بريدة






عـودة للخلف بريدة ستي » بريدة ستي » بــنــت بــريــدة » |- Coffee Shop -| » أنا والذئــآب ! .. } ومغـــآمرآت أُخرى .. ✿

إضافة رد
 
أدوات الموضوع طريقة العرض
قديم(ـة) 28-03-2009, 06:17 PM   #1
تباشير المطر ~
كاتبة متميّزة
 
صورة تباشير المطر ~ الرمزية
 
تاريخ التسجيل: Dec 2007
البلد: بين النبلاء .
المشاركات: 8,293
أنا والذئــآب ! .. } ومغـــآمرآت أُخرى .. ✿












بسم الله الرحمن الرحيم

السلام عليكم ورحمة الله وبركاته .. /
















مدخـل .. |


إبتسم .. للحزن الطمه بالفرح , أرجمه بالمرح المستعار ..
أحزم متاعبك النفسية في حقيبة يدك وابتسم .. ابتسم .. ابتسم ..

تيري بباوي










قد وعدتكم بأن أكمل مذكرات ومواقف عايشتها منها تستمعوا وتسفيدوا بإذن الله ,
وها أنا أضع باقه متواضعه اتمنى ان تجد قبولا ً ..













[MARK="000033"]أنا[/MARK] والذئــآب .. }





خوآلي خيموآ بالبر بس ماكانوا ينــامون نسهر إلى 12 او 1 باليل وبعدين كلن يروح لبيته ,
لكن قرر بعض خوالي انهم ينامون حسافه الخيام ماينامون بهن , انا من الخوف ماانام اروح مع اهلي ,
المهم إذا جينا من بكرى - يوميا ً نروح - يصيرن بنات خالاتي نيمات بالبر وحتى اختي
ويبدن يقصصن ان خالي فلان طعس بنا الصبح واننا زينا فطور وختبينا واستانسنا
وانا اصير ودي بس اخاف ذروقه , يوم صار بليل نبي نمشي قالت بنت خالتي ياحبيله
- لأن الشلة الكريمه كلهم في سبات عميق - قالت بنت خالتي : امرحي معنا واستانسي ,
قلت : مادري أخف اموت .. !
- كنت ذاك الوقت بي وسواس الموت ولا أنا ما اخاف < ايه هين -
وتبدأ تساحرن لمى اني وافقت وراحوا اهلي , طفوا الماطور وصار الجو خرمس - اي ظلام شديد -
كل الي بالمخيم نــــآموا الا انا من الوحشة وبديت اورد تخيلوا قريت آية الكرسي 17مره ههههه
وتفتف على البنـــات وهن والله مادرين عن الدنيا خخخ , نسيت اقولكن شكل الخيمه صغيرة شوي
يعني مربعه < احلفي , وصاير بوسطه خيمة كبيرة اخذه نص الخيمه وماشاء الله نص
البنات بوسط الخيمه ونص برا انا من زين الحظ مع الي برا وبنت خالتي بجنب الباب وانا بجنبه على طول يعني عند الباب ,
ولا بعد الباب مخيط كله عجزنا نخيط اخره - انواع الرعب -
المهم الجو إلى الحين هـــادئ يوم ذا بسم الله الرحمن الرحيم وصرت أسمع شخير قوووي - تقريبا ً مثل صوت الماطور إذا جاء يفتح -
انا احسبه الماطور وصرت اسمع نفس قوووي واقول بقلبي - شكله حدا البنات تشخر - وصار الصوت يجي ويروح
برا الخيمه واسمع حركه انا احسبه بعد من البنات تطور الوضع وصرت اسمع كأن أحد [ يشم ]
يدور على الخيمه كله وإذا جاء لمي وقف نفسه - يمه شكله داري اني قايمه من بدهم -
انا قلت شكلي اتوهم صارت الساعه 2 وبدا النوم يسيطر ,
يوم دريت زااااااااااد الصوت صوت مخيييييف قاااااامت بنت خالتي وهي منهبببله الي بجنب الباب
من غرقت النوم وطلعت الجوال تبي تدق على حدا الرجال يجي
وتشر لي تقول : أووووص .. !
انا وياااه أسكتنا نبي نتأكد والصوت بعد اسكت شكله حس أن احد قام ومير يطلع صوت يبي يشوف حنا نمنا ولا لا يووووحش صوووته هالمره ..
ومير تنننننط بنت خالتي لأقصى الخيمه وانا مادري وشلون نطييييت معه من الوووحشه
وعرفنا ان الي برا حيواااان بعد شكله مهوب واحد - قطيع كامل -
وبدن يتحررركن ويطلعن الصوت المخيف ..
بدأت أنفـــاسنا تتسارع ودموع وودعت الدنيا وتخيلت أهلي ووو
وبدأت أتخيل اني بين أنياب الذئاب

جلسنا برهه من الزمن ومن ثم .. !


أنتبه القطيع أن أصحــاب الخيــام صحوا من نومهم .. !


ونبحت الكــــــــلااااب وهجن ..
وارتتتتتتحنا انهن ماصارن ذيــابه بس والله ذاك الموقف مخيف مخيف
حتى أننا خفنا من الكلابه بس هانت عن الذيــابه ..
وبعده رجعوا ناموا وأنا طـــار النوم ولا نمت ألا حول الظهر ..
[ والحين كل ماتذكرت الموقف متنا من الضحك اتذكر أشكالنا والمناقز بوسط الخيمه هههههه ]











حكــايات طفــولية .. }








ولنا مع جيب الربع والهايلوكس حكــايات .. !

الطفــولة مع البراءه الممزوجه بقليل من الغبـــاء .. !


كنا انا وبنات خالاتي إذا شفنا جيب ربع ولا هايلوكس ماتشوفون ألا غبارنا
من الخوف نخاف ينطلوننا خخخ
وكنا من الغباء بعد ,
إذا شفنا جيب ربع به حريم نبدأ نصيح - نصيح أسلوب مبالغه -
نقول : ياربيه ياعمري منطولات هااالحريم من ينقذهن .. !
- نحسب الحريم مايركبن جيب الربع هههه -
ولا بعد إذا شفنا رجلين قدام ومرأه وراى بلحاله
هااذي منطوله ياحول هههههه .. !


بنت خالتي تقول : يوم كنت بثاني إبتدائي ,ماعمري مشيت رجليه ومره نزلنا الباص انا وصديقاتي قريب من بيوتنا ,
بس لازم نمشي شوي المهم انه جت هايلوكس ,
بدت بنت خالتي تصيح وتصرخ تحسبهم حراميه تقول يوم قربوا لمنــا :
تقول زاد التصريخ بديت أقرا قل هو الله احد الله الصمد وهي تركض وبصوت عالي .. ! ههههههههههههههه
وصديقــاته فاااطسات من الضحك عليه لأن اصلن السيارة مهيب لمهم
بس هماه شافت هايلوكس عاد سيارة الحراميه ههههههه


[ كل ماتذكرتناه متنا من الضحك تحسبه إذا قرت قل هو الله احد
بصوت عالي تهج السياره هههههههه]

















[MARK="000000"]حكـــاية[/MARK]
كفــــاح .. }

إمرأه عن ألف رجــل .. ~




تزوجت تلك الأنسانه الرآئعه وانجبت أبنائها المهم أنها صارت مشاكل بينه وبين زوجه وقرر يوديه هي وعياله بخب معروف ببريدة لكن كان ذاك الوقت الخب صحراء قاااحله , وتزوج عليه , عاشت بعذاب بهذا المكان لدرجة تقول : أنه صار فترة يجي كلب أسود كبير يقعد يبين أنام عشان ياخذ حدا عيالي تقول أقعد أسهر طوووول اليل ماأنام وإذا أذن الفجر قااام وعلى هالحاله ماأنام اليل من هالكلب , تقول وكنت أحصد وأحط بنتي وراى ظهري وأشتغل عشان لقمة العيش , وكنت أتسلف المال عشان أشري الذهب لبناتي مابي يحسن بالنقص ويصيرن غير البنات وأيضا ً جاء يوم جلست اصيح دم جاء زوجي وأخذ بنتي الكبيرة وزوجه وانا ماودي لأنه كانت صغيرة وبعده طلبت الطلاق , وتزوجت واحد ثاني تقول وأنا مع زوجي الثاني كنت أنام وأنا متغطية بالشتاء وأتذكر عيالي الي باالبيت الطيني باالبرد ثم أرمي المغطى وأطلع برا وأجلس برا عشان أموت من البرد ماابي أتدفى وعيــالي بالبرد , وبعده جاء أكبر عياله وسافر لرياض وأشتغل كان يشتغل الصبح ويدرس باليل – ماشاء الله تبارك الله – وجمع مال لابأس به وراح للقصيم وجاب أهله وأستاجر بيت ودرسوا أخوانه وكملوا تعليمهم وتزوجوا وهو راح للخارج ودرس الطب ورجع بشـهـادة الدكتوراه وبعدين تزوج , وصارت الأم أحسن الناس عيشة , إلى ان توفيت رحمها الله رحمة وااااسعه فكان يضرب بها المثل بها وبأابنائها الرجال ذوو الدين والخلق والرجولة في مجتمعهم وهي رمز للكفـــاح والصبر فقد ربت أبنائها على مايحب الله ورسوله ..








رجل خلف [MARK="999999"]البــــاب[/MARK] .. }







في إحداى اليالي الشــاتية ..
كنا نيمين والغرفه ظلاااااام دااامس , سمعت برا الغرفه كأن أحد يمشي بالبيت ويحوس بالمطبخ
القلب بدا يرجف وأقوم الوالده : يمه .. يمه حرامي برا .. !
وسمعنا صوت أحد يمشي ويفتح المغسلة ويخرفش باالأكيــاس .. !
أمي انهبلت وبدينا ندقس نمشي شوي شوي
ويوم ذا كـــح الي برا واثره مهيب غريبه الكحه
وصــارت أختي ذذذذ مانتبهنا أنه طالعه من قوة الظلام ..
امي أنواع الهواش علي ذاك اليوم ..







في [MARK="CCCCCC"]مكــه [/MARK] .. }
واستجــاب الله لهــا .. ~









رحنا لم مكه الله يشرفه وكان برمضــان وهاذيك السنه زحمــــه زحمه
المهم انه كل الي بالشقه قضوا عمرتهم ألا انا والوالده و ضــايقتن صدورنا ماندري
وشلون نبي نقضي عمرتنا بها الزحمه المهم رحنا للحرم
يوم قربنا لصحن [ الساحه الي حول الكعبة ] وننهبل من كثر النـــاس مانقدري نفترتس [ نفترك أي نتحرك ]
وكلمت بنت خالتي تقول : لاتروح نورة وخالتي ترى اليووم زحمه شفنا بالتلفزيون الناس تقل موووج ,
امي قالت توكلي على الله ربي يبي سهل أن شــاء الله
عاد يالله يالله قدرنا ندخل وسبحان الله يابنات وقسم بالله مااكذب
اننا صرنا نمشي بوسـاع وبراااد مع انه قريب للكعبة الي معروف عنه انه دايم زحمه ,
يوم قضينا العمره الحمد الله وحنا راجعين لشقه قالت امي : شفتي سبحان الله كيف صار المكان وسيع
قلت : ايه سبحان الله , قالت شفتي يوم حنا مقبلين بالزحمه دمعت عيوني وقلت بقلبي
يارب اني أنا وبنتي ضعيفات مالنا غيرك يارب اني مااطلب فقير ولا اطلب بخيل
ولا أطلب ضعيف أني اطلبك
انت يارب الغني الكريم القوي أنك تسهل علينا عمرتنا ..
يابنات من توكل على الله كفــاه وصدق الجوء اليه سبحانه يحقق لك ماتريدين بإذن الله
خلي حيــاتك كله لله تشوفين السعــــاده ..









[MARK="CCCCCC"]عمره مره أخرى [/MARK] .. !




ولد خالتي أنواع البراءه وكانوا بمكه يوم جوا يبي يرجعون ,
قالت خالتي نبي نمر ان شاء الله على المدينه ,
قال ولد خالتي : وااااوك الله يعين نبي ناخذ عمره ثانيه .. ! هههههههههههههههههه ..











مكــالمة [MARK="CCCCCC"]غزة [/MARK].. }







يوم كان القصف على غزه صاروا الناس يقدرون يتصلون على أهالي غزه
ويحثونهم بعد عشان يخففون عليهم ,
المهم أنا أخذت فتح فلسطين وفتح غزه وخربطت أربع أرقام
ومستبعده أحد يبي يرد بس قلت أبجرب ومير ترد بنت شكله صغيره
قلت أنا : السلام عليكم أخواننا بغزه حنا اخوانكم بسعودية
قالت : البنت لحظه لحظه
وتنادي شكله أبوه
هو : السلام عليكم
وأنا أتراجد من الخوف : وووعليكم السلام , حنا خوانكم بسعودية انتم أن شاء الله على خير < انواع الخرابيط
قال هو [ بلهجة الفلسطينية ] : إحنا على خير أن شاء الله بس ماعاد تتصلوا أوكي .. !
انا : أيه أيـ ــ ــ ــه خلاص ان شاء الله .. !
وصكيت السماعه وانا اتراجد من الفشيله والتحطيم الي جــان خخخ
< وكل الي عندي فطسوووووا من اضحك على التحطيم السنع هههههه











[MARK="990000"]طعـــن[/MARK] .. }





كــنا جالسين نتعــشى بالحوش , جت تكرمون خنفســانه قالت اختي الصغيرة : خنفسانه .. خنفسانه
امي مابعد شافته ماتبي تحوم تسبودنا , قالت وهي تهدي روحه : ايه صغيره .. صغيره .. !
قلنا : لا والله كبيرة , يوم التفت عليه.. ولاه حليلة كبيرة .. !
قالت لأخوي من الحمق لأن تسبده حامت : اطعنه اطعنه هههههههههه ..















مخــرج .. |

هذه الدنيا الواسعه لايسعد فيها إلا من عرف معناها,
وسبب خلقها والهدف من وجوده عليها ..

عبد الحميد البلالي







نورة .. |




__________________


عندما نحسن إلى الآخرين فإنَّا نملك قابلية كبيرة لـ " التأثير عليهم " !

آخر من قام بالتعديل تباشير المطر ~; بتاريخ 28-03-2009 الساعة 06:21 PM.
تباشير المطر ~ غير متصل   الرد باقتباس


قديم(ـة) 28-03-2009, 07:49 PM   #2
ما تَهَاب
ضجيـــج ..!
 
صورة ما تَهَاب الرمزية
 
تاريخ التسجيل: Sep 2008
البلد: الريــاض ’,
المشاركات: 8,047
ههههههههه اما سالفتك مع غزة لحاااااله اتخيل شكلك مطيرة عيونك وتناظرين اللي حولك ببرود ههههههه حسبي الله على ابليسه هالفلسطيني فشلك تفشيلة مو صاحية هههههه الله لايبلانا <<بدت تشمت ..
والا الذيابه يمممممه انا خلقه مااواطن النوم بالبر ومايرد اهلي احياناً الا انا من الذراقة وسالفتك زودت الناقص : ( ..
صراحة استمتعت معك يالنوري الله يوسع صدرك ..


__________________



​‏‏​​‏​الذين رحلوا إلىَ [ الله ] في سن مبكرة . .
اهدونا رسالة تقول : [ لا تُطيلوا قوائمَ أُمنياتكم ]
لأنَ الحياة اقصر منها بِـ كثيــر ،


ما تَهَاب غير متصل   الرد باقتباس
قديم(ـة) 28-03-2009, 09:07 PM   #3
ح ـايلـــيـة
وقع مختلف
 
صورة ح ـايلـــيـة الرمزية
 
تاريخ التسجيل: Feb 2006
البلد: الرِيَاضْ ❤ ,
المشاركات: 5,790
وعليكم السلام ورحمة الله وبركاته
حيا الله النوري ..
مبطي عن الدرر ,


سالفة مكة .. الحمد لله تساهيل من الله وإستجابة دعاء ..
وكذا موقف صار لنا بمكة كذا ..
من توكل على الله فهو حسبه ~

,

معلييييش على سالفة عزّة !
أنواع التلقيييط ..

,


ويامالتس من الخرابيط اللي متعلقة بالهايلوكس والجيب ..
يوم أنا صغيرة وحركة تتوارثها الأجيال .. لا مرينا بجنب شرطة
تغبينا تحت المراتب لين نتعداهم .. بإعتقادنا إنهم بيقبضون علينا !


مثبت يابطلة
__________________




ما من رُوحْ ما تُروح !


ح ـايلـــيـة غير متصل   الرد باقتباس
قديم(ـة) 28-03-2009, 09:17 PM   #4
فتاة الورد
عـضـو
 
تاريخ التسجيل: Oct 2008
البلد: - ... ṞềłสẋλŧĪ๑ŋ ~
المشاركات: 2,089
موضوع روع ــة روع ـــة روع ـــة

وروعــآت بعد .. ماشاء الله تبارك الله

يهبل موضوعتس شي شي

كيفت عليه ..

مشكورة وهذا اللي متعودينه منتس موآضيـــع سنع


أحسن شي مكــآلمــة غزة

تحطييييييييييييم

تقبلي مروري ,,
__________________
.


. . ولي لغتي الخاصّة *





فتاة الورد غير متصل   الرد باقتباس
قديم(ـة) 29-03-2009, 12:22 AM   #5
هَـنّوُ ~
عـضـو
 
صورة هَـنّوُ ~ الرمزية
 
تاريخ التسجيل: Jul 2008
البلد: الريـآآآآآآضـ ,
المشاركات: 669
هههههههههههههههههههههههههههههههههههههههههههههههههه ه

نوووره قسسم يانا فطست من الضحك على بعض المواقف وه بس

اقتباس
بنت خالتي تقول : يوم كنت بثاني إبتدائي ,ماعمري مشيت رجليه ومره نزلنا الباص انا وصديقاتي قريب من بيوتنا ,
بس لازم نمشي شوي المهم انه جت هايلوكس

<<بسمة تهدي كيف الحال هع هع ((فضايح :>))


يااربيه وقسم وسعتي صدري

والمرأه المكافحه الله يرحمه ويغفر له
ماشالله عليه ربي عوضه بعياله

ومكاالمة غزززه فحطت من الضحك هههههههههههههههههههههههههههههههههههههه
ياربيه ياهو حطمتس هكالأدمي تمنيت اني اخذ السماعه واهزئه بس عاد يجب اننا نراعيهم ولا <<لايكثر بس

قصتس انتي والذيابه ترووووووووع
لو انا بمكانتس تسان دخلت بالخيمه مع البنات وماعلي منهن يختي وه كلش ولا نفسي <<ياملغه


ويستاهل التثبيت الحقيقه

ألف شكر يابعد تسبيدتي
__________________




الْحَيْآه مَآْهِي الَا قِصَّه قَصِيْرَه مِن تُرَآب ! عَلَى تُرَآب ! الَى تِرَآب

ثُم ( حِسَآب ) فِثَوآب , آَو عِقَآب فَعِش حَيَآتِك لِلَّه تَكُن آَسْع‘ـد خَلَق الْلَّه
هَـنّوُ ~ غير متصل   الرد باقتباس
قديم(ـة) 29-03-2009, 01:48 AM   #6
*..لــــورا..*
عـضـو
 
صورة *..لــــورا..* الرمزية
 
تاريخ التسجيل: Aug 2008
البلد: حَيٍثُ آَكُـونْ ~
المشاركات: 1,299
.



هههههههههههههههههههههههههههههههههههـ
إلى بتــله

صــرآآآآآآآحه موقفكم اللي بالبر لآتحسدون عليه
لو آنــآ بمكانتس تســـآن صرت لورآ غفر الله لهــآ من الروعه




آجـــل تخـــآفوون من الربع والهلوكس



خوفكم مب لم ديره الصدز




آومــآ مكـآلمة غزه يـآحياتي يآأنتي
بس على آجــر إن شــآء الله >>وش دخله






يآحوبي لتس يالنوري وموآقفتس
صرآآحه آنتس آطعم آحـــــــــــد




__________________
>>يَ إلهيً لآ تحرمنيْ مطلبي !
فـَ آنتّ وحدگ من يعلم , گيف آنسجُ آحلامًي گل ليلة
و آنامُ على آملِ تحقيقهآ في آلصبآح !
آؤمن گثيراً بآن آلمسآحة آلفآصلة بين [ آلحلم وآلوآقع]
وبين [آلسمآء والآرض] مجرد .. "دعـــــــــآء"•
*..لــــورا..* غير متصل   الرد باقتباس
قديم(ـة) 29-03-2009, 02:17 AM   #7
بسمة تحدي
روضَةٌ مِن أشْجَار الرَبيعْ !
 
صورة بسمة تحدي الرمزية
 
تاريخ التسجيل: Mar 2008
البلد: B U R A Y D A H
المشاركات: 3,367
هههههههههههههههههههههههههههههههههههههههههههههههههه ههههههههههههههههههههههههــ .. < الخ

الصرآآآآآآآحه اني فطست من الضحك مع اني مليت منهن بس هنا غييييير

<<بسمة تهدي كيف الحال هع هع ((فضايح :>))


تمام الحمد لله وش اخبارتس انتي < ماتسنه تفشلت

ياحبيل قلبتس يانورة قسم السوالف متس تحلى وتحلى < حشى دعايه

اما المرأة المكافحه الله يغفر له ويرحمه ويدخله جنآت الفردوس الاعلى ..

والله ياهن كثــــــآآآر السوالف عن جيب الربع والهيلوكس

على طاري الهيلوكس

مره انا بالباص

ومثلتس عارف الباااص زحمه وروايح ودنيا هع

اقولتس وحده من البنات تكشخ على صديقاته ومن الزحمه سمعت كشخته

ومن ضمن الكشخه تقول : انا بصرآحة احب سيآرة ددسن هااااااااايلوكس > طبعآ مع المط

ياحبيله وانا بالزحمه فطسسسسسست من الضحك عليه

على العموم تستحقين التثبيت بجدآآآآآآرة ..

بالتوفيق ..
__________________

العــــابرة!
سيبقى عهدكِ كامناً عمق القلوب ص1
لن أنساك مااحيت غفر الله لكِ ذنوبك جميعاً وجمعنا بكِ في جنة الفردوس أمين ص1.
بسمة تحدي غير متصل   الرد باقتباس
قديم(ـة) 29-03-2009, 02:58 AM   #8
عسجد ..
عـضـو
 
صورة عسجد .. الرمزية
 
تاريخ التسجيل: Jul 2008
البلد: ~
المشاركات: 165
هلا هلا والله بنوري....

الصراحه اني مت من الضحك على المكالمه .... انواع التحطيـــــــــــــــــــــــــــــــــــم ....اجل لاتتصلين مرره ثانيه...

بـــــــــــــــــــــس ...تعيشين وتاكلين غيره ....

اما البـــــــــــــــــــــــــــــــــــــــر عادي احسنه ....<<<<<ايه هين..


اما المراه الصابره .. ماشاءالله عليه عزه ربي <<< على ماقال من صبر ظفر...


اما ولد خالتك ... ماشاءالله عليه يبي ياخذ عمره بلمدينه ...هههههههههههههه الصراحه شي....


اما بسمه التحدي افـــــــــــــــــــــــــــــا طلعتي خوافه ..خلك زيي<<<<ايه هين...

ودمتم بخير...مع تحيات النرجس....
__________________


.

| حسن الخلق يستر كثيراً من السيئات
كما أن سوء الخلق يغطى كثيراً من الحسنات !
+ عسجد تعني الذهب
عسجد .. غير متصل   الرد باقتباس
قديم(ـة) 29-03-2009, 07:23 PM   #9
غ ــموض ح ــائر
عـضـو
 
صورة غ ــموض ح ــائر الرمزية
 
تاريخ التسجيل: Aug 2008
البلد: ||ليس المهم اين اكون بل المهم من اكون||
المشاركات: 1,182
ههههههههههه

مواقفتس يهببلن

هههه
اوما الحرااامي ولا الخنفسانه

ولاعاد مكالمة غزة ذي بلحاله هههههههههه

مشكورة والله وسعتي صدري بالربع والهايلوكس وخرافات منوَل
غ ــموض ح ــائر غير متصل   الرد باقتباس
قديم(ـة) 29-03-2009, 07:41 PM   #10
قم قاعد
عـضـو
 
صورة قم قاعد الرمزية
 
تاريخ التسجيل: Mar 2009
البلد: العريمضي عشق لاينتهي
المشاركات: 957
هههههههههههههههههههه

حلووووه اطعنه اطعنه
قم قاعد غير متصل   الرد باقتباس
قديم(ـة) 29-03-2009, 08:41 PM   #11
كنز الألوان
عـضـو
 
صورة كنز الألوان الرمزية
 
تاريخ التسجيل: Dec 2008
البلد: من سكان الأرض
المشاركات: 1,821
نوره 11

الله لا يحرمنا منك ....
قصصك رووووووعه
قصتكم يوم باالبر تخوووووف شكلك متنتب نايمه مره ثانيه باالبر...خلاص...




أما يوم تتصلين على غزه ودي شايفه شكلك




قصصك وسعت صدري
الله يجزاك خييييير ويوفقك ويسسسر أموررك












"
__________________
ظِلّ مَكْسُور وكِسِير لِليتَآمَى وَالفَقِيرْ
ظِلّ ظِّلهْ كَمْ مَلآيين ورَفَآهِية رَغِيدَة
ظَلّ طِفْلِ فِي بَرَآءَة حَآكه فِي ظِلّ الكِبيرْ
ظِلّ عَآدَآت وتَقَآلِيد جَثتْ فُوقَ
العَقِيدَة
ظِلّ ثَآبِتْ ظِلّ آمِنْ وَحدَهُ ظِلّ الشّرِيعَة
ظِلّنآ هُو عَرْش رَبّي خَآِلق وآحنَآ عَبِيدَه
ظِلّ جَآمِعْ
لِلمَحَبّة وَالوَلأء يَجْمَعْ جِمِيعَهْ
ظِلّهَآ ظِلّ الجزِيرَة شَآمِل ظِلآلِ عَدِيدَة
كنز الألوان غير متصل   الرد باقتباس
قديم(ـة) 29-03-2009, 09:21 PM   #12
بريداوية ام الهبال
قبس دائم
 
صورة بريداوية ام الهبال الرمزية
 
تاريخ التسجيل: Jan 2008
البلد: بحارتن جميلة ()
المشاركات: 4,198
܀




وآوتس والله يـآهو أح
لا تتصلون مره ثـآنية
النـوري أولآآه متى زهـمتي شكله ثلاث <-



آآآآه يالهيلوكس والله يآهي رقيقة
ونـآعمه أبد مـآتـرج الرآس
تسن يوم هي تقرآ قل هو الله أحـد بدت تتفل يمكن ينفع


سلمتي يـآزووء موش متل الـزووء نفسه هوّا
مآتغـيرشي <- قـولي قـ



قبّلي مروري

<- واليآهي تكـد





تَحِـــيّة
__________________

. . . ثمّة نساء يُصبحن أجمل في الغياب "/ !

.
بريداوية ام الهبال غير متصل   الرد باقتباس
قديم(ـة) 30-03-2009, 12:56 AM   #13
ظل القمر
عـضـو
 
صورة ظل القمر الرمزية
 
تاريخ التسجيل: Jul 2008
البلد: درب التبآنـﮧ .) !
المشاركات: 1,411
,




ههههههههههههههههههههههههآآهههههههههههه

ههههآآهههههآآهههههههههههه >> ياااربيه بسس مت ضحك



لاااا ولابالبرر بعد تذكرين كان باب الخيمة مفتوووح شوي

واااااااو يمااااااااه

ولياا حناا انواااااع واشكاال الخووف

,,

اقتباس
الطفــولة مع البراءه الممزوجه بقليل من الغبـــاء .. !

>> ههاااي حلللللللوة ذي ممزوجة بقليل من الغباء خخ

,,

اومـــــا حقت غزة لحاااااااااال هع >> تقطعت عليه من الضحك


ولاا عمتي يـــــــــاحبي له اجل اطعنه اطعنه ههههههههههههههههههههه

,’

ياااااحبي لكـ يانورة انتي وسواليفك طعمات مثلك



|
__________________
"سبحان الله والحمد لله ولااله الا الله والله اكبر"
ظل القمر غير متصل   الرد باقتباس
قديم(ـة) 30-03-2009, 07:25 AM   #14
العابرة
:( ؟!
 
تاريخ التسجيل: Oct 2008
البلد: شمالاً ألا قليلاً.!
المشاركات: 2,192
نورة11
موضوعك
أجل سيارات الهايلكس والربع مسويات رعب في الطفولة.
أما اللي تقرأ بصوت عالي.
تحفة قسم.

اقتباس
قلت : ايه سبحان الله , قالت شفتي يوم حنا مقبلين بالزحمه دمعت عيوني وقلت بقلبي
يارب اني أنا وبنتي ضعيفات مالنا غيرك يارب اني مااطلب فقير ولا اطلب بخيل
ولا أطلب ضعيف أني اطلبك
انت يارب الغني الكريم القوي أنك تسهل علينا عمرتنا ..

هي ماطلبتني لا أنا ولا أحد غيري..
هي طلبت الله سبحانه وتعالى.
الواحد بس يدعي ويؤمن بالدُعاء راح تستجاب دعوته.
أما اللي يدعي وهو يشك بقبول الدعوة فهذا اللي ماتقبل دعوته.
أي شيء أأمني فيه وراح يصيـر.


اقتباس
: إحنا على خير أن شاء الله بس ماعاد تتصلوا أوكي .. !

ودي أشوف وجهك بعد هالمكالمـة كيف
أنا أذكر على أيام غزة والمكالمات شفت وجه طايح بس مادريت إنه لك
لك (وردة)
__________________
.

.

آخر من قام بالتعديل العابرة; بتاريخ 30-03-2009 الساعة 07:28 AM.
العابرة غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 10:17 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)