بريدة






عـودة للخلف بريدة ستي » بريدة ستي » بــنــت بــريــدة » • [ هُـنا الـمـسـاعـدة ] •

بــنــت بــريــدة بنت بريدة - القسم خاص بالنساء -- يمنع المنقول

موضوع مغلق
 
أدوات الموضوع طريقة العرض
قديم(ـة) 04-12-2007, 09:40 AM   #127
أم فيصـل
عـضـو
 
تاريخ التسجيل: Dec 2006
البلد: الريـاض.
المشاركات: 531


8

8

أسهم طايرة لـ مجموعة مشاعر .

هبي واقفة و لا عليتس أمر <== جامعة بين يماني وقصيمي :D
جيبي لي رقم مستوصف طب الأسرة .
و أسم الدكتورة بعد منـال أيش ... و إذا عندك خلفية عن المواعيد و متى يسكرون ياليت تسدحينهن هنا بعد .:D:D

<== بتروح لهم بعد العشاء أن شاء الله
__________________
أستغفرالله العظيم من كل ذنب عظيم
يالرياض أستخيري وأتركين
أم فيصـل غير متصل  
قديم(ـة) 04-12-2007, 10:00 AM   #128
أم فـهـد
عـضـو
 
صورة أم فـهـد الرمزية
 
تاريخ التسجيل: Oct 2007
المشاركات: 334

أم فيصل وينتس رديت عليتس بموضوع أم الوافي وأثرتس بهذا
شوفي ردي نسخته وحطيته هنا

[COL
اقتباس
OR=teal]هلا بسميتي غريبة وشلون اسمين متشابهين بمنتدى !![/COLOR]

اقتباس
بس مدري اسمتس أصلي ولا تقليد
يعني اسم سجلتيه بس كذا والا ولدتس فعلا اسمه فيصل

اقتباس


إقتباس:
اقتباس من مشاركة أم فيصـل

أششششش لا تسمعتس شغالتي و أروح فجل أنا
تعالي ياأم الوافي .
أنا اللي عندي لها يومين متنفخه مدري وش بلاه و أنا معطيتها أشكل .
بس الظاهر أن ورى هالنفخه هو مكالمتها لأهلها الأخيرة, و شكلهم قالوا لها أنهم يرسلون ع الجوال و أنا مب أوريها . و العلم يجيتس أنا ما عطيتها الرسايل لأني أول مسبله الجوال بين يديها متى ما بغت أرسلت , و بالأخير خفت منها قلت : لا أصير مثل الأطرش بالزفه و تصير هي تسوي شيء من وراي .

و هاه يا أم الوافي أنا هذي أول تجربة لي مع بنات القروش
مرتين إذا ناقشتها وأحتد النقاش معها لمت قشها و قالت : بروح مكتب
جعلها البخق وش أسوي معها ؟؟
إذا هددتس بالمكتب قوليله يالله إمشي وروحي به للمكتب وهم يوقفونهن عند حدهن
و طريقة شراء الملابس , ومعجون الأسنان و خرابيطها الباقية هذي منها ولا مني ؟؟
شوفي وأنا أختس لتس طريقتين بالملابس
إما إنتس تشرين له وتعتبرينهن صدقة
أو تشرين له وتقولين له هالملابس بس تلبسينهن عندنا وإذا رحتي لديرتس تخلينهن
هذا إذا كنت خايفة من إنه تاخذ معه ملابس وتحط بهن شي
وبعضهن الله يهديهن تشرين لهن ملابس وهي بس تغبيهن عشان تلبسهن بديرته وهنا تلبس من هالخلاقين وشكلة الللهم لك الحمد والشكر
عشان كذا أنا أقول له بس تلبسينهن عندنا وماتاخذينهن معتس وصارت تلبس اللي اشري له وشكله صاير مرتب
و وشو اللي مفروض أعطيها و اللي لأ ؟
حبيبتي عطيه الملابس خاصة وقت العيد والشتاء
الشامبو
الفرشة والمعجون
منشفة
فازلين
وحطي عندتس حصالة وكل يوم طلعي صدقة وتصدقي عليها
بالأندومي
فشفاش
عصير بيبسي
الممنوع
الجوال هو دمار الشغالات إذا حبت تكلم أهلها تكلمهم على حسابها
وممكن تتصدقين عليها وتخلينها تكلم أهله بالاعياد على حسابكم

هاه طراه هالسؤال للجميع بعد أذن أم الوافي ,
أفتوني مأجورين




وأي سؤال أنا حاضرة

__________________
قال صلى الله عليه وسلم:
(من قال حين يصبح اللهم ماأصبح بي من نعمة أو بأحد من خلقك فمنك وحدك لاشريك لك فلك الحمد ولك الشكر فقد أدى شكر يومه..ومن قال ذلك حين يمسي فقد أدى شكر ليلته)





آخر من قام بالتعديل أم فـهـد; بتاريخ 04-12-2007 الساعة 10:19 AM.
أم فـهـد غير متصل  
قديم(ـة) 04-12-2007, 11:46 AM   #129
أم فيصـل
عـضـو
 
تاريخ التسجيل: Dec 2006
البلد: الريـاض.
المشاركات: 531


و أعزيلتس يا مرة ...
و شلون أم فيصلين ...
<== دخلها الماء تحسبها تهكرت , لولا تاريخ التسجيل أعاد لها توازنها .
و لا فصولي ربي يخليه أن شاء الله .

اقتباس
أم فيصل وينتس رديت عليتس بموضوع أم الوافي وأثرتس بهذا
شوفي ردي نسخته وحطيته هنا

الله يرفع قدرتس أن شاءالله.
أنا من شفت موضوع أم الوافي بالصفحات الأخيرة و أنا مأيسه , و حتى يوم أضفته هنا و البنات معطياتن الخامس قلت: ما بدهاش يا أخووووتي شكل السالفة في أشكل...
بس يا حبيلتس أنتِ جيتي و معتس الحلول , و ه تراي بديت أحبتس
اقتباس
شوفي وأنا أختس لتس طريقتين بالملابس
إما إنتس تشرين له وتعتبرينهن صدقة

أنا أن شاءالله أحسبهن كذا و ربي حسيبي .
بس اللي يحوم التسبد هي .. تخيلي أول ما جت عطيتها لبس جديد قمصان ولوازمها الخاصة .بس بدت عميلتس ما تلبس .. تحوم تسبدي بقميصين كدت أبو أبوهن و الباقي توفر .. وشريت لها بدلات الشغالات و فهمتها أنها تلبسها بالمناسبات , وفوق تسذا توفرها و تصير هوش عند اللبس <=== كأنها تلبس أصغر بناتها .
هي لا تتخيلينا خبله ... لا والله ذهينة ولئيمة تلفز السعودية بأبطها ... يعني المشكلة ما تبي أحد يأمرها بشيء, حتى الشغل أتكسف معها .. لا وفوق هذا أعطيها عطيه إذا صار عيد , و لا شيء . قلت : ممكن أني خربتها بكذا ما أدري !!
لا وفوق هذا, أشياءها مهنا سرعهن ما يخلصن , مثل الفازلين كل يوم و الثاني تقول لي: خلص . عاد هالأيام طلعت من غرفتها و حطت الفكس فوق الطاولة بدون طبقاته و بدون ما تقول لي شيء , بس يعني أفهميها تراه خلص لا ويجيتس العلم اللي أشد هالأيام شافتن أبطلع قالت مري الصيدلية أشتري لي _ درموفيت _ <== موب تسنها تمون
أنا أللي أبيه يا بعدهم .. وشو أللي أعطيها من حسابي , و وشو أللي من قروشها , وكيف أتعامل معها لو أفقد فلوس ؟؟ و لا شيء ؟ لأن خبرتس على وجه أجازة حنا وبيكثر أختلاطي بالعالم وصعب أقول لهم ضفوا قشكم .. وبيني وبينتس شاكة فيها أنا .
والجوال .. هي جت معها شريحة وقلت لها : لأ ما فيه عندي جوالات . و إذا بغت شيء ضروري أعطيتها الجوال . و لأ التلفون تتصل منه ببطاقة .
أما مسألة خلاقينها إذا راحت فأنا أللي أفكر فيه وبفكرة وحدة من قرايبنا أني إذا جاء سفرها أشتري لها خلاقين جدد وشنطة جديدة ومع راوتبها وأكون قبل موعد طيارتها مطلعتها من البيت وبكذا بأذن الله يا دار ما دخلك شرّ .
__________________
أستغفرالله العظيم من كل ذنب عظيم
يالرياض أستخيري وأتركين

آخر من قام بالتعديل أم فيصـل; بتاريخ 04-12-2007 الساعة 11:51 AM.
أم فيصـل غير متصل  
قديم(ـة) 04-12-2007, 08:43 PM   #130
أم فـهـد
عـضـو
 
صورة أم فـهـد الرمزية
 
تاريخ التسجيل: Oct 2007
المشاركات: 334
رد لأم فيصل

بسم الله الرحمن الرحيم
السلام عليكم ورحمة الله وبركاته

اقتباس
المشاركة الأساسية كتبها أم فيصـل

و أعزيلتس يا مرة ...
و شلون أم فيصلين ...
شفتي وشلون أنا شفت مشاركتس قلت بسم الله متى كتبت هالكلام شككتين بنفسي
<== دخلها الماء تحسبها تهكرت , لولا تاريخ التسجيل أعاد لها توازنها .
و لا فصولي ربي يخليه أن شاء الله .

الله يخليلتس فيصلتس ويخلي لي فيصلي
يو يؤبش ألبي ابني فيصل

الله يرفع قدرتس أن شاءالله.
وياتس اختي
أنا من شفت موضوع أم الوافي بالصفحات الأخيرة و أنا مأيسه , و حتى يوم أضفته هنا و البنات معطياتن الخامس قلت: ما بدهاش يا أخووووتي شكل السالفة في أشكل...
حبيبتي البنات ماعطوتس الخامس بس يمكن ماعندهن خبرة
دايم أشوف طلب للمساعدة وماعندي فكرة عن طلبهن والا ودي أساعدهن

بس يا حبيلتس أنتِ جيتي و معتس الحلول , و ه تراي بديت أحبتس

أشوا لقبيت من يحبن ليتس حاطتن وردة تعبرين به به عن حبتس لي عشان أدوووووخ
هههههههههههههههههههههههه

ياناس أدوخ على الورد

أنا أن شاءالله أحسبهن كذا و ربي حسيبي .
بس اللي يحوم التسبد هي .. تخيلي أول ما جت عطيتها لبس جديد قمصان ولوازمها الخاصة .بس بدت عميلتس ما تلبس .. تحوم تسبدي بقميصين كدت أبو أبوهن و الباقي توفر .. وشريت لها بدلات الشغالات و فهمتها أنها تلبسها بالمناسبات , وفوق تسذا توفرها و تصير هوش عند اللبس <=== كأنها تلبس أصغر بناتها .

وهذا اللي لاحظته على الشغالات تعطينهن يغبن الزين ويكرفن بقميص يحوم التسبد لكن من يوم ماقلت لهن ترا هالملابس ماتاخذينهن معتس صارن يلبسن الشي
واذا شفت شي شين شريت واحد وقلت له هاتي اللي عندتس ودوتس هذا

يعني المشكلة ما تبي أحد يأمرها بشيء, حتى الشغل أتكسف معها .. لا وفوق هذا أعطيها عطيه إذا صار عيد , و لا شيء . قلت : ممكن أني خربتها بكذا ما أدري !!
احتسبي الأجر بالعطيه
وانتي ماخربتيه بس هن بعضهن يتعبن ويعاندن لكن انتي عطيه الكلمة وامشي واتركيه
لا وفوق هذا, أشياءها مهنا سرعهن ما يخلصن , مثل الفازلين كل يوم و الثاني تقول لي: خلص .
أنا أللي أبيه يا بعدهم .. وشو أللي أعطيها من حسابي , و وشو أللي من قروشها ,

شوفي عطيه الفازلين وحددي له مدة مثلا تقولين هذا اذا خلص قبل شهر خلاص تشرين على حسابتس وهي بكيفه يعني اذا كانت تخلص الشي بسرعة خلاص على حسابه
والشي اللي مب ضروري على حسابه هي

وكيف أتعامل معها لو أفقد فلوس ؟؟ و لا شيء ؟
القريشات مالتس الا انتس تبعدينه عنه المثل يقول المال السايب يعلم السرقة
وبصراحة هذي نقطة حساسة صعبة تقولين له انت اخذت فلوس
لكن طريقتي لو فقدت شي دايم أقول له ماشفتيهن وكل ماأفقد شي عشان تعرف اننا فاقدين شي
لكن أحيانا نفقد الشي ويكون بمكان ثاني ونلقاه عشان كذا مانتسرع ونتهمه
وثاني شي مالتس الا اذا جت تروح تفتشينه لان اذا حسستيه انتس شاكة به تراها نفسيته تكون دمار وماتشتغل زين وتشغلكم أبروح لديرتي
..
وبالنسبة للشغل علمية ونظمي جدول له تمشي عليه لانهن اكثرهن مايحبن كل شوي تنادينهن صلحي وارفعي هذا
واذا شفتي مانظفت الشي زين لاتهوشينه وتكثرين الكلام معه بس قولي له شوفي هذا نظفيه وامشي وخليه

أما مسألة خلاقينها إذا راحت فأنا أللي أفكر فيه وبفكرة وحدة من قرايبنا أني إذا جاء سفرها أشتري لها خلاقين جدد وشنطة جديدة ومع راوتبها وأكون قبل موعد طيارتها مطلعتها من البيت وبكذا بأذن الله يا دار ما دخلك شرّ .
فكرة ممتازة الله يعطيتس خيره ويكفيتس شره

__________________
قال صلى الله عليه وسلم:
(من قال حين يصبح اللهم ماأصبح بي من نعمة أو بأحد من خلقك فمنك وحدك لاشريك لك فلك الحمد ولك الشكر فقد أدى شكر يومه..ومن قال ذلك حين يمسي فقد أدى شكر ليلته)




أم فـهـد غير متصل  
قديم(ـة) 07-12-2007, 12:20 AM   #131
الجواب الكافي
عـضـو
 
تاريخ التسجيل: Jan 2006
البلد: تاج القصيم بريدة
المشاركات: 80
السلام عليكم
بنات أحصل عندكم وحدة تصلح مكياج وتجي للبيت لو ان العدد 3 ويكون السعر مناسب .
الجواب الكافي غير متصل  
قديم(ـة) 07-12-2007, 12:22 AM   #132
أم جحا
عـضـو
 
صورة أم جحا الرمزية
 
تاريخ التسجيل: Aug 2007
البلد: القصمان هم اسياد الكون *** ونسائهم درر مكنون *** ومن يعاديهم يكون مجنون
المشاركات: 3,530
أيــــــــــــــــــــــــــــــــه

بس تراها سودانيه بس حلو شغله
__________________
اللهم ارحمني برحمتك يا ارحم الراحمين

آخر من قام بالتعديل شهد العسل; بتاريخ 07-12-2007 الساعة 08:15 PM.
أم جحا غير متصل  
قديم(ـة) 09-12-2007, 08:49 PM   #133
الجواب الكافي
عـضـو
 
تاريخ التسجيل: Jan 2006
البلد: تاج القصيم بريدة
المشاركات: 80
اقتباس
المشاركة الأساسية كتبها أم جحا
أيــــــــــــــــــــــــــــــــه

بس تراها سودانيه بس حلو شغله


مشكورة أم جحا ياريت ترسلين الرقم على الخاص
واهم ما علي المواعيد
هي مواعيدها مضبوطة ولا لا؟؟
الجواب الكافي غير متصل  
قديم(ـة) 10-12-2007, 09:07 AM   #134
يارافعا كفي اليك
عـضـو
 
تاريخ التسجيل: Nov 2007
المشاركات: 20
ابي طلب ممكن؟؟؟؟؟؟؟؟؟

بماء اني انا اسمي يارفعا كفي اليك
اريد هذيه منكم (وحده تموووووووووووووووون)

ايه
ابي تهدونن توقيع ويتبعه صوت الأنشوده يارفعاكفي اليك يالله افزعووووويارعين الفزعااااات
__________________
يارافعا كفي اليك غير متصل  
قديم(ـة) 10-12-2007, 07:37 PM   #135
الجواب الكافي
عـضـو
 
تاريخ التسجيل: Jan 2006
البلد: تاج القصيم بريدة
المشاركات: 80
مشكورة أختي ام جحا ما قدرت ارد عليك لن مشاركاتي ما وصلت 50



أختي هذي الأنشودة المطلوبة
بس تراني ما سمعتها
حفظ الهدف باسم
http://www.paln.ps/media/go/?download=song&id=2642
الجواب الكافي غير متصل  
قديم(ـة) 10-12-2007, 10:42 PM   #136
أم جحا
عـضـو
 
صورة أم جحا الرمزية
 
تاريخ التسجيل: Aug 2007
البلد: القصمان هم اسياد الكون *** ونسائهم درر مكنون *** ومن يعاديهم يكون مجنون
المشاركات: 3,530
اقتباس
مشكورة أختي ام جحا ما قدرت ارد عليك لن مشاركاتي ما وصلت 50

العفو:D
__________________
اللهم ارحمني برحمتك يا ارحم الراحمين
أم جحا غير متصل  
قديم(ـة) 11-12-2007, 02:13 AM   #137
أم جحا
عـضـو
 
صورة أم جحا الرمزية
 
تاريخ التسجيل: Aug 2007
البلد: القصمان هم اسياد الكون *** ونسائهم درر مكنون *** ومن يعاديهم يكون مجنون
المشاركات: 3,530
أقول الله يعافيكم واحد يبي شقق عزاب
اجار يومي
ببريدة وين يحصلهن
__________________
اللهم ارحمني برحمتك يا ارحم الراحمين
أم جحا غير متصل  
قديم(ـة) 11-12-2007, 07:10 AM   #138
Mujahida
عـضـو
 
تاريخ التسجيل: Dec 2007
المشاركات: 2
ممكن مساعدة

السلام عليكم يا بنات كيفكم لعلكم بخير هذا اول موضوع مني و أرجو ان اخواتي سيكون في مساعدتي -انا بنت التي تريد ان اتعلم العربية جيدا و أتكلمها لأنني أحب هذه الغة جدا جدا جدا لأن هذه اللغة اللغة القرآن لكن أنا اعرف قليلا _فأرجوا من أخواتي ان يساعدوني في اللغة العربية _فهل هناك أخت هنا التي مستعدة ان تعلمني العربية لأن ليس لي اي احد لتمارس كلما تعلمت - و ان شاء الله هذا سيكون لك ثواب جارية لك -و انا سأقدرها كثيرا

آخر من قام بالتعديل شهد العسل; بتاريخ 14-12-2007 الساعة 04:58 PM. السبب: يمنع طلب ووضع البريد الإلكتروني !
Mujahida غير متصل  
قديم(ـة) 11-12-2007, 08:10 AM   #139
نبض المشاعر
عـضـو
 
صورة نبض المشاعر الرمزية
 
تاريخ التسجيل: Jan 2007
البلد: الرياض
المشاركات: 1,231
هلا بك اختي ...

هذه مواقع قد تفيدك في تعلم اللغه العربيه ...

http://www.fajr.com/

http://www.arabic2000.com/products/

دعواتي لك بالتوفيق ...
__________________

نبض المشاعر غير متصل  
قديم(ـة) 11-12-2007, 08:17 AM   #140
أم فـهـد
عـضـو
 
صورة أم فـهـد الرمزية
 
تاريخ التسجيل: Oct 2007
المشاركات: 334
وش هالطلب
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟
__________________
قال صلى الله عليه وسلم:
(من قال حين يصبح اللهم ماأصبح بي من نعمة أو بأحد من خلقك فمنك وحدك لاشريك لك فلك الحمد ولك الشكر فقد أدى شكر يومه..ومن قال ذلك حين يمسي فقد أدى شكر ليلته)




أم فـهـد غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 10:11 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)