بريدة






عـودة للخلف بريدة ستي » بريدة ستي » أخـــبـــار بــريــــدة » احذروا من خياط النبراس بالصفراء ببريدة >>>> قصتي معه * صورة

أخـــبـــار بــريــــدة كل ما يهم مدينة بريدة

موضوع مغلق
 
أدوات الموضوع طريقة العرض
قديم(ـة) 19-12-2011, 12:15 PM   #1
احلى واحد هنا
عـضـو
 
تاريخ التسجيل: Dec 2008
البلد: بريدة
المشاركات: 169
احذروا من خياط النبراس بالصفراء ببريدة >>>> قصتي معه * صورة

احذروا من خياط النبراس بالصفراء ببريدة >>>> قصتي معه

من أكبر النصابين الذين رأيتهم في حياتي ..

يعلم الله إني صادق في كل ماأقوله وليس أي مع عداوة معه والله يسألني عن كل كلمة كتبتها

قمت يوم الاربعاء بتاريخ 5/1/1433هـ بشراء أقمشة وتدخيلها على الخياط أنا وصديقي عند المحل اللي بالصفراء بعد عصائر ميسم والمطابع الإسلامية

صورة للمحل



فقال لي اللي بالمحل وكان عامل يماني قال وعدك يوم الاربعاء القادم بتاريخ 12/1/1433 وقلت أكيد قال أكيد

انتظرت لين الاربعاء وكنت مشغول ودقيت عليه الخميس قال لسا ماخلصن قلت ترى وعدنا أمس مو اليوم قال معليش مضغوطين ومدري ايش

قال خلاص وعدك يوم السبت وأنا حبيب مالي بالمشاكل قلت خله السبت يوم صار السبت أو مدري الاحد دقيت عليه قال لسا ماخلصن خله على يوم الاثنين دقيت الاثنين قال لسا ماخلصن

قلت وش فيك تستهبل أنت وهوش أنا وإياه والمهم عطان موعد الاربعاء بعد صلاة العصر شوي وبعدها سألت صديقي قلت له وش صار على ثيابك قلت طالعات وانهبلت وأرجع أدق عليه وأغسل اليماني غسل حول ربع ساعة بالجوال

وقال مستحيل يطلعن قبل الاربعاء المهم يوم صار الاربعاء مارحت العصر ودقيت عليه بعد صلاة العشاء قلت ولمهن أنا جاي قال لسا ماخلصن وأفقد صوابي وأهوشه هوش ماراح ولاجاء قلت أبيهن الليلة يعني الليلة وإلا أبجيب لك الشرطة

المهم قال خلاص الساع 10 يصيرن قاضيات دقيت عليه 9:30 علشان يجهزهن قال خلاص أنت تعال بس

وأجي وأثره مالخلصهن وبدى يتشكى لي اليماني ويقول والله العظيم مالي أي دخل والمسؤول هو مصري وهو اللي مسبب اللخبطة هذي وأطلع أنا وإياه للخياطين حقينهم ومكانهم ورى أعنان للخياطة بالحارة

المهم قلت وينهن اصبر شوي بس عشر دقايق وتتم 10:30 ماخلصن ويطلع لي قلت وينهن قال بس شوي والله مفضين لك الخياطين علشان يخلصونهن

وتتم 10:50 ويطلع هاليماني ومعه يماني ثاني ويقول لسا ماخلصن عطنا نص ساعة قلت وشلون هذا يقول لي عشر دقايق وقضن هالعشر دقايق وتقول عطنا زود نص ساعة صراحة انقهرت بس والله ماحب المشاكل ولاودي أجيب شرطة

المهم وراحت النص ساعة 11:20 وإلى الآن الثياب ماخلصن وأطق عليهم ويطلع ويقول اصبر شوي وقال تعال ادخل شفهم يشتغلون عليهن وأدخل عندهم بالمشغل وقال خلاص الساع 11:30 يخلص ثوب لك قال تستهبل بعد كل هاللجة وثوب واحد بس لأن لي ثلاث ثياب مدخلهن

المهم أيست منهم وصارت متواسية وقلت أبأصل مشوار وأرجع لكم ودق علي لاخلصن قال خلاص
يوم صارت حول الساع 12:00 دق علي قال ترى ثيابك قاضيات ورجعت لهم بعد مشوار وفعلا لقيتهن قاضيات بعد جهد جهيد

* اكتشفت إن الثياب مابدا يشتغل بهن إلا بعد صلاة العشاء ويمكن الساع 10:00 يوم شافن ملزم قوة
* الثياب متاخرات سبع أيام عن الموعد المحدد حتى ماطلعن إلا بالطقاق والهواش
* صديقي استعمل معهم نفس الأسلوب بس قبل بأسبوع وطلعن ثيابه بتأخير يوم أو يومين أما أنا سبع أيام وبالطقاق
* اليماني نصاب درجة أولى يكذب الكذبة زي السلام عليكم ومواعيد زحلقة زي الفل

هذي قصتي وقلت أحطها للعظة والعبرة من التعامل مع هذا الخياط النصاب

وأتمنى من الإدارة مايحذفونها لأن الفايدة راح تكون للجميع

جزاكم الله خير
احلى واحد هنا غير متصل  


قديم(ـة) 19-12-2011, 01:09 PM   #2
وداد الشوق
عـضـو
 
صورة وداد الشوق الرمزية
 
تاريخ التسجيل: Dec 2010
البلد: لاتكابر اخرتها مقابر
المشاركات: 739
الله يهدي الجميع
__________________
***
بتهدي خطيبك زوجك ابوك اخوك أفخم الهدايا الرجاليه من الماركات العالميه..جفنشي-دنهل..بالصور.. تفضل/ي بموضوعي

***
وداد الشوق غير متصل  
قديم(ـة) 19-12-2011, 03:46 PM   #3
شرشل
عـضـو
 
تاريخ التسجيل: Aug 2011
البلد: بمملكتنا الحبيبة
المشاركات: 160
انا اشوف ان الهندود يفصلون الثياب افضل من اليمنيه(وجهة نظر)
شرشل غير متصل  
قديم(ـة) 19-12-2011, 03:51 PM   #4
جوااد
عـضـو
 
تاريخ التسجيل: Feb 2010
البلد: buraydah city
المشاركات: 1,327
وش ترجي منهم هاليمنين ..!
__________________

.

جوااد غير متصل  
قديم(ـة) 19-12-2011, 04:08 PM   #5
مقناص الشمال
عـضـو
 
صورة مقناص الشمال الرمزية
 
تاريخ التسجيل: May 2009
البلد: بريده
المشاركات: 258
نصيحه لوجه الله لاتفصل عند يماني اي شي سواء ثياب اومطابخ اواي شي فيه تفصيل ..يكذب عليك وعيونك طايره
__________________
مقناص الشمال غير متصل  
قديم(ـة) 19-12-2011, 05:00 PM   #6
Mr SaMi
عـضـو
 
صورة Mr SaMi الرمزية
 
تاريخ التسجيل: Aug 2011
البلد: بريده
المشاركات: 29
والله آلعظيم متهآوش معه قبل فتره
وآخذت حقي منه يوم جـت الدوريه عند باب المحل من ورآء خشمه
وهو يمني طويل وآسمرآني شوي
مدري كيف صآبر عليه صآحب المحل.!
Mr SaMi غير متصل  
قديم(ـة) 19-12-2011, 05:46 PM   #7
صحراء الدهناء
عـضـو
 
تاريخ التسجيل: Jul 2011
البلد: القصيــــــــــم
المشاركات: 141
اقتباس
المشاركة الأساسية كتبها شرشل
انا اشوف ان الهندود يفصلون الثياب افضل من اليمنيه(وجهة نظر)

صحراء الدهناء غير متصل  
قديم(ـة) 19-12-2011, 06:00 PM   #8
مدمن نت
عـضـو
 
صورة مدمن نت الرمزية
 
تاريخ التسجيل: Apr 2010
البلد: بريدة
المشاركات: 668
والله غريبه ابو يمن احس انه لا مسك شغله ابدع فيها



بس الظاهر ان اليماني هذا مهجن ... مو يماني حقيقي



الله يكون بعونك وانا اخوك ... لا يضيق صدرك يمكن التأخير فيه خيره عليك ماتدري
مدمن نت غير متصل  
قديم(ـة) 19-12-2011, 07:01 PM   #9
نايف123
عـضـو
 
صورة نايف123 الرمزية
 
تاريخ التسجيل: Feb 2011
البلد: في بريدة
المشاركات: 1,810
من المفترض يأخي أنك أخذت أغراضك وفلوسك ومشيت ولا تبهذل بنفسك معهم
__________________
( لا تأمن الخبل يأتيك بداهية )
نايف123 غير متصل  
قديم(ـة) 19-12-2011, 07:38 PM   #10
عبدالله
عـضـو
 
تاريخ التسجيل: Nov 2002
البلد: القصيم
المشاركات: 5,000
هذا شغل يرفع الضغط..............
__________________
محب الخير
عبدالله غير متصل  
قديم(ـة) 19-12-2011, 09:52 PM   #11
صوت البحر
عـضـو
 
صورة صوت البحر الرمزية
 
تاريخ التسجيل: Mar 2010
البلد: بريدة
المشاركات: 1,700
المفروض اتصلت بالرقم بالشرطة وريحت راسك تأخذ حقك
صوت البحر غير متصل  
قديم(ـة) 19-12-2011, 10:15 PM   #12
خوي ابوي
عـضـو
 
صورة خوي ابوي الرمزية
 
تاريخ التسجيل: Dec 2009
البلد: حـآرة الصلب..
المشاركات: 101
اقتباس
المشاركة الأساسية كتبها مدمن نت
والله غريبه ابو يمن احس انه لا مسك شغله ابدع فيها



بس الظاهر ان اليماني هذا مهجن ... مو يماني حقيقي



الله يكون بعونك وانا اخوك ... لا يضيق صدرك يمكن التأخير فيه خيره عليك ماتدري

العكس صحيح اخوي انا خطت عند الغدوني يمنيه بعد اللي بشارع الثلاثين بالفايزية

قال لي يقضي الجمعة قلت زين ورحت الساعة 10,30 قال ما قضن تعال

بكرى الصبح ( يوم السبت ) راح الوالد لاني عندي المطرسسة قال ما قضن

تعال المغرب ورحت انا المغررب وقال باقي الازرار ما جن يجن العشاء جيت

من بكرا العشاء ( يوم الاحد ) واخيراً عطان ومن غير نفس وييين انا اللي

المفرروض اخذهن من غير نفس لكن خله على رربك يازين الهنود بسس

تعال
__________________
سبحـآنكـ اللهم وبحمدكـ..
أشهد أن لا اله إلا انت..
أستغفركـ واتووب الييكـ..
خوي ابوي غير متصل  
قديم(ـة) 19-12-2011, 10:32 PM   #13
السامي 2012
عـضـو
 
صورة السامي 2012 الرمزية
 
تاريخ التسجيل: Oct 2011
البلد: قلب بريدة
المشاركات: 104
شكرا أخــي ع التنبيه
السامي 2012 غير متصل  
قديم(ـة) 19-12-2011, 11:36 PM   #14
مديتها نادم
عـضـو
 
تاريخ التسجيل: Sep 2010
البلد: القصيم
المشاركات: 70
وش لك با اليمانيه النصابين ابعد عنهم لعبين على الناس ابعدو يا ناس عن اليمانيه والاتراك الحلاقين ابعدوووووووو
مديتها نادم غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 06:37 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)