بريدة





عـودة للخلف بريدة ستي » بريدة ستي » بــنــت بــريــدة » النظره الشرعية في الخطبة ... ترووع ما فيه حل لها ؟

بــنــت بــريــدة بنت بريدة - القسم خاص بالنساء -- يمنع المنقول

موضوع مغلق
 
أدوات الموضوع طريقة العرض
قديم(ـة) 8/11/1427 هـ, 08:10 صباحاً   #1
حمامة بريدة
عـضـو
 
صورة حمامة بريدة الرمزية
 
تاريخ التسجيل: رمضان 1427
البلد: على لسان الحال .!
المشاركات: 124
النظره الشرعية في الخطبة ... ترووع ما فيه حل لها ؟



السلام عليكم و رحمة الله و بـــــــــــــــركاته ..

بصراحة مدري شقول لكن ....

بس بسألكن وشلون البنت تدخل على رجل ما تعرفه و يجلس يتفرج عليها ...
انا بصراحة خايفه اخاف ما تقوى رجولي تشيلني لحد المجلس ...

لا و بعد أبشيل معي عصير و إلا قهوة ..
و الله اني خايفه اتخرفع قدامهم عاد فشيييييلة ...
:o

وش الحل ؟؟؟
يا سعد اللي أخوانه يخلونه (يويق) عليه و هي ما تدري ....
أريح له يا ويلي ....


طيب و إذا شاف البنت و قال ما صلحت لي ؟
قلبي عليها يا بعدي .......



شاركونا في هالموضوع اللي مشغل بال أغلب البنات
و خاصة المقبلات على الزواج
النظره الشرعية الخطبة ترووع

المصدر: بريدة ستي

__________________


حمامة بريدة غير متصل  


قديم(ـة) 8/11/1427 هـ, 08:21 صباحاً   #2
ح ـنايـا الـ ق ـلب
حرف راقي
 
صورة ح ـنايـا الـ ق ـلب الرمزية
 
تاريخ التسجيل: جمادى الأولى 1427
البلد: اَلَرَيِـآضْ !
المشاركات: 4,218

الأوسمة

حنايا القلب

أهلاَ وسهلاَ ..........
أختي حمامة بريدة
بالنسبه للموضوع أنا أقول المفروض البنت ماتدخل ومعه شي لان يمكن ينكب عليه
وأنا أختي يوم دخلت على رجله رفض أبوي تشيل شي لانه بينكب من الروعه ....
بس أحسن حل للأرؤيه يشوفه وهي ماتدري ........
وأنا قريت مره قصه وهي بنت أنخطبت وقال عريس الغفله أبشوفه وهي توه قايمه من النوم والله من زين الأمور الشعر حوسه والنفسيه كده :D وحالته حاله .
عاد العريس قال ماأبي ألا هي :D
وبالنسبه اللي شافه ولا بغاه يمكن ماكتبه الله له ودافعهم عن بلاء .................


أختكمـ
حـنـايـا الـقـلـبـ

__________________
.




الْشَّوْق ~
" مُدَلّل " لا يَسَتِطيّع احْتِمَال شَيْء ..!
ح ـنايـا الـ ق ـلب غير متصل  
قديم(ـة) 8/11/1427 هـ, 11:57 صباحاً   #3
سجه فى لجه
عـضـو
 
تاريخ التسجيل: ذو القعدة 1427
المشاركات: 28
الحل عندى

الموضوع اثار تعاطفى لكل من مر بمعاناته ولكنى ا\كر ان اخوى اصر على ان يحتال لرؤية من ارادها وكانت تعمل مدرسه فقام باختراع قصة بان لديه اخت فى المدرسه واراد ان يطمأن على مستوى شقيقته التى يعيلها وعند مقابلة بنت الحلال وبعد بحث ومناقشه معها ... اظهر بانه اخطأ بالمدرسه وانسحب انسحاب عفوى .. وانسحب انسحاب اخر لم يدركه احد.... اما القصه الاخرى فكانت عندما احتال احد هم بان اصر ان يجلس الخاطب مقابل الزجاج العاكس للنافدة لتتمكن ابنته من رؤية خاطبها دون ان يشعر بهن احد وكأنه صدره بالمجلس من باب اكرامه كضيف.
سجه فى لجه غير متصل  
قديم(ـة) 8/11/1427 هـ, 04:38 مساءً   #4
°ღ احلامـ ورديـه ღ°
عـضـو
 
صورة °ღ احلامـ ورديـه ღ° الرمزية
 
تاريخ التسجيل: شوال 1426
المشاركات: 144

هلا وغلا وعليكم السلام

عيوني حتى انا حسيت بنفس شعورك من يوم تحدد موعد الشوفه وكنت شايله هم مررررررررررررره مستحيه من بابا من الحياء مو قادره احط عيني بعينه جالسه اقنع ماما هي اللي تكون معاي

ويوم جا الموعد قلت لماما اكدي على بابا لا يطالعني وانا عندهم كفايه خجلانه من الولد

أختي ما شاء الله عليها مصورة الرجال من فوق قبل يدخل وجت توريني صورته لما شفتها صرت ابكي من الخوف و قبل لا ادخل طولت شوي طلع بابا يهديني يقول ادخلي يور بوي فريند عاااااااادي كلها ثواني وجهي انقلب احمر << يا حبي لي استحي
لما سمعت صوته مندمج سوالف مع بابا حسيت براحه تشجعت ادخل بهدؤ دخلت سلمت قام عريس الهنا وقف وشكله كذا وبابا زاد عليها كذا

من الحياء اللي جاني غمضت عيوني

كان معاي صينيه عصير رحت مديت لبابا العصير وهو يأشر لي بعيونه مدي للرجال وانا اهز براسي لا

جا الرجال قال خلاص انا اجي اخذه استريحي لما جا ياخذ الصينيه من يدي حسيت اني بديت ادوخ من الخوف

لما جلست صرت مو عارفه وين اناظر وهو عيونه علي
بابا يقوله ما اعطيناك فرصه تختار العصير والرجال مو معاه يناظرني
رجع بابا عاد كلامه:D
قال هاه الا كلهن زينات

وبعدين استحى على وجه وبدى يتفلسف ويخفف دمه ولخبط بالكلام كثيييييير بجد ضحكني رفعت عيني اناظره الا هو عينه بعيني ويضحك ضحكه لها مغزى وسخ ما اعجبتني
سبحان الله لحظتها تذكرت وحده من البنات معاي في المدرسه تمووووووت علي بقوووه وانا ما احبها ما ارتاح لها بس اجاملها بصراحه هو يشبه لها ما ادري حسيت في رابط بينهم

وهو كل الشوفه يقول ماشاء الله ماشاء الله


بجد كان يوم لذيذ مع انه ما صار نصيب بيننا وهو حتى الآن ما تزوج

وع فكره ترى زوجي ما يدري عن هذي الشوفه لأنو بطبعنا ما نعلن حتى يتحدد موعد الملكه

وزوجي الحين يقرب لي ولد خالي وكان مو راضي ع الشوفه الشرعيه خاف اني ما اوافق عليه
بعد عمري هو ما صدق اوافق عليه خطبني أكثر من ثلاث مرات وآخر شيء خطبني من جدي << حتى تتأكدين انك ماراح تاخذين الا اللي ربي كاتب لك



اهم شيء اللحين جهزي اللي راح تلبسينه واكثري من الإستخاره
ويوم الشوفه اوردي على نفسك واكثري من الإستغفار
وحددي مين اللي يكون عندك افضل انك بس تخلين الوالد يكون معاك مو لازم اخوانك

اقتباس
طيب و إذا شاف البنت و قال ما صلحت لي ؟

ما عنده ذوق وما يستاهلها الحمدلله ان ربي صرفه عنها

بالتوفيق يا قمر وعقبال كل الصبايا نفرح فيهم
°ღ احلامـ ورديـه ღ° غير متصل  
قديم(ـة) 8/11/1427 هـ, 04:56 مساءً   #5
أنوار المنتدى
عـضـو
 
صورة أنوار المنتدى الرمزية
 
تاريخ التسجيل: ذو القعدة 1427
البلد: في بطون الكتب..!!
المشاركات: 896
قوووووووقسية بريدة

قسم بالله اني معجبة بوماضيعتس يابعد حيي انتي

أما عن الشوفة لاجاء وقتة يصير خير ويحلّه حلال

بالتــــــــــــــوفيـــــــق
__________________


أشـتــقـت لـــــكـــــــم:bad
أنوار المنتدى غير متصل  
قديم(ـة) 8/11/1427 هـ, 05:48 مساءً   #6
حمامة بريدة
عـضـو
 
صورة حمامة بريدة الرمزية
 
تاريخ التسجيل: رمضان 1427
البلد: على لسان الحال .!
المشاركات: 124


ماشاء الله كلكن هنا زاد قايله لكم موضوع شاغل بال كل البنات
:i128



نبدأ بأول و أهبل وحده الأخت الهبلاااااا
صفقو له

حنايا القلب

ماشاء الله أعلمهم شقلتي لي بالرسالة الخاصة << ما يقاله شي

اي و الله انك صادقه يشوفنيني و أنا مادريت عنه أصرف لي و اصرف له
و انا عاد سهل اني اشوفه اجلس بسيارة اخوي عند باب المسجد و إلا عند الجامعه و إلا عند المكوجي :D
و إلا أخلي اخوي يصوره لي بالبلوتوث و اتفرج عليه على راحتي .......

يالله وخري خل نروح للي بعدس :D



سجه في لجه

يا هلا و الله شالاسم ذا ... بدت توجعن رقبتي من أسمك :D
و الله اساليب حلوه و يارب يوفق الله المعاريس
هذا اهم شيء


أسيرة الذكرى

عادي يا شباصه اتحداك ..
و الله إذا جاءك ابوك و انتي تشاهقين بالصالة تبي تذكرين كلامي
و تقولين ما قالته حمامة بريدة
:i128


°ღ احلامـ ورديـه ღ°

يا هلا و الله ،،، ما شاء الله
احلام و ورديه بعد ... خوش أسم و الله يهبببببل
مدري ليه يوم شفت ردك تذكرت فستاني اللي شاريته قبل العام ...
يا حليلس اجل غمصتي اعنونك :D
طيب الحين رجلس يقرا ردك ذا و يدري عن اللي جاحدتن عنه
و بعدين من وين تجبين الايقونات الحلوه ذي انا ما عندي إلا هالمهابيل اللي على يساري
علمينا شلون ؟


أنوار المنتدى

يا هلا و الله بأنوار المنتدى
ماشاء الله وش اللي انتي حاطه بتوقيعك هي و اقرونه
يا حليله تشبه بنت خالة امي
لا تصيرين انتي اخته
__________________


حمامة بريدة غير متصل  
قديم(ـة) 8/11/1427 هـ, 06:26 مساءً   #7
°ღ احلامـ ورديـه ღ°
عـضـو
 
صورة °ღ احلامـ ورديـه ღ° الرمزية
 
تاريخ التسجيل: شوال 1426
المشاركات: 144

اقتباس
يا هلا و الله ،،، ما شاء الله
احلام و ورديه بعد ... خوش أسم و الله يهبببببل
مدري ليه يوم شفت ردك تذكرت فستاني اللي شاريته قبل العام ...

تسلميييييين يا قمر ,, اجل اكيد انتي ذوق وفستانك حلوو

اقتباس
يا حليلس اجل غمصتي اعنونك :D

تضحكين علي راح اشوف انتي وش بتسوين
بجد ما ادري كيف سويتها ع بالي اذا غمضت هم بعد ماراح يشوفوني


اقتباس
طيب الحين رجلس يقرا ردك ذا و يدري عن اللي جاحدتن عنه

عيوني لو هو فاضي لي راح يقراه

ما يهتم بالنت مررررره مشغول بعمله عني

اتمنى يشاركني بعض المنتديات

مره اشترك عشان خاطري في منتدى كنت انا مشرفه الساحه العامه ومعاي في الإشراف عضوين و بنت

قام تهاوش مع واحد من المشرفين ووقفت بصفه واعتذرت عن الإشراف

مع انو كان معروض عليه في نفس المنتدى الإشراف على الساحه الطبيه

ما تعجبه منتدياتي تلقينه في منتديات الأسهم والمنتديات الطبيه

الشيء المشترك بيننا منتدى عالم الحياة الزوجيه مع انه ما يعجبه يقول ما في شيء جديد كلها اعرفها


اقتباس
و بعدين من وين تجبين الايقونات الحلوه ذي انا ما عندي إلا هالمهابيل اللي على يساري
علمينا شلون ؟

نزلت موضوع في ساحة الكمبيوتر برنامج يحتوي على هالسمايلات

هذا رابط الموضوع
http://www.buraydahcity.net/vb/showthread.php?t=67535


آخر من قام بالتعديل °ღ احلامـ ورديـه ღ°; بتاريخ 8/11/1427 هـ الساعة 06:31 مساءً. السبب: اضيف سالوفه
°ღ احلامـ ورديـه ღ° غير متصل  
قديم(ـة) 8/11/1427 هـ, 07:42 مساءً   #8
أنوار المنتدى
عـضـو
 
صورة أنوار المنتدى الرمزية
 
تاريخ التسجيل: ذو القعدة 1427
البلد: في بطون الكتب..!!
المشاركات: 896
اقتباس
أنوار المنتدى

يا هلا و الله بأنوار المنتدى
ماشاء الله وش اللي انتي حاطه بتوقيعك هي و اقرونه
يا حليله تشبه بنت خالة امي
لا تصيرين انتي اخته
[/color][/font][/size][/CENTER]

[/QUOTE]

هههههههههههههههههههههههه
هههههههههههههههههههههه
أيه أنا يالحمامه اخيــــــرررررررراً عرفتين
ياحبيلتس بعد يابنت الخالة

بالتــــــــــوفيق
__________________


أشـتــقـت لـــــكـــــــم:bad
أنوار المنتدى غير متصل  
قديم(ـة) 8/11/1427 هـ, 11:42 مساءً   #9
وين انا بوه
عـضـو
 
تاريخ التسجيل: شوال 1427
المشاركات: 43
الووووووووه اختي يوم جاء يوم الشوفه البنت مستحيه وانا ماعندي ابد بزر تدرون اقولها ترا عادي ايزي الموضوع ادخلي ويسهل الله انا منا وامي منا واختي منا ما نقص الا اختي الثالثه تكملها جد بغيت ادخل بدالها المهم سهل الله ودخلت وهي منزله العيين مره مستحيه يوع جا يطلع تولمت انا واختي الاخرى مع انا معيله وكبيره بس الي فيه هبال موب رايح وكل وحده تمسك لها شباك لدرجت انو اختى ما شافته ونحن الصيع شفناه قزيناه قز الله يكون بعونه والحمدلله انكتب لها نصيب وتزوجوا وعاشوا في سبات ونبات وخلفوا صبيان وبنات وتوته توته خلصت الحتوته
وين انا بوه غير متصل  
قديم(ـة) 8/11/1427 هـ, 11:47 مساءً   #10
وين انا بوه
عـضـو
 
تاريخ التسجيل: شوال 1427
المشاركات: 43
ايه نسيت ابدي رايي انا من المؤيدين لها بس لو جاني ابوي وقلي يالله والله لقعد اصيح واسوي مناحه الي يشوفني قبل يقول وجهها ذي مغسول بمرقه لحم
بس تخيلوا البنت كاشخه وداخله ثم يجي ابوها ويقولها مايبغاك كان وش
اتوطا ببطنه واقوله من زينك وجع واكله اكل بس ورربي راحم ربي الي بياخذني لاني موب داااااخله عليه
احم احم احسن اني طولت بس تحملوني وقلوا لي شوكران مع اني مدري وش دخلها بس احب الترزرز تشكرااااااااااااااااااتي حبي
وين انا بوه غير متصل  
قديم(ـة) 9/11/1427 هـ, 12:37 صباحاً   #11
مغلية القصيم
عـضـو
 
تاريخ التسجيل: ذو القعدة 1427
البلد: البدايع
المشاركات: 1
وااااااااااااااااااااااااااااااااااااااااااااااااا اااااااااااااااااااااو
توحشت لا مو علا كيفه يشوف ولا يوافق صرنا لعبه حنا
حراام يجرح شعورها
__________________
[img][bdr][/bdr][/img]
مغلية القصيم غير متصل  
قديم(ـة) 9/11/1427 هـ, 12:49 صباحاً   #12
ح ـايلـــيـة
وقع مختلف
 
صورة ح ـايلـــيـة الرمزية
 
تاريخ التسجيل: محرّم 1427
البلد: الرِيَاضْ ❤ ,
المشاركات: 5,793

الأوسمة





اقتباس
السلام عليكم و رحمة الله و بـــــــــــــــركاته ..

وعليكم السلام ورحمة الله وبركاته
اقتباس
و بعد أبشيل معي عصير و إلا قهوة ..
و الله اني خايفه اتخرفع قدامهم عاد فشيييييلة ...

هههههههههه تذكرت قصه وحده تقول يوم جاء رجلي يشوفن..
من الخوف كبيت عليه العصير..
امر يطلع..
ويضيق صدر اهلي وراه الرجل طلع على طول..
شوي ورجع..
انهبلوا اهلها..
قال لا بس رحت اغير واجي<<انواااااع البرود:D


اقتباس
يا سعد اللي أخوانه يخلونه (يويق) عليه و هي ما تدري ....
أريح له يا ويلي ....

احيانا زينه واحيانا لا..
وان كانت بحاله لا يرثى لها..:D
وش السوات


اقتباس
طيب و إذا شاف البنت و قال ما صلحت لي ؟
قلبي عليها يا بعدي .......

الصراحه هو شيء يقهر..ويغث..
ولكن كل شيء مقدر ومكتوب..
ولا هوب اول رجل ولا اخر رجل بهالدنيا..
ويمكن بعد البنت ما يعجبها الرجل
بس كل شيء مقدر ومكتوب..



اقتباس
شاركونا في هالموضوع اللي مشغل بال أغلب البنات
و خاصة المقبلات على الزواج

:i128 <<يقاله مستحيه :D

الصراحه انا اؤيد النظره الشرعيه...
والرسول صلى الله عليه وسلم يقول فيما معنى الحديث..(احرى ان يؤدم بينهما)..
يعني النظره الشرعيه مستحبه:o

بعدين ابقول قصه لكم <<وش عنده جدتنا حايليه على القصص:D

القصه تقول..
واحد حلو واهله طافين به وبيخطبون له..
المهم راحوا امه وخواته لناس لهم بنت انذكرت لهم..
راحوا وشافوها ..البنت كانت عاديه جدا..
وهم يبون لولدهم وحده حلوه زيه:o
المهم..
طلعن الحريم وهن راجعات للبيت ..
سألهن عن البنت..
قالن خواته الصراحه مهب زينه..
ما عطاهن وجه وسأل امه..
يمه هاه وش رايتس..؟
قالت والله ياوليدي البنت عاديه وما تصلح لك..

من بكرا دق ابو البنت..
قال هاه ياوليدي تجي تشوف البنت..؟
قال لا والله ياخال ربي ما كتب نصيب..
ومن هالكلام..
لزّم الابو الا يجي ويشوفه بنفسه..
واذا ما اعجبته عاد الشكوى لله..

المهم..راح الولد وشاف البنت وانهبل عليه:D
مررررره اعجبته..
المهم..
راح لخواته ..
وتفل بوجيههن
وقال هذي شينه؟؟

والله ما دري شلون فلان وفلان <<يعني رجالهن ..
ماخذينكن ..

يعني نظره الرجال غير نظره المرأه..
تختلف بشكل كبير..
والرجل يشوف اشياء جميله بالمرأه ..
لا تراها المرأه..

وبس..
تشكرات حمامه..
سلملم





تحياتي..

حايليه وكرم طائيه

нᾶyĻeᾶ ®

__________________




ما من رُوحْ ما تُروح !


ح ـايلـــيـة غير متصل  
قديم(ـة) 9/11/1427 هـ, 10:30 صباحاً   #13
المملوحه
عـضـو
 
تاريخ التسجيل: ذو القعدة 1427
المشاركات: 14
بصراحه مشكله
ياختى ادخلى بسرعه واطلعى كما دخلتى
المملوحه غير متصل  
قديم(ـة) 11/11/1427 هـ, 01:06 صباحاً   #14
الحسناء
عـضـو
 
صورة الحسناء الرمزية
 
تاريخ التسجيل: شوال 1427
البلد: الخلـ بريده ـــيج
المشاركات: 232
اهلين يابنات حبيت اشارك معكن,,
يقول الرسول صلى الله عليه وسلم : (في معنى الحديث)
"ينظر اليها وتنظر اليه فأنه ادعى الى ان يوفق بينهم"
صراحه انا اكره الي يقول " خله يشوفه وهي ماتدري " وش الخربطه ذي
وعلى قول امي(الحمد لله تدخل عليه ومابه قصت رقبه)
وبعدين لو ما وافق مهب عشان انك منتب حلوه ,,لكن لأن ربي ماكتب نصيب..
وبعدين ابسألكن ايهم ارحم يدرون اهلك وبس ,, وإلى يقولون فلانه مطلقه؟؟
ودي اذكركن بالأستخاره // في وحده اعرفها تقدملها واحد ماعليه كلام (امام مسجد واخلاق..)
المهم ومن يوم يقولون لها اهلها كل يوم وهي تستخير ربه ,, ويوم تمت شهر قالو اهلها
ماصارت الرجال ينتظرنا وش تقولين ؟؟
قالت الى الحين ماصار شي وان شاء الله بكرىاقولكم ,,
وياحول كل الليل وهي تدعي ,,
ومن بكرى جت امها وقالت وش صار عليك ,,
قالت ماادري ,,
قالت لها امها // شوفي ترى ابوك يقول انه ما صار نصيب..
وبعدها تقول البنت اني ارتحت واستانست..

هذا تذكير ان نتيجه الأستخاره يمكن ماتطلع منك ,,تطلع من غيرك ,,
واعذرنن على الأسلوب الحلو..:D
ســـــــــــــــلام
الحسناء غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 10:30 صباحاً.


Powered by vBulletin® Version 3.8.6
Copyright ©2000 - 2014, Jelsoft Enterprises Ltd.
هذا المنتدى يستخدم منتجات بلص

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)