بريدة






عـودة للخلف بريدة ستي » بريدة ستي » بــنــت بــريــدة » |- Coffee Shop -| » الله يكفينا شر شغالتنا..انا الى الان مصدومه ونفسيتي تعبانه...ولااعرف كيف اتصرف

إضافة رد
 
أدوات الموضوع طريقة العرض
قديم(ـة) 17-08-2009, 02:48 PM   #1
Um Azooz
عـضـو
 
تاريخ التسجيل: Aug 2009
البلد: السعودية
المشاركات: 2
الله يكفينا شر شغالتنا..انا الى الان مصدومه ونفسيتي تعبانه...ولااعرف كيف اتصرف

السلام عليكم


اتمنى منكم مساعدتي انا ماني عارفه كيف اتصرف




الي خلاني اسجل بهالمنتدى واكتب موضوعي هو




موضوع الاخت ام ملوحي

حقيقة انا بعدماقريت موضوعها

صرت انتبه والاحظ اشياء ماقد لاحظتها مع شغالتي الاندونوسية لها عندي سنتين ولاعمري اشتكيت منها بس سبحان الله الحين بعد ما كشفتها صرت اتذكرمواقف كثيره كنت اتغاضى عن اخطائها وادور اعذار كنت احبها للدرجة اني اقنعتها تجلس زيادة وازيد راتبها لاكن الله فضحها
القصة بدات من يوم ضاع جوالي فجأة كان عندنا عزيمة وجانا ذاك اليوم عمال يصلحون في البيت شكيت في كل العالم ولا شكيت فيها ومرت الايام لكن الطمع شين فجأة اختفى جوال ولدي الكبير وماكان فيه احد غيرها وفتشتها بدون ماتدري واكتشفت انها سارقتهم مع اني ماعمري قصرت معها لا بمال ولا معاملة ولقيت عندها اوراق مقطعة ومكتوب فيها كلام بلغتها في كوب معها علكة ممضوغه الله العالم لايش مسوي هالشي
بعدها سكت ولا كأن شي صار
وبديت اتذكر كيف هي مسيطره على ولدي الي عمره 5 سنوات تضربه ولا عمره اشتكى منها
مره قال لي انه شافها مع واحد( يقربلي للاسف) ووصف لي موقف مشين وماامداني اكمل الا وتجي والولد ماعاد قال شي وعقبها خذته على جنب بدون ماادري من يومها ينكر الموقف ويقول ماصار
انا احس انها مخوفته يحبها بشكل ولا يعلم عليها كل ماشريتله حلويات راح لها ركض وعطاها احس يحبها اكثرمني
تتوقعون بس مسيطره عليه بشكل سلوكي بس مو سحر لاقدر الله لانه عادي لو رحنا مكان بدونها مايفقدها ولو خيرته بين انه يروح برا ولا يقعد معها عادي يروح ويتركها
والشي الغريب بعد الاحظ حماسها الغير طبيعي للطبخ مع اني ماكنت اخليها تطبخ بعد ماجتني بفتره بسيطة لاحظت اهتمامها بالطبخ ودايما تسالني كيف طريقة طبخاتي وصارت تسبقني للمطبخ وتتطبخ وتجهز كل شي وانا كنت امدحها واقول مافي زيها مهتمة براحتي والله ياخوفي انها تحط لي بالاكل شي
الحين انا ساكتة ومامنعتها من الطبخ عشان ماتلاحظ اختلاف المعاملة
مااودي اطول
لو بكتب عن بلاويها الي اكتشفتها ماراح اخلص
الحين انا متورطة معها وخايفة منها وبحاول اسفرها في الايام الجاية بدون ماتدري
لكن انا عمري مافتشت شغالة و لاعمري جاني شغاله بهالشكل ساعدوني كيف افتشها قبل السفر المشكلة انا في قرية ولازم اسافر ان وياها اول للمدينة الي فيها المطار ونقعد هناك ايام على بال مانلقى حجز وماادري وش اقولها عذر السفر
الشي الثاني وحده تقولي لا تخلينها تسافر باي شي اشتريلها شنطة سفر جديدة وملابس جديدة وكل شي عندها خوذيه وعطيها بداله جديد لانهم عندهم حيل كيف يخبون الاثر وقالت لي خليها تفسخ كل ملابسها وفتشيها
انا خايفة اني اظلمها اذا اخذت اشيائها وحتى تفتيشها وتفسيخ ملابسها احسه اهانة لها واخاف ربي يعاقبني
هي الصراحة تخوف مرره ومافي شي يصير في البيت الاتدري عنه كذا مره القاها تتجسس على صالتي اذا جاني ضيوف وحتى تتجسس على غرفة نومي انا خايفة انها درت عن خطة تسفيرها
الله يفرج همي و يبعدها عني ويكفيني انا وعائلتي شرها امين يارب العالمين دعواتكم

آخر من قام بالتعديل Um Azooz; بتاريخ 17-08-2009 الساعة 02:53 PM.
Um Azooz غير متصل   الرد باقتباس


قديم(ـة) 17-08-2009, 03:01 PM   #2
رهش
عـضـو
 
صورة رهش الرمزية
 
تاريخ التسجيل: Feb 2009
المشاركات: 388
الله يعينك يااخيتي
يقولون فيه وحده تفتش الشغالات وبفلوس
بس والله مااعرفها اسمع عنها
عليكي بالدعاء وقول (اللهم اكفنياها بما شئت)
__________________
ان كنت صريحا فلتكن صراحتك الى حد الاعتراف:41
رهش غير متصل   الرد باقتباس
قديم(ـة) 17-08-2009, 03:02 PM   #3
البروفسوره
عـضـو
 
صورة البروفسوره الرمزية
 
تاريخ التسجيل: May 2009
المشاركات: 257
ان شاء الله اقدر افيدك

اتوقع انك ملقيتها وجه بزياده...اذا جت تسافر سوي نفس ماقالت لك قريبك
شغالتنا ماكانت تشتغل زين وكانت تزمر وتعي تنظف فقررنا اننا نسفرها وقبل السفر بيومين راحت امي للسوق وجابت لها اغراض جديده من ملابس وشنطه وغيرها المهم بعدين امي اخذتها بالحمام وفتشتها وانا وخواتي نفتش اغراضها فلقينا بلاوي لايعلم به الاالله اخذه قميص امي من الغرفه بدون ماندري واخذه بعض اغراض اختي

فأنا احذرك يااختي منها واذا كتني تخافين خلي وحده من اهلك تفتشه


ومن ناحيت الولد حاولي تبعدينه عنه شوي
واتمنى انى اكون افدك وان شاء الله الخوات يفيدونك اكثر من يارب
الله يستر عليك ويحفظك............
__________________
ســـبــــحـــــان اللــه وبـــحـــمـــده عـدد خلـقـه ورضــا نفـسه وزنـة عـرشـه ومـداد كلـماتـه
البروفسوره غير متصل   الرد باقتباس
قديم(ـة) 17-08-2009, 03:53 PM   #4
شاطى الامــــــاني
عـضـو
 
صورة شاطى الامــــــاني الرمزية
 
تاريخ التسجيل: Jan 2009
البلد: ديرتي بريده
المشاركات: 1,130
شوفي وانا اخيتك

اول شي اشتري لها شنطه وحطي فيه قميص وملابس داخليه واللي تحتاجه كل جديد

اغراضها اللي هي جايبتها لا تأخذ ولاشي منها"شوري عليك"

وقبل هذا كله احجزوا لها عن طريق المطار بالتلفون

بعدين اذا جت سفرتها وثاريك مجهزه لها ملابسها كلها جديده وقولي لها بسرعه ----بسرعه البسي وجوزك ورى الباب يقول بسرعه بسرعه بنمشي يعني خبوها وانتي داخلها معها بالغرقه وخليها تشيل ملابسها وانتي اقالك صاده عنها وشيلي ربطه شعرها وانفظي اشعر---
وتغير ملابسها وانتي تشوفينها---وركبيها السياره--
واذا قالت شنطتي واغراضي قولي لها ركبنها في السياره----
ولاتخلينها تروح او تجي
__________________
هههههاي
واااااو
***شو رأيكم يالمشرفات تطبقونها!!!!!


شكرا للأنامل الذهبيه التى خطت
اسمي
بماء الذهب
شاطى الامــــــاني غير متصل   الرد باقتباس
قديم(ـة) 17-08-2009, 04:04 PM   #5
اثيره
عـضـو
 
تاريخ التسجيل: Aug 2008
البلد: وهـ فديت بريده واهلها ياحول يالي ماله بريده
المشاركات: 527
والله اذكر شغالتنا يوم تسافر
والله اننا فتشناها كامله يعني شالت كل ثيابها حتى الملابس الداخليه



والله ياحنا لقينا معه اشيااااااااااااااااء


انصحك فتشيه كامله ولايهمك
اثيره غير متصل   الرد باقتباس
قديم(ـة) 17-08-2009, 08:28 PM   #6
Um Azooz
عـضـو
 
تاريخ التسجيل: Aug 2009
البلد: السعودية
المشاركات: 2
الله يجزاكم خير ويوفقكم
برجع مره ثانيه بس والله الواحد طول الوقت قلقان
ويامن شرا له من حلاله عله
Um Azooz غير متصل   الرد باقتباس
قديم(ـة) 17-08-2009, 11:46 PM   #7
بريده أم المدن
!
 
صورة بريده أم المدن الرمزية
 
تاريخ التسجيل: Feb 2009
البلد: Do not be sad to yesterday it will not be back no regrets on the day .. It is late and my dream the sun flare in a beautiful tomorrow
المشاركات: 4,497

ياقلبي اقري وردك واستحيطي ع اولادك
وقولي لولدك الصغير انه اي شي
تسوي فيك او تضربك علمن وانا ماراح
اخليه تسوي شي لك
وخليه يكون واثق فيك

وخلي الشغاله تروح وتجي وحده
بداله خيره بغيره
بس قبل فتشيه
بريده أم المدن غير متصل   الرد باقتباس
قديم(ـة) 18-08-2009, 02:01 AM   #8
غادهـ
عـضـو
 
صورة غادهـ الرمزية
 
تاريخ التسجيل: Aug 2009
البلد: في قلـبـهـ
المشاركات: 791
احنا اي شغاله تجينا ماتروح إلا واحنا نافضينها نفضضضضض

"شوري عليك" وزي ماقالو1 البنات

لاتروح إلا باغراض جديدهـ لاتصيرين رقيقه اكثر من اللازم مع هاللي
ماتستاهل

اجل وش بعد إن ولدك شايفها بموقف قبيح مع واحدٍ يقرب لك؟

وش بعد إنها تتلص ؟؟؟ وش بعد إنها مأثره على الولد ؟؟

والمصيبه الكبرى .. > مافي شي إلا وتدري عنّه

لا لا هذي بجد يبي لها تفتيش كا11مل

لاتروحين للمدينه إلا وانتي حاجره ومسنّعة أمورك

وإذا كنتي خايفه منها او ماتعرفين تفتّشين ولاتتصرفين

سوّي شنطتها واطلبي من احد يساعدك وخلي الشنطه عند هالأحد

بعدها ودّيها هي عند هالأحد على إنها طلعه عاااديه

وفجأة إطعلي بدون ماتحس وخليها هالأحد ينثر أبو اللي جابها

ولاتروح إلا بكل شي جديد >>> أضمنْ لك وربي

بكرا ماراح ينفعك لو تقولين مافتشتها زين،ودّيها لأحد ثقه

وحرصّيه ماتطلع إلا وهي شالحه ملابسها ، ترى كذا بعد احسن

>>> يكون مافيه وقت تلطش شي منّا ولا منّاك

والله يعينك ... ترى فيه أرقام نساء يفتّشن الشغالات
ماأعرف بس ابحثي بقوقل .....


هذا اللي عندي ويارب اكون أفدتك ....

أسئل الله العظيم أن يكفيك شرّها يا111رب
ويحفظ ولدك وزوجك وبيتك إن شاء الله

اختك ... غادهـ
غادهـ غير متصل   الرد باقتباس
قديم(ـة) 18-08-2009, 05:35 AM   #9
حمامة شوق
عـضـو
 
تاريخ التسجيل: Mar 2009
البلد: في أمنياتي
المشاركات: 193
الله يعينك
شوووفي اختي نفس ماااقالو البنااات
لاتاخذشي معه اشريله كل شي جديد وشنطه جديده
واهم شي اهم شي لاتدري بموووعد السفر
احجزيله وهي ماتدري
واليوووم اللي بتساافر فيه حطو شنطته الجديده بسياره وخلي بيدك لبس كامل له
ودخليه دوره المياه الله يكرمك وخليه تفصخ كل لبسه وتنفض شعره وفتشيه زين
ولبسيه اللبس الجديد ومن باب الحمام لباب السياره واذا سالت عن عفشه قولوله بسياااره
والله يكفيكم شرها

واختي اهم نقطه لاتدري عن موووعد سفره عشان مايمدااه تاخذ شي
وحده من زميلاتي كانت شغالتهم تدري بموعد سفره وكانت شاكه انهم بيفتشونه فحطت الاثر بعلبه ولفته بعبايته
لانه توقعت انهم يفتشووون لبسه وشنطته بس وعلى انه تلبس عباته قبل تطلع لكن اللي فتشته تاخذ قطعه قطعه وتنفضه حتى العبايه ويوم رفعته وتطيح اللعلبه
والله يكفي المسلمين شررهن
حمامة شوق غير متصل   الرد باقتباس
قديم(ـة) 18-08-2009, 06:03 AM   #10
هايين
قبس دائم
 
صورة هايين الرمزية
 
تاريخ التسجيل: Jul 2008
البلد: في ارض الله الواسعه
المشاركات: 12,860
استعيني بالله
وفتشيها بدون ماتهينينها

وان شاء الله ماتشوفين شر انتي واعيالك

...
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
​
يآاااارب
إنّ أمنيتي تنبض في قلبٍ هو مُلگگ
 فَلا تحرمني من ( فرحة تحقيقہآ )

فَإنگ آلوحيد القائل للشي:
 " كـنّ . . فَيكون "
سبحانك
...
هايين غير متصل   الرد باقتباس
قديم(ـة) 18-08-2009, 06:19 AM   #11
ماءالسماء
عـضـو
 
صورة ماءالسماء الرمزية
 
تاريخ التسجيل: Mar 2008
البلد: حيث ولّت أحلامي
المشاركات: 1,601
إن شاء الله ما تشوفون شر

ومثل ما قالوا البنات سفريها وجيبي أم زياد المفتشة تراها ما شاء الله عليها تطلع بلاوي منهن الله يكفينا شرهن

رقم أم زياد

0504882910
__________________
<<كم هو مؤلم أن تلوح مودعا لأناس لم تتمنى توديعهم يوما>>



يارب ’’ إن كان هناك ذنب .. يحول بيني وبين توفيقك ..
فأبعده عني وأبعدني عنه ،، واغفر لي .. يالله
ماءالسماء غير متصل   الرد باقتباس
قديم(ـة) 18-08-2009, 02:36 PM   #12
حَنِيني لِطيْبة
عـضـو
 
تاريخ التسجيل: Apr 2009
البلد: ↔
المشاركات: 909




يووووووووووووه ذكرتين بخدامتنا قبل لا تسافر أساحر أمي تفتشه
وأمي ملزمة أنه حبيبة وما شفنا منها شر...

الله يعينك يـــاأم عزوز...






حَنِيني لِطيْبة غير متصل   الرد باقتباس
قديم(ـة) 18-08-2009, 10:33 PM   #13
بسمات دامعة
عـضـو
 
صورة بسمات دامعة الرمزية
 
تاريخ التسجيل: Sep 2007
البلد: بريدة
المشاركات: 132
والله البنات كفوا ووفوا

و إذا كنتي منتب جايبة اللي تفتش الشغالات مع ان كثير مدحوها

سوي مثل اللي قالت أختي غادة انك تودينها لأحد بدون ما تدري على انها طلعة عادية أو حتى قوليلها للمستشفى علشان ما تاخذ معها شيء و خلي كل أغراضها جديدة حتى لبس الصلاة اشتريلها جديد و انتبهي لاجيتي تفتشينها لا
تصيرين عند المطبخ لأني أذكر شغالة لنا فتشناه عند المطبخ ودخلت و أخذت السكاكين علينا
انتبهي الله يكفيك شرها
__________________
فضلاً ردد :

سبحان الله وبحمده سبحان الله العظيم
لا حول ولا قوة إلا بالله
سبحان الله وبحمده عدد خلقه ورضا نفسه وزنة عرشه ومداد كلماته

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

*=== (( ما يلفظ من قول إلا لديه رقيب عتيد )) ===*
بسمات دامعة غير متصل   الرد باقتباس
قديم(ـة) 19-08-2009, 05:35 PM   #14
. الأمــــل .
عـضـو
 
صورة . الأمــــل . الرمزية
 
تاريخ التسجيل: Mar 2008
البلد: دعواتكم لي باالشفاء
المشاركات: 893
انا والله ما عمري فتشت شغالات ابد ولا ادري هن حاطت سحر والا بلا

مع العلم انهن حطن ولا قصرن وانا استحي افتش شناطهن اذا قالت فتشي اقول لها انا ما افتش


والانسان يقراء ورده ويتكل على الله ...والا ايش رايكم ؟؟؟
__________________
اللهم اشف احبتي من كل داء


وارفع عنهم كل بلاء


يا حي ياقيوم انك سميع الدعاء


فلا ترد من يدعوك انك سميع مجيب
. الأمــــل . غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 05:31 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)