بريدة






عـودة للخلف بريدة ستي » بريدة ستي » أخـــبـــار بــريــــدة » انتم مَن فتح كلية صحية .. اجل ليش مستشفياتكم ترفض الممرضة سعــودية ؟!

أخـــبـــار بــريــــدة كل ما يهم مدينة بريدة

موضوع مغلق
 
أدوات الموضوع طريقة العرض
قديم(ـة) 23-01-2009, 03:35 AM   #1
! w..h..y
 
صورة ! w..h..y الرمزية
 
تاريخ التسجيل: Nov 2008
المشاركات: 51
انتم مَن فتح كلية صحية .. اجل ليش مستشفياتكم ترفض الممرضة سعــودية ؟!

نحن طالبات الكلية الصحية ببريدة للاسف نواجه صدود ورفض كبير من مستشفيات بريدة


كل يوم طايحين لي تهديد بإيقاف تدريبنا (وليتهم صادقين بشكواهم)كل يوم سالفه مره التزمو بالزي ولا

وقفنا تدريبكم ومره هاتو عدد طالبات محدد ولا وقفنا

تدريبكم ومره احتشمو ولا وقفنا تدريبكم ( وربي اغلب البنات متسترات) ومره ماتدخلون الا ببطاقات تعريف ولا ارجعو ومره ومره

آخر مره هذا الاسبوع مستشفى الولادة بهذلو دكتوراتنا من اجتماع لاجتماع واخر شي قالو تم ايقاف

تدريب الطالبات بالمستشفى وحطو هالاعلان في كل اقسام المستشفى قال ايش ان المدربات يتركن

طالباتهن بدون رقابة (ماقصرن بس ورانا لاتقعدن حنا جايين نشتغل جايين نتدرب مهن مهملاتنا) وان الطالبات يلبسن عدسات ويحطن مكياج وتجينا شكاوي كثيره من المرضى

ومرافقيهم علا المتدربات لذلك تم ايقاف تدريبهن وذلك يوم الثلاثاء الموافق 23\1 حرصا على راحة المريض (ايه بالله حريصين علا المريض) ...

عاد دكتوراتنا منا ومنا الين وافقو نجيهم ..( طيب ليش كذا ليش كل هذا وانتم مامعكم حق هاه وش المطلوب ؟ وش تبون منا نسويه ؟)

حرام عليهم مانعرف من بناتنا من تسوي كذا حتى لو فيه ليش يعممون القرار علا كل الطالبات ولاهم مايبوننا كلنا

طيب معقوله يعني نبي نكون مصدر ايذاء للمرضى او لمرافقيهم وحنا ممرضاتهم تعالو شوفو

المريضات يدعن لنا تعالو شوفو الاطفال كيف يتلهفون لجيتنا حسبي الله على الظالم

انقهرن مدرباتنا بعذرهن يقولن منهي الطالبه المقصوده ماحنا لاقينها بالعكس يقولن اذا تدرون منهي

علمونا بإسمه بس المشكله ماحنا شاكين بأحد


مادري ليش مسئولين مستشفيات بريدة رافضين الممرضة السعوديه قاعدين لنا زي الي يدور الزله

ليش طيب مو انتم من فتح لنا كلية صحية ببريدة ؟

الدوله ماتبي ممرضات بنات البلد ؟

طيب يابريدة اذا حنا غير مرحب بنا كــــ مُتدربات .... وقفو تطبيقنا بمستشفياتكم نشوف لنا محافظه ثانيه

نطبق فيها ,

صكو الكلية , اجدعو علينا ملفاتنا شوفو لكم اي حل ولا هالتبهذل كل صبح

كان مافتحتو كلية ببريدة كنا دبرناها دخلنا كلية عنيزة ولا درسنا خارج القصيم او دخلنا كليات التربية او

جلسنا بالبيت

اما اننا ندرس بمبنى صغير ومكتوم ومافيه كافتيريا ولا تصوير ومعامله ناقصة ادواته ومدرسينه قليل

وعميدته مشغوله 24 ساعه بدون سنع وباصات النقل للمستشفى صغيره وسواقينها غير ملتزمين

كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــل ذآ صابرين عليه ثم نجي نتدرب


بالمستشفيات نلاقي صد ورفض وتشدد وتهديد من قبل المسئولين والموظفين بدون اسباب مقنعه ياليت

معهم حق بالعكس تحسهم يدورون مشكله يبون يطفشوننا مايبوننا وين حقوق الانسان عنا


حنا تخرجنا من الثانوي وكل وحده وميوله ورغباته بس بما اننا ساكنات القصيم مالنا الا اثنين يا

تدريس ياتمريض طبعا التدريس وظايفه مهيب مضمونه لذلك توجهنا للتمريض عاد اللي طموحه تمريض واللي تبي

الراتب .... طبعا انا متهيأة نفسيا اني ابدرس بكلية صحية عنيزة ويوم قرينا اعلان عن تسجيل بكلية

صحية بريده ورحت اسجل ويالله من مشكله لمشكله قال ايش لان الكلية جديدة طيب من فتحه ؟ اللي

فتحه فتحه ونساه؟ تاركيننا بهالكلية لا ولي ولارقيب حسبي الله علا اي مسئول لم يؤدي امانته

ليتكم مافتحتو ببريدة كنا درسنا بعنيزة بالرياض بأي مدينة ولآ دخلنا هالكلية اللي سميناه (صحراء

الدهناء) ابد هالكليه لابده لحاله لا اكل لا ماء لا مسئول لارقيب لا تشجيع لا استقبال لا تحفيز لا درايش

لامراوح شفط لا مكافئات تنزل بوقته لا مستشفيات ترحب بنا لا لا لا

حسبي الله على كل مسئول نيم

ســـــــــــــــــــــــــــــــــــــــــــــــآإ أآإأآعـــــــــــــــدونا


فـ .. نحن نلفظ انفاسنا ..

حللونا ونتم بحلّ
__________________
[IMG][/IMG]

آخر من قام بالتعديل ! w..h..y; بتاريخ 23-01-2009 الساعة 03:43 AM.
! w..h..y غير متصل  


قديم(ـة) 23-01-2009, 03:47 AM   #2
! w..h..y
 
صورة ! w..h..y الرمزية
 
تاريخ التسجيل: Nov 2008
المشاركات: 51
اللي يعرف لنا طريق للدكتور عاطف سرور يفيدنا الله يريح باله يقولون انه مايقصر
__________________
[IMG][/IMG]
! w..h..y غير متصل  
قديم(ـة) 23-01-2009, 04:03 AM   #3
ملكة الرومانسيه
Registered User
 
تاريخ التسجيل: Dec 2008
المشاركات: 458
الله يعينكم
ورا ماتكتبين بالجريده احسن لتس من هنا ، ماراح تستفيدين شي
ملكة الرومانسيه غير متصل  
قديم(ـة) 23-01-2009, 04:20 AM   #4
! w..h..y
 
صورة ! w..h..y الرمزية
 
تاريخ التسجيل: Nov 2008
المشاركات: 51
آمين

حنا ماكتبنا بالجريدة لان قالو ماحد مهتمّ بالمنتديات احسن


عاد تو افكر احط موضوعي بكذا منتدى بسس مالقيت منتدى مناسب
__________________
[IMG][/IMG]
! w..h..y غير متصل  
قديم(ـة) 23-01-2009, 10:50 AM   #5
روسانا
عـضـو
 
تاريخ التسجيل: Nov 2008
البلد: القصيم/بريدة
المشاركات: 1,506
أختي الكريمة /
كلامك عين العقل الاصل في الكلية الصحية أن لها نظام مثل أي كلية في المملكة .
يوضح هذا النظام بكل تفاصيله للدارسين ومن ثم يتم متابعة هذا النظام .

ولكن للاسف / كل ما يحدث مجرد رائي شخصي من بعض القائمين على الكليه الصحية

كل بناتنا لهن الحق في الدخول لتلك الكليات . أما أنحراف السلوك فهذا شأن يخص المنحرف وحده ويحاسب عليه هو فقط لا يعمم على بقية الدارسات .

نعم بناتنا أرحم من الاجنبيات ممها فعلن ومهما ارتكبن من أخطاء

نعم للممرضات السعوديات دعوة للقائمين على الكلية لا تضيقوا على بناتنا .وتفتحوا المجال على مصراعيه للاجنبيات ؟؟؟؟؟؟؟؟؟؟
روسانا غير متصل  
قديم(ـة) 23-01-2009, 11:58 AM   #6
ام الزلمات
عـضـو
 
صورة ام الزلمات الرمزية
 
تاريخ التسجيل: Sep 2008
المشاركات: 1,250
مدير الصحه بلقصيم ولد عمي
بس عطين ايام وارسلك رقمه الخاص برساله خاصه
اكيد مايدري عن كل اللي ذكرتيه
وتمنى لك التوفيق
والله يعينك
ام الزلمات غير متصل  
قديم(ـة) 23-01-2009, 04:40 PM   #7
! w..h..y
 
صورة ! w..h..y الرمزية
 
تاريخ التسجيل: Nov 2008
المشاركات: 51
اقتباس
المشاركة الأساسية كتبها روسانا
أختي الكريمة /
كلامك عين العقل الاصل في الكلية الصحية أن لها نظام مثل أي كلية في المملكة .
يوضح هذا النظام بكل تفاصيله للدارسين ومن ثم يتم متابعة هذا النظام .

ولكن للاسف / كل ما يحدث مجرد رائي شخصي من بعض القائمين على الكليه الصحية

كل بناتنا لهن الحق في الدخول لتلك الكليات . أما أنحراف السلوك فهذا شأن يخص المنحرف وحده ويحاسب عليه هو فقط لا يعمم على بقية الدارسات .

نعم بناتنا أرحم من الاجنبيات ممها فعلن ومهما ارتكبن من أخطاء

نعم للممرضات السعوديات دعوة للقائمين على الكلية لا تضيقوا على بناتنا .وتفتحوا المجال على مصراعيه للاجنبيات ؟؟؟؟؟؟؟؟؟؟


الله يسلمك زين فيه احد راغب ببنات بلده
__________________
[IMG][/IMG]
! w..h..y غير متصل  
قديم(ـة) 23-01-2009, 04:44 PM   #8
! w..h..y
 
صورة ! w..h..y الرمزية
 
تاريخ التسجيل: Nov 2008
المشاركات: 51
اقتباس
المشاركة الأساسية كتبها ام الموذي
مدير الصحه بلقصيم ولد عمي
بس عطين ايام وارسلك رقمه الخاص برساله خاصه
اكيد مايدري عن كل اللي ذكرتيه
وتمنى لك التوفيق
والله يعينك


الله يجزيتس خير الجزاء ياعمري

الله يحفظتس ويخلي لتس ولدتس قولي آمين

بس مايصير تخلونه يشوف الموضوع عشان لاكلمناه يكون فاهم الوضع كله

موب ازين
__________________
[IMG][/IMG]
! w..h..y غير متصل  
قديم(ـة) 23-01-2009, 05:59 PM   #9
! w..h..y
 
صورة ! w..h..y الرمزية
 
تاريخ التسجيل: Nov 2008
المشاركات: 51
ماضاقت الا لتتسع ان شاءالله


الفرج قريب
__________________
[IMG][/IMG]
! w..h..y غير متصل  
قديم(ـة) 23-01-2009, 06:24 PM   #10
‏!مدحدره نحو القمه
عـضـو
 
تاريخ التسجيل: Jan 2009
البلد: .بعيد عن الصـ....
المشاركات: 152
ياحبيلتس صدقيني عاطف ماراح يفيدتس بشي بس بيقولتس كلمتين يسكتكم بهن...
__________________
!...!لابــو هـالــوقـت الــــردي لابــو رجــالهـ ..مــن تــح ــب مـثـل أشــكــالـكـم فــع ــلن
غ ــبـيه!...!


¥..آن كـــآآن آلـرج ـــولـه بـلـبس الشــم ـاغ وعــقـال.. بــشـرو الــح ـريــم يلــبـسن الع ــمايم..¥
‏!مدحدره نحو القمه غير متصل  
قديم(ـة) 23-01-2009, 08:00 PM   #11
! w..h..y
 
صورة ! w..h..y الرمزية
 
تاريخ التسجيل: Nov 2008
المشاركات: 51
اقتباس
المشاركة الأساسية كتبها ‏!مدحدره نحو القمه
ياحبيلتس صدقيني عاطف ماراح يفيدتس بشي بس بيقولتس كلمتين يسكتكم بهن...




ياخيه حنا مندري لمين نشكي متعلقين بأي امل


لو نعرف من يحل لنا المشكله من جذوره ما ترددنا
__________________
[IMG][/IMG]
! w..h..y غير متصل  
قديم(ـة) 23-01-2009, 09:17 PM   #12
الجواب الكافي
عـضـو
 
تاريخ التسجيل: Jan 2006
البلد: تاج القصيم بريدة
المشاركات: 80
مرحباً بك أختي


ابرد عليك من خلال ما شاهدته في مستشفى الولادة تحديداً


اقتباس
تدريبكم ومره احتشمو ولا وقفنا تدريبكم ( وربي اغلب البنات متسترات)

هي ممكن تكون متستره باللبس بس ريحت العطر ؟؟؟ والأصوات وادخله والطلعه علشان تشتري لها شيبس ولا عصير كل شوي ...!!!


اقتباس
كل يوم طايحين لي تهديد بإيقاف تدريبنا (وليتهم صادقين بشكواهم)كل يوم سالفه مره التزمو بالزي ولا

وقفنا تدريبكم ومره هاتو عدد طالبات محدد ولا وقفنا

بصراحه عدد المتدربات كبير جداً والأسياب ضاقت بالطالبات واصوات الضحك والسواليف تقل باستراحه



اقتباس
وان الطالبات يلبسن عدسات ويحطن مكياج وتجينا شكاوي كثيره من المرضى

كلام صحيح ميه بالميه بصراحه شيء ملفت وداخلات طالعات في الأسياب وبين الرجال




اقتباس
المريضات يدعن لنا تعالو شوفو الاطفال كيف يتلهفون لجيتنا حسبي الله على الظالم

ما اعتقد اتذكر مره كانو المستشفى ياخذون من ولدي دم كل ست ساعات وتعالي شوفيهم وهم يتدربون عليه تحلفين انه فأر تجارب والله كنت اموت اذا جو ووأخذه مني اسمع صياحه وانا بآخر السيب

وجربت غيرهن وهن ياخذن دم منه والله ما يدري ولا يحس فيهن



اعتذر ما عندي وقت علشان اطول الرد بس ابقولك اثناء ما انا أخذ ضغط وزن كان فيه طالبتين يتدربن جت وحده وسألت صديقتها عن شيء تافه وجاوبت عليه وش ردت فعل صاحبت السؤال ؟؟؟ التلعين تعلن على صديقتها قدام الموجودات بالغرفه ياختي اذا ما استحيتي من البنت الي قدامك استحي من الموجودين بالغرفه



انا لا اعارض وجود ممرضات سعوديات بس أفض الجديه بالعمل ...
الجواب الكافي غير متصل  
قديم(ـة) 23-01-2009, 09:44 PM   #13
مياس القصيم
عـضـو
 
صورة مياس القصيم الرمزية
 
تاريخ التسجيل: Nov 2008
المشاركات: 68
يااختي الكريمه تعالي لم مستشفى عيون الجواء وعلى طول تتوظفين لانهم الان يسعودون المستشفاء لاوازيدك من الشعر بيت الراتب عالي جدا
__________________
[حياكم على فنجال قهوه[/color]:060:
مياس القصيم غير متصل  
قديم(ـة) 24-01-2009, 03:32 PM   #14
لقلق
عـضـو
 
صورة لقلق الرمزية
 
تاريخ التسجيل: Oct 2008
البلد: بريدة
المشاركات: 407
اقترح عليك بالمنتدى المناسب

انقلي شكواك لمنتدى وزارة الصحة افضل .

والله يوفقكم للي فيه خير
__________________
لقلق غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 11:18 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)