بريدة






عـودة للخلف بريدة ستي » بريدة ستي » نسمات برية و جولات سياحية » هل عندك سيارة مبهذلك بالحرارة من ورشة لورشة ؟؟ تعال الحل عندي وانا اخوووك...

نسمات برية و جولات سياحية كل ما يخص البر والقنص والرحلات

إضافة رد
 
أدوات الموضوع طريقة العرض
قديم(ـة) 03-07-2009, 11:54 PM   #1
تميم نجد
عـضـو
 
تاريخ التسجيل: Sep 2005
المشاركات: 1,695
هل عندك سيارة مبهذلك بالحرارة من ورشة لورشة ؟؟ تعال الحل عندي وانا اخوووك...

--------------------------------------------------------------------------------

بسم الله الرحمن الرحيم

الشكر لله أولاً وأخيراً فقد هداني الله لحل مشكلة الحرارة

سيارتي جمس 94 سعودي جميح مقاس 2500

كانت الحرارة مع المكيف ترتفع فوق النص بسرعة 140 وفوق والمكيف مايبرد

وإذا هديت نزلت الحرارة تحت النص وبرد المكيف !!!!!

وإذا وقفت ربع ساعة والمكيف شغال أرتفعت فوق النص والمكيف مايبرد

وإذا مشيت نزلت تحت النص وبرد المكيف !!!!!!

وهكذا لي فترة وأنا محتار في هذه المشكلة

غيرت كلتش المروحة وغيرت طرمبة الماء وغيرت راديتر جديد

أربع رصات شلت بلف الحرارة حطيت ماء راديتر أصلي

كل الحلول جربتها مانفعت أبداً ؟؟؟؟؟

وديته لأكبر مهندسي السيارات في المكيانيكا والكهرباء ماعرفوا العلة

وأغلبهم يقول رأس المكينة يحتاج تغيير ولازم نفك المكينة

يبون يسرقون فلوس على الفاضي بس وإذا فكوا الراس

قالوا تحتاج توضيب نصااااااااااابين

أنتبهوا من نصبهم

لدرجة أني فكرت أبيع السيارة وأتخلص منها طفشتني بالحييييييييل

المهم جلست مع واحد من الشباب وعلمته السالفة

قال الحل عندي وأنا أبو هندي

بكرة العصر عندك شئ مشغول ولا فاضي قلت أبد ماعندي شئ

قال مرني بعد صلاة العصر بوديك لمحل عنده الحل قلت تم مريت الرجال

ركب معي ورحنا لواحد صاحب ورشة لديترات تنظيف وتركيب وتصييخ

عنده جهاز أخضر لغسيل الراديتر ومجاري الماء في المحرك

قال له الرجال هذا عنده مشكلة حرارة بالسيارة ويبي غسيل كامل

للراديتر والمحرك من الداخل قال أبشر وقف السيارة هنا لو سمحت

وجيب لي (علبة فلاش أمريكي ) أو (علبتين زيت فرامل )

أخترت زيت الفرامل وجبتها له قام وفك خرطوش الماء الطالع من المحرك

للراديتر وشبك فيه لي الجهاز وشبك لي ثاني في الراديتر

واحد يدخل الماء والثاني يخرجه وخلط زيت الفرامل مع جالون ماء

وحطها بالجهاز وشغله قام الماء يدور في الراديتر والمحرك ويخرج مرة

ثانية للجهاز وهكذا طلع يا أخوان شئ زي الرمادة أسود وأحمر من المحرك

وبعد كل غسله يصرف الماء ويحط ماء جديد وهكذا تقريباً 7 مرات حتى أصبح

الماء الخارج من الغسيل صافي لا يوجد به شوائب بعدها أفرغ الماء كامل

من الراديتر والمحرك ورجع الليات زي أول وعبيته ماء أخضر أصلي وزدت

عليه 4 علب ماء بطارية مقطر وأغلقنا الراديتر وأعطيته 80 ريال

والأن السيارة لها 5 أشهر يالله لك الحمد الحرارة ماتعدت الربع في أسوء

الأحوال مع المكيف سواء في الخط أو الوقفه

وقال لي هذه الحركة لازم تسويها كل سنتين أو ثلاث سنوات بالكثير

لأن الصدأ يتراكم على مجاري الماء في المحرك مثل جير الأسنان فيمنع الماء

من تبريد جدران المحرك من الداخل فتسخن السيارة

بعدها بأسبوع جبت له كدلك موديل 90 فيه نفس العلة وصار تمام

وجبنا له كرسيدا 95 نفس العلة وصارت تمام

وجبنا له كابرس 2000 نفس العله وصار تمام

هذا ما أحببت أن أوصله لكم قبل الخساير والتكاليف أبدأ بالرخيص قبل الغالي

ملاحظة / هذه الشغلة تكلف من 50 الى 80 ريال

وأي ورشة تنظيف رديترات يمكنها أن تعملها لك بشرط وجود جهاز التنظيف لديها

لونه أخضر صناعة أمريكية يشتغل على الكهرباء أو أي جهاز مماثل له

بالتوفيق للجميع

منقول للفائدة ..
__________________
الابذكر الله تطمئن القلوب
تميم نجد غير متصل   الرد باقتباس


قديم(ـة) 04-07-2009, 01:26 AM   #2
عـالـي الـشـأن
Registered User
 
تاريخ التسجيل: Feb 2008
المشاركات: 101
مشكوووور يالغااالي

أنا معي لومينا 2003 أعاني كثير من الحراااارة

أبجرب وأشوووووف
عـالـي الـشـأن غير متصل   الرد باقتباس
قديم(ـة) 04-07-2009, 01:49 AM   #3
&مزنة بين الورود&
Registered User
 
تاريخ التسجيل: Jun 2009
البلد: قريدة
المشاركات: 30
ايه الله يعين
صيارة ولط جيراننا زي تسذا طقهر بص تطلع هواء حار الله يعينة
&مزنة بين الورود& غير متصل   الرد باقتباس
قديم(ـة) 04-07-2009, 02:00 AM   #4
دقس
عـضـو
 
صورة دقس الرمزية
 
تاريخ التسجيل: Apr 2009
البلد: بالبيت..!
المشاركات: 117
مشكووووور اخوي


الورشه وينه ذي ؟
دقس غير متصل   الرد باقتباس
قديم(ـة) 04-07-2009, 03:04 AM   #5
abo-Khaled
عـضـو
 
تاريخ التسجيل: Jul 2007
البلد: بـــــــــــريـــــــــدة
المشاركات: 2,653
مشكور اخوي

لاكن انا خابر الي يشبك اليات يضر بارديتر ؟؟

انا مادري انا سد قالي واحد
abo-Khaled غير متصل   الرد باقتباس
قديم(ـة) 04-07-2009, 05:02 AM   #6
دار حاتم
عـضـو
 
صورة دار حاتم الرمزية
 
تاريخ التسجيل: Jun 2006
البلد: مع نبع الحنان بصين خروشيما خروشيما بلاد التمور
المشاركات: 573
اقتباس
المشاركة الأساسية كتبها &مزنة بين الورود&
ايه الله يعين
صيارة ولط جيراننا زي تسذا طقهر بص تطلع هواء حار الله يعينة

ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههه
آآآآآآآآآه يا سسبدي بسس.,[ لا تعليق ]
دار حاتم غير متصل   الرد باقتباس
قديم(ـة) 04-07-2009, 05:07 AM   #7
مخاااوي الليل
Guest
 
تاريخ التسجيل: May 2009
المشاركات: 148
مشكور اخوي على الموضوع
مخاااوي الليل غير متصل   الرد باقتباس
قديم(ـة) 04-07-2009, 05:28 AM   #8
دار حاتم
عـضـو
 
صورة دار حاتم الرمزية
 
تاريخ التسجيل: Jun 2006
البلد: مع نبع الحنان بصين خروشيما خروشيما بلاد التمور
المشاركات: 573


اخوي تميم جـآبك الله عزيزي.,
اكيد بعد الاحداث هذه والمواقف الي مرت عليك في الجمس صارت لك خبره,
ودي اسئل
عندي بترول 98 ., مـآيبرد بسرعه يعني قول يبله دقيقتين ثلاث دقائق <_ ماهي مشكله
المشكله اذ مشيت يبقي الحراره تمام بس اذ وقفت اكثر من ربع ساعه ترتفع الحرار وبداء يخر الماء من تحت
بس عند الوقوف
واحد قال نظف الرديتر.؟ ياليت تعطيني جواب من خبرتك
دار حاتم غير متصل   الرد باقتباس
قديم(ـة) 04-07-2009, 09:48 AM   #9
ابوحسنين
عـضـو
 
تاريخ التسجيل: Jul 2009
البلد: بريده
المشاركات: 335
مشكور اخوي لاكن الورشه هاذي وينه
ابوحسنين غير متصل   الرد باقتباس
قديم(ـة) 05-07-2009, 10:53 PM   #10
مقناص الشمال
عـضـو
 
صورة مقناص الشمال الرمزية
 
تاريخ التسجيل: May 2009
البلد: بريده
المشاركات: 258
اين الورشة انا عندي باترول ترتفع حرارته
مقناص الشمال غير متصل   الرد باقتباس
قديم(ـة) 06-07-2009, 12:09 AM   #11
GIVENCHY
عـضـو
 
تاريخ التسجيل: Aug 2007
البلد: حَيثُ أكُونْ .. !
المشاركات: 7,121
وييين ذي بالضبط
__________________


http://www.buraydahcity.net/vb/member.php?u=25706
فَقْدُكَ مُوْجِعٌ يَ طيّب القلب : ( !
غفر لك يـ عبدالرحمن وأسكنك فسيح جناته .. : )
GIVENCHY غير متصل   الرد باقتباس
قديم(ـة) 10-07-2009, 08:15 PM   #12
تروكي
عـضـو
 
تاريخ التسجيل: Apr 2007
المشاركات: 149
عساك ما تكلفت . على المعلومه . قديمه الله يحفظك .
__________________
تروكي غير متصل   الرد باقتباس
قديم(ـة) 13-07-2009, 04:27 PM   #13
أبو رزان
** B a d e r **
 
صورة أبو رزان الرمزية
 
تاريخ التسجيل: May 2005
البلد: Oo buraydah city oO
المشاركات: 4,079


^^
جزاك الله خير يا الأخ تراي توي أدري بها الحل

وأنا من الذين يعانون من هالمشكلة

وشف الردود اللي قبل ,,

وللمعلومية ترى هذي حاجة متكررة

يعني مافيه مانع تذكر كل فترة


__________________




تويتر : AboRazan_3@




أبو رزان غير متصل   الرد باقتباس
قديم(ـة) 15-07-2009, 08:59 PM   #14
تميم نجد
عـضـو
 
تاريخ التسجيل: Sep 2005
المشاركات: 1,695
هلا بالشباب ..

كتبت بالاخير ..
منقول للفائدة وليست هذي تجربتي شخصيا ..
وبالنسبة للي يسال عن الورشة اقوله مايحتاج ورشة انت سو بنفسك او كلم احد المهندسين عن الطريقة ويصلحها هو ..
شكرا للجميع .
__________________
الابذكر الله تطمئن القلوب
تميم نجد غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 03:46 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)