ابي استشارتكم يااهل المعرفه

ك

كراميل

New Member
السلام عليكم ورحمه الله وبركاااااااااته
اهلين اخواني/ اخواتي

كيفكم ان شاءالله مرتاحين ومبسوطين

انا ابي مشورتكم ومن استشار ماخاب وابي تردون علي وتتفاعلون معي وتكونون صاقين وجادين معي مالي الا الله ثم انتم وقلت بستشيرهم وان شاءالله مهب مخيبين ضني بهم

انا عندي مبلغ من المال قدره ثمانين الف ريال وابي استثمره بشي كويس ويكون دخلوه زين ومشروع ناجح وكسب حلال وطيب
وش تشرون علي فيه وش استثمره فيه طبعا انا ابي استثمره في القصيم وش تنصحونن فيه

انتظر ردودكم وفزعتكم لي ياعلي ماانحرم منكم ولا من ارائكم ​
 



اممممممممم ... ثمانين الف ريال ..

اشتري لك قطعة ارض .. بعد سنه تصير قيمته 150الف ريال... على ضمانتي ..

استخيري قبل ..

والله الموفق ..​
 
اوووووووووف 10 مشاهدين ولا رد الا واحد
عموما مهستر الله يجزاك الجنه وين الارض احصله بهل قيمه
ابي مشروع زي استراحه ولا محل يعني مشروع ويصير لي دخل سنوي عرفت كيف
 
من رأيي انا ..انك تفتحين مطبخ نسائي..وبأيدي سعوديه..

اتوقع لها مستقبل باهر..

سويت لك بحث بقوقل ..

للمشاريع النسائيه..


حينما تفكري بمشروع يجب أن تراعي أن يكون من إختصاصك أو يوجد لديك أهل الاختصاص للمشاورة
فأنا أرى مشروع الملابس العالمية المستوردة وذات القطعة الواحدة (لايوجد إلا قطعة واحدة من كل موديل) مشروع ناجح
وأذكر أحدى صديقاتي سافرت إلى بلجيكا لقضاء شهر العسل فاشترت شنط يد لأخواتها وصديقاتها بسعر دولار واحد(3.75ريال) وحين عادت رأت إقبال أهل الحي عليها للشراء مما أظطرها إلى رفع السعر حتى تعزف الجارات عن الشراء فوقعت الكارثة وأشترت جاراتها الشنط بمبلغ خيالي(350ريال) والآن تملك محل كبير وتسافر كل شهر مع زوجها وعدد كبير من أخواتها وأخوات زوجها وأخوانها حتى لا تأخذ الجمارك عليهم أي ضرائب
أنقر للتوسيع...

عمل بخور ممتاز وريحته روعه ويكون من مقاديره من العود الاصلي والغالي ومن التوله الغاليه..يكلف مبدئيا
مبدئياًٍ حوالي 10000 ريال..
أنقر للتوسيع...

مغسلة الملابس مكونة من مكبس وبولر(محطة توليد البخار)وغسالتين ونشافتين
وتكلفك مابين 20000 إلى 40000 ريال مع الإيجار والديكور
أنقر للتوسيع...
إنشاء روضة أطفال بس تحتاج لشهادتك تكون بكالوريس او دبلوم
أنقر للتوسيع...

مشروع نقل طالبات..
أنقر للتوسيع...



​
 
استقدمي كم شغالة و أجريهم . . أحدهم اقترح هالاقتراح مرة . .

أو اشتري أرض شماال بعيد و اصبري عليها سنة كذا تكسبك . .

أهم شيء انحاشي عن الأسهم . .


أو اشتري لك كم كيلو ذهب . .

الذهب بازديااااد . .

و الله يرزقك الرزق الحلال يارب . .
 
.
.

والله ياأختي الفاضلة أنا أحد العشـرة الذين قرأوا موضوعكِ , ولإن المستشار مؤتمن
ومن تكلم في غير فنه أتى بالعجائب آثرت الصمت .
وإن كنت أرى أن الناس اليوم ( حول بطونهم ) يعني أي شئ يوكل أشوف سوقه ماشي

.
.​
 
استاجري شقه بمكه واجريها وبتكسبين فيها كثير
بعدين تشرين شقه كامله تأجرينها وهكذا الى ان تستاجرين عماره كامله
واخيرا تشرين عماره وتأجرينها

شوفي الارباح وش بتصير
ترى هذي عن تجربه


وربي يكتب لك الخير وين ماكان ويرزقك
 
كراميل ..

الآن في هذا الوقت الصورة مشوشة جداً في الدخول للاستثمارات ..
اسعار متذبذة ومتفاوتة وغير مستقرة تجعل نسبة الخسارة اكبر من نسبة الربح ..

لذلك أعتقد إنه من الأفضل إنك تصبرين شوي الين تهداء الأمور وتتبين ..
وحالياً أمسكي فلوسك بقطعة أرض ..

هذا رأيي والله يوفقك ..
 
كراميل قال:
اوووووووووف 10 مشاهدين ولا رد الا واحد
عموما مهستر الله يجزاك الجنه وين الارض احصله بهل قيمه
ابي مشروع زي استراحه ولا محل يعني مشروع ويصير لي دخل سنوي عرفت كيف
أنقر للتوسيع...


يابنت الحلال .. انتي مرأة .. يعني لو بقولك على مشروع صعب عليك يبغى متابعه دقيقه ..

فالاسهل لك انك تشترين لك قطعة ارض بشمال بريده .. المشروع مضموووووون ..

انا قد شريت قبل سنتين ونص ارض بالشمال ب45000ريال .. واللحين قيمته فوق 120الف ريال
والله ..
طيب شوفي .. اذا جزمتي على انك تشترين قطعة ارض علمين ترى انا اخوي عنده مكتب عقار

وعنده خبره طويله ..

انصحك استخيري اذا جزمتي .. ​
 
صحيح مايمسك الفلوس الا الارض
اشتري ارض وبتفيدك ان شاء الله

ربي يوفق خيتو
 
.
.

الثمانين ألف ريال لايمكن أن تجدي فيها أرض إلا يمكن بالدبتس ( شرق بريدة)
وللمعلومية الدبتس (يويدز على أمريكا من بعده ) يعني تشوف أم أوباما وهي تذوق العاقود.
لكن بإمكانكِ أن تشتركي مع أكثر من واحدة لشـراء أرض على أن تتفقن على آلية البيع
يعني مهب تجي وحدة بعد شهر تقول ماكسـبنا ..

.
.
.​
 
يسلموا كلياتكم ويعطيكم الف عافيه على الاراء الجيده

بصراحه اعجبتن فكره استاجر شقه بمكه بس كيف ومن وين ياليت توضحين لي اكثر اختي
ومهستر يسلمك ربي بس ممكن ترسل رقم محل اخوك ولا اسمه على الخاص علشان اشوف عندهم شي يناسبني
يمكن املك لي بيت لاني بااجار
 
كراميل قال:
يسلموا كلياتكم ويعطيكم الف عافيه على الاراء الجيده

بصراحه اعجبتن فكره استاجر شقه بمكه بس كيف ومن وين ياليت توضحين لي اكثر اختي
ومهستر يسلمك ربي بس ممكن ترسل رقم محل اخوك ولا اسمه على الخاص علشان اشوف عندهم شي يناسبني
يمكن املك لي بيت لاني بااجار
أنقر للتوسيع...

توكلين احد يكون عارف بالامور هذي ويروح لمكه ويسأل عن الاجار والعقار هناك
ويستاجر لك انا اللي اعرفه قريب لي راح هناك واستثمر امواله بهالطريقه والاآن ساكن بمكه
وماشاء الله ماعليه

اهم شيء ادعي ربك يوفقك للخير وين ماكان
موفقه حبيبتي
 
اختي كراميل :

انا الرسائل الخاصه عندي خربانه .. ماتشتغل ابد ... مقفوله ..

انتي اجزمي هالحين .. همن عاد اتواصل انا مع الادارة عشان يرسلون لك رقم

جوال اخوي ..

بس تكفين لاتكلمينه انتي ..اغاديه اخوك والا ابوك...

معليش لان حريم واجد يكلمنه ويرسلن له ( يبلنه)

وزوجته متحسسه من هالموضوع وكل يوم مشاكل .. الله يصلح بينهم ..​
 
اوك مهستر ماقصرت ويسلموا على تفاعلكم معي وانتظر مزيدكم
وش رايكم بلمغسله ملابس كيف دخله كويس
 
شاركيني في مشروع ناجح بإذن الله ومن خبرة أكثر من 10 سنوات :41
والارباح لن تقل عن 6000 ريال بإذن الله مبدئياً وقد تصل مستقبلاً إلا أكثر من 20000 ريال

أدري مافيه امل بس هذا تلميح للشباب اللي وده يشاركني : 12

..

ندخل لطلبك

اولاً .. ممكن تفتحي مغسلتين ملابس وتكون في موقع ممتاز ويفضل تكون قريبة من شقق العزاب والعمالة .. وأجري الممغسلة على العامل بمبلغ شهري ( حسب الموقع ) لاكن أقل شيء 2000 ريال بدون أن تتحملي أي مصاريف ( يعني لا إيجار ولا إقامات ولا يحزنون )

ثانياً .. الذهب بما إن مبلغك جيد ( ماشاء الله )
الذهب إن كان اطقم ممكن تأجريها على هالحريم
أو ذهب واتركيه إلى أن يرتفع أكثر ( اليوم قريت وصلت الاونصة إلى 1512 دولار وبالريال 5747 )
والخبراء يقولون إحتمال يصل إلى 2500 دولار وإحتمال 5000 دولار :41
وهنا رابط سعر الذهب ( والله يعين اللي مقبلين على زواج :eek5 ) http://www.tqyeem.com/

ثالثاً .. شوفي شعلات الحريم والاطفال واللي ماشي , وبعدها اتفقي مع الشركات والمؤسسات المتخصصة في الصين ويجيبونها لك بأرخص الاسعار ( ومايحتاج كل المبلغ ممكن 20000 ريال مبدئياً ) اررررررررخص .. تجيبينها بـ نصف ريال وتبيعيها بـ 10 ريال <<< كمثال
وبإمكانك البحث عن طريق الإنترنت

رابعاً وخامساً وسادساً ... ياكثر المشاريع لكن اهم شيء في كل مشروع النية ثم النية ثم النية والصدقة ثم الصدقة ثم الصدقة .. وراح تشوفي التوفيق من الله سبحانه

دعواتنا لك بأن تكوني من سيدات الأعمال وتنافسين لبنى العليان
 
فيه نقطة مهمة

هناك فرق في الإستثمار

هل يكون إستثمار طويل المدى , أو بدخل شهري أو سنوي أو أو أو
 
تنبيه لا أكثر ..

ajmn

استقدمي كم شغالة و أجريهم . . أحدهم اقترح هالاقتراح مرة . .
أنقر للتوسيع...

هذا العمل لا يجوز شرعاً .. !
فهذه إمرأة أؤتمنت عليها . وهي الآن في عداد محارمك وليس لك الحق في تأجيرها .
أضف إلى ذلك أنه ممنوع من قبل الدولة .
 
يجب تسجيل الدخول أو التسجيل كي تتمكن من الرد هنا.
عودة
أعلى