بريدة






عـودة للخلف بريدة ستي » بريدة ستي » ســاحـة مــفــتــوحـــة » حـصـاد الإنـتـرنـت » بعد وفاة طالبة الكلية اليوم اصطدام طالبة وسقوط طالبة اخرى ودخول

حـصـاد الإنـتـرنـت حصاد شبكة الإنترنت و المواضيع المنقولة

موضوع مغلق
 
أدوات الموضوع طريقة العرض
قديم(ـة) 06-04-2010, 02:34 PM   #1
ahoak2002
عـضـو
 
صورة ahoak2002 الرمزية
 
تاريخ التسجيل: Apr 2006
البلد: رحال
المشاركات: 2,435
بعد وفاة طالبة الكلية اليوم اصطدام طالبة وسقوط طالبة اخرى ودخول


لم تمر أربع وعشرين ساعة على التقريع الموجع الذي وجهه مدير عام هيئة الهلال الأحمر السعودي بمنطقة القصيم الأستاذ صالح بن غدير التويجري والذي فند فيه كذب الرواية الإعلامية التي نشرتها جامعة القصيم فيما يخص حادثة الوفاة التي حدثت لطالبة في إحدى الكليات نتيجة رفض مسؤولة الكلية دخول المسعفين لمقر الكلية لم يمر وقت طويل حتى شرعت الكلية ( كلية إعداد المعلمات ببريدة) أبوابها للمسعفين صباح اليوم لإسعاف طالبة أصيبت بحالة هيستيرية نتيجة رؤيتها لزميلتها وهي تتعرض لاصطدام قبل دخولها الكلية وفي التفاصيل فقد وقعت حالة اصطدام لطالبة كانت تنوي الدخول لباب الكلية وتم إبلاغ الإسعاف الذي حضر بسرعة ونقل الطالبة للمستشفى وكشفت الفحوصات أن حالتها غير مقلقة ولدى دخول الطالبات للكلية أصيبت إحدى الطالبات بحالة هيستيريا مثيرة استوجبت طلب الإسعاف حيث لم تستطع الطالبة تحمل رؤية زميلتها داخل سيارة الإسعاف ولدى حضور رجال الإسعاف تم فتح البوابة لهم عكس حالة التعنت السابقة وتم إسعاف الطالبة بشكل عاجل..

الحادثتان أظهرتا مقدرة رجال الإسعاف وشفافيتهم فيما يخص التعامل مع الحالات الطارئة فيما فشل مسؤولي العلاقات العامة بجامعة القصيم في تعزيز الشفافية في محاولة لإلقاء اللوم على المسعفين في حالة الوفاة السابقة وهو ما كشف الواقع في الحادثة الجديدة أنه هروب من المسؤولية .
__________________
ahoak2002 غير متصل  


قديم(ـة) 06-04-2010, 02:39 PM   #2
ابوعماد
عـضـو
 
تاريخ التسجيل: Nov 2009
البلد: بـريـدهـ
المشاركات: 294
الله يستر بس
__________________
Abo ^ Emad


( النــًَاس تبكيًَ من غــلاٍِ الحــيًَ لامـــًَآتٍِ
وأنــا عيونــًَي تبــكيً من غــلاٍِ حــيًَ موجود )
ابوعماد غير متصل  
قديم(ـة) 06-04-2010, 02:49 PM   #3
حلوه بضحكتها
عـضـو
 
صورة حلوه بضحكتها الرمزية
 
تاريخ التسجيل: Jun 2008
البلد: في عالم مآ
المشاركات: 521
الله يستر علينا بس هالاسبوع انواع الاحداث بكليتنا
من شالو هالشراع جت هالمصايب وللمعلوميه ((يقولون))فيه ثنتين غيرهن اغمى عليهن بعد
__________________
لست مجبوره أن أُفهم آلآخرين من أنا
فمن يملك مؤهلآت آلعقل وآلآحسآس
سأكون أمامه كالكتآب آلمفتوح..!!

اللي تبي تستفسر ترسل ع الخاص لاني ماارجع للمواضيع..

آخر من قام بالتعديل حلوه بضحكتها; بتاريخ 06-04-2010 الساعة 03:11 PM.
حلوه بضحكتها غير متصل  
قديم(ـة) 06-04-2010, 03:22 PM   #4
غــــ م ــــوض
عـضـو
 
تاريخ التسجيل: Oct 2008
البلد: بريدهـ
المشاركات: 515
اقتباس
المشاركة الأساسية كتبها ahoak2002

ولدى حضور رجال الإسعاف تم فتح البوابة لهم عكس حالة التعنت السابقة وتم إسعاف الطالبة بشكل عاجل..

الحادثتان أظهرتا مقدرة رجال الإسعاف وشفافيتهم فيما يخص التعامل مع الحالات الطارئة فيما فشل مسؤولي العلاقات العامة بجامعة القصيم في تعزيز الشفافية في محاولة لإلقاء اللوم على المسعفين في حالة الوفاة السابقة وهو ما كشف الواقع في الحادثة الجديدة أنه هروب من المسؤولية .


أول شي مآحد لآم رجآل الاسعآف
اللوم كله على الوكيله والمشرفات والمستخدمات !!

المستخدمه تقول لا ماتدخلون والساحه مليانه بنات .. يعني ميخالف تموت البنت بس ماتدخلون تشوفون البني ..والله إنه متخلفه بمعنى الكلمه ولو أحد يعز عليه مآقالت كذا ..

وكررت هالحركه اليوم بعد ورفضت دخول الرجال وماسكه الباب .. لين صرخت عليه صديقة الطالبه المصابه وقالت بالحرف الواحد وبنزر( أقولك إفتحي ) وبالعزر فتحته... وتلاحق البنات تغطوا تغطوا

أنتي موب مكلوفه بنا .. واللي حريصه بتتغطى ..


وين حنا هذا وقته يعني .. لنفترض إن الكليه إحترقت بتسكر الباب تقول لا ماتطلعن لمين تغطن !!!!
وش هالتخلف .. أساساً ماله أي حق بمنع دخولهم

بعدين مافي اسهل من إن البواب يصوت بالمايك ويقول ان الاسعاف بيدخل افتحوا لهم طريق

هذا اذا هم حريصين فعلاً على الطالبات ..

ولا .. المشكله جايه مشرفه واقفه تتفرج وتشوف الطالبه مرتفع ضغطه وتقول وبكل بروود ( كلموا على ولي أمممره يجي يضفه ) بالله عليكم هذا كلام ينقال

وللمعلوميه إن ولي أمر الطالبه بعنيزه .. يعني وين بتنتظرين ولي أمره ..لافطست البنت

ماعقب يضفه شي وكأننا حشرات عنده



إعذرون كتبت هالكلام من حر مآبي والكلام جاي حوسه

آخر من قام بالتعديل غــــ م ــــوض; بتاريخ 06-04-2010 الساعة 04:15 PM.
غــــ م ــــوض غير متصل  
قديم(ـة) 06-04-2010, 03:36 PM   #5
دلوعه الجامعه
عـضـو
 
صورة دلوعه الجامعه الرمزية
 
تاريخ التسجيل: May 2009
المشاركات: 107
.
.
.


لاحوووووول ولاقوة الا بالله



وش جااه كليه التأهيل شكل احد معطيهم عين

.


.

.
__________________
طَآحْ الحَطَبْ مِنْ بَعْد مَآ جِيْتنيْ واعتذْرتْ
شّفتْ التَوآضْع .. بعْيْنِيْ كمْ رفْعَ مسّتَوآكْ !
منْ جدْ حآولتْ .. حَآولتْ أكْرهِكْ مَآ قدَرتْ
يَآ كبْرّ مِنْك الخَطَآ / لكِنْ الأكْبَر غَلآكْ
دلوعه الجامعه غير متصل  
قديم(ـة) 06-04-2010, 03:42 PM   #6
سحابة الخير
عـضـو
 
صورة سحابة الخير الرمزية
 
تاريخ التسجيل: Mar 2010
البلد: بريدة
المشاركات: 2
لاحول ولا قوة إلا بالله
سحابة الخير غير متصل  
قديم(ـة) 06-04-2010, 03:59 PM   #7
ريدا
عـضـو
 
تاريخ التسجيل: Mar 2010
البلد: السعوديه
المشاركات: 86
ان رلله وان اليه راجعون هل المصايب تجينا ياخي بكل ليله الحودث ذي من الكليات ؟؟؟؟؟؟؟؟؟؟؟؟؟؟؟؟؟
ريدا غير متصل  
قديم(ـة) 06-04-2010, 04:03 PM   #8
ktak alsuoa
عـضـو
 
صورة ktak alsuoa الرمزية
 
تاريخ التسجيل: Apr 2010
البلد: بريده
المشاركات: 1
والله يافايحتن تسبدي عليهم
وش يحسون بوه مخلين البنات طايحات عند الباب واياالاسعاف لاتدخلون
وشو تسذا البنت تعكفن رجلينه وذولا اصبرو لآلآ اصبر او نقولك جب النقاله وشو جوهم ذولا
لا والا الي عند الباب الخالات بلشتن تلاحق البنات ادخلن ياقليلات الادب يالي ماتستحن تدورن الرجال
< الناس وين وهي وين الناس وجيههم تحمر وتصفر على هالي طايحات ويدعن لهن وهي تلاحق البنات
والا تصارخ وتلجج عليهن والاسعاف توهم داخلين انثبري يختي وخليهم يشوفون شغلهم تربكهم اكثر
قسم هالكليه ماتئدبت عقب سالفة بنت العصيمي الله يغفر له ويرحمه عالم مادري وش تحس بوه
قسم لوانا من الاسعاف تسان ارجف الباب وادخل البنت بتموت وذلا تسترن البلا كل البنات دخلن وتلاحقن بالسيب الداخلي صدز حريم ماهنا دبرره بوه شي اسموه مايك يقال بوه الاسعاف بيدخلون ادخلو القاعات شي زي تسذا والا ياخي يجيبون لنا حريم مع الاسعاف اسررع والا على الاقل حطو لنا دكتوره مع ممرضه
اجل كلية التربيه الدكتوره ماتجي الا مرتين بالاسبوع يعني الي بتطيح او تمرض تطيح بها اليومين والا لايجيه شي الحمدلله والشكر ايقالهم احسن منا ماعندنا طبيبه قسم هالاسبوع اسبوع الروعات من طيحتن بنت العصيمي الله يغفر له ومن جيتنا خبر وفاته وفجعت صديقاته بالكليه والا طيحت الحامل وشيلهم له بالنقاله وش يعرفهن ذولي بالاسعافات الاوليه زاقلينه زقل الحمدلله والشكر رجو ابو ام الجنين وطيحت الي اليوم تروعنا روعه مابعده
روعه اجل كل صبح نشوف شي وكلن يكتم الصيحه اجل من يوم مانطلع من البيت الين نرجع امهاتنا حاطيتن يدينهن على قلوبهن حشى مارحنى للكليه اجل امس شوف عيني بنت طاح قلمه او شي منه مادري بالضبط بتجيبوه عند الجدار الي مثبت بوه الطفايه يوم خبطت الطفايه قسم فك الله راسه ماااش الصدز ماااش هالكليه صايرتن انواع البلاوي الله يلطف بحالنا بس اليوم من الروعه انا والبنات كل وحده تاخذ رقم ابو الثانيه لو سبحان الله يااربي انك تلطف بناالله يكفينا شر الباقيات انا سمعت ثنتين يحتسن مشرفات
يقولن ماجاء ولي امره قالت الثانيه اصبرو خلو يجي ابوه يضفه ؟؟؟ التسايده تسانهم يقصدون الي بالاسعاف وييين يجيكم ابوه من عنيزه عشان تحركون الاسعاف سلاماااات ؟؟؟ يميدي البنت فطسست
والا عاد هالكليه ودك من يخلطهم اجل المظله شالوه بيوم ويركبونه بااسبوع متن خسنا بها الحروره فطسنا الاسياب بتنتحر من البنات يااااربي الشكواا لك الله يكافينا الشر الله يكافينا الشر مير المصريات الدكتورات انهبلن وش تسذا مايخشو الاسعاف بسرعه مير السعوديات مادري وش يحسن بوه ؟تسن الرجال فاضيين بيشوفون البنات طايحات يقعدون يقزقزون بها البنات قسم انهن بوااادي وحنى بوادي الله يلطف بحالنا كل يوم نجي وش صار ؟! بعد احس بيتملس جلدي لاشفت الاسعاف تعودنا الله يكاافينا شرر الباقيات بوه فرق اليوم يختبرن عجزو يحلون من الروعه مانقول الا :
لاحول ولاقوة الا باالله
حسبي الله ونعم الوكيل

آخر من قام بالتعديل ktak alsuoa; بتاريخ 06-04-2010 الساعة 04:40 PM.
ktak alsuoa غير متصل  
قديم(ـة) 06-04-2010, 04:10 PM   #9
Leader.20
مشرف أخبار بريدة
 
صورة Leader.20 الرمزية
 
تاريخ التسجيل: Jan 2010
البلد: بريدة
المشاركات: 5,848
طيب اختي تدرس بنفس الكليه . وتقول المصدومه مهب طالبه . المصدومه دكتوره بنفس الكليه.

_ ياناس ارفقواااا يا عالم ارفقوا ترى ملينا من الحوادث وشوله العجله ذبحتونا كل شوي مفجوعين بأحد من اللي نعرف انه مصدوم ..
Leader.20 غير متصل  
قديم(ـة) 06-04-2010, 09:03 PM   #10
×× مصـفـقـتهم ××
عـضـو
 
صورة ×× مصـفـقـتهم ×× الرمزية
 
تاريخ التسجيل: Nov 2008
البلد: آلشمآس ديرهـ آجدآدي ♥
المشاركات: 99
من زين هالجامعه مدري الكليه عاد

الحمدالله ع العافيه !
__________________
.
.

my e-mail : ask me :p

×× مصـفـقـتهم ×× غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 06:14 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)