حديقة الاسكان . . ! (( ومعانات المصور. .)) ..

Ould Nasir

Ould Nasir

New Member
السلام عليكم ورحمة الله وبركاته

طبعا شي قاهرني كثير اني اشوف هالمنظر لكن لو اطلع الكاميرا اول شي بيصير لي يقال لي . لاتصور مكان عوائل

طبعا سويت هالحركه تحدي لنفسي ..


ماخفيكم وانا اصور جاني واحد قال لاتصور مكان عوائل قعدت اتلفت وقلت له من يقول ممنوع التصوير ؟ قالي من اللقافه الزايده انا اقولك ممنوع عطيته قفاي وحقرته وكملت شغلي بتركيب القاعده


ككل المصورين يواجهون هالمشاكل وبعضهم تمسكهم الشرطه زي ناس اعرفهم وجلسو بالحجز وطلعو بكفاله ههههههه كانهم مسوين عملية سطو .. .. نصيحه لاي مصور لاجاك واحد يتلـقـف عليك اول شي تسويه
لاتعطيه وجه لنه بيحوم تسبدك


وللمعلوميه
الاماكن الممنوع تصويرها ..
الاماكن الحكوميه +الاماكن الي فيها لوحة ممنوع التصوير من الاماكن العامه
لكن غير كذا .. ماعليك من احد .. ومعلومه تقيك من الجلد والضرب ..
لاتصور مكان فيه حريم ..ولو كان قصدك توثيق تبع موقع لني مجربها وصارت لي مشاكل آلى بكرا ..

نرجع للموضوع

مكان التصوير

حديقة الاسكان التصوير الاربعا الي راح .

الوقت

الظهر قبل اذان العصر بنص ساعه تقريبا ...


وهذي هي الصوره ..

download.php


الاعدادات

1.0 ثانية سرعة الغالق

f/10.0
100 ISO


​
 
التعديل الأخير بواسطة المشرف:
ههههههههههههه على طاري التصوير والتوثيق
انا سحبت من الكاميره وكتبو لي محضر :113: تبع خفر السواحل
بزعت وصور حدا سيارتهم وهي تمشي ولحقون وسحبو الكاميره البطاقه وقالو لي الحقنا للقسم
عاد الحمدلله سويت انواع البهارات والمصريات وخلون امسح الصور وكتبو لي محضر ورجعو الكام
الصدز انهم صيخون :113:

اما عن الصورره الصراحه قمه الروعه والابداع
والمعالجه شيء ثاني
 
عبود هههههههههههههه

قد مره اول مامسكت الكاميرا فرحن فيها

رحت لسوق التمر وشففت زحمة وقلق وناظرت يمين العساكر
كللهم مجتمعين يسولفون هههههه

واجي من اللقافه واصورهم .. ويجون لمي وياخذون

الكاميرا ويخلين اوقع على ورقه ويكتب به اني صورتهم ومدري وشو

عاد بالاخير قلت له يارجال انا طاف بالكاميره

ومدري وشو واقعد اخربط عليه قل كل الناس

تبي تصور ولو اني داري انه ممنوع كان ماصورتكم

بفلاش < مصورهم بفلاش بالنهار ههههههه حتى يعني للحين ماعرف شي

قالي هالكاميرا تبي ترجعلك بس لو نشوفك تعرض
الصور باي مكان راح نجيبك من اذنك قلت لالا سم سم
مهوب لازم اذني واحذف الصور قدامه وارجع لسياره
ارركض واركب واهج بغيت اروح به بس فكن الله هههههه​
 
ممتازة جداً مجلعد ..

بس لو انك ماطلعت ملاهي الاسرة الفرحه تسان ازين :d

وُفقـت ..
 
ياحبيلك ابو عمر .. لو تلاحظها انها الوان باهيه مخليه الصوره احلى ..

وغير كذا مافيه مكان احسن من هذا لتصوير .< درت ع كل الحديقه ..

هالمكان مفتوح مافيه العاب اطفال . . + مافيه مشتتات لصوره فاهم علي
 
-صحيح المصور يتعرض لمضايقات من الناس

وحصل لي عدة مواقف معهم

- اما عن الصورة فإبداع ما شاء الله وتستاهل التميز والتثبيت
 
اولا الصورة والزاوية جميلة ماشاءالله تبارك الله .. ليتك استخدمت تأثير HDR بيعطيك شكل خرافي خصوصا مع تشكيل السحب الموجود ..

بالنسبه للمعاناة .. لابد من وجودها ..
لكن آخر قرار طلع التصوير مسموح في كل الاماكن العامه ماعدا الاماكن التي يوجد فيها لوحات تمنع التصوير ..

يعني بعطيك رابط ملف بي دي اف .. اطبع القرار واي واحد يجيك صك القرار بوجهه وقل له لايكثر حتى لو عسكري ..


تفضل

http://www.almirkaz.com/index.php?option=com_ltree&task=att_download&link_id=390&cf_id=24
 
يجب تسجيل الدخول أو التسجيل كي تتمكن من الرد هنا.
عودة
أعلى