اشلون أقدم على أهلية ؟!

[الشيخة تمرة]

هاه اشلون أقدم على أهليات هل ضروري أخاذ أوراقي و أناقز بين المدارس !

وإلا أدق وأسأل اذا كذا الله يعدي عنكم ابي أرقام أهليات ..

والله يجزي خير ألي يرد و ثانكيو ..

 

[شوق ~]

إذا إتصلتي بيقولون تعالي ونشوف
أحسن روحي أو وصي أحد يروح عنك

أذكر أخذت ملف أختي
وفيه كل الشهادات المطلوبة
وعطيته الأهليّة وقبلوه بدون ماتكون موجوده صاحبة الملف

وبالتوفيق (h)
​

 

[جوولي]

ياليت تفيدونا بعد اذن صاحبه الموضوع
وش المطلوب منا بالنسبه للشهادات
مثلا الوثيقه وشهاده حسن السيره والسلوك ...؟

 

[حبيبتهم]

ياليت تفيدونا بعد اذن صاحبه الموضوع
وش المطلوب منا بالنسبه للشهادات
مثلا الوثيقه وشهاده حسن السيره والسلوك ...؟

صورة عن الوثيقه
صوره عن حسن السيره و السلوك
صوره عن بطاقة العائله

 

[جوولي]

طيب لازم الوثيقه تكون مختومه ولا لا
يعني بعد مااصوره لازم اروح للكليه يختمونه لي ولا يكفي الي بالصوره

والله يسعدك ويحقق مرادك

 

[سعوووودي]

التقديم على الاهليات

١- الوثيقه ( مو لازم مختومة ) واذا تم توظيفك يطابقونة مع الاصل
٢- شهادة حسن السيرة والسلوك
٣- صوره من دفتر العائله
٤- خبرات اذا موجود
٥- دورات تدريبية
٦- وc.v السيرة الذاتية معلومات بالوثيقة والدورات والخبرات وعام التخرج والخبرات الي تجيدينها مثل استخدام الحاسب والتعامل مع الطالبات وارقام الاتصال

توضع بملف علاقي وتصير السيرة الذاتية الاولى


وعسى الله يرزقك الوظيفة

 

[زمان عجيب]

بنات الله يعافيكم عطونا مدارس اهلية كويسه وموقعها لأن مامن معرفة بالحيل
يعني اروح لنفس المدرسه ولا فيه ادارة خاصه للتقديم
وماعليكم امر الغد ومنارات القصيم يقولون تقديمهم عند ادارة الزويد العامه بالصفراء ابغى مكانه بالضبط ياليت احد يعطيني خبر

 

[جوولي]

التقديم على الاهليات

١- الوثيقه ( مو لازم مختومة ) واذا تم توظيفك يطابقونة مع الاصل
٢- شهادة حسن السيرة والسلوك
٣- صوره من دفتر العائله
٤- خبرات اذا موجود
٥- دورات تدريبية
٦- وc.v السيرة الذاتية معلومات بالوثيقة والدورات والخبرات وعام التخرج والخبرات الي تجيدينها مثل استخدام الحاسب والتعامل مع الطالبات وارقام الاتصال

توضع بملف علاقي وتصير السيرة الذاتية الاولى


وعسى الله يرزقك الوظيفة

الله يجزاك الجنه (f)​

 

[عزتي في شموخي]

بس الحين العقد كيف

مع القرار الجديد يعنى 5 سنين العقد او سنه

 

[الابداع القادم]

وهل يروح اسمي من جداره أو لا ؟

 

[حلوه بضحكتها]

المدارس مايطلبون هالاوراق الحين الا بعد القبول

روحي دوري ع المدارس
وتكتبين بورقه عندهم او نموذج اسمك ومؤهلك وخبراتك ودوراتك
ورقمك

اذا يبغونك اتصلوا عليك
بعدين وقتها يقولون جيبي الاوراق

 

[mŘØM]

-

بتـِدرسيننَ ولا بتشتغـِليننَ ولـِا وشَ !

 

[Light 5]

بعد اذن صاحبة الموضوع
ياليت تعطونن اسماء مدارس اقدم عليهن تخصصي انقلش
ربي يسعدكم ويرزقنا واياكم الوظايف السنعه

 

[الشيخة تمرة]

شكراً ع الإفادة للي أفاد ، وحلاالكم الموضوع يا رب يوفقكم

فعلاً اللي استفسرتوا عنه اشياء مهمه ، يروح اسمي من جداره ؟! ينقطع حافز ؟!

ويااااليت بارقام الأهليات ، علشان مانمشور ندق ونعطيهم بياناتنا

بالتوفيق

 

[انجليزية]

ياليت تعطونا ارقام وهل فعلاً يروح اسمي من جدارة

 

[سعوووودي]

لا مايروح اسمك من جداره

المدرسة الاهلية توقع معك عقد لمده سنة قابل لتجديد

واسماء المعلمات بجداره تطلع دايم نهاية السنة واجرأت التقديم كلها نهايه السنة وهذا كله مع نهايه عقد المدرسة الاهلية


كشفت وزارة التربية عن أن وجود المعلمين والمعلمات على قائمة الانتظار لدى وزارة الخدمة المدنية ضمن برنامج «جدارة» لا يؤثر عليه تعيينهم في المدارس الأهلية نهائيًا، حيث يظلون على قائمة الانتظار ومتى ما وصلهم الدور فسيتم تعيينهم على وظائف حكومية رسمية.

وأكدت أن المعتاد تعيين المعلمين والمعلمات مع بداية كل عام وهو ما يعني إمكانية عمل المعلمين والمعلمات في المدارس الأهلية لمدة عام كامل.