بخصوص خطم النساء من غير تفكير والربشة ..أمام السيارات بالأسواق ..

الحالة
مغلق و غير مفتوح للمزيد من الردود.
ل

للآخر معك

New Member



أرجو الانتباه من بعض النساء لأني لاحظت .. ربشتهن .. أمام السيارات بالأسواق .. مما يجعلن السائق يجلس يفبرك لدقائق .. هل تبي تخطم ولا أمشي .. وهي ترجع خطوة وتقدم خطوة على وزن ( لاهنت أبقطع ) وهذا يعتبر شي ايجابي .. جس النبض ..قبل الخطمة من بعضهن .. ولكن المشكلة والمصيبة عند البعض الآخر من النساء التي لاتداري ولاتفكر بل .. تخطم وكأن العباية الي لابستها ( مدرعه ) ضد الحوادث .. وكأن السيارة التي أمامها .. خيل .. عنده احساس ويبي يوقف ..

أكثر من مرة اذا طلعت السوق أشوف مثل هالمواقف خصوصاً بشارع الصناعة والرصيف الي بين الجامع وقبة رشيد .. لأني هالشارع بالذات أعاني منه كثير .. وتشتد معاناتي لما تخطم بنت بسرعة .. أوقف لأني أخاف ولدها أو بنتها تركض خلفها .. ناهيكم عن زحمة السيارات وخلفي سيارة ( ملحم ومعلق البوري ) على وزن .. أخلص ..

الأنتباه الأنتباه الأنتباه هداكم الله .. وراعو أطفالكم .. فمالها داعي مبسوطين رايحين السوق تشترون وراجعين للمستشفى لاسمح الله .. فهالوقت بالذات ومع الزحمة .. يزداد غرباء المدينة وجاهلي الطرق ويكثر الغشمان ..

الله يقينا ويقيكم شر الحوادث ..



​
 
ملاحضه

الانتباه اذا وحده تبى تقطع تشوف السياره اللي بالخلف هى مسرعه او لا <<يعنى خلف السياره اللى تبى تهدى عشان تقطع

ممكن تسبب حادث

تحصل هذى المواقف
 
بعض الحريم اذا راحت للسوق تنسى نفسها
وذا الخطمات مالها حل الا انك تحط بشنطة كل حرمة جسر مشاة تستخدمه عند الحاجة
وياليت اذا حصلتم حل للمشكلة هذي تشوفون مشكلة الحرمة اذا جت بتسحب من الصرافة يا الله ساعة كاملة شكلها تمر على الخدمات كلها
 
والله إذا ولا واحد من اللي بالسيارات محترم كفاية إنه يوقف عشان النساء يمرن ، كيف بتقطع الشارع ؟ ولا تروح تمسك لها سيارة عشان تقدر تروح للجهة الثانية من الشارع تقضي أغراضها ومستلزماتها.
واللي يقول تطّولون عند الصرافة، آسفين طال عمرك بنكشف وجيهنا عشان نشوف زين عشان حضرتك ما تنتظر دقيقتين بالسيارة،

للأسف مستحيل تصدق إنه شهر رمضان والرجال يتجاوزون بعض بهالشوارع ومنبهات سياراتهم ما تسكت ،
كل واحد كأنه الوحيد اللي صايم و عنده مستلزمات يقضيها ،

الله يصلح الحال، إحمد الله إنك تقضي حاجتك بنفسك وما تنتظر منة أحد

حديث صحيح رواه الشيخان في الصحيحين عن النبي صلى الله عليه وسلم من حديث أبي هريرة رضي الله عنه ، قال صلى الله عليه وسلم : {استوصوا بالنساء خيرا}

عن أبي هريرة رضي الله عنه قال : قال رسول الله صلى الله عليه وسلم : ( دينار أنفقته في سبيل الله ، ودينار أنفقته في رقبة ، ودينار تصدقت به على مسكين ، ودينار أنفقته على أهلك ، أعظمها أجراً الذي أنفقته على أهلك )

 


صحيح كلامك
و بعض الاشخاص يقطع الشارع وهو ما أنتبه للسيارات

try قال:


للأسف مستحيل تصدق إنه شهر رمضان والرجال يتجاوزون بعض بهالشوارع ومنبهات سياراتهم ما تسكت ،
كل واحد كأنه الوحيد اللي صايم و عنده مستلزمات يقضيها ،
أنقر للتوسيع...

مشكلتنا بعض الناس يخليك تعصب ، يمسك له مسارين ماتدري هو رايح يمين او يسار ؟
و لا يمسك المسار الايسر ويمشي 40 و معطيك اشاره انه بيلف يسار ؟ يالحبيب مافيه ملف بتطلع فوق الرصيف

أو الي يكلم بالجول و يلف على الخلق خاصه لا صار معه جمس او جيب هنا مالك غير المنبه !!

و الي يجيك بالاشاره من يمين لليسار و يجلس يهاوش بعد ؟ هذا ودك بس تحط صدآمك بوسط باب سيارته

 
والمشكله الكبرى هي اذا انت وقفت لتعبر المراه اواي واحد تصير على ا عصابك لايجي مطفوق من يسار

مسرع ولايشوف اللي انت واقف له ​
 
والله انا ما حب احد يأقف لي اخاف يصدم من ورى او انا يصدمن واحد جاي مسرع لانه حصل مع ابو جيراننا وقف له واحد وجاء الثاني مسرع وصدمه ومات يعني الي ياقف لناس عشان يخطمون الله يعيينه يا واحد يبي يصدمه من ورى او يبي يصدم الي وقف له من واحد ثاني !!وشكرا على الموضوع
 
انتم يالي تخطمون الشارع سواء بنت والا رجل

انتبهوا ثم انتبهوا ترا بعض السواقين مايشوفون زين عندهم ضعف بالنظر

(( واولهم انا ))

اذا بغيتوا تخطمون اخطمو بسرعه

مهب بعضهم يسحب رجليه تقل يمشي على بيض

والله اني أعاني منهم الي يخطمون بالليل ويمشون شوي شوي ولا يشافون تلقاه رجل لابس قميص اسود والا ثوب اسود ولا يشاف والا بنت لابسه عبأه ولا تشاف

والله مره بغيت اصدم هندي خطم ولا دريت به واجي أهدي قوه واروح يسار ويجي هو يرجع يسار واجي انا واروح يمين عنه والله لو انا مسرع كان صادمه ومايرده الا مسجد البليهي لكن الله ستر
 
التعديل الأخير بواسطة المشرف:
والله انك جبتها على الجرح

لا واللي يقهرك بعضهن يخطمن وياقفن قدامك على وزن (وقف تراي بقطع) طيب يابنت الاجواد اقطعي ولا ارجعي مايحتاج الرعب اللي تسوينه

من يعرف دوار القيروان؟؟ اقسم بالله وحده قبل اسبوع او اكثر قطعته ولا كأن فيه اي بشر يمشون بسيارتهم كادت ان تموت اكثر من مره ؟؟ المشكله انه دوار موب شارع عادي ... دواااااااااار !!!!

شكرا
 
الصراحهـ جبتها على الجرح

واللله اننا نعاني معنات مع الحريم اللي زي كذا ...

الله يصلح الحال بس
 
الحالة
مغلق و غير مفتوح للمزيد من الردود.
عودة
أعلى