بريدة






عـودة للخلف بريدة ستي » بريدة ستي » سـوالـيـف كـشكـولـيـة » ..&& طعسي أطعس من طعس عبود&&..

سـوالـيـف كـشكـولـيـة الطرائف و الألغاز - يمنع مشاركة النساء

موضوع مغلق
 
أدوات الموضوع طريقة العرض
قديم(ـة) 31-01-2012, 10:11 PM   #1
الدختور
عـضـو
 
تاريخ التسجيل: Oct 2011
البلد: بريدة
المشاركات: 646
..&& طعسي أطعس من طعس عبود&&..


ياهلا بكم
.
.


(طعـسي أطعس من طعس عبود)
^
أتحدى أحد يكرره 6مرات

زبدة الكلام هالقصة مجارات لقصة العُبد *~

هذا الله يسلمكم القصة تتكلم عن واحد يُدعى المنطعج ..

يقول المنطعـج:

أنا انسان طعس والطعاسه ماليتن الين ماغصييت و الحسنة الوحيده اللي اشوفه بي زينة واتفاخر به ان كمية الطعاسه بي الف بالمية يعني اعلا من تركيز عطر قوتشي وهذا اللي خلان اشوف خشتي على اخوياي الطعوس .. واشك ان كلمة ( طعس) ماكانت موجوده قبل إليين مانقطع سري ب أحد الطعوس يوم ان امي مخيمة و ولدت فوق طعس ومن هنا انطلقت كلمة الطعاسه

الزبدة
مرتن من المراير كنت قاعد الصبيحية بالحوش متسلقي ولا عندي من الشيطان طاري
أعد ورق الشجر والعصافير اللي يتناقدن مادريت الا جعيفر يسألن يقول عاجبك وضعك تسذا ؟
قلت هاااه..قال ياخوي روح ادرس برا بامريكا خلن اكبر بعين ابليس لا دشرتك صح .. فجأه تخيلت نفسي بمشهد من واحد من الأفلام بشاطئ مفاصيخ واتشمس وفوقي مضله ..

قال والله انك دلخ روح ادشر وشف الدنيا وعاشر الشقر رح دور على شريكة حياتك ولدك جون الاشقر ابو عيون زرق ينتظرك
قلت طيب برب كنت اكلمه بي بي وصرفته وجلست افكر اقول صدق لمتى هالعيشه
صح ان عندي وظيفه مرموقه اللي هي اودي اخواني الصبح وارجعهم براتب ريالين احطه بحصالة النيدو واغبيه لليوم الاسود بس صدق لمتى .؟؟

تحمست حماس مو صاحي وصرت اتابع افلام بالهبل واتخيل نفسي مع جيمس بوند واهايط على اخواني واقول بكره تشوفونن معهم بس سوو انكم ماتعرفونن ..

دبرت أموري وحجزت رحلة للمريكا وصار اليوم الموعود وركبت الطيارة واشغلت دين دينهم ماغير اتفلت .. وغثيت ام المضيفات كل ما مرو اطنبس واحاول اشوف اللي تحت التنوره سروال خط البلده ولا هيلا هوب ولا كذا لون سيقانها

( أول ماطبيت أمريكا )

جتن صدمه حضاريه انسان عايش على تغطوا يابنات والتنحنح وصب القهوه ياولد
حسيت اني انصفقت على وجهي انا بحلم ولا علم اقلب رويسي بالمطار وامشي وانا فاتح اثمي وتجمع كل الذبان على اثمي من ريحة الخياس .. واقول وين الهيئة عنهم وين الجموس وامر على محل واشوف انواع الطبول ومكان التدخين اغلبه بنات واقول بنفسي العن ام الدشره ياشيخ وفجأه حسيت اني تفتحت واقول من حقوق المرأه ان يحطون لهم ساحة تدخين هنا بشارع الخبيب
..
كنت على نياتي لاشفت بنت طالع نص بطنه ولا الجزء الخلفي ولا لبستن قصير احاول اني ما اطالع به وانزل عيوني تحت وقبل ادخل محل لاكان به بنات ما احاول احتك جسديًا بهم أذا كان زحمه ولا اراديًا تطلع مني كلمة تغطووووووو يابنات
..
ومرتن
كنت راقي بالدرج الكهربائي وارقاه برجليني وكان به ثنين يتخمخون وكنت احتري القناه تتغير ولا يجي تشويش ولا دعاية القناة السعوديه الاولى بس النقل مباشر

فهيت واضغطو ستوب وطالع فيني الححّحمر ( كلهم حمران عطران ينعن شكلهم انا الوحيد اللي شعري اسود ) قال ***** قلت هاه الله حيه ونقزت بحب خشمه قلت يمكن انها زي ارحب ولا الله حيه وبغيت اقوله القهوه بس حسيت ان الوضع فيه عيد وطلز رجليني لريح
وشوف وانا منطلز اثنين بالشارع قالبينه وشسمه وحلت الجاكيت عليهم واقول استترووووو
......

جتني فتره كان العقل الباطني للتقبيل وغير قابل للاستيعاب بتات البته عاد انا من قبل اطلع كانو ينادونن يالفاهي لان ابراج مخي شابكه على كوكب زحل مو الارض .. جلست شهرين اتأقلم على الوضع وبعده ولعت الاشاره الخضراء وقالت الدشره قو اهيد .. بس يبي لنا قيرل فريند بالبدايه امرها العصريه واباشر لها ونروح للسينما واسوي نفسي خايف واضمها وناكل فشار مع بعض


7 يتبع 7



__________________
.
الدختور غير متصل  


قديم(ـة) 31-01-2012, 10:38 PM   #2
الدختور
عـضـو
 
تاريخ التسجيل: Oct 2011
البلد: بريدة
المشاركات: 646
* بداية العلاقـة *

كانت فيه بنت يابانيه بالمعهد وجهه كأنه اكس او .. عيونها خط والخشم دائره كأنه اللي مع كونان مدري وشسمه و مادري شلون قايل وجهه بس شهادة الحق انها املح من خداماتنا وسنونه ذهب
قلت لازم اثبت دشارتي واروح احلت وجهي عليه.. جيته وقلت هاي قالت هاي وانا براطمي يتصافقن
ابتسمت وقلت الله يقلع ام الفله ياشيخ متعودين يجينا كعب ولا شنطه تمشي مليونين تخبز وجهي وتعجن خشمي .. وحسيت اني بالطريق الصح
..
تعرفت عليها وصرنا نحرق تتن مع بعض واقوله ابوتس يوم كنتي صغيره يدري انتس تدخنين ويلعن سنسبيلس زي ابوي ولا لاء .. كنت على النيه وماش لغه والخبط بيديني وتشطيح باللغه علشان اوصل الفكره .. واقولها سنونتس الذهبيه مركبتها من مستوصف ال***** زي جدتي ولا لاء إلين مادخلنا مع بعض بالجو وحسيت اني طايح بالحب وما احد سما علي وصرت اسمع ريهانا ( هذي فنانه عندهم) صح اني ما أدري وش تقول بس اهم شي المشاعر والاحاسيس

*
وجيك مره واطيحبه تسولف مع شباب وانا اللي قلبي ثار علي من الغيره وعيوني طلعت شرار واذاني قلبت حطبتين وشعر راسي وقف وحمر وجههي .. وحطيت يدي على راسي بطلع العقال بس مالقيته وجيته قلت منهم ذولا قالت ذولا فريند اعرفهم قلت وشو وانا اطشر سعابيل .. لاقيتنا انتي تعرفينن وتكلمين غيري وفاله الحجاج حركات الخرفنه ماتمشي علي تحسبيني كمخه
.. ولا تدرين الشرهه علي واشوى ان ماشحنتلس جوالتس

####

وضف عفشي ورجع لبريدة واررد بصوتٍ عالي:

يازينتس يام ركبن سود
يازينتس يام ركبن سود

.........

للترجمة باللغة الانجليزية أضغط هنـا
....<< مصدقين هههههه
__________________
.

آخر من قام بالتعديل الدختور; بتاريخ 31-01-2012 الساعة 10:51 PM.
الدختور غير متصل  
قديم(ـة) 31-01-2012, 11:04 PM   #3
قائد المجد
عـضـو متفاعل
 
صورة قائد المجد الرمزية
 
تاريخ التسجيل: Dec 2010
البلد: بريدة
المشاركات: 3,320
امممم
قصه جميله تحتوي على +18
تنسيق ابداعي جميل
وفقك الله ،،
__________________
قائد المجد غير متصل  
قديم(ـة) 01-02-2012, 02:38 AM   #4
د.عبادي
عـضـو
 
صورة د.عبادي الرمزية
 
تاريخ التسجيل: Nov 2011
البلد: بريدة المقدسة / المدينة المنورة ..
المشاركات: 660

" فجأه تخيلت نفسي بمشهد من واحد من الأفلام بشاطئ مفاصيخ واتشمس وفوقي مضله "..

ليش كل من تصور عن شواطى امريكا جته فكرة المفاصيخ وكل واحد فوقه مظلة ههههه .. وراه مايتخيل ارض وصخة وشجر ميتات وبقاله به هندي يبيع حب باجة وعصير الربيع ؟! ( صورة لشواطى جدة الانيقة وتظهر في الصورة تكرونية تتمايل بموخرتها وتحرج على طرطعان )

"وكان به ثنين يتخمخون "

عاد الله يعين تهيض الطعس علينا

"واقولها سنونتس الذهبيه مركبتها من مستوصف ال***** زي جدتي ولا لاء "

أي جداتك يالتسذوووب

"ونروح للسينما واسوي نفسي خايف واضمها وناكل فشار مع بعض "
بتاكل فشار اجل كويس والله ..

"للترجمة باللغة الانجليزية أضغط هنـا "

اللي أعرفه انك حامل مادة الترجمة


لاتعودة فاهم
__________________
**
د.عبادي غير متصل  
قديم(ـة) 01-02-2012, 12:12 PM   #5
تمر القصيم
عـضـو
 
صورة تمر القصيم الرمزية
 
تاريخ التسجيل: Aug 2009
البلد: ܔْށلاتنسَ ذكر اللهܔْށ
المشاركات: 2,667
امممم
@.,العضو خارج التغطية,.@

__________________
والله مافي هذه الدنيا ألذ من اشتياق العبد للرحمن


لـئِـنّ الـمَوْتَ فـي الـثـكـنَاتِ خيـرٌ .. مـنَ الـدُنـيـَا و مـا مـَلَـكـ العـَبِـيدُ ..!
تمر القصيم غير متصل  
قديم(ـة) 01-02-2012, 12:59 PM   #6
وسط بريده
عـضـو
 
صورة وسط بريده الرمزية
 
تاريخ التسجيل: Nov 2011
البلد: بريدة البهية
المشاركات: 289
__________________
سبحان الله وبحمده عدد خلقه ورضا نفسه وزينة عرشه ومداد كلماته
وسط بريده غير متصل  
قديم(ـة) 02-02-2012, 10:20 PM   #7
[ لــمّــآح ]
مُــدَانْ
 
صورة [ لــمّــآح ] الرمزية
 
تاريخ التسجيل: Apr 2008
البلد: هُـنَـآكْ حَيْثُ الأًلَمْـ '
المشاركات: 5,629
يخرب بيوتكم منين طلعتوا يا زين الطعس الأول ما عرف إلآ أقصى حآيل شمالاً وجنوب الريآض شرقاً
فآلك التميز يا خلفهم مع إن طعسك أدشر من الأول يعني المفروض يصير أزين من التميّز بس الشكوى لله
__________________
صباح الجرح يا أمتي ..
صباح الأمل بـ عينيّ قتيل ،
صباح القتيل بـ عينيّ صغير ،
صباح الفجعة بقلب أرملة ،
بصدر ثكلى وحقد حنظلة
صباح الشتات !
[ لــمّــآح ] غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 02:32 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)