بريدة






عـودة للخلف بريدة ستي » بريدة ستي » سـوالـيـف كـشكـولـيـة » آآآآخ يالقهر [ نمبر ون ] ~

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 30-09-2010, 06:09 PM   #1
CREATIVE
عـضـو
 
صورة CREATIVE الرمزية
 
تاريخ التسجيل: Jul 2009
البلد: بوريده
المشاركات: 1,939
آآآآخ يالقهر [ نمبر ون ] ~






بسم الله الرحمن الرحيم ~





إليك ربي أشكو وأبث حزي وضيقتي إليك
ترا الموضوع جاد شوي ولا يلزم تنسيق اللهم رموز فقط ~

قبل مأبدا نعطيكم جرعة ضحك

به حوطي يسأل ولده وراك تصيح !!
قال الولد الحين اذا كبروا عيال عمي من معه العب
ههههههههههههههههههههههههههههههههه << لازم انا اضحك




كان ياما كان في قديم الزمان ....... بل لم يكن في قديم الزمان ! ،، صار حديثاً مؤلماً ... آآه يالثانوية آآآآآآه يالثانوية والله اني فسقان بالثانوية ولا حمدت ربي وشكرته ومن هنا لين حفر الباطن اقول اني دبشتن صقعاء ماحللت الثنوية زين .. إيه دبشة .. وتراي منب مستهبل بقصتي الحين أبقول كل شي صار معي ...!
شهر شعبان الماضي كنت مسافر لمكة عقب ماقدمت بالجامعه سنة تحضيرية ومعين من الله خير وقعدت بمكة لين قالوا بدوا يقابلون الطلاب بالجامعه يعني لازم ترجع وتشوف متى موعدك .. انا بالصدفة رجعت لبريده يوم الأثنين ودخلت الموقع بالليل ولقيت موعدي يوم الثلاثاء ظهراً من الساعه 2:30 إلى 3:30 يعني ساعه وحده مهلة المقابلة ولازم ماأتأخر ويبون من بعض الأوراق والصور المهم هالحين الوقت ليل ولا به أحدن فاتح اصور اوراقي ومتكسر توي واصلن من مكة .. وأقوم الصبح وأزين أوراقي وأجهزهن وأصور وازبطت الشغل طبعا صليت الظهر مالقيت عند الباب ولا سيارة كل واحد رايحن له مشوار .. وأدق على ولد عمي يقول ابودي الوالده للمستشفى وأدق على ولد خالي قال يله هذاي جيتك .المهم ويجين بالجمس ونمشي للجامعه ... وااااااوتس وقسم جتن العبرة يوم تذكرت . حلو حتى الآن الوضح تمام التمام الساعه الحين 2:15 باقي ربع ساعة على المقابلة بجامعة القصيم يوم وصلنا للدوار اللي قبل الجامعه حسيت ان الكفر موب مزبوط وأشوف وأثر الكفر منسم واااااااااااوتس مهب وقته أبد أبد .. وقفنا وبدينا نأشر نبي أحد يوقف يعطينا ماطور محد وقف هالعالم كله شاخفتن اوم الشارع .. قلت لولد خالي مالك إلا اننا نمشي بشويش لين ناصل المحطه اللي بعد أرامكو .. ومشينا وصلنا المحطه وكانت الساعه 2:30 يعني المفروض أكون بالجامعه .. أنا حتى الآن مريح بالي قدامي ساعة كاملة ،، عبيت الكفر ولاي وش أشوف الكفر مصعرر واااااوتس أوالله البلشة جبنا العفريته وفكينا الكفر بنحط الستبنه .. طبعا ستبنة الجمس تحت يعني لازم أدخل ماصورة مع الصدام ورا وأوازنه منداخل على المفتاح حق سلسلة الستبنه عشان افكه وانزله .. جبت عصا العفريته اللي آخره مفتاح الستبنه وأدخله مع الصدام وأثر المسار طايح عن مكانه يعني كود تدخل ايدك من تحت وتوازنه .. يعني أغسل ايدك انزل الكفر جا ولد خالتي ودق على ولد خاله قال تعال لمنا بسرعه بالمكان الفلاني .. أنا تنرفزت واجيك وافصخ ثوبي واحط السجاده تحت السيارة وادخل تحته ابوازن المفتاح على الستبنه وقعد حوالي ربع ساعه احاول به لين ظبطت ونزلت الستبنه هالحين الساعه حوالي 3:10 أنا أنغثيت المهم جاء ولد خالي دق على ولد خاله قال له خلاص ارجع .. جينا ركبنا الستبنه وظبطنا الشغل كل شي سريع سريع .. أنا تقل رجعت لي روحي من الوناسه .. لبست ثوبي وعينت من الله خير بنمشي ويشغل الموتر مايشتغل ويشغل مايشتغل يابن الحلال منا منا ماش مايشتغل واثرنا ناسين الفليشر مولع وخلصت البطارية واااااااااااوتس والله اني بغيت اصييييح امر يدق على ولد خاله قال ازعجناك ذي السالفة وذي السالفة تعال لمنا .. صارت الساعه 3:30 يعني اتهى الموعد حقي أنا حسيت انه خربت معي كل شي ابسويه .. بدينا ندور واحد معه اشتراك وكل من دخل المحطه وقفت قدامه اسأله وشكلي تقل موب صاحي بدون شماغ والثوب حالته حالهوعطشااااان وبلش وودي اصيح كلهن جميع .. والقالك ذيتس الددسن مع هندي موديله الله العالم 88 ولقينا معه اشتراك .. من العجله والوناسة دق ولد خالتي على ولد خالته وقال له خلاص تعبناك ارجع لقينا اشتراك .. واقعد احرحر بالاشتراك وركبته وبدا يدوس الهندي على اننا نبي نشحن البطرية شوي .. واشغل ماعنده نية تشتغل يارجال عدل بدل ماعنده نية طبعا ولد خالتي مافي امل يدق على ولد خالته مره ثانية يقول لو تروح رجليه للجامعه والله مادق عليه .. امر القالك راعي هايلكس 2007 غمارتين دخل المحطه يعبي بنزين واروح اطق عليه الدريشة تقل اشحد انا هالحين خربت قوووووة ..يعني وقت مافي والموعد قاضي .. وجزاو الله خير يوقف .. ويعطينا اشتراك بس ماااااش البطارية مابذنه ماء .. معانده .. ومدري وش جاب الطاري وقال لي راعي الهايلكس انت تبي الجامعه قلت ايييييييييييييييييييييه قال امش اوديك توي مودي اخوي انا قبل يكمل كلامه واثري راكبن قدام ماصدقت خبر .. هو ياويلي رحمن .. وولد خالي مالقى حل الا انه يدق على ولد خالته ويجي لمه مع انه مستحين منه مررة .. دق عليه وقال له تعال ذي السالفة .. قال ولد خالته تراك مشورتن جيت لعنيزة ورجعت ميتين مره .. بهاللحظة ولد خالي طارن عيونه قال وش موديك لعنيزة قال ابجي لمكم .. قال له ولد خالي لااااااااع حنا بجامعة القصيم اللي بالمليدا .. عاد وش اقول ووش اخلي من هالهرج اللي قاله يوم دري .. عاد انا رحت مع هالشيخ للجاامعه والوقت يمكن الساعه 4 انا نزلت من الهايلكس وقلت للرجال جزاك الله خير وبتلت ادعي له الصدز اني تحسفت اول مره ادعي زي تسذا ليتي خاشرن اسمي معه .. طبعا اغراضي كلهن بالجمس البوك والدراهم وكل شي مامعي الا الاوراق بتاع التقديم ..شكلي قبل ادخل الجامعه [ الاوراق بيدي اليسرى ، الشماغ على الكتف هو والعقال ، الطاقية على راسي ، ازارير الثوب مفتوحه ، عطشااااان براطمي يابسات صايراتن بيض ، عررررق ] ، انا قافلتن معي ابدخل تسذا .. امر اشوف واحدن من اخويا الثانوية واسلم عليه سريع سريع بس شفته تقل انتقد شكلي .. قلت ماله داعي أدخل تسذا وأجيك قلت ابزبط وضعي وأحط الاوراق على شنطة فورد ذهبية والله ما أنسى شكلة وأعدل الطاقية وأحط الشماغ .. أنا من حطيت الشماغ واسمع اللي يتطايرن بجمبي والتفت وأثر الأوراق يطيرن بالهوااااء وااااااوتس شهادة الثانوية الاصليه اشوفه قدامي بالهواء بهاللحظة صرت موب مجنون الا تقل مخفة .. وابدا ملاحق للأوراق بالثيل قلت أهم شي شهادة الثانوي طبعا طار الشماغ وطاح العقل وانفصخت نعلتي اليمنى وحالتي حاااالة .. وأجيك الحمدلله وأمسك الشهادة وأدور الاوراق ويالله يالله ملاحق وراهن وامسكهن .. الحين بقى ورقتين .. وحده شهادة حسن سيرة وسلوك الاصلية والثانية نفسه مصورة كلهن قادمي وحده يمين ووحده يسار الورقة اليمين هي الاصلية واليسار هي المصورة ولازم امسكهن جميع عشان مايطيرن واطب على الاصلية وامسكه واحط رجلي اليسرى على الورقة الثانية .. يوم جيت ابرتبهن بالملف واثر وحده به طبعة النعلة كله طييييين وااااااوتس يالفشيلة .. واجي قلت بلا شخصية بلا هم .. أبدخل لمهم والعبرة بي ومنعن جدفي لو يقولون ديور موب قابلينك والله لأطلع ولا أقول شي من القهر خربت وقصم مابي لهم شي وادخل لمهم والازارير مفتحه وحالة امي حاله به مكتبين لازم امرهم وامر الاول وقال تراك الحين تبي تصور لازم للجامعه زبط شكلك وانا أناظره ومسكت يهارجن اناظره ومسكت مادري وش اقول ووش اخلي .. قلت له ممكن تخلص الاوراق وانا اكد عليه غصبن علي هو دري انه صايرن شي يوم زينهن وشاف طبعة الرجل بالورقة ويرفع راسه قال وشبك .. انا مادري شلون نزلت دمعتي .. واقعد اقول له السالفة وقلت له لو تبي تعطين الاوراق وتقول مالك شي عندنا تراي ابروح ولا هميتون تسذا قلت له وانا اكد عليه قال لالا رح ادخل منداخل للمقابلة الله يستر عليك وزين شماغك وصك ازاريرك ويعطين العامل الملف قال لازم ريال عشان قيمة الملف الجديد قلت له وخر ماعندي لك شي بوكي موب معي .. وأدخل وازبط كل شي وأطلع واثر ولد خالي جاي بالجمس ونمشي .....



والله ان بي العبرة وانا اكتب هالموضوع وكل اللي قلته صايرن معي بالتمام ~




اللي ابيه من كل هالقرق الواجد ,

1- انكم تدعون لراعي الهايلكس 2007 يارب انك توفقة وتدخله الجنة
2-أي واحد بالثنوية يحمد ربه ويشكرة وقصم ان لشفت أي واحد بالثنوي اقول له
[ شف ترا الثانوية زي الحريم لصرت صغير قبل يتغطون عنك منتب تروح لمهم كثير واذا تغطوا
عنك تتحسف تحكك رجلك ودك تتدخل ] الثانوية مثلة بالظبط ودي ادفع ماوراي ودوني وارجع سنه وحده بس << لحد يقراوه

3- انكم تدعون لي والله اني امر بايام صعيبة هالايام ذي ..


وان شاء الله كم يوم وانزل لكم [ نمبر تو ] وش صار معي يوم بدت الطراسة !



،
__________________

" مَن لَم يَقَعُ في الحُبِّ سَيقَعُ الحُب فيه
قاهر الروس
CREATIVE غير متصل   الرد باقتباس


قديم(ـة) 30-09-2010, 06:20 PM   #2
CREATIVE
عـضـو
 
صورة CREATIVE الرمزية
 
تاريخ التسجيل: Jul 2009
البلد: بوريده
المشاركات: 1,939
^^
ترا اللي بالصورة آآآخ يالقهر .. بس حذفت القاف من شدة القهر ذذ

قلق اعدله
__________________

" مَن لَم يَقَعُ في الحُبِّ سَيقَعُ الحُب فيه
قاهر الروس
CREATIVE غير متصل   الرد باقتباس
قديم(ـة) 30-09-2010, 06:20 PM   #3
[ لــمّــآح ]
مُــدَانْ
 
صورة [ لــمّــآح ] الرمزية
 
تاريخ التسجيل: Apr 2008
البلد: هُـنَـآكْ حَيْثُ الأًلَمْـ '
المشاركات: 5,629
هههههههههههههههههههههههههههههههههههههههههههههههههه ههههههههههههه
والله يا حآلة أمك حآلة .. ههههههههههههههه

اقتباس
كل واحد رايحن له مشوار .. وأدق على ولد عمي يقول ابودي الوالده للمستشفى

هذا الي يقهر صدز .. تبي أحد بحآجة ما تلقى حولك أحد ..

اقتباس
حسيت ان الكفر موب مزبوط وأشوف وأثر الكفر منسم واااااااااااوتس مهب وقته أبد أبد

أعرف لك نآس مآشين على كفر مصعرعر حول الـ 100 كيلو بعز الظهر لما انلعن جدفه ووقفهم غصب

اقتباس
أنا من حطيت الشماغ واسمع اللي يتطايرن بجمبي والتفت وأثر الأوراق يطيرن بالهوااااء وااااااوتس شهادة الثانوية الاصليه اشوفه قدامي بالهواء بهاللحظة صرت موب مجنون الا تقل مخفة

هههههههههههههههههههههههههههههههههههههههههههههههههه ههههههههههه

اقتباس
هو دري انه صايرن شي يوم زينهن وشاف طبعة الرجل بالورقة ويرفع راسه قال وشبك

حسيت إنوه يقول وش هالبزر توه ما سجل وبآديه بهوآش

تسجيل موفق



يا عرب لحظة إنصآآآت .. موجة صيآح نفرغ ما بوه من صيآح ..
__________________
صباح الجرح يا أمتي ..
صباح الأمل بـ عينيّ قتيل ،
صباح القتيل بـ عينيّ صغير ،
صباح الفجعة بقلب أرملة ،
بصدر ثكلى وحقد حنظلة
صباح الشتات !

آخر من قام بالتعديل [ لــمّــآح ]; بتاريخ 30-09-2010 الساعة 06:35 PM.
[ لــمّــآح ] غير متصل   الرد باقتباس
قديم(ـة) 30-09-2010, 06:25 PM   #4
الجادي المدوف
كاتب مميّز
 
صورة الجادي المدوف الرمزية
 
تاريخ التسجيل: Mar 2010
البلد: الرياض ~ بريدة
المشاركات: 2,699
ههههههههههههههههههههههههههههه يحوووووله أنت
الحقيقة استمتعت بقراءة القصة، بس لواك موثق كل شي بالصور أتوقع بيطلع فلم قوي
اسمح لي بكمل الضحك هههههههههههههههههههههههههههههههه إلى جامعة القصييييم

أجل رايك نخربه بالثانوي
<< وش بقى أصلاً عشان نخربه

الله يوفقك، ويعينك، ويحقق مرادك
__________________




الجادي المدوف غير متصل   الرد باقتباس
قديم(ـة) 30-09-2010, 07:32 PM   #5
أبو غــلا
مشرف أخبار بريدة
 
صورة أبو غــلا الرمزية
 
تاريخ التسجيل: Feb 2010
البلد: بريــدة || ~
المشاركات: 3,244
يآآخي ودي أضحك بس أخاف تحمق










عن اذنك شوي ::

هههههههههههههههههههههههههههههههههههههههههههههههههه ه

بآك :

قسم بالله ترحم أنت وراسك .. ليتي شايفك بالمحطة ومعطيك ريال

أولاه لاطلعت البطاقه الجامعيه ورن إيآه
__________________
قال أحدُ الصالحين :
.. { نسْالُ الله تعالى أنْ يعطينآ ..
فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..!
لإن العطآء إختيآرُنا .. والمنعُ إختيارُ اللّه .. ~
وإختيار اللهِ . خيرٌ من إختيآرنا .. ! } ..
أبو غــلا غير متصل   الرد باقتباس
قديم(ـة) 30-09-2010, 07:34 PM   #6
7DAYS
عـضـو
 
صورة 7DAYS الرمزية
 
تاريخ التسجيل: Dec 2007
البلد: أعيْشْ حيثٌ يْسكُن الطيبون ،
المشاركات: 1,429
هههههههههههههههههههههههههههههههههههههه

يا قلبيه يا كريتيف

الوضع مزري جداااا

مير زين أنك لحقت ع القبول

صرااحة رحمتك

يا قلبي يا كريتيف

__________________




وًمَتىْ تَنقَضِيْ سَنِينْ الًكَمد ..!
7DAYS غير متصل   الرد باقتباس
قديم(ـة) 30-09-2010, 08:29 PM   #7
الـدعساوي
أبتاه ، فقدك آلمني ..!
 
تاريخ التسجيل: Jan 2008
البلد: لا إلى هؤلاء ولا إلى هؤلاء
المشاركات: 5,960
حجز ذذ
الـدعساوي غير متصل   الرد باقتباس
قديم(ـة) 30-09-2010, 10:50 PM   #8
أبو قرون
Registered User
 
تاريخ التسجيل: Dec 2008
البلد: قلب القصــــــ بريدة ــــــــم
المشاركات: 789


يصيح .




يا ويلي تصدق كسرت خاطري ودي إني مارن مناك علشان اشيلك

يالله إنك تدخل راعي الهايلوكس الـ 2007 الجنة وتوفقه ووالديني
أبو قرون غير متصل   الرد باقتباس
قديم(ـة) 01-10-2010, 01:22 AM   #9
شواطىء الجروح
عـضـو
 
صورة شواطىء الجروح الرمزية
 
تاريخ التسجيل: Sep 2010
البلد: السعوديه
المشاركات: 111
ماعليش ياCREATIVE على الي ضحكو
والله ان المشاكل كله فوق راسك
الله يعينك ويوفقك
ويدخل راعي الهايلوكس الــ2007 الجنه امين

تقبل تحياتي
شواطىء الجروح غير متصل   الرد باقتباس
قديم(ـة) 01-10-2010, 02:07 AM   #10
محمد نت
عـضـو
 
تاريخ التسجيل: Jul 2006
البلد: Buraydah ~
المشاركات: 211
__________________
L i O N S .. When predation is brutal
محمد نت غير متصل   الرد باقتباس
قديم(ـة) 01-10-2010, 03:46 AM   #11
ŔǺỶĀЙ
عـضـو
 
صورة ŔǺỶĀЙ الرمزية
 
تاريخ التسجيل: Oct 2009
البلد: 20/10/2010 تآريخ مهم . . .| | كونو على الموعد | |
المشاركات: 1,548
هههههههههههههههههه < < لاتحمق
الله يعيننآ ويآك حبيبي . . .
__________________
.
_____________

الصورة مخالفة . !

[اللهم فك اسر حميدآن التركي ]
ŔǺỶĀЙ غير متصل   الرد باقتباس
قديم(ـة) 01-10-2010, 07:28 AM   #12
كآيدهمـ
مشرف سواليف كشكولية
 
تاريخ التسجيل: May 2009
البلد: دآخلـ آلكشـ كوووووولـ
المشاركات: 4,863
< من شارع طـنطـا الى جامعة القصيم

والله يا انت ترحم والله يكون بعونك
ويجزي راعي الهلي الي براسك الف خير ويوفقة ويسدد خطاه ان شاء الله <<
< طيب ما اخذت رقم جوالة



الله يكون بعونك ويمرر ايامك بخير ويوسعها ربي قدامك وتحقق امانيك






وتقبل مروري لموضوعك الحزين يالمنقهر انت ذذ
كآيدهمـ غير متصل   الرد باقتباس
قديم(ـة) 01-10-2010, 08:08 AM   #13
mr.muhmmed
عـضـو
 
صورة mr.muhmmed الرمزية
 
تاريخ التسجيل: Feb 2008
البلد: ,’, بـريدهـ ,’,
المشاركات: 4,148
اويتلك والله .. ذذ


__________________
* *

يغفر الله لكم و هو آرحم الراحمين .. : (


* *
mr.muhmmed غير متصل   الرد باقتباس
قديم(ـة) 01-10-2010, 09:36 AM   #14
xX DUNHILL xX
عـضـو
 
صورة xX DUNHILL xX الرمزية
 
تاريخ التسجيل: Jul 2010
البلد: .. جنوب ((ن)) عن الديره ..
المشاركات: 546





ياويلي والله اني رحمتك ..
الله يجزاو خير راعي الهايلوكس ويوفقه .,



xX DUNHILL xX
__________________
||


عودي علي ان كان قلبك اســـيري
ان كانه بعصمة يديني رهينـه
وان كانه مملوك في الهوى لحد غيري
لايمنعك يوم العزاء تحضريـنه


||
xX DUNHILL xX غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 08:31 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)