بريدة






عـودة للخلف بريدة ستي » بريدة ستي » سـوالـيـف كـشكـولـيـة » تعالو خلونا نضحك جميع ...{ بعض الموااااقف اللي يرفعن اااااااالضغط} شارك ..

سـوالـيـف كـشكـولـيـة الطرائف و الألغاز - يمنع مشاركة النساء

موضوع مغلق
 
أدوات الموضوع طريقة العرض
قديم(ـة) 18-07-2006, 03:02 AM   #1
تميم نجد
عـضـو
 
تاريخ التسجيل: Sep 2005
المشاركات: 1,695
تعالو خلونا نضحك جميع ...{ بعض الموااااقف اللي يرفعن اااااااالضغط} شارك ..

أرجو من عنده زياااااااااااااااااادة عليها المشاركة لنرى ما اسباب أرتفاااااااع الضغط

الأشياء اللي ترفع الضغط كثيرة ... ومنها مايلي :



· أنك تشرب ببسي حار

· أنك تصلي وأنت لابس شراب مشقوق

· أنك تعطي أخوك سيارتك ... ويرجعها والتانكي فاااضي

· أنك تدخل المسنجر .. وما تلقى ألا اللي ماتبيهم

· أنك تـتـفاهم مع رجل امن سعودي

· أنك تناظر مباراة على الأي آر تي وأنواع الحماااس وفجأة ينقطع الاشتراك

· أنك تلعب كوره وأنت حافي .. وتشوت غطا البياره

· أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

· أنك تعطي جوالك لواحد ويرجعه لك والرسايل محذوفه

· أنك تقوم من صباح الله وتروح للجامعة تمشي مليون .. وتلقى الدكتور معتذر

· أنك تقوم الصبح وتلقى معجون الأسنان مخلص

· أنك تنزل للبقاله وما تلقى عنده عسكريم جلكسي

· أنك تـَـشرق بالماء

· أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه

· أنك معك حزام أسود بالكاراتيه ويدعسك أفغاني

· أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

· أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه

· أنك تمسك خط مع أبوك وبسيارة وحده ولحالكم ( ههههه ترى أحيانا مو دايما هههههههه )

· أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد

· أنك تكتب موضوع طويييييييل وخصوصا للساحات ... وأذا جيت ترسله يطس .. مدري وين يروح

· أنك تكلم ويدق عليك واحد ويلقاك أنتظار ويقطع

· أنك تروح الحلاق وينتف شنبك ( وجه متغبي أسبوع )

· أنك تسمع أسم عايلتك من واحد حجازي ( يا حبي لربعي في الحجاز والله )

· أنك تغص ولاتلقى أحد يطق ظهرك

· أنك تتفرج على اجتماع دول مجلس التعاون الخليجي

· أنك تصير أمام لجماعه ... وبالركعة الثانية تذكر أنك منتب على وضوء

· أنك تلبس نظاره وسخه

· أنك تشوف فـلم .. وواحد جنبك يقولك القصة

· أنك تمسك خط وفيه ذباب بسيارتك وأنك تفتح الدريشه ولا يطلع

· أنك تدخل حمام ماله قفل

· أنك تاكل حنيني بارد

· أنك تدور شغالتكم باندونيسيا <-- الله يخليهم كلهم يشبهون بعض ( يخلق من الشبه مليار )

· أنكم تلعبون كوره بالبر وتطيح عارضتكم ( باب القوووول )

· أنك تسوي فيها متابع مع الدكتور وتتوهق ويسألك سؤال وماتقدر تجاوب



في النهاية أتمنى انني ما رفعت ضغطكم زي المواقف اللي فوق

منقول
:
__________________
الابذكر الله تطمئن القلوب
تميم نجد غير متصل  


قديم(ـة) 18-07-2006, 03:05 AM   #2
تميم نجد
عـضـو
 
تاريخ التسجيل: Sep 2005
المشاركات: 1,695
وهذي أيضا جبتها لكم لترووووووووون بعض مسبباااااات ارتفاع الضغط




مواقف حلووووه ههههههههههههههههههههههههههههههههه

وازيدك بعض المواقف

_ وانت تسبح بالحمام والصابون على جسمك ينقطع المويه.

_ وانت طالع للدوام متأخر .... السارة متعطله بنشر أو بطاريه.

_ بنشرت سيارتك بعد الظهر في عز الحر والرطوبه بالشرقية.

_ ضيف تذبح له وتعزم الأقارب والأصدقاء ويعتذر عند وقت الوليمه.

_ تتصل على البيت ليش التلفون مشغول ؟؟؟ وبكل برود يقولون هات خط ثاني.

_ طالعين كشته وقت الربيع وعند طبخ الغداء ناسين الملح والديرة بعيده.

_ وانت في عز النوم نص الليل يتصل عليك أحدهم غلطان بالرقم بعدين يطير عنك النوم.

_ تكتب رسالة رومنسيه . إحم . وتختار الكلمات الحلوه مع الأبيات وتزخرفها وتلونها وعند الإرسال تنمسح

_اذا كان عندك اسهم وارتفع سعرها وتبي تبيع لكن نظام البنك اللي عنده أسهمك متعطل بعدين تنزل الأسعار

_ اذا جيت البيت الساعه 2 بعد الظهر من الدوام مافيه غداء لأن الغاز خالص
__________________
الابذكر الله تطمئن القلوب
تميم نجد غير متصل  
قديم(ـة) 18-07-2006, 12:52 PM   #3
المسفهل
عـضـو
 
صورة المسفهل الرمزية
 
تاريخ التسجيل: May 2005
المشاركات: 6,056
هلا والله ببعد قلبي ( أبو الفهود ) يا أخوي وش الدنيا بكـ ..

نعود لمحور حديثنا

تصدق ما رفع ضغطي .. ولا قهرن إلا هذي

اقتباس
أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه

المسفهل غير متصل  
قديم(ـة) 18-07-2006, 02:59 PM   #4
اهم شي الاخلاق
عـضـو
 
تاريخ التسجيل: Mar 2006
المشاركات: 109
_ وانت تسبح بالحمام والصابون على جسمك ينقطع المويه

_اذا جيت من الجامعه مع صلاة العصر وتوه صاكتن الشمس من الباص ولا تغديت لاني ما خلصت محاضراتي الا الساعه1,30واثر اخوي اكل غداي ولا ناسين يرفعولي وانا ميته من الجوع موب بس يرتفع ضغطي انهبل .

· أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه
ويجي اللي يلعب معك وياخذ الخمسين وهواول مره يشوف الكيرم ولا القهر يفوز عليك
اهم شي الاخلاق غير متصل  
قديم(ـة) 18-07-2006, 06:19 PM   #5
المنخرش
عـضـو
 
تاريخ التسجيل: Mar 2003
البلد: بريده (رضي الله عنه)
المشاركات: 13,106
هئ اهئ اهئ

واشقق هدومي ولا وش اسوي

هذا ما يرفع الظغط هذا يجيب الحباااااااط والنفلونزا الجعوله
__________________
المنخرش غير متصل  
قديم(ـة) 18-07-2006, 08:32 PM   #6
تميم نجد
عـضـو
 
تاريخ التسجيل: Sep 2005
المشاركات: 1,695
المسفهل ...

هلا بك والله يامسفهلوووووو. بخير اعلومك انت .

أجل أقهرك لعبة الكيرم لا ومثل ماقالت أختي أهم شي الأخلاق يجيك واحد ماله بالكيرم هجتن به ويفوز عليك واااااااااااااااااااااوك
والله لاأخرب ههههههههههه قديم

أهم شي الاخلاق . هلا والله بك .. والله من التصويت داااااااخل الحمااااااااام لا أنقطع المااااااااااااء هيه جيبو لي ماء من البرادة


المنخرش . هلا بك والله لاتشقق اهدووومك وأنا أخوك ..
أجل افلونزا أجعوووووووولة ..
:D
__________________
الابذكر الله تطمئن القلوب
تميم نجد غير متصل  
قديم(ـة) 19-07-2006, 02:27 AM   #7
البوارق
عـضـو
 
صورة البوارق الرمزية
 
تاريخ التسجيل: Apr 2004
البلد: قد يكون للصمت معنى ... !!
المشاركات: 1,473
اللى يرفع ضغطك

تلعب بالبلاي ستيشن كوره وانت المسيطر واخر شئ يفوز عليك خصمك ( انواع الضغط )

تكلم الشخص بجديه ويرد عليك بضحك او استهزاء

تجهد نفسك وتعمل ولا يقدرونك عن اللى عملته بكلمه ( انت مازينت شئ )
__________________
البوارق غير متصل  
قديم(ـة) 19-07-2006, 03:00 AM   #8
تميم نجد
عـضـو
 
تاريخ التسجيل: Sep 2005
المشاركات: 1,695
واللي يرفع الضغط بعد ...

أن الدنماركيين يسبون الرسول صلى الله عليه وسلم ..
ويجون بعض الناس يشترون لورباك وجبنة بوك !!!!!!!
تلقاه يطف شهر شهرين يقاطع وبعدين يرجع !!!!!!!!
يالله هذا فداء للنبي ؟؟؟
__________________
الابذكر الله تطمئن القلوب
تميم نجد غير متصل  
قديم(ـة) 19-07-2006, 05:11 AM   #9
إكسير
عـضـو
 
صورة إكسير الرمزية
 
تاريخ التسجيل: Feb 2006
المشاركات: 2,623
أنا أتوقع إنه أكبر شيء يسبب الظغط ... إني جالس الحين أقرأ خرابيطك .
يابعدي يابو فهد لا تصدق ,,,, والله العظيم حلوه .. وخاصة اللي تقول: { إنك ماسك خط وتبي تطلع ذباب من السيارة ولا تقدر } والله جربتها لين وصلت من السفر ولا طلع ابن اللذين .
ومشكور على الروعة
__________________
إكسيــر الحياة ,, رغم انكســـرها
إكسير غير متصل  
قديم(ـة) 19-07-2006, 05:52 PM   #10
تميم نجد
عـضـو
 
تاريخ التسجيل: Sep 2005
المشاركات: 1,695
ابو فهد بريدة ..

هلا بك والله ..أجل خرابيط تسلم والله ... :D

أجل شكلك معك الزبيرية وتلحيط بالبيبان :D :D :D
والخطة أغبره بالسيارة من هالزبيرية وآخرتها يناظرك بأستهتار يويلي يعجز عني .......

{ وإن يسلبهم الذباب شيآ لا يستنقذونه منه .. الآية }

شكرآ على رفعك لظغطي
]]
__________________
الابذكر الله تطمئن القلوب

آخر من قام بالتعديل تميم نجد; بتاريخ 19-07-2006 الساعة 05:55 PM.
تميم نجد غير متصل  
قديم(ـة) 22-07-2006, 08:27 PM   #11
ibraheem
عـضـو
 
تاريخ التسجيل: Jul 2006
البلد: في قلوب من أحب !
المشاركات: 697
جزاك الله خير

يااخي وسعت صدري

الله يوسع صــــــــــدرك
__________________



لكل شئ إذا ماتم نقصــــان *** فـــلا يغر بطيـــب العيـش إنسان
هي الأمور كما شـــاهدتها *** دول من سره زمن سائته أزمان
ibraheem غير متصل  
قديم(ـة) 23-07-2006, 12:24 AM   #12
مخاوي الصمت
قد ثلمت من الإســلام ثلمة
 
صورة مخاوي الصمت الرمزية
 
تاريخ التسجيل: Sep 2001
البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون..............
المشاركات: 3,720
مشكور ياغالي
صراحة بعد هالضحك اللي ضحكته ما لي خلق أفكر بشي يرفع الضغط

المنخرش
اقتباس
هئ اهئ اهئ

واشقق هدومي ولا وش اسوي

اقتباس


هذه لحالها

وإلا الي صز اتشقق لاشفته البطة اللي أنت حاط
إذا بغيت أضحك فتحت النت ودخلت على أقرب موقع للمنخرش وشفت البطة ضغطت إكس اللي فوق يسار همن إبدأ همن إيقاف تشغيل الكمبيتر همن إيقاف التشغيل همن
أنسدح و أتقطع من الضحتس وأنام :D



إنتهت الرواية
__________________
" والله يا إخوة بقدر ما تعطي أي قضية من وقتك بقدر ما تكون هناك نتائج
إذا تعطي أي قضية فضلة الوقت أيضا أنت تأخذ فضلة من النتائج
أما أن تعطيها كل وقتك وتعيشها تعطيك كل شي "

القائد الشهيد خطاب تقبله الله في الشهداء
مخاوي الصمت غير متصل  
قديم(ـة) 25-07-2006, 04:59 AM   #13
مسك الغزال
عـضـو
 
صورة مسك الغزال الرمزية
 
تاريخ التسجيل: Jul 2006
المشاركات: 201
· أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار ..
أنك تكتب موضوع طويييييييل وخصوصا للساحات ... وأذا جيت ترسله يطس .. مدري وين يروح ....


هذي دااايم تصير...
__________________
[img][/img]
مسك الغزال غير متصل  
قديم(ـة) 04-11-2009, 10:47 AM   #14
محروم من المكافأهـ
عـضـو
 
صورة محروم من المكافأهـ الرمزية
 
تاريخ التسجيل: Aug 2009
البلد: القصيم بريده
المشاركات: 64
اللي يرفع الضغط إنك تطلع من صلاة الجمعه ولا تلقى نعالك << والزفلت حاااااااااار ولامعك سياره
__________________
,,




,
محروم من المكافأهـ غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 09:43 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)