بريدة






عـودة للخلف بريدة ستي » بريدة ستي » سـوالـيـف كـشكـولـيـة » رصيف الكشكول » قصص عن الجن الواحد لاجاء يدخل يقرأ المعوذاااات اخوكم مغرم بالفتك

رصيف الكشكول قسم الألعاب والمواضيع المنقولة والمكررة

إضافة رد
 
أدوات الموضوع طريقة العرض
قديم(ـة) 10-07-2011, 04:32 PM   #1
مغرم بالفتك
عـضـو
 
تاريخ التسجيل: Jun 2010
البلد: بريدة
المشاركات: 83
قصص عن الجن الواحد لاجاء يدخل يقرأ المعوذاااات اخوكم مغرم بالفتك

السلام عليكم
كيف حالكم
بماء ان السوالف كلها هالايام عن الجن
ابي اسرد لكم سوالف جاري مع الجن من صغره
يوم كان عمره حوالي 14سنه دخل فيه جني
ووده لاكثر من قارئ لين طلع الجني اللي معه بعد اربع سنين او خمس
المهم من طلع منه الجني وهو يشوفهم قدامه
وكذا مره اسهر معه ويسولفلنا عن قصته
يقول كانت غنمنا بالحتيفه { بين محطة البطيحانيه وبين الارطاويه }
يقول مره جاي من الغنم متجه للبيت الا وفيه شعيب طايح فيه غمارة فرت بدي موديله بالـ60
يقول جالس قدامه اثنين من الجن متكين وكلهن هياكل عظميه ولا بعد لابسين بشوت سود وشماغين عراقيات وعقال ويقول ماسوولي شي
والسالفه الثانيه يقول مره الساعه 2بالليل جالس قدام باب الاستراحه اصلحلي شيشه
الا وشله من الجن مايقلون عن 10جنون يركضون
والسالفه الثالثه رايح مره انا وياه وخمسه من العيال لرحلة صيد ومرينا على فياض جزوى اللي شرق من ام قليب وحنا جالسين قريب للفيضه نتقهوى يقول يالربع سمو بالله
قلتله عسى ماشر وش فيك قال فيه اثنين من الجن يسبروننا مادري وش فيهم لاكن سمم
وسمينا ولا صارلنا شي والحمدلله على كل حال

والسالفه الرابعه
جربعوه اثنين من الجن هو واخوه بالبيت
كان نايم هو واخوه بالديوانيه يقول انا علىوشك النوم واخوي للحين مانام المهم مادريت الا اخوي يصحيني بصوت هادي حمدي حمدي قلت وش فيك قال شفهم من تحت الباب يقول اول مانضرت من تحت الباب طبعاً اللمبه طافيه يقول الا اثنين داخلين من تحت الباب على شكل رياجيل لاكن نحيفين باللحيل يقولون للبعض انت حدهم من يمين وانا من يسار
حمدي اشر لخوه قال اول مايتجهون علينا هج افتح الباب وهج
المهم الجنون دخلو الغرفه واحد راح يمين والثاني راح يسار علشان يحدونهم ويمسكونهم
اول ماتحركو الجن هج حمدي واخوه وعلى غرفة ابوهم وليوممممكم هذا والجن ببيتهم ويشوفونه احياناً على شكل الخدامه اللي سافرت


وهذي سالفه ثانيه له قديمه شوي
يقول شريت ددسن جديده موديل 2000
وقلت خلني اروح عليها للنفود انا واخوياي
المهم راح للنفود وكان مكان كشتتهم 5كيلو تقريباً عن الغنم حقته
يقول طبخنا نص تيس لاكن المشكله الصحن حق التحضير نسيته بالخيمه عند الغنم
راح هو وواحد من اخوياه للخيمه علشان يجيبون الصحن
يومنهم رجعو بالطريق يطعسون الا وفجائه السياره يبرد عزمها
يقول وادعسلها السياره جاها بلاء وغرزت
المهم نزل هو وخويه ينسمون الكفرات
يقول الااناظر يسار يمين ابي شي احطه تحت اليساره علشان يتكيلها الا واناظر على الطعس اللي بجنبي الا انسان له ذيل طويل ووجه يشتعل نار
وانا اسمي وانسم الكفر
واتسحب واعلم خويي الا خويي شايفله واحد ثاني وممرج بقلبه
اتفقت انا وخويي اننا نهج ونخلي السياره بمحلها
يقول خلاص صملنا اننا نهج لاكن ابلشنا ورع من الجن واقف بجنبنا حوالي 10متر
يقول تبوني اطلعلكم السياره ولا لا
يقول والله من الخوف اللي بقلبي اني ركبت السياره و ادعس للسياره واقراء اية الكرسي
وفجاء السياره كل مالها تمشي على شوي شوي لين طلعت ورحنا لاخويانا

ارجو ان القصه اعجبتكم
وترى القصه حقيقه 100% والله على ماقول شهيد
مغرم بالفتك غير متصل   الرد باقتباس


قديم(ـة) 11-07-2011, 12:47 AM   #2
حربي عابر دربي
عـضـو
 
صورة حربي عابر دربي الرمزية
 
تاريخ التسجيل: Jan 2011
البلد: بذا فيذا هنا
المشاركات: 4,926


اييييييييه اعجبتنننننننننننننا

لاكن انت متاكد ان جني حمدي طلع والا باقي

والله ما نقرب غنم حمدي المطيري ابد

طيب ليش ما نزلت الموضوع بالنهار والا تبي تخوفنا بـ هـ الليول يا م ط

نبت براسي عدد واحد شعرة شيب

شكرآ

( الله يشفي حمدي ويفكه شرهم وحنا والمسلمين اجمعين )
حربي عابر دربي غير متصل   الرد باقتباس
قديم(ـة) 12-07-2011, 10:52 PM   #3
مغرم بالفتك
عـضـو
 
تاريخ التسجيل: Jun 2010
البلد: بريدة
المشاركات: 83
اقتباس
المشاركة الأساسية كتبها حربي عابر دربي


اييييييييه اعجبتنننننننننننننا

لاكن انت متاكد ان جني حمدي طلع والا باقي

والله ما نقرب غنم حمدي المطيري ابد

طيب ليش ما نزلت الموضوع بالنهار والا تبي تخوفنا بـ هـ الليول يا م ط

نبت براسي عدد واحد شعرة شيب

شكرآ

( الله يشفي حمدي ويفكه شرهم وحنا والمسلمين اجمعين )

جزاك الله خير
وبعدين حمدي المطيري مااعرفه ولا كد شفته
انا مجرد ناقل للموضوووع
انا اسمي بدرالسلوم
مغرم بالفتك غير متصل   الرد باقتباس
قديم(ـة) 22-07-2011, 06:10 AM   #4
أبـو محمد
عـضـو
 
صورة أبـو محمد الرمزية
 
تاريخ التسجيل: May 2010
البلد: في بريده
المشاركات: 165
مشكور بدر
__________________
.


لا إله إلا الله محمد رسول الله
يا أمة محمد رطبو السنتكم بذكر الله ~
[الا بذكر الله تطمئن القلوب]ِ~
أبـو محمد غير متصل   الرد باقتباس
قديم(ـة) 25-05-2017, 08:15 PM   #5
على ماهر
عـضـو
 
تاريخ التسجيل: Aug 2016
البلد: القاهره
المشاركات: 2
قصص جن

شكرا لك على الموضوع وبأنتظار مواضيع جديدة عن قصص جن مخيفة ومرعبة
على ماهر غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 12:35 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)