أختي فجأه صجت من النوم ووجهه مائل؟؟

انتبهـــــــــــــــــــــــــــي
لا تتاخرون عليها
كلما بكرتوا سهل علاجها وقلت تكاليفها
ان تاخرتوا يمكن العضلات تمسك نفس الوضع ويصعب تغييرها
اشوف اهل بريده لا جاء بناتهم شيء اللي اعرفهن يجن للرياض ويقعدن اسبوع واكثر
وما شاء الله يشون
بس ماسالت وين يروحن
 
ولدي تروش وطلع للحوش آخر الشتاء هذا اللي راح وجاه أبوالوجيه,

وديته للحبيب وعطوه علاج لمده شهر وتدليك وطاب ولله الحمد بس تراه جلس شهرين.

البرد والمكيف من أسباب الأصابه.

العلك ضروري . الله يشافيها وكل مسلم.
 
انا اصابني هذا المرض قبل ثلاث سنوات وذهبت لمستوصف الرعاية بعنيزة لطبيب الباطني وفحصني وفحص العين والفم وصرف لي حبوب كرتيزون وقطرات مرطبه للعيون وحولني للعلاج الطبيعي بنفس المستوصف ,, والحمدلله أسبوعين ورجعت طبيعي .

أنصح بالعلاج بهذا المستوصف بأسرع مايمكن فالتاخير يضر جدا ... والدي أصيب بهذا المرض مرتين وعالج بالعلاج الشعبي والكي وراح للي بالاجفر يأطى الرقبة ولا فاده كل ذلك بشيء ووجهه الأن مشوه وليس له علاج والحمدلله على كل حال .
 
يقال باللهجة الدارجة اصابه الوجه
الحل والعلاج بمشيئة الله
زيت زيتون أصلي يغلى حتى يفور ثم يضاف إليه الملح الخشن ثم يدلك جيداً لتقوية العضلات والعلاج من أسبوعين إلى الشهر حسب الالتزام بالعلاج المحدد
الله يشفي مصابكم والحمد لله على قضاءه وقدره
 
مثل ماقالولك خليها تروح للمركزي يعطوها علاج طبيعي وعليها بالعلك ونفخ البلون اعرف واحد جاه ابو وجه مرتين والحمد لله تعافى من الله ثم مستشفى المركزي
 
هذا نتيجة تأثر في العصب الوجهي

اذا كان مثل ماقلتي عندها ألم بالعين والإذن

ان شاء الله الأمر بسيط

روحي التخصصي يصرف لكم الأدويه اللازمه

وحاولي تغطين العين بشاش علشان الجفاف

ومع التدليك سواء منك أو من العلاج الطبيعي لمدة أسبوع


والله يحفظكم ويرعاكم
 
اختي انا صابني ابو وجه ومال وجهي وعيني بنفس الجهه ماتسكر

جلست اسبوع بالمستشفى علاج طبيعي ولا فاااد

ورحت للي يتوطا الرقبه ولا فااااد



ودلوني على واحد شايب بحايل بقرية الودي اسمه (الحبك) وكواني من تحت اذني كويه وحده ماحسيت فيها
وبعدها ولله الحمد بساعات لاحظت التحسسسن الى ان رجعت زي اول ولله الحمد

وكثير ناس صابهم بعدي ودليتهم عليه ودعولي.. لا علاج له الا الكوي بسسس عند ذاك الشايب الله يوفقه
 
يجب تسجيل الدخول أو التسجيل كي تتمكن من الرد هنا.
عودة
أعلى