بريدة






عـودة للخلف بريدة ستي » بريدة ستي » نسمات برية و جولات سياحية » >>> عزبة البر كاملة <<< كل شي (( أغراض البر)) !!

نسمات برية و جولات سياحية كل ما يخص البر والقنص والرحلات

إضافة رد
 
أدوات الموضوع طريقة العرض
قديم(ـة) 08-12-2005, 02:13 PM   #1
=> قناص بريدة <=
 
صورة => قناص بريدة <= الرمزية
 
تاريخ التسجيل: Nov 2002
البلد: مملكة { بريدة } العظمى
المشاركات: 730
>>> عزبة البر كاملة <<< كل شي (( أغراض البر)) !!

السلام عليكم ورحمة الله وبركاته

اولاً مبروك إفتتاح المنتدى واللذي اتمنى ان يرتقي للمستوى المطلوب

ثانياً بهذه المناسبة عندي لكم هذه الأغراض للعزبه للي يبون كشته ماتنقصة

شي بإذن الله وهي بالمرفقات .

وابا اعرضه هنا للزوار


مكونات عزبة البــــــر


لتحقيق جميع الرغبات من عزاب أو عوائل سواء كانت فترة الكشته طويله أم قصيرة ........ أو إذا أردت التأكد من وجود جميع مكونات العزبه ماعليك إلا أن تطبعها وتتأكد منها قبل الرحيل.

**** أدوات عزبة البر****

1/ عزبة الطبخ
2/ مــــاء + مياه صحية + حافظة ( ثلاجة )
3/ جهاز كنود أو أيكوم + إريل * وركب قاعدة إذا مار كبت + فيوز احتياطي لسلكه
5/ جهاز قارمن أو ماجلان + بطارية + فيوز احتياطي لسلكه + بوصلة + خرائط + إحداثيات
6/ فــراش + **** فرشه " بساط "
7/ شنطة تـشمل ( بعض الملابس الداخلية * شراب * شماغ * مداسيس * جزمة وانتم بكرامه * بجامه * بشت* فروه * سديريه *طربوش ****** وشف اللي يجوزلك خذه )
8/ ماطور هواء + عيار هواء + رقع تيوبلس وعدة الرقعة + بلف هواء + مفتاح عجل + سيور إحتياطيه
9/ عدة فك وربط **** واير سحب ****
10/ كشاف + بطارية + لمبة وسنارته + شمعة لمبة إحتياطيه
11/ فاس وكريك ( شيول ) ودسوس للحطب
12/ الطير وعدته من حمام أو سمان ودس وسبوق وشبكه إن كانك راعي طيور.... الله يعين المولع بالطير.
13/ حطب + فحم + كبريت + ولاع فحم وخياش للحطب والله يخلي خياش الشعير بالبر.
14/ خيمة + أطناب.... أو رواقات أو شراع أزرق + حبل أو سبته للفرش فوق الشبك.
15/ ساعة خراشة إذا كنت خايف على جوالك من المطر المفاجئ لصلاة الفجـــــــــــــــر.
16/ دورق ( جيك حمام ) أعزكم الله ........ لي ( هوز ) لسحب البانزين.
17/ كاميرة تصوير أو كاميرة فيديو + أفلام + شاحن كاميرة + شاحن جوال للضرورة.
18/ أشرطة أناشيد لأنه يعتبر من الرفقة الطيبة مع الزقرت الطيبين .
19/ أدوات طبية ( لصيق جروح * مقص صغير * شاش * قطن * مضاد سم * فيفادول + بنادول + مـــــره + مسمار لتوقيف الدم + ملقاط شوك + إبره + خيط + مشرط صغير )
( عزبة الطبخ )
قدر كاتم + صفيرته + قدر إضافي + مقلاة كبدة ( مقرصه ) + بلامات أو تباسي + ملاس + قطاعة بصل (أنصحكم باليابانية ) + ملاعق + سكاكين ( خضره *وذبح* مسن سكاكين ) + أباريق + بريق تفويح + دله بغدادية+ شريعة دلة + ملقمة قهوة + دلة حليب + بيالات + فناجيل + كاسات ورق للحليب لأنه يصعب تنظيف البيالات بعد الحليب وتستهلك ماء + صحون نواشف ( ورق أو غيرها ) + مفك صلصه + نجــر + ملقاط + مركابة + دافور أو عين غاز + كبريت + ذراية + أصياخ شوي + قصدير+ أو صحون قصدير للتوفير + طاسة موية (غضاره) + /////// مأكولات ///////// سكـــــــر + شاهي + قهوة ( مطحونة وغير مطحونة ) + هيل + مسمار + زنجبيل + فلفل أسود + تمـــــر + قشطة المراعي + حليب السعودية والا الرعيان مايقصرون + طحين بر + زبدة + زيت + مــــــلح + بهارات + صلصه + دارسين + ليمون أسود + ليمون أصفر + طماط + بصل + خيار + جزر + كراث + يوسف فندي + برتقال + تفاح + حبحر + ثوم قرع + كوسه + رز + مكرونة + خبز + شابوره + قرص عقيلي + ثـــــــلج * مياه صحية * + لحمه + كبدة + معلبات ( فول* قشطه * جبن سايل كرفت* لا تحرص على الطحينيه (الحلاوة ) إذا ضروسك لك عليهن * بيض للشكشوكه ...... أحب جميع الفواكه وبالذات الباض هههههههه ( مشروع تسمين )
وأهم شي / اكياس زبالة وانتم بالكرامة * أكياس لحم *سماط* صابون * ليفة سلك وسفنجة ** مناديل
وش رايك تشري قلص وتشيل بيتكم كله ههههههههههه
نأسف للإطالة لكن لتحقيق رغبة جميع الكشاته سواء عوائل أو عزاب ولفترة طويلة أو قصيرة
وبالختام لانرجوا منكم إلا الدعاء ........ جل من لا ينسى

>>>>>>>>>>>>>>>>>>> نقلها لكم ((((( قناص بريدة )))))<<<<<<<<<<<<<<<<<<<<<<<<<<<<
www.buraydahcity.net/vb
متمنيا لكم كشته طيبـــــ بالرفقة الطيبة ــــــــــة .....
__________________



يمنع وضع الإيميل
=> قناص بريدة <= غير متصل   الرد باقتباس


قديم(ـة) 09-12-2005, 02:08 PM   #2
شعبوط
عـضـو
 
صورة شعبوط الرمزية
 
تاريخ التسجيل: Oct 2001
البلد: Hard disk
المشاركات: 2,086
ياسلام عليك .. ماخليت شي ,,

>> حلوووه قطاعة صلصة يابانية ,, << وفيه ناصيح بعد ..

جزاك الله خير ..
__________________
سبحان الله وبحمدة .. سبحان الله العظيم
سبحان الله والحمدلله ولااله إلا الله والله أكبر
شعبوط غير متصل   الرد باقتباس
قديم(ـة) 09-12-2005, 02:43 PM   #3
.:| الْـ هَـ ـزِيـمْـ |:.
عـضـو
 
صورة .:| الْـ هَـ ـزِيـمْـ |:. الرمزية
 
تاريخ التسجيل: Oct 2005
البلد: في مهب الريح
المشاركات: 234
ماشاء الله عليك ما خليت شي

مشكور وما قصرت

حياك ربي
__________________
^-^ عش حياتك ^-^


رَبَّنَا لَا تُزِغْ قُلُوْبَنَا بَعْدَ اذْ هَدَيْتَنَا وَهَبْ لَنَا مِنْ لَدُنْكَ رَحْمَةً انَّكَ انْتَ الْوَهّابُ
.:| الْـ هَـ ـزِيـمْـ |:. غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 11:17 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)