بريدة






عـودة للخلف بريدة ستي » بريدة ستي » بــنــت بــريــدة » |- Coffee Shop -| » 12/9/1431هـ [ يومي الرمضاني :) ]

إضافة رد
 
أدوات الموضوع طريقة العرض
قديم(ـة) 24-08-2010, 09:26 AM   #1
ما تَهَاب
ضجيـــج ..!
 
صورة ما تَهَاب الرمزية
 
تاريخ التسجيل: Sep 2008
البلد: الريــاض ’,
المشاركات: 8,047
12/9/1431هـ [ يومي الرمضاني :) ]

[BACKGROUND="100 #000000"]


يعني سبحان الله مالقى المنتدى يوقف الا لما جاء يومي
تصدقون بغيت احلف ماأنزل يومي مثل العام
هالسنة وقف المنتدى والعام عقب ماخلصت وأعتمدته الموضوع راح راح يعني تعبي فش

المهم السلام عليكم ورحمة الله وبركاته
وش اخباركم عساكم شادين حيلكم بهالشهر
الله يقبل منا ومنكم

في يوم 12 /9 / 1431 صحيت على زقزقة العصافير الصادرة من


وكان الإتصال من أمي تقول قومي بيطلعون من صلاة العصر
عقب غفوة قمت صليت ثم نزلت ولقيت امي تعمل فارسية << امي تسميها كذا
هذي صورتها أثناء الاعداد



نسيت اصورها لما تحمرت
طبعا ماكانت تسويها لنا بترسلها لخالتي وعمتي ومدري لمن الثالثة

المهم جتني تهزيئة لأني صحيت متأخرة ياحبي لي سنعة
والقهر صاروا ماسووا الا كوروسان وسمبوسة متعودين على عشانا , جبت مكرونة
وحطيتها ع النار تنسلق وعملت الكشنة والصوص , وبدينا نجهز سفرة الفطور وهذا فطورنا قبل يأذن


وهنا بعد الأذان



شلنا الحوسة وبعد الصلاة جلست احوس على غير سنع
ثم رحت احط العشاء وكان برفقتي نور حفظها الله ورعاها

اخذت لكم هالصور قبل الهجوم
مكرونتي

السمبوسة

الكوروسان

والسينمون ..


السفرة كاملة


خلصنا الحمدلله وغسلنا << احلفي ذذ
وكلن طلع لمسجده ابوي بجامعنا واخواني ماادري وين وانا وماماتي
مع عبدالعزيز القرني << مو له للمسجد : )

وبعد ماطلعنا خلصنا كم شغله ورجعنا للبيت وجبت لهم هالحلى مسويته قبل بيوم ولا أشتهوه

بعد كذا جلست ع اللاب ثم جت اختي
وجلسنا نقرق ونسيت اجيب لها القهوة ياحول ياهي صدق من عرفك صغير حقرك كبير
المهم جبت القهوة حقت المغرب ماشربنا منها الا فنجالين ف ماله داعي التبذير
وهذي قهوتنا


عقب جت خالتي وجايبة لقيمات

وبعدها خالي واختي
ضيفناهم الضيافة المعتادة وعلى الساعة ثلاث وشوي طلعوا وصبيت لي بيالة
شاي قبل الصوم

واخذت لي كوباية ميه وطلعت لغرفتي الدميلة
السحور ماكان له مكان يارب لك الحمد على النعمة لاني طول الليل اكل
كل من جاء شاركته حتى مايستحي << فدائية
وبعد الصلاة جلست ع اللاب الى ماشاءالله لي ان اجلس ثم خمدت وتكرر الروتين من جديد


والسلام عليكم ورحمة الله وبركاته

+ قبل أطلع بقولكم شي ادري اني مزعجة وقراقة ودوختكم بس حقكم وماجاكم كان مادخلتوا الموضوع


<< تقاسموها


[/BACKGROUND]
__________________



​‏‏​​‏​الذين رحلوا إلىَ [ الله ] في سن مبكرة . .
اهدونا رسالة تقول : [ لا تُطيلوا قوائمَ أُمنياتكم ]
لأنَ الحياة اقصر منها بِـ كثيــر ،



آخر من قام بالتعديل ما تَهَاب; بتاريخ 25-08-2010 الساعة 06:23 AM. السبب: 100 :)
ما تَهَاب غير متصل   الرد باقتباس


قديم(ـة) 24-08-2010, 09:39 AM   #2
BU7OOR
موطن الجمال
 
صورة BU7OOR الرمزية
 
تاريخ التسجيل: Jan 2008
البلد: اللهم اهدني ونوّر بصيرتي .
المشاركات: 4,249
اسم الله عليكووو ,
ياختي انتم ناس رايقين ماشاء الله الله يديم عليكم
سفرة الفطور شي تراثي قمييييل لو أنا معكم كان ماافطرت ابتل اتمقّله ..
سبحان الله مثلي انا دايم احب اغير بديكور الفطور ( فيس مغرور وارانب تناقز فوقه ) << تراي ابد ابد مهب لاأذّن اركض اخذ لي تمره من الثلاجة .. .

وإلا سفرة العشاء الأنتيييكّه اللي ودّتس تصورين كاسات العصير بس


تسلم ايديك وأيادي اللي سوت السمبوسة اللي بتنزلين طريقته بعالم انثى < ابلشي عاد :D
__________________



' إنّ الله معنا .

,

آخر من قام بالتعديل BU7OOR; بتاريخ 24-08-2010 الساعة 09:53 AM. السبب: اهم شي حجز الرد ذذ
BU7OOR غير متصل   الرد باقتباس
قديم(ـة) 24-08-2010, 09:45 AM   #3
乂♥ متفائلة ♥乂
مشـرفة سـابقة ..
 
صورة 乂♥ متفائلة ♥乂 الرمزية
 
تاريخ التسجيل: Jun 2007
البلد: بريدة الحبيبة ~
المشاركات: 7,546



يـااااي ياخطيرة يأم فريح

ودي أقول تسلمين ياسنعة بس ماأشوف سويتي شيء إلا كان الحلى
< بتتكفخ
لو مايجيتس إلا الكشخة والأتيكيت والتصوير الخويال ماشاء الله

ياحبي لتس
__________________




صَمْتُ رَحيلْ !.

آخر من قام بالتعديل 乂♥ متفائلة ♥乂; بتاريخ 24-08-2010 الساعة 10:20 AM.
乂♥ متفائلة ♥乂 غير متصل   الرد باقتباس
قديم(ـة) 24-08-2010, 09:48 AM   #4
نجود
عـضـو
 
صورة نجود الرمزية
 
تاريخ التسجيل: Dec 2008
البلد: بريدة ديرتي
المشاركات: 2,026
ماشاء الله تبارك الله على الجخه حلوووووووووه كل وحدة احلى من الصورة الي قبله ياهبوبه سفرة دائمة على قلوبكم

والله يديم النعمه

ولئن شكرتم لا ازيد نكم
__________________
hp?t=261973
نجود غير متصل   الرد باقتباس
قديم(ـة) 24-08-2010, 10:22 AM   #5
تباشير المطر ~
كاتبة متميّزة
 
صورة تباشير المطر ~ الرمزية
 
تاريخ التسجيل: Dec 2007
البلد: بين النبلاء .
المشاركات: 8,294
ماتهاب
وش هالسنع والذووق
ولا سفرتكم تجنننننننننننننن تف تف ماشاء الله
اببلش أهلي نزين مثلكم خخ
والسمبوسة شكله موووت
هذي لك لأمك لنور ذذ
وتسلم إيديكم
يوووووم خيال يكفي أن ماتهوبي منزلته وه » ووشرايتس بالدلع ذذ
__________________


عندما نحسن إلى الآخرين فإنَّا نملك قابلية كبيرة لـ " التأثير عليهم " !
تباشير المطر ~ غير متصل   الرد باقتباس
قديم(ـة) 24-08-2010, 10:32 AM   #6
نجديــــة
حرف راقي
 
تاريخ التسجيل: Oct 2007
البلد: بريدة
المشاركات: 2,427
بسم الله .. بادي ذي بدأ !

أنا أشهد أنكم ناس أنتم الرواقة نفسه
الفطور تراث , والعشاء حديث
وهذا إن دل فهو يدل على أن والديك
حفظهما الله تعالى .. يحبوا > لاتفوتكم يحبوا
يحبوا أن يعلموا أولادهم كل شيء بالدنيا بأشياء
مختصرة + ممتعة + محفزة للجلوس بالذاكرة أكبر
قدر ممكن لأنها عملية = وهي أن العالم منول كانوا
يعيشون في تقشف وحياة متعبة وهذا فطوركم فهو
بما أنه قبل العشاء يدل على أنه الزمن الأول ...!
وأما العشاء فهو يدل على الزمن التالي الحديث
أن الحياة تغيرت كثيراً وذلك بفضل الله سبحانه وتعالى !!
و ... >سدّو اثمه اولآآآه
> تلاحظون سهجنا الموضوع

وهـ بس وقسم أنك رهيبة يابت , ألا شخبار
عبدالعزيز القرني عساو ماتعب وهو يصلي بس ض1 !
اي تقبل الله الصيام والقياام منا ومنكم !



متى تنزلين الطريقة بعالم أنثى إن شاء الله ..؟

ماتهاب لك في القلب حجرة كاملة بأدوارها

وهـ بس حبي لك , وشكرا ع الوردة
وبالتوفيدز
__________________


" عندما كنت طفلة .. تمنيت ان يرزقني الله ابناً , يشبه احلامي الصغيرة "

آخر من قام بالتعديل نجديــــة; بتاريخ 24-08-2010 الساعة 10:34 AM. السبب: على طاري نور ... تراه ذي بنت خالة ستّي حقتنا وحقت تباشير , أما شغالة بسمة فهي بنت جيران نور , ذذ
نجديــــة غير متصل   الرد باقتباس
قديم(ـة) 24-08-2010, 01:34 PM   #7
نبض المشاعر
عـضـو
 
صورة نبض المشاعر الرمزية
 
تاريخ التسجيل: Jan 2007
البلد: الرياض
المشاركات: 1,231
رهييييييبه يالسنعه ...

نوامة قصدي طباخة سنعه والدليل الحلى يابعدي ..

ياعل اهلتس مايبتسونتس ولا تبسين نور ياخلفهم ...

لاتكون نور بس شغالتنا اللي راحت تراه دقاقه واسمه نور ...يقالك توصف ..

اشكرك والله يا مشرفتنا افطار شيء وسفرة شيء ويامال الجنة ياااارب ...
__________________

نبض المشاعر غير متصل   الرد باقتباس
قديم(ـة) 24-08-2010, 03:37 PM   #8
رتولي
شيف مبتدئ
 
صورة رتولي الرمزية
 
تاريخ التسجيل: Jun 2009
البلد: بريده
المشاركات: 434
.
وعليكم السلام ورحمة الله وبركاته

ماشاء الله ،يوم رائع ومرتب ،سفره دايمه ان شاء الله
تسلم يدينك
__________________
.



.


(رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ) [إبرهيم-41]
رتولي غير متصل   الرد باقتباس
قديم(ـة) 24-08-2010, 05:05 PM   #9
بريده الغالية
عـضـو
 
تاريخ التسجيل: May 2010
البلد: بريده
المشاركات: 236
ماشاء الله فطور مرتب ورائع..واعجبتني فكرة التراث..
يعطيك العافية..
بريده الغالية غير متصل   الرد باقتباس
قديم(ـة) 24-08-2010, 05:14 PM   #10
على طريق الأمل
عـضـو
 
صورة على طريق الأمل الرمزية
 
تاريخ التسجيل: Mar 2010
البلد: في قلب بريدهـ
المشاركات: 3,298
ماشاء الله
رووعة~~
ماتهاب
شكريآت
على طريق الأمل غير متصل   الرد باقتباس
قديم(ـة) 24-08-2010, 06:18 PM   #11
غ دير المح ـبة
عـضـو
 
صورة غ دير المح ـبة الرمزية
 
تاريخ التسجيل: Aug 2008
البلد: لاتنسوني من الدعواااااااات.
المشاركات: 1,443
رهيييييييييييييييييييييييب

ماشاء الله

وتصويرك شي

يخليك تشتهين الأكل

وتوجعيننا بهالوقت الله يهديك

يوووووه اشتهيت السمبوسه

إلا على فكره وش الفارسيه هذي؟
__________________
غ دير المح ـبة غير متصل   الرد باقتباس
قديم(ـة) 24-08-2010, 08:45 PM   #12
سجينة الحجاز
عـضـو
 
صورة سجينة الحجاز الرمزية
 
تاريخ التسجيل: Nov 2009
البلد: السعوديه
المشاركات: 436
مشاءالله عليييك في قمة الروعه التصوير
سفره دايما يارب
__________________
اذكروا الله يذكركم
سجينة الحجاز غير متصل   الرد باقتباس
قديم(ـة) 24-08-2010, 09:08 PM   #13
%زهرة الجوري&
Registered User
 
تاريخ التسجيل: Jul 2010
البلد: في معرفي الآخر&زهور الجوري&
المشاركات: 2,736


ماشاء الله يوم رائـــع ومميز

دمتي مبدعة

%زهرة الجوري& غير متصل   الرد باقتباس
قديم(ـة) 24-08-2010, 09:22 PM   #14
كنز الألوان
عـضـو
 
صورة كنز الألوان الرمزية
 
تاريخ التسجيل: Dec 2008
البلد: من سكان الأرض
المشاركات: 1,821
ياعمري أختك جايبتله قهوه من المغرب

تصدقين عاد خواتي قبل يجن يدقن علي ويقولن زينيلنا قهوه ولا موب جايين عاد أنا طيران للمطبخ من الفرحه


ماشاء الله جازتلي مكرونتك شكله لذيذه يم يم

وشي ذي الفارسيه أول مره أشوفه بس شكله لذيذه

ماتهاب كل يوم حطيلنا وش سويتوا عشان يطفى المنتدى

لك
__________________
ظِلّ مَكْسُور وكِسِير لِليتَآمَى وَالفَقِيرْ
ظِلّ ظِّلهْ كَمْ مَلآيين ورَفَآهِية رَغِيدَة
ظَلّ طِفْلِ فِي بَرَآءَة حَآكه فِي ظِلّ الكِبيرْ
ظِلّ عَآدَآت وتَقَآلِيد جَثتْ فُوقَ
العَقِيدَة
ظِلّ ثَآبِتْ ظِلّ آمِنْ وَحدَهُ ظِلّ الشّرِيعَة
ظِلّنآ هُو عَرْش رَبّي خَآِلق وآحنَآ عَبِيدَه
ظِلّ جَآمِعْ
لِلمَحَبّة وَالوَلأء يَجْمَعْ جِمِيعَهْ
ظِلّهَآ ظِلّ الجزِيرَة شَآمِل ظِلآلِ عَدِيدَة
كنز الألوان غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 11:30 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)