احذر كاميرات ساهر اشتغلت

[ksa084]

الكاميرا اللي في طريق عنيزة امام الدوائية تراه مشتغلة :112:

 

[أحب بريده موت]

الله يستر
ومشكوووور​

 

[عبدالرحمن ...!!!!]

احسن السرعة ما فيها خير .....
وشكراً على التنبيه .

 

[س ل ي م ا ن]

وين بالتحديد ؟

 

[Mr.Ges]

كذلك الي عند فندق الدبيخي للي داخلين لبريده مشغله

 

[bredawy]

هع هع عادي خلهم تشتغل ماقامت عندي ولا قعدت هماي انا اسرع
انا خابر ان السرعة 120
فيه لوحة حاطينه قبل كاميرة ساهر
اللي وانت ماسكن طريق عنيزة متجهة لبريدة كاتبين السرعة 110
ليش

 

[ابو ضليفع]

طيب ليش اذا صار بيجيك مطب يكتبون انتبه امامك مطب طبعاا كلنا عارفين ان المطب لتهدىة السرعه ...

ليــش اذا صاار بيجيك سااهر ما يكتبون انتبه امامك كامرات ... ولا عشان المطب ما يجيب فلووس وسااهر

يجيب ملااايين ....

 

[ksa084]

وين بالتحديد ؟

بعد مدخل الدوائية ووجهك جنوب بالرصيف الوسطي
السرعة اقل من 100

 

[مسك الختام]

المفروض يحطون تنبيه ان فيه كاميرة ساهر مثل الرياض
لان المتهورين ما يردهم تبنية ما تنبيه لكن تنبيه للناس الراكدة

 

[ابو يزيد.]

يااخي مليت وانا ادور مكانه ولاقيته وين بالضبط ... مو اللي بعد الجامعة وانت جنوب تجيك الدوائبة على اليسار ؟

 

[ksa084]

يااخي مليت وانا ادور مكانه ولاقيته وين بالضبط ... مو اللي بعد الجامعة وانت جنوب تجيك الدوائبة على اليسار ؟

الا

قدام بوابة الدوائية المديور مسكر بصبات بعدهن بأقل من الكيلو تجيك بالرصيف الوسطي ووجهك جنوب

او تدري غط اللوحة وادعس لين تعميك اسرع لمعرفة المكان

 

[ابو وليد المدينة]

طيب ليش اذا صار بيجيك مطب يكتبون انتبه امامك مطب طبعاا كلنا عارفين ان المطب لتهدىة السرعه ...

ليــش اذا صاار بيجيك سااهر ما يكتبون انتبه امامك كامرات ... ولا عشان المطب ما يجيب فلووس وسااهر

يجيب ملااايين ....

اللي قدام الدبيخي حاطين تنبيه بوجود كاميرا ساهر و لوحة السرعة 100

 

[أبورامي]

الله يحفظنا وياكم​

 

[متى يابريدة ؟]

أتمنى تكثيف الكاميرات في طريق الملك فهد

السرعة من بعض البزارين أصبحت لا تطاق​

 

[الأميرالحزين]

غير صحيح

 

[ksa084]

غير صحيح

اقسم بالله دوامي مناك اليوم الساعة 45 -5 الفجر شايفها

 

[ابو يزيد.]

اقسم بالله دوامي مناك اليوم الساعة 45 -5 الفجر شايفها

يااخي انا اليوم مريت من هناك مرتين ولاشفت شيء قعدت ادور على نفس الشارع مرتين , ومهدي السرعة لـ 50 ولا شفت فيه كمرات !!!!

انت متأكد ؟؟ تقصد الدوائية هي التموين الطبي اللي قدام جامعة القصيم ( كلية الشريعة واللغة عربية ) ؟


صورالكمرة لاهنت بكرى ونزل الصور هنا

 

[بن صبيح]

المفروض يحطون تنبيه ان فيه كاميرة ساهر مثل الرياض
لان المتهورين ما يردهم تبنية ما تنبيه لكن تنبيه للناس الراكدة

o معليش اخوي لو حطولك تنبيه كيف يصيدونك لازم بالبداية كذا وبعدين بعد ما ياخذون حقهم وافي نبهوك !!!

 

[ksa084]

يااخي انا اليوم مريت من هناك مرتين ولاشفت شيء قعدت ادور على نفس الشارع مرتين , ومهدي السرعة لـ 50 ولا شفت فيه كمرات !!!!

انت متأكد ؟؟ تقصد الدوائية هي التموين الطبي اللي قدام جامعة القصيم ( كلية الشريعة واللغة عربية ) ؟


صورالكمرة لاهنت بكرى ونزل الصور هنا

اسف اسف الصناعية اليوم قريت اسمها لاني مبطي عن بريدة ولا جيت الا السنة هذي اذكر اسمها الدوائية اللي قبل جرين لاتد ووجهك جنوب المعذرة

 

[ابو يزيد.]

اسف اسف الصناعية اليوم قريت اسمها لاني مبطي عن بريدة ولا جيت الا السنة هذي اذكر اسمها الدوائية اللي قبل جرين لاتد ووجهك جنوب المعذرة

ولا عليك امر صور لي مكانها بالضبط او حط مكانها من خريطة جوجل