بريدة






عـودة للخلف بريدة ستي » بريدة ستي » نسمات برية و جولات سياحية » |[ الجني العبد , المستشار , الصباخ , الخفاش ]| في رحلة مكشاتية 1430 هـ

نسمات برية و جولات سياحية كل ما يخص البر والقنص والرحلات

إضافة رد
 
أدوات الموضوع طريقة العرض
قديم(ـة) 07-12-2009, 03:38 PM   #1
الخفاش
ربّي لا تحرِمنِي لُقيَاهم
 
صورة الخفاش الرمزية
 
تاريخ التسجيل: May 2007
البلد: تحت ظلال السيوف
المشاركات: 5,117
|[ الجني العبد , المستشار , الصباخ , الخفاش ]| في رحلة مكشاتية 1430 هـ

السلام عليكم و رحمة الله و بركاته


أهلا بكم معاشر الكشاته و راعين البر و المتابعين
يالله حيهم يا هلا يا هلا ..

إلا ما أقدر أشارك بالمسابقة ؟
<< قهر صح

لكن خل أعلمكم و الله يالبر عقم المطر إنه خياآل
ياخي أستغرب من اللي مهب يطلعون للبر أبد << لا تخلينا يا دغيم الظلماوي

على طاري دغيم , واحد من العيال اللي معنا بالكشته الله يستر علينا وعليه
بس يقحن من هالقهوة كود أضرب حسابه و أزين دلتين له
عاد ما أدري هو عن علم و لا لا


المهم يا جماعة حنا قدر الله علينا و طلعنا حنا الأربعة جميع وهذا اللي صفى ولا به ناس كالعادة
يجزم بأول الأمر همن لجت المشيه يا أما يقفل الجوال
ولا يولف علينا بكم عذر لكن مشي

أعضاء الرحلة مثل العام بس زاد أبو فجر ( المستشار )

يعني أربعة حنا هم :

الجني العبد
المستشار
الصباخ *
الخفاش


* / هذا سلمكم الله بتاع كلو أبو ريم
هو حق الميزانية و هو الناطق الرسمي لنا و هو الأمير << تراو ما أمر روحه أبد


الخطة كانت الإنطلاق من مدينة بريدة إلى مدينة حائل و الشعبان اللي قبله و اللي بعدة همن النفود الكبير همن نرجع مع طريق تربه و لينة على سامودة و قبه همن بريدة



حدا الشعبان اللي وقفنا بهن



حدا الأماكن و كله من هالأشكال على طريق حايل السريع



وصلنا حايل همن طولنا لم النفود الكبير و جلسنا هناك و تعشينا همن نمنا

بداية يوم جديد





بعد القهوة يجي الفطور من إعداد و تقديم أبو آدم



بعدين إتجهنا لم قرية العليم



هلا بيييكــ الأرض منقعة



جاء وقت لبس المداسيس و سل الفواريع



حطبنا و إستانسنا و فللنا الحوض من الحطب للرحلة كلة
همن دورنا مكان مناسب و جلسنا فيه





راحو الشباب يكملون الحطب و خلون لحاآلي الله يهديهم



أزين مابه أني قعدت أمطرس له وهم مهب موجودين
بس راحو و معهم البصل و صفت الكشنة على ثوم و طمام



الخضرة مع الرز



قضى الغدى مع المسيان و صار عشى



تعللنا هالليلة همن يوم صار باتسر قمنا ولا وش نشوف
كل الدنيا ثلج



يالله يالله الواحد يخم الضوء علشان يدفى



رايحين ندور محطة نسد به أثم الباترول
لأن محطة العليم صاكة و بلشنا



عاد لقينا محطة تشبة محطة الدريس اللي عندنا



عز الله أن أبو يمن فك أزمة عند من هالجيكات و يعبي لهالعالم


رجعنا لمدينة جبة << يقولون إنه مدينة و أبو ريم غاثته هالكلمة
بغى يروح لأميرهم يناقشه بس يالله مسكناو



بعد جبة رجعنا لم حائل على شان نطلع منه لتربة
و هذا المدخل ما شاء الله الأرض رويانه



مدخل محافظة بقعاء



مدخل محافظة تربة



نفود لينة رويال بالحيل



دخلنا بالنفود تقريباً 12 كم و جلسنا كالعادة شبة النار



و تجهيز العشاء من إعداد و تقديم أبو آدم





هلا هلا قربت المعركة



الإنقضاض على العدو



بداية يوم جديد



و قبل الزوال مشينا نبي نطلع لم سامودة << متعوب عليه قبل الزوال
عاد يوم جينا نطلع من النفود قلنا نتمشى بالنفود و نمر الشعبان



<< ترانا ما ضيعنا أبد

المهم مشينا لم سامودة همن طلعنا مع قبه و وقفنا بشعيب السهل نتغدى به



و أبو فجر أشغلنا بالتصوير



ويبدأ المستشار بإعداد الغداء





شغل عدل والله يابو فجر



يم يم



صورة وأنا مستعجل قبل ما يدزفون به همن أقعد صفر اليدين



و مع غروب الشمس ذلكـ اليوم رجعنا لم الديرة



صورة أخيرة من دفتر أمين الصندوق أبو ريم الميزانيتي




طبعاً التقرير مختصر جداً لأن الشباب بيشاركونن بالصور و المعلومات و بعض المواقف


شكراً حبايبي لمتابعتكم
و ننتظر مشاركات الشباب بتوع الرحلة



كل الود
__________________

آخر من قام بالتعديل الخفاش; بتاريخ 07-12-2009 الساعة 03:52 PM.
الخفاش غير متصل   الرد باقتباس


قديم(ـة) 07-12-2009, 03:39 PM   #2
الصباخ
هوية صامتة
 
صورة الصباخ الرمزية
 
تاريخ التسجيل: May 2003
البلد: Buraydah City
المشاركات: 12,515
هالرد بسيط علشانه أول رد، وبعد قراءة التقرير يجي الرد الجامد.
التقرير أفخم تقرير بالعالم .
__________________

الصباخ | Buraydah City

الصباخ غير متصل   الرد باقتباس
قديم(ـة) 07-12-2009, 03:46 PM   #3
مخفي
عـضـو
 
صورة مخفي الرمزية
 
تاريخ التسجيل: Feb 2008
البلد: ببلاد الحرمين
المشاركات: 1,721
كفو والله


شغل سنع


بس ماش مهب على المستوى المطلوب
__________________

عدد زوار مواضيعي وردودي كانت البدية من 19/5/1430 هـ

لا تمْد كفّـــــكْ للكفوْف الرديّه
ولا تسوق رجلكْ للذي ما يدانيك
وخَلّك خُـوِيٍّ ما يخلّي خويّه ,
وافزعْ لمنهو جاكْ بالضّيقْ ناخيك ,
وخلّكْ كريمٍ وافيٍ بالعطيّه ,
والطّيبْ والاحسانْ آول مبآديك
مخفي غير متصل   الرد باقتباس
قديم(ـة) 07-12-2009, 03:48 PM   #4
الصباخ
هوية صامتة
 
صورة الصباخ الرمزية
 
تاريخ التسجيل: May 2003
البلد: Buraydah City
المشاركات: 12,515


هلا هلا بالميزانية .
بعدين ياحبيلك هذا الشغل العدل اللي نعرف به وين راح به ريالاتنا .




على طاري مدينة جبّة أنا مارفع ضغطي إلا أنه شارعين وخمس بيوت وثلاث مزارع.
ومحافظة بقعاء أكبر منه عشرين مره ومسمينه محافظة وعارفين مقدارهم.
قال إيش! قال مدينة جبّة .


شكراً يالخفاش على هيك تقرير جميل.
وبصراحة رحلة ممتعة استمتعت فيها معكم ياحلوين، وبانتظار باقي مشاركات الشباب (أبوفجر / وأبوآدم).
__________________

الصباخ | Buraydah City

الصباخ غير متصل   الرد باقتباس
قديم(ـة) 07-12-2009, 03:55 PM   #5
الضَمَـادَا ®
صورة عـابرة ~ ذذ
 
صورة الضَمَـادَا ® الرمزية
 
تاريخ التسجيل: Jun 2008
البلد: ~ Buraydah City
المشاركات: 4,563
تمـيز يا أبو عمــر ..

~


( ويـاشين الرياض بهالإجـازة لا أمـطـار ولا شيء ) ~

عـاد اليوم أمـطـار و أبشـروا باتسر بالسحبة على الدراسة و التقرير الخفافي ::

w ــلام ..
__________________

صوت ليس فيه كلفة + كلمات صادقـة = :eek5



الضَمَـادَا ® غير متصل   الرد باقتباس
قديم(ـة) 07-12-2009, 04:00 PM   #6
بولوهي
تقنية حديثة 3>
 
صورة بولوهي الرمزية
 
تاريخ التسجيل: Feb 2007
البلد: القصيم _-_ بريدة
المشاركات: 4,599
ما شاء الله رحلة جميلة

اجل رحتوا لحايل ما شاء الله
ما قابلتوا الدعساوي به ههههه

الصراحة طلعة رهيبه > يدمع يبي موتر بر < قلعتك اشر هلي

ما شاء الله


اجل المركات مثلجة .. والله يالمنظر اليم يوم شفت الصورة رحت البس فروتي ..

ابوريم اجل حق الميزانية ..
تصدق ان اللي مخسركم البانزين لو انتم رايحين على ديزل ههههههههه

تسان الحين 100 ريال بمخباتك يابوريم واسحب عليهم ..
__________________
لاتحرمون انفسكم من هذا الموضوع

لم نرفض الموسيقى والإيقاع لنسمع المؤثرات (البشرية الموسيقية)
1. الأناشيد الصافية [بدون مؤثرات] تُريح الضمائر .
2. الأناشيد الصافية [بدون مؤثرات] تُوضح إمكانيات المنشد الحقيقية .
3. الأناشيد الصافية [بدون مؤثرات] تُرضي جميع الإعتقادات .
4. الأناشيد الصافية [بدون مؤثرات] أقل تكلفة من بقية النسخ ، إن لم تكن مجانية .

جميع مواد الشيخ محمد المنجد


بولوهي غير متصل   الرد باقتباس
قديم(ـة) 07-12-2009, 05:05 PM   #7
نَجم الدين إقبَال
عـضـو
 
تاريخ التسجيل: Dec 2009
البلد: هناك
المشاركات: 51
.
تقرير طيب .. وحماسي بدايةً من استهلالك بالمقدمة , وذِكر أفرَاد الرحلة ..

ومن لم يخرج إلى البر في مثل تلك الأجواء فمتى يخرج ؟ !!




قال الشاعر: بتصرف
انظر ونزه ناظريك بجلسةِ . . . شَعرَاء مَا زَالَت ترَاح وتمطَر

ويالله من فضلك .












دمتم بخير .


.














.
نَجم الدين إقبَال غير متصل   الرد باقتباس
قديم(ـة) 07-12-2009, 05:21 PM   #8
GIVENCHY
عـضـو
 
تاريخ التسجيل: Aug 2007
البلد: حَيثُ أكُونْ .. !
المشاركات: 7,121



عسآآي لطآعونة ..
تقرير رآئع دآئماً آتمتع بمشآهدت مواضيعكـ الدسمة < وش آثلته

لك
__________________


http://www.buraydahcity.net/vb/member.php?u=25706
فَقْدُكَ مُوْجِعٌ يَ طيّب القلب : ( !
غفر لك يـ عبدالرحمن وأسكنك فسيح جناته .. : )
GIVENCHY غير متصل   الرد باقتباس
قديم(ـة) 07-12-2009, 05:26 PM   #9
حبة فستق
الباش مهندس
 
صورة حبة فستق الرمزية
 
تاريخ التسجيل: Aug 2007
البلد: where I can live comfortably ~~
المشاركات: 5,070
تقرير ولا أحلى يا كابتن ..
ويا زين من خاواكم المرة الثانية ..
أو ما تأخذون صغارين

اقتباس
على طاري مدينة جبّة أنا مارفع ضغطي إلا أنه شارعين وخمس بيوت وثلاث مزارع.
ومحافظة بقعاء أكبر منه عشرين مره ومسمينه محافظة وعارفين مقدارهم.
قال إيش! قال مدينة جبّة .

ههههههههههههههههههههههه
بيّض الله وجيهكم إنكم قضبتوه والا تسان والله
مايرده الا وزير الشؤون البلدية والقروية .. انواع الاندفاع ..
ياحبيلك أبو ريم ..
__________________
**
من المستحيل أن تعيش حياتك بالطريقة التي تحلم بها ..
لأن الحياة التي تحلم بها يشغلها أناس آخرون !
حبة فستق غير متصل   الرد باقتباس
قديم(ـة) 07-12-2009, 05:26 PM   #10
روض الج ـنة
عـضـو
 
صورة روض الج ـنة الرمزية
 
تاريخ التسجيل: Aug 2009
البلد: ..حَيْثُ اُقِـيـْ’مُْ ..,,’’
المشاركات: 160
يـآآآآآآآآآآآلييل البر ..<مآنب صـآيح آبمشـي اليوم آحطب ..< يهدي نفسـه ..>< !
الطلـعه ونييسه والله آنكم صـدز رآعين بـر ..
آآآخ الله يجييب طلعـآآآآآت الدهنـآآ لآتفووتكم غررردزه جآينن منـه السبوع الـي رآآح ..
__________________

اكتب مايقوله الناس ضدك في اوراق ،
وضعها تحت قدميك فكلما زادت الاوراق
ارتفعت انت الى الاعلى . !
روض الج ـنة غير متصل   الرد باقتباس
قديم(ـة) 07-12-2009, 05:32 PM   #11
المعتز بدينه
عـضـو
 
صورة المعتز بدينه الرمزية
 
تاريخ التسجيل: Apr 2006
البلد: حيث القلوب الرحيمة
المشاركات: 3,295


هلا بالفخامه ..



عاد ما بقى لكم إلا أبو مهند وتكمل الطرطعه


متشكرين
__________________


اقتباس من توقيع أبو رازان
المعتز بدينه غير متصل   الرد باقتباس
قديم(ـة) 07-12-2009, 05:36 PM   #12
AL RAJHI
عـضـو
 
صورة AL RAJHI الرمزية
 
تاريخ التسجيل: Apr 2009
البلد: ياكليب شب النار ياكليب شبه عليك شبه والحطب لك يجـابي وعلي أنا ياكليب هيـله وحبه وعليك تقليط الدلال العذابي وادغث لها ياكليب من سمرخبه وشبه الى منه غفا كل هـابي بـاغ الى شبـيتها بالمشــبه تجذب لنا ربع سـرات غـيابي بنسـرية ياكليب صـلف مهــبه متكفكفين
المشاركات: 3,366
.


طلعة رآآآآئعة


والله حكرلكم آبو سليمان




.
__________________
.
.....
.................
..........................
AL RAJHI غير متصل   الرد باقتباس
قديم(ـة) 07-12-2009, 05:39 PM   #13
خوي السرور
عـضـو
 
صورة خوي السرور الرمزية
 
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
والله طلعتكم ممتازة وتمنيت لوي معكم <<<< وراهـ ماعلمتون

لكن عندي سؤال خارج الموضوع :

وشلون أحط كلام زي الكلام اللي أنت حاط فوق الصور .. لخمسين صورة جميع ؟
__________________
في بريدة ستي .. كانت لنا أيام :

http://www.buraydahcity.net/vb/showthread.php?t=262111

( قلب حب 1 )
خوي السرور غير متصل   الرد باقتباس
قديم(ـة) 07-12-2009, 06:28 PM   #14
بدر بن عبدالله
نسألك يارب غيثاً مغيثاً
 
صورة بدر بن عبدالله الرمزية
 
تاريخ التسجيل: Apr 2008
البلد: الرياض.
المشاركات: 7,029
^^

حبيبي اكتب الكلام قبل لا تنزل الصور همن اضغط انتر ونزل الصور، واضح حبيبي أبو سر.


الخفاش الله يهديك الحين وشلون حاطين أبو ريم مسؤول الميزانية هالآدمي نطول إيقاله ما لهط من الميزانية


الله يعيننا على لجة الصباخ


تقرير حلو أبو عمر و يعطيك العافية.
__________________
.
.

(( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))
بدر بن عبدالله غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 02:25 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)