المودم +بطاقات برودباند

[دجه بس رزه]

السلام عليكم ورحمة الله وبركااته


وشلونكم ياحقين بريدة ستي؟:d

عساكم بخير


والله انا جاي ومعي سؤال اتمنى تجاوبون عليه بكل شفافيه <<متعوووب عليه:d: 12

واحد من عيال الحاره يقول ان نتهم ب250 وسرعته 4 ميجا
وحنا سرعتنا 512 ونفس السعر ياخذون

مب قهر بالله؟؟

المهم طال عمركم السؤال هو


حنا عندنا مودم

ولاجت الفاتورة تجي فووووووووق

نقعد بالاشهر ماعندنا تلفون

همن امي تقول كله من نتكم ذا

ياخذون بالشهر علينا تقريبا 250 او هي 200
وواحد من اخواني يقول لا ياخذون علينا 400

والله ما ادري كم

بس كل واحد يقول راي خخخخ
وشلون ادري كم ياخذوون ؟؟؟


على الدي اس ال
وهذا غير البطاقات الي نشريه ب50 ولا 60

وغير فاتورة التلفون

خخخخ

شفتوا وشلون


المهم واحد من قرايبنا عنده مودم وتجيه فاتورته لحاااله

يعني يبي يسدده ولا لا كيفه ماله دخل الفاتورة بفاتورة التلفون
كل وحده لحال
وشلون تسذا وش نسوي عشان نزينه ذي؟؟



عاد واحد الله يجزاه خير مره شافن بمحل رايحن اشحن النت (اشري بطاقه)

قال بكم ذا ومدري ايش وكم ياخذون منك

عاد انا قلت له

انهبل
قال انا واحد من قرايبي عنده مودم وسرعته 4 ميجا

ويكلم بالتلفون ببلااااش

والفاتورة هي هي ماتتغير

يعني ياخذون منك بس 250 ريااال


تخيلوا


عاد انا بحثت وبحثت واخر شي ماطلع لي الا باقات برود باند جود ولا جود بلس

عاد عطون وش رايكم اقول لبوي يغير حقنا

وفيه احد مجربه؟؟

وشلون طيب نحط هالخدمه


+

هل لازم اشري منهم مودم

ولا مودمي لقديم الي الحين به؟؟


وعندي سؤال بعد <<ياكثرك

وش الفرق بين جود وجود بلس

الفرق بينهن 150 ريال
مع انهن نفس المواصفات

وهذي هي الصفحه الي به الباقات

هذي جود
http://www.stc.com.sa/cws/portal/ar...nd-intr-str-intrhm-brdbndjood?favouritLang=ar


وذي جود بلس

http://www.stc.com.sa/cws/portal/ar...-broadband/ind-intr-str-intrhm-brdbndjoodplus


نفس السرعه بس السعر غير

وش الفرق ؟؟ تراي مافهمت



ياليت توضحون مشكورين الله يجزاكم خيييييييير

تراي محتاااس​

 

[دجه بس رزه]

ادري اسألتي كثيره


بس تكفون وضحوا الي تقدرون عليه

 

[GaLi aLaThMaN]

وعليكم السلام يا حق المودم :d


بخير .. وانت شخبارك
.
.
يا بعدي انا مالي بهالامور > ازين شي لاصار عندك اخو راعي تفلسف بهالامور :41
لاكن اتوقع لو تدخل موقع الاتصالات تحصل كل الباقات و ا سعارهن



تحياتي لك​

​

 

[بريداوي2000]

الصراحة اسئلتك كثيرة حتى الواحد لو بيجاوب عليك يمل من القراءة ويروح بس انا بقول لك الصراحة كسرة خاطري << مسوي حنون
المهم انا اقول لك وش الفرق
طال عمرك فتح عيونك معي وركز شوي
الفرق بين جود وجود بلس
نجي لم جود هذي باقة من الاتصالات قيمة الاشتراك الشهري 205 ريال شهريا
الخدمات
1- اتصال مجاني داخل المملكة لجميع المناطق يعنى تكلم الرياض تكلم الدمام اى منطقة بالمملكة مجاني تراء بس من ثابت لثابت
2- انترنت يصل الى 4 قيقا يعنى النت يصير سريع قوة طبع الاشتراك يسمى افاق شامل يعنى انسى شراء البطاقات والشحن
طبعا الفاتورة تجي كل شهرين ...

نجي لم الثانية وهي جود بلس
جود بلس طول الله عمرك اشتراكة الشهري 390 ريال طبعا هذي شهري
الخدمات
1- مكالمات مجانية داخل المملكة طبعا جوال وثابت يعنى تكلم جوال او ثابث مجانا
2- انترنت يصل الى 20 قيقا يعنى تلطم ونت تصفح لايطير شماغك من السرعة طبعا افاق شامل يعنى لا بطاقة ولا شحن

الحين عرفت الفرق

نجي لم المدم اذا كان المدم الى عندكم حق الاتصالات ما يحتاج تغيرة

نجي لم كيف تشترك
اتصل على 907 وقل لهم ابي اغير للباقة الى انت تبي اختر الى تناسبك اما جود او جود بلس

وفية باقة جديدة اسمة ام جود وهذي قيمتة 199 ريال طبعا نت ومكالمات مجانن بس من ثابت لثابت

انا عن نفسي مشترك فى خدمة من موبايلي اسمة برودباند البيت هذا عن طريق الابراج لا يحتاج تلفون ولا شي واشتراك كل 450 لمدة 3 شهور ويعطونك شهر مجاني بس مشكلتة ما يشتغل فى كل حواري بريدة

واى استفسار انا حاضر