أهل بريدة الأوفياء .. وجامعة القصيم .. والدراسة العام القادم .. تفضل وانصحناء ..

@

@@ الفارس @@

New Member
بسم الله الرحمن الرحيم

كم سمعنا بالقصيم والبتحديد بريدة من جمال ارضهاء وطيبة أهلها وكانت منيه زيارتها وسبحان الله دارت الايام والسنين وهاهوا الزمن يعود ليكون لي بداية دراسة في جامعة القصيم العام القادم ..

وانظممت اليكم لأتعرف بكم وبمنطقتكم ليزداد حبي بكم اكثر واكثر .. اطرح الموضوع اتمنى الاجابة والمشاركة من جميع الاخوان والاخوات وفقكم الله ..

من حيث طبيعة العيش في بريدة وشكلها ولونها وتوفر الخدمات بها من اماكن ترفيه و مستشفيات وطرق وغيرها

ودي اعرف كل شيء قبل الزيارة لها ...

وهل قريب من الجامعة سكن شقق مفروشة باسعار معقولة ويليت اقدر اتواصل مع اصحاب الشقق

وكذلك طبيعة الدارسة بالجامعة .. لن اطيل عليكم ولكن ساستمر معكم باستفساراتي مستقبلاَ

وفقكم الله الي طريق الخير وجمعنا واياكم بخير..​
 
والله عندنا منتجعات حلوهـ

مثل خب الجطيلي والمعلم الكبير بيت الجن

عندك الدعيسه

عندكـ المريدسيه تشبه هولند الى حد كبير

عندك خضيراء بس احرص اشد الحرص انك تدخله بالنهار

لانك لو تدخل بالليل عادي ماتطلع ..
 
يا هلا و يامرحبا بك بين اخوانك
شوف يا طويل العمر
المستشفيات:
1-مستشفى بريدة المركزي
الموقع: خلف الخبيب
2-مستشفى التخصصي
------------------------
أماكن ترفيهيه:
عندك:
1-النخيل مول
2-العثيم مول
3-ملاهي الاسرة
3-جرين لاند>>>>على طريق عنيزة
--------------------------
و عني لك اضافة
اذا جيت لبريدة
روح
للصباخ - رواق - الغماس - المليداء...اّلخ
هاذي اماكن فيها مزارع زورها و صدقني راح تنبسط :41ان شاء الله
-------------------------
بالنسبة للشقق و طبيعة الدراسة في الجامعة
معليش ما اقدر افيدك
------------------------
وش غيره...
اذا تبي شى لا تستحي حنا موجودين

​
 
مشكور اخي عبدالله

بس المهم هو الي ما افتني فية الا وهو الشقق والجامعة

ابي ارقام الشقق المفروشة
 
السلام عليكم

لاتخاف اخوي كل شي متووووفر شقق قريبه من الجامعه يمكن 700 متر وانت بالجامعه ..

وفيه ببريده طب وتخير ,, بكل مكان .. والارقام والله مااعرف لكن تبي تتيسر امورك ان شاء الله


وفقنا الله واياك
 
الوزير الفدرالي قال:
السلام عليكم

لاتخاف اخوي كل شي متووووفر شقق قريبه من الجامعه يمكن 700 متر وانت بالجامعه ..

وفيه ببريده طب وتخير ,, بكل مكان .. والارقام والله مااعرف لكن تبي تتيسر امورك ان شاء الله


وفقنا الله واياك
أنقر للتوسيع...

الله يجزاك خير

بس ودي اعرف ارقام للشقق اكلمهم الحين لو قدرت
 
أخوي الفارس ..

جامعة القصيم لها عدة فروع ، وأنت ما حددت الفرع بالضبط حتى نقدر نفيدك.

الطب والهندسة والعلوم والحاسب هذي موجودة في المليداء .. 10-15 كيلو عن بريدة.
أما الأقسام الشرعية والاجتماعية واللغة العربية فمكانها داخل بريدة وبالتحديد أقصى جنوب بريدة.
 
عبدالله98 قال:
ولله ياخوي
مادري وش اقولك..
ودي افيدك و بقوة
لكن شوف حصلت هالدليل
بموقع الامانة
فيه كل شى من قطاعات صحية + تعليمية+ فنادق و استراحات.....اّلخ

ان شاء الله انك تستفيد

الا ما قلت لنا انت من وين؟؟:)​
أنقر للتوسيع...

الله يجزاك بالخير ماقصرت اخي الكريم
جعل ذلك في ميزان حسناتك
 
حمد الصالح قال:
أخوي الفارس ..

جامعة القصيم لها عدة فروع ، وأنت ما حددت الفرع بالضبط حتى نقدر نفيدك.

الطب والهندسة والعلوم والحاسب هذي موجودة في المليداء .. 10-15 كيلو عن بريدة.
أما الأقسام الشرعية والاجتماعية واللغة العربية فمكانها داخل بريدة وبالتحديد أقصى جنوب بريدة.
أنقر للتوسيع...

كلية خدمة المجتمع وين اخوي


الله يوفقك
 
كلية خدمة المجتمع موجودة داخل بريدة (شمال) .. وهي منطقة متكاملة الخدمات، ويوجد شقق كثيرة (أظن تبعد 1 ك.م عن الكلية).

تقع الكلية جوار تقاطع طريق عمر بن عبدالعزيز مع الدائري الشمالي ..

موفق
 
حمد الصالح قال:
كلية خدمة المجتمع موجودة داخل بريدة (شمال) .. وهي منطقة متكاملة الخدمات، ويوجد شقق كثيرة (أظن تبعد 1 ك.م عن الكلية).

تقع الكلية جوار تقاطع طريق عمر بن عبدالعزيز مع الدائري الشمالي ..

موفق
أنقر للتوسيع...



كلية المجتمع التابعة لجامعة القصيم انا الي اسئل عنها هل تقصدها اخي الكريم
 
الله يجزاك خير طيب الكلية قريبة من المليداء او بعيده


ثانيا ممكن اعطائي اسماء الشقق المفروشة القريبة من كلية خدمة المجتمع عوائل وفقك الله
 
كلية المجتمع ليست قريبة للجامعة في المليداء .. أتوقع تبعد عنها بحدود 26 ك.م والله أعلم.

وكنت ذكرت أن كلية المجتمع تقع في تقاطع طريق الدائري الشمالي مع عمر بن عبدالعزيز .. وهذا خطأ .. والصحيح مع طريق عمر بن الخطاب.

والآن ما يحضرني شيء من أسماء الشقق.
لعل اللي ساكنين شمال يفيدوك.
 
يجب تسجيل الدخول أو التسجيل كي تتمكن من الرد هنا.
عودة
أعلى