أختي مساكي الله بالخيروكيف حالكم عساكم بخير إن شاء الله!
والله ياأختي البشوت تباع عندنا هنا ببريده في الجرده بالسوق الداخلي خلف شركة الحسون تقريبا أوقبلها وأنتي جايه من شمال شارع الملك عبدالعزيز(سابقا) تدخلين قبل الشركة بسوق شعبي قديم مسقوف من عند محلات للعود والبخور تدخلون شرق وتلقونهن على اليمين قبل المحلات الجديده للجرده! أذكر فيه محل قديم اسمه محل العييري يعلمك بالصدق والأنواع وأسعارهن بس تلقونه بالنهار (صاحب المحل) والمحلات غيره كثيره!!!
وروحوا وعاينوا وشوفوا بنفسكم وإحكموا بأنفسكم!
والله يساعدكم ويسهل علينا وعليكم وعلى المسلمين أجمعين! قولي آآآمين!
