بريدة






عـودة للخلف بريدة ستي » بريدة ستي » بــنــت بــريــدة » خطر الدفايه..

بــنــت بــريــدة بنت بريدة - القسم خاص بالنساء -- يمنع المنقول

إضافة رد
 
أدوات الموضوع طريقة العرض
قديم(ـة) 02-01-2010, 09:16 PM   #1
ام الزلمات
عـضـو
 
صورة ام الزلمات الرمزية
 
تاريخ التسجيل: Sep 2008
المشاركات: 1,250
خطر الدفايه..

مساءcom
odخيـــــــــــــر...محدثتكم ام الموذي..تقول لكم من لقلب اشتقت لكم....

اشتقت للعضوات وبريده ستي ككل..تراي مبطية عنكم لي حول لثلاث شهور..عودا حميدا
لاحد يقولي نشوف ردود لك..ترى اخيتي الله يصلحه تدخل بمعرفي..
المهم..موضوعي مهوب موضوع..تقدرون تقولون سالفه..
بما اننا بلمربعانيه والبرد حاجرنا بلبيوت ومارضنا بهالزكم واللوز..ولتلفز تحت البطانيات ونوووووووم
وشخييييييييييييير..
عاد انا من هالنوع اللي لا مرضت بس نوم..ولانامت ماتدري عن الدنيا من قوي الغطس بنوم..
عاد قبل امس غاطسة بغريفتي انا ووليدي ابو شهرين..
ومشغلة الدفايه لله لايبارك به..
وابونا وولده الموذي قاعدين بمجلس الرجال..
واثاري الموذي الله يصلحه جاء عندي بغرفة النوم..وش سوى
تخيلو
جدع بطانيته على الدفايه وطلع..راااااااح ولاكنه سوى شيء..

والا البطانيه تحترق وتطيح باالأرض وتحترق الفرشه..وانا غااااااطسه مادري عن الدنيا..
واووووووووووك واثاري نص الغرفه ضو والباقي دخاان اسوووووووود..
وانا شخري..والله واسمع اوليدي بس يكح..يعني قمت من كحته..
يوم شفت الدنيا كذا...والله وانقز من السرير من الروعه مادري وش اسوي..
والتلفت بلغرفه ابشيل الولد والله وعجزت اشوف من الدخاخين..وابدى اتلمس وانا كح كح..
والحمدلله لقيته ولقطته ..ياربيه شلون ابطلع من الغرفه واغلب النار عند الباب..
والله واجزم..واقطعه واطب بصاله وانا ووووووواو..واصرخ..
ويجي ابو الموذي يركض من المجلس ابو لشباب مادرى عن الدخاخين اللي صايرة ببيته..ياحول تراه مزكم..والا كان شم الريحه..
المهم يوم شاف الدنيا كذا والله ويطلعنا بلحوش ويبدى يطفي النار..
وانا قلبي طربق طربق ودميعاتي اربع اربع..واضم صغيروني واصيييح يالله ماصدقت انه عايش..
المهم من طفت النار فتحنا الدرايش والبيبان..
وطرنا بصغيرون للمشفى..نتطمن عليه..
والحمد لله طلع صدره تمام والنفس تمام..بس وجيهه اسود ولسانه اسود وخشمه من داخل اسود..
وانا للحين الكحه ذابحتني وكتمه بصدري..بس الحمدلله شيء اهون من شيء..


وانا ماكتبت هالسالفه الا عشان تتعضون..لا احد يشغل الدفايه وينام..تراه خططططططططططططر
وياما ناس ماتو بسبته...
والحين اترك لكم التعليق على خطر الدفايات..والنوم وهن شغاله..
ام الزلمات غير متصل   الرد باقتباس


قديم(ـة) 02-01-2010, 09:31 PM   #2
بنت الشماسية
مشـرفة سـابقة ..
 
صورة بنت الشماسية الرمزية
 
تاريخ التسجيل: Feb 2006
البلد: الريـاض ~
المشاركات: 3,059

السلام عليكم ورحمة الله وبركاته

ياحيا الله / أم الموذي

الحمدلله على السلامة يابعد تسبدي وهـ بس والله يالسالفة تووحش : (

تدرين عاد بيتي مافيه دفاية إذا بردنا شغلنا المكيف على الحار والحمدلله

انتبهي النوبة الأخرى بسم الله عليكم الرحمن الرحيم


بنت الشماسية غير متصل   الرد باقتباس
قديم(ـة) 02-01-2010, 09:45 PM   #3
شوق 11
عـضـو
 
تاريخ التسجيل: Dec 2009
البلد: بيتنــا الجميل
المشاركات: 225
يووووووووووووومـــه انهبليت قوووووووووووهـــ

الحمدلله ع سلامتك وسلامة النــونو وهــ اشتهيت احبه خخخخخخ

عاد حنا ماتطفئ الدفايه ابد الله يسترررررررر
شوق 11 غير متصل   الرد باقتباس
قديم(ـة) 02-01-2010, 10:44 PM   #4
~ إحسآس ~
عـضـو
 
صورة ~ إحسآس ~ الرمزية
 
تاريخ التسجيل: Jul 2009
البلد: ...
المشاركات: 140
الحمدلله على سلامتس وسلامة ولدتس الصغنون يادلبي

ستر الله عليكم الحمدلله مارحتوا ..

الله يصلح ولدتس الموذي ويخليه لكم

الحمدلله ماعمرنـا نمنا عند الدفايه ..

لاجينا ننام نولع دفاية الزيت آمن ..
~ إحسآس ~ غير متصل   الرد باقتباس
قديم(ـة) 02-01-2010, 10:53 PM   #5
ليتنــي همـكـ
عـضـو
 
صورة ليتنــي همـكـ الرمزية
 
تاريخ التسجيل: Nov 2009
البلد: بـــــديـــرتــي..
المشاركات: 1,373




يمااااااااااااااااااااه حمدلله على سلااامتكوووووووووووم ياألبي وسلامة النونو وخ فديت قلبه بسم الله عليه والله يحفظناااا اجمعين

حنا الدفايه الزيتيه ماأدري وش تسموونه المهم هي اللي مشغله لاصرنا نايمين وهي توماتيك يعني لادفت الغرفه طفت الدفايه<كرريه 10 مرات^_^ ^_^
__________________
يَ رب..| إنِ كآنت حيآتي فوقَ السمـآء أجمِل
فً خذني إليك روحاً طآهره..
آستغفرالله وآتوب اليه
ليتنــي همـكـ غير متصل   الرد باقتباس
قديم(ـة) 02-01-2010, 10:53 PM   #6
َ ربـــــــــــى
شيف مميز
 
صورة َ ربـــــــــــى الرمزية
 
تاريخ التسجيل: Jul 2009
البلد: في ظل رحمة الله
المشاركات: 1,723
الحمدلله على سلامتكم ..

والله لايوريكم مكروه ياكريم ..
الله يجزاك الجنة على التنبيه قلبي ..
__________________

َ ربـــــــــــى غير متصل   الرد باقتباس
قديم(ـة) 03-01-2010, 12:24 AM   #7
فرحه يتيمه h
عـضـو
 
تاريخ التسجيل: Dec 2009
البلد: القصيم
المشاركات: 30
الحمد لله على السلامه
فرحه يتيمه h غير متصل   الرد باقتباس
قديم(ـة) 03-01-2010, 01:45 AM   #8
تطلبوني شي
عـضـو
 
تاريخ التسجيل: May 2009
البلد: بتاج راسي بريده
المشاركات: 101
الحمدلله على سلامتك وسلامة النونو

بس وشسويتي بالموذي عقب هالحركه وهو وش موقفه؟
__________________
واحشني ززززززززززززمانك
تطلبوني شي غير متصل   الرد باقتباس
قديم(ـة) 03-01-2010, 02:23 AM   #9
رويدا
عـضـو
 
صورة رويدا الرمزية
 
تاريخ التسجيل: Dec 2009
البلد: القصيم
المشاركات: 1,200
الحمد لله على سلامة الجميع
رويدا غير متصل   الرد باقتباس
قديم(ـة) 03-01-2010, 02:29 AM   #10
متصفحة
كاتبة مميّزة
 
صورة متصفحة الرمزية
 
تاريخ التسجيل: Feb 2009
البلد: أسأل الله أن يهديني طريق الصالحين
المشاركات: 5,047


ياااااقلبي يالموذي .. الله يصلحه لك إن شاءالله .. كم عمره ؟ >> انواع الشرافه

والحمدلله على السلامة .. وماتشوفون شر ..

اقول وانا اختك ماجربتي الرشاد بالعسل للكح كح كح كحه >> تراهم يمدحونه

لاباس عليكم ..


__________________

** " اللهم خذ بيدي أخواننا في سوريا , وعجل بنصرهم " **


متصفحة غير متصل   الرد باقتباس
قديم(ـة) 03-01-2010, 02:57 AM   #11
هايين
قبس دائم
 
صورة هايين الرمزية
 
تاريخ التسجيل: Jul 2008
البلد: في ارض الله الواسعه
المشاركات: 12,860
الحمد لله على سلامتك

طالعه من الشر ماشاء الله
شكل الموذي فرح ببيتهم قال خلين احرق به


سلامتك لاتخلين صدرك ترى ينقلب ربو بسم الله عليك

والصغير حبيه لي بسم الله على قلبه
الله يخليك لهم
***

اما الدفايات ماحبهن يحرقن الوجه
واذا ابعدتي ماستفدتي
احسن شي المكيف

..
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
​
يآاااارب
إنّ أمنيتي تنبض في قلبٍ هو مُلگگ
 فَلا تحرمني من ( فرحة تحقيقہآ )

فَإنگ آلوحيد القائل للشي:
 " كـنّ . . فَيكون "
سبحانك
...
هايين غير متصل   الرد باقتباس
قديم(ـة) 04-01-2010, 12:37 AM   #12
كلي شوق
عـضـو
 
تاريخ التسجيل: Dec 2009
البلد: الرياض
المشاركات: 15
الحمد لله على السلامه
كلي شوق غير متصل   الرد باقتباس
قديم(ـة) 04-01-2010, 12:45 AM   #13
@بنت الجيران@
عـضـو
 
صورة @بنت الجيران@ الرمزية
 
تاريخ التسجيل: Oct 2008
المشاركات: 58

يووووو الحمد لله على سلااااامتس
وعلى سلاامت الصغنووووووووون
__________________
@بنت الجيران@ غير متصل   الرد باقتباس
قديم(ـة) 04-01-2010, 01:30 AM   #14
نجود
عـضـو
 
صورة نجود الرمزية
 
تاريخ التسجيل: Dec 2008
البلد: بريدة ديرتي
المشاركات: 2,026
الحمدالله على السلامه انتي ووليدك ياقلبي
__________________
hp?t=261973
نجود غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 01:11 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)