهو ثانوي باقي مرحله ماكملتيها استغفر الله مثل ماقالت الأخت حرك تبلش ماراح ينفعكم الا شهادة مهو تخرج وبعدين سويتي حفل تخرج وبعدين أيش يصير بعدها مايصير شي بس احبيت اقول لكم شدوا حيلكم في ثانوي وجيبوا شهادة وان شاء يصير كل شي خير
 
..روح بريدة.. قال:
اشوف لو الموضوع ماعجبك مايلزمك تردين ، وإلا ؟
غيري عينه صغيره !
وغيري مادفع وتخسّر عشان يدرس ويحتفل مثل الناس ،
انا ما اعترضت على المكان ! مع تنه غيري طالع بس مشكلتنا نسمع ونطيع !
شوفي المناهل بمدرستهم لكن قالبين المدرسه ، وغير كذا ساحتهم غير عنا ،

عارفه ان كل كلمه محاسبه عليها ،على العموم شكرًا ()
نصيحه تخويه وانتي تحرقين كبودنا زياده ؟

* اسلوب بالكلام فاشل ( الله يعافيك ولايبلانا)
أنقر للتوسيع...
ياقلبي انتي ماعمرك سمعتي بالراي والراي الاخر والا تبين كل الناس تأيدك !!
بس واضح ياقلبي انك محترقه وبقوه ياحرام :d .. تعاطفت معاك صراحه:cool:
للعلم انا مثلك دفعت فلوس وكنت بأاهليه بس ماهمني ولاطقيت خبر بس شكلك ياقلبي مشفوووحه حفلات :S وعندك نقص بتعوضينه وشكل كل هاليورزات من جماعتك :d

عموما اذا انا فاشله ياحبي بالكلام اجل انا وش اقول عنك صراحه
معه حق المديره تحجرمثل هالعقليات :rolleyes:

والله يعظم اجره هي اذا فيه ناس كذا متحامله وعلقيته طفوليه :rolleyes: بس ان شاء الله تجي الكليه وتأدبك مثل ماادبت غييرك:S

واذا عندك كلام يالناجحه هاه روحي للاداره وكلميه مو جايه توطوطين بالمنتديات ومسويه فيها فضايح .. احمد ربي واشكره اني مو مديرتكم:eek:o

واقول اتركي عنك النت وروحي ادرسي ترى ماباقي شي على الامتحانات اخاف يتحطم قلبك للمره الثانيه وتحطينه براس المديره :rolleyes: >>برضوآ نصيحه اخويه lol

ههههه عساني مااجي ادرَس عندكم :eek:o
 
التعديل الأخير بواسطة المشرف:
el7lm قال:
واضح ياقلبي انك محترقه وبقوه ياحرام :d .. تعاطفت معاك صراحه:cool:
للعلم انا مثلك دفعت فلوس وكنت بأاهليه بس ماهمني ولاطقيت خبر بس شكلك ياقلبي مشفوووحه حفلات :s وعندك نقص بتعوضينه وشكل كل هاليورزات من جماعتك :d

عموما اذا انا فاشله ياحبي بالكلام اجل انا وش اقول عنك صراحه
معه حق المديره تحجرمثل هالعقليات :rolleyes:

والله يعظم اجره هي اذا فيه ناس كذا متحامله وعلقيته طفوليه :rolleyes: بس ان شاء الله تجي الكليه وتأدبك مثل ماادبت غييرك:s

واذا عندك كلام يالناجحه هاه روحي للاداره وكلميه مو جايه توطوطين بالمنتديات ومسويه فيها فضايح .. احمد ربي واشكره اني مو مديرتكم:eek:o

واقول اتركي عنك النت وروحي ادرسي ترى ماباقي شي على الامتحانات اخاف يتحطم قلبك للمره الثانيه وتحطينه براس المديره :rolleyes:

ههههه عساني مااجي ادرَس عندكم :eek:o
أنقر للتوسيع...

تدرين ظلمتين بكل كلامك !
بس اقول حسبي الله عليك ونعم الوكيل ،
تلقين جزاتك بعدين باذن الله .
 
مسسكين من يعتقد أن هُناك حفل !!
حقًا مسكين :/

* اُراهنُكم إن وضعُوا تغطيةً لحفلهم الجاف ، الخالي من أيٍّ معنًى للسعاده
!
وإن وضعتموه ! سيخدعونكم بصُور مُقربه وهاربه من حقيبة الصدق !

جميعُ المدارس يُظهرون حفلاتعم وبكل فخر ؛
وخريجاتهم يردّون بكل سعاده وشرف : (


أتدرُون لا اُسمِيهِ حفلًا إنما كابُوس وصباح الخميس استيقظنا منه .
أسألكُم بالله !
أيُوجد حفل تخرّج بلا "مايكرُوفون" جيّد !
اُقسمُ لكُم أنّي لمْ أسمع صوتًا ولا حتى كلمه !

لا اُشفقُ إلا علينا !
خريجه واضيق بذلك اليوم ؟
والله لم تحصُل إلا لخريجاتِ الرياده ،

أتدرون مالذي حصل هُناك ؟
ضوضاء ، سوءُ تنظيم ، اُمهات تقِف لفترة لتنتظر أن تأتي مُعلمه وتنهر الطالبات
وتأمرُهن بالابتعاد ،
والمُخجل في ذلگ أسألها إلى أين اذهب ؟
تقول "مادري عنك روحي لأي مكان والا روحي ورا اهم شيء الامهات "
اهااا اتعتقدين انّ امي ستسعد انك نهرتني بعيدًا وارحتِها ؟
وحصل أن الحفل الخريجات يسِرن بلا صوت !!
لايأتي احدٌ ويقول أن هناك صوت لاتكوني كاذبه !
اعلم هناك صوت لكِن لايسمعه الا من احتضن السماعه :/
امهاتنا تحترق من الحرّ !

دليلًا أن اليوم فشل ،
^ اخجل ان اسميهِ حفلًا !!!
زوجةُ مالكِ المدرسه :
قالت اعتذر عن هذا الحفل ، واعتذر عن المكان لايُسمح لنا الا هُنا او في لمدرسه ،
حتى أنّي ارى الخجل ورغبة الهرُوب من اراء الامهات والغير ،



نُريد التعويض يامُن خذلتمونا : (

اقسم اني مذ كُنت في الصف الثالث متوسط وانا احلم بحفل تخرجي :/
حتى اني عزمت على الاهليه لأن مُبتغاي الحفل .
اما عن الدرجات لاتنفني فأنا مُتفوقه حتى في الحكوميه : )

حسبي الله ونعم الوكيل على من خذلنا وأمَات فرحتنا .


* لاتنسوا أني راهنتكم على عرض تغطية الحفل البائسِ ذاك !

العام الماضي رُغم ان حفلهم تعبوا عليه ويعدوا الا انها عوّضتهم وبافضل ،
بشرى القفاري ،
اخشى أن لا ترَين طالبات السنه القادمه ،
أو أن يُحضنُوك المعلمات إمّا توديعًا ، وإما تغيير منصب : )
لأنك لستِ كفوًا للإداره .

بحقيبتي الكثير ، لكِن اكتفي بذلك ،

اخيرًا ،
*طالبة خائبه وذاتُ حظٍّ ميٌت :(
او يُقال قدرٌ ميت ،



منقول
 
لستُ ملزمَ على: انّ اُشكل نفسيٍ وفق اهواًء الناسٌ إنّ اٌعجبهمّ فـ “هذاُ هو طبعيٍ “ وإنَ لم أُعجبهم , فـ كثيرهُ هي الجدران
 
ي بنات الحلال انا صراحهه م اشوف شي بتعامل المعلمات معنا الاغلبيهه عسسل الا ماندر عاد والمدرسسهه ماخربت الا يوم تغيرت الادارهه والا العام مع بشاير وش زين المدرسهه والحفل صراحهه فاشلل بقوآ فشلونا عند اهلنا ماقول الا الله يعوضنا بشي احسن وخلاص هذآ شي ورآح وحبي لكن ماتدرن وين الخيرهه به ..


وانا زيكم بثالث وتحطمت من الحفل : (


rihab
 
الله يعوضكن بالخير ..
بس سؤالى لآ يكون مدرسه هالرياده هي معهد الرياده حق لانجليزي
لى أني مفكره اني بدخل ومتحماسه بقوه له :(

^

خيباتن طموحي t.t
 
لا لا المعهد مبناهه احلىى واكبر من المدرسهه نفسسهه واحسهه حلووو مو شين لذيك الدرجهه بس كان قرف لانو مب كبير بالحيل والحضور للحفل كثيير
 
الاداررررره فاااااااشله بمعنى الكلمه. المديررره يختصصصاررر ماتنفع تصصير أبدا مديره. لاتعامل. ولا. أسلوب وغير كذا حتى المراقباااااااات. تعاملهم زفت مع الطالبات بالصراخ تقول أصغر اعيالهم. والحفل شين تفشلنا من أهلنااااا. مو حفل. أزباله. والمعلمات. ليش مو عاجبينك. كلهم بعضهم أسلوبهم زفت. وتقول نترجاهم. يدرسونااا. وبعضهم قمة الروعه مع الطالبات. أمثال الاستاذه أميمه الهجرس الأستاذه مها الشمري وطبعنا ماننسئ أفضل معلمه. بتاريخ الريا ده كلهاالاستاذه مريم العازمي. اسلوبها. روعه هالأستاذه مع جميع الطالبات. الله يوفقها ويوفق معلمات الرياده دنيا وآخره
 
الحالة
مغلق و غير مفتوح للمزيد من الردود.
عودة
أعلى