بريدة






عـودة للخلف بريدة ستي » بريدة ستي » سـوالـيـف كـشكـولـيـة » رصيف الكشكول » (( التحطيم انواع واشكال ))

رصيف الكشكول قسم الألعاب والمواضيع المنقولة والمكررة

موضوع مغلق
 
أدوات الموضوع طريقة العرض
قديم(ـة) 15-03-2009, 05:11 AM   #1
ملك بأخلاقه
عـضـو
 
صورة ملك بأخلاقه الرمزية
 
تاريخ التسجيل: Jun 2008
البلد: حولك منب بعيد
المشاركات: 1,265
(( التحطيم انواع واشكال ))

التحطيم انواع واشكال منها : الدقم والقمع والشكم والحقران


(وشووله بس) و الكثير من الكلمات مثل( اهااا بس , ييزي عاد ,ماودك تسكت, ياشينك , طس فيظاك , انثبر عاد , ,,,,, الخ )و التي كلها تتمركز وتلف وتدور حول مصطلح ( الدقم) ..





الدقــــــــــم وهو الذي مع الزمن يتحول الشخص المدقوم الى عومة او قميع , وعندنا الكثير في مجتمعناا الكريمة ممن هم يشتهرون بهذا المثال .. من الامثله التي يمكن ان تقال فيها كلمة (وشوولة بس) مثلا ( انت عند اخوياك جالسين يوم الربوع والسهره بعدين واحد قال يالله خن نروح نتعشى وفجأه ينط كم واحد من الشباب


ويقولون وشووووله بس خن نطلب من المطعم اصرف) في هذه الحالة الشخص اللي قال نبي نروح يعصب ويتعيوم ويقوم يروح لحالة


و واذا هدأ رجع لهم ..في هذه الحاله يتعود هالولد على الدقم وعدم المبالاة ويصير عومه و عنيد ....( لاتعليق اكثر )

.
ومثال اخر ( اهااا بس ..


والمثال هو ( يعني وحده بنوته صغيرة جاء يوم الخميس وودها تغير جو مع اهلها وراحت وشافت ابوها في الصاله يقرأ جريدة ولا يكلم بالجوال وبعدين تقعد عنده وتتدحوس وتتحوقص وتقول يبة ودنا نروح الثمامه



تودينا فجأه يناظرها الابو بعين ويقول ( اهاااا بس ) في هذه الحالة البنوته تتمنى ان الارض بلعتها ولا قالت شي .... وتروح طبعا وعيونها اربع اربع ويجي اخوها او اختها يعايرونها ويتطنزون عليها لين تفقد اعصابها ( في هذه الحالة تبدأ عندها مع الزمن العوامه بسبب الدقم والتحطيم ) ..


مثال اخر وهو ( ييزي عاد )


مثلا وحده قاعده مع زوجها وهو يقرأ جريدة مثلا تسولف له عن وش سوت امس في السوق وش جابت فلانه بنت ولا ولد وش صار مع علانه ,, وتحتسي عن ذيك وذاك وعن من بيتزوج ومن بيسافر و هالموما جرااا .. في هذه الحالة ومن شدة القرقرة وانشغال الزوج في القراءة والتفكير يهنق مخه ويحمق ويقولها ييـــــــزي عاااااااااد في هذه الحالة الزوجة تنثبر وتسكت وتقعد تسوي نفسها كن شي طاح تحت الكنبة وتغير الموضوع وفي نفسها تقول ااه ياااااااااااشينك بس ,, في هذه الحاله تصبح الزوجه ( معقدة و مدقومه ) ..


ماودي اطول عليكم لاني عارف ابثرتكم بحتسيي الزايد ,, بس في وحده اخيرة بس وحده بس وحده وهي طس فيظااااك..
مثلا ,, انت قاعد متسند في المقلط ولا الملحق وتهوجس ولا تلعب في الجوال واخوك الصغير فرحااااااان ومبسوط ويلعب حولك وينطنط عالمساند..( قمة البراءة) هو ويا اختك الصغيرة <<< يوم الخميس اكيييد .. وبعد فترة وفجأه وهو مايدري بالغلط وانت ساااااااااهي يشوت الكورة في وجهك يطير نظارتك ويطيح جوالك!! الكل يسكت وانت عاد بلااا شعور اكييييييييد بتمسكه مع فنيلتة وتصنه كف وتصااايح علية وتشده مع اذنه ( والبنت تنحاش طبعاً ) وتشووووته مع ورا وتقولة طسس فيظاااااك وانت حمقااان وموووولع .. وهو مسيكين يروح لامه وهو غاشي ومايتنفس من قوة الشوته وهو يصايح , مسيكين ماله ذنب .. في هذه الحالة يصير هالبزر معقد ومدقوم و ومظلوم ومع الزمن يصبح عنيد لايضحك كثيرا متقلب الشخصية خواااف وعووومه ..



الحمدلله انا عشت حياة مليئة بالدلع والمعاملة العسل والرقة والحنان ... ولا اعرف شي اسمه دقم او عوامه ....<<<< اية هين دام اخوي موجود


لاتحرمونا من ردودكم واذا فيه شي ناسية ذكروني وجيبوا مثاااااااال
رد مع اقتباس
__________________

فَمَنْ يُبـَارِي أبَا حَفْصٍ وَسـِيَرتَه أوْ مَنْ ْيُحَاوِلُ للفَارُوقِ تَشـْبِيها
كَذَاكَ أخْلاقُـه كانـَتْ ومَـا عهدَت بَعْـدَ النّبُوّةِ أخْلاق تُحَاكِيهـا

ملك بأخلاقه غير متصل  


قديم(ـة) 15-03-2009, 08:37 AM   #2
الجارح الذابح
عـضـو
 
صورة الجارح الذابح الرمزية
 
تاريخ التسجيل: Jan 2008
البلد: في بيتنا
المشاركات: 629
اهاا بس

اقول طس فيذالك

مشكور ع الموضوع الجميل

سلام
الجارح الذابح غير متصل  
قديم(ـة) 15-03-2009, 02:46 PM   #3
ملك بأخلاقه
عـضـو
 
صورة ملك بأخلاقه الرمزية
 
تاريخ التسجيل: Jun 2008
البلد: حولك منب بعيد
المشاركات: 1,265
حياك الله اخوي
__________________

فَمَنْ يُبـَارِي أبَا حَفْصٍ وَسـِيَرتَه أوْ مَنْ ْيُحَاوِلُ للفَارُوقِ تَشـْبِيها
كَذَاكَ أخْلاقُـه كانـَتْ ومَـا عهدَت بَعْـدَ النّبُوّةِ أخْلاق تُحَاكِيهـا

ملك بأخلاقه غير متصل  
قديم(ـة) 15-03-2009, 03:09 PM   #4
غـــلـــوز
عـضـو
 
صورة غـــلـــوز الرمزية
 
تاريخ التسجيل: Jul 2008
البلد: القصيم -الرياض
المشاركات: 796
متعوووود على هـ الكلمــآآآآآت


شكراً
غـــلـــوز غير متصل  
قديم(ـة) 15-03-2009, 09:05 PM   #5
دمي ولا دمعه امي
عـضـو
 
تاريخ التسجيل: Feb 2009
البلد: الرياض
المشاركات: 45
ههههههههههههههه
دمي ولا دمعه امي غير متصل  
قديم(ـة) 15-03-2009, 10:41 PM   #6
_عاشق الجنان_
عـضـو
 
صورة _عاشق الجنان_ الرمزية
 
تاريخ التسجيل: Feb 2009
البلد: بريدة العز
المشاركات: 207
والله توي ادري انك تراعي شعور الناس وتقدرهم>>>>>>>>اتوقع انك اول من يقولهن

اشكرك على الموضوع تقبل مروري
_عاشق الجنان_ غير متصل  
قديم(ـة) 28-03-2009, 02:26 AM   #7
ملك بأخلاقه
عـضـو
 
صورة ملك بأخلاقه الرمزية
 
تاريخ التسجيل: Jun 2008
البلد: حولك منب بعيد
المشاركات: 1,265
اقتباس
المشاركة الأساسية كتبها _عاشق الجنان_
والله توي ادري انك تراعي شعور الناس وتقدرهم>>>>>>>>اتوقع انك اول من يقولهن

اشكرك على الموضوع تقبل مروري




الظاهر انت ياعشق الجنان

ولا يكثر ............
__________________

فَمَنْ يُبـَارِي أبَا حَفْصٍ وَسـِيَرتَه أوْ مَنْ ْيُحَاوِلُ للفَارُوقِ تَشـْبِيها
كَذَاكَ أخْلاقُـه كانـَتْ ومَـا عهدَت بَعْـدَ النّبُوّةِ أخْلاق تُحَاكِيهـا

ملك بأخلاقه غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 04:13 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)