ابي قهوة

sиєcкєяs

sиєcкєяs

New Member
مرحـــــــبا (h)



الله يسعدكم السنه الي راحت خذيت رقم وحده من المهرجان حق بريده تبيع قهوه ماشاء الله عليها وش اقول لكم الكل يسألني عنها :p مير :eek5 يضيع رقمه ياربي هي اسمه ام صالح مدري ام سليمان اهم شي تكفون ابي رقمه الله يسعد من يجبه لي يارب :eek5
 
اختي يمكن قصدك قهوت ابوعبدالعزيز قهوته جنان كل من ذاق قهوتي سئلني سر قهوك يش يسماء في عصفر ببريدة اذا اخذتها اطلبي اللي فياه زعفران صح غاليه بس تستاهل
 
بنصحك اي قهوه يضاف له اي خلطه لاتهمك ومضره على القلب والقولون

اهم شي حمس القهو صح لا تصير فاتحه غمقيه شوي وذا بدت تغلي على النار قصري عليه وخليه تطبخ له 5 دقائق والهيل لا يصير مطحون قديم اطحنيه في وقته شرط تدعين لي تبين تنسين ام صالح وام سليمان والخلطات الخرطي
اسمعي نصيحتي
 
بن هرري وحماصه قهوى وحمصي القهوى لين ماعاد تشوفين اللون الاخضر ولا تصير بني غامق

واطحنيها ونص مفواح القهوى ماء +فناجل قهوى وخليها لين تفور على نار هاديه + حطي هيل +ربع ملعقه صغيره زنجبيل وقطره حليب سايل

وبتدعيلي ليل نهار ومتاكده الكل بيسال عن قهوتس

وسر القهوى بالحمسه ثم بيد الى يسويها راعين الكيف حريفين بالقهوى
 
الامير لا فض فووووك
من جد والله القهوة تعتمد على على الحمسة وانصحك تحمسينها اانتي بالبيت ولا بحيث تشقر بشكل ولا تصير حرقانه
 
خوذي لتس بن هرري والحمسه تكون وسط ..

ومثل ماقال الأمــير .. واهم شي بالقهوه انه ماتطحنينه وتخلينه تبطي .. خلتس كل يومين طحنه وذوقي الطعم (h):41​

حرك تبلش5 قال:
بن هرري وحماصه قهوى وحمصي القهوى لين ماعاد تشوفين اللون الاخضر ولا تصير بني غامق

واطحنيها ونص مفواح القهوى ماء +فناجل قهوى وخليها لين تفور على نار هاديه + حطي هيل +ربع ملعقه صغيره زنجبيل وقطره حليب سايل

وبتدعيلي ليل نهار ومتاكده الكل بيسال عن قهوتس

وسر القهوى بالحمسه ثم بيد الى يسويها راعين الكيف حريفين بالقهوى
أنقر للتوسيع...


زنجبيل​
 :eek::i125
 
ورود و ريحان قال:
طيب فيه الخير و أم غزال و أم حبال وش الزين منهن ؟؟؟
أنقر للتوسيع...

احد يجاوبنا وش احسن قهوة ..:confused:
الخير فيع نوعين باشنفر والمستنير ايهم ازين ,,, وفيه ناس يمدحون قهوة الرفاعي اللي بالعثيم
والبعض يقول روحي للحديثي اللي بالسوق الداخلي ..
ملينا وحنا نشري من حريم ...
ياليت تقولون لنا وش الزين ...(f)
 
شوفي وانا خوك بارك الله فيك
كل القهوه مثل بعض بس اهم شي تكون حبته جيده متناسقه سواءا حبه صغيره او وسط بس لاتكون تجميع يعني لا شفتي القهوه تلقين صغار وكبار وشي نص حبه هذي مخلفات قهوه ماينفع معها لاحمس ولا طحن بعدي عنها .
ثم خذي قدر حمستك تكفيك حق اسبوع باالكثيرواغسليها وانشريها تجف عشان يروح عنه الغبار وريحة التخزين والمواد الكيميائيه لانها ترش عشان ماتسوس ... ولا نشفت احمسيها حمسه متساويه حسب رغبتك ولا بردت شوي اطحنيها طحنه خشنه وخليها تقلب علي النار ثلاث اربع قلبات ثم بعديها تصفي ثم حطي بدلتك او زمزميتك الهيل والزعفران وزليها . ودعواتك لنا .
 
سر القهوه اول شي بالحمسه تكون مهوب غامقه
ثاني شي بالابريق
الي يضبطه ابريق الاستيل ابريق المعدن يخليه مره وحامضه ويتغير لونه وجربوا وادعولي
 
افضل قهوه ذقتها لزيزه حتى بدون هيل ~ أختكم في الله مدمنه هيل. قهوه ام حبال او باشنفر من محل الجربوع بطريق عمر بنالخطاب الحمسه تقولين له ابغا حمسه 3 او 2 ونص وادعولي بكل فنجال تشربونه  
 
يجب تسجيل الدخول أو التسجيل كي تتمكن من الرد هنا.
عودة
أعلى