بريدة






عـودة للخلف بريدة ستي » بريدة ستي » بــنــت بــريــدة » عَـالـمــ أنــثـى ~ » ملف الحـوامـل ~ [ ملتقى أمّـهات المستقبل ] :) - 1 -

موضوع مغلق
 
أدوات الموضوع طريقة العرض
قديم(ـة) 19-12-2010, 06:18 PM   #953
أنثى أستثنائيه
عـضـو
 
صورة أنثى أستثنائيه الرمزية
 
تاريخ التسجيل: Dec 2010
البلد: حيث ترتآح آلروح
المشاركات: 118
اقتباس
المشاركة الأساسية كتبها ام احمد3
زين والله لانه بكرى موعدي قلت ابي اسالكن قبل ما اروح

ودي اسأل اللي ولدن وهن بكريات ولادتكن بنفس الموعد اللي قالته لكن الدكتوره او تقدمت او تأخرت وكم التقدم والتاخر

الله يعافيكن




أحس انك جديده على معلومات الحمل <<<<<

فديتك لالالا مو على الحسااب يمكن يقدمون ويمكن يأخرون....

وانتي لاتروحين لين تحسين باالطلق ...

...
لاتحسبينن لي عشرة بزران <<
والله اللي فبطني اول واحد..بس هذي معلومات الوالده وخواتي الله يحفظهم..
انتي استشيري والدتك وهي عنده السنع
__________________
* لمـآ يشششوفونك منسسسدح ومغمض يسسآلونك بتنــآم؟؟
>>لآ أحـآول آمووووت مثــلآ ..

*يشششوفونك قـآعد تكـح ومزكــم يسسآلوونك مريـض ؟؟
>>لآ آسسوي بروفهـ مثــلآ ..
أنثى أستثنائيه غير متصل  
قديم(ـة) 19-12-2010, 09:37 PM   #954
ملاك الروح*
عـضـو
 
تاريخ التسجيل: Dec 2010
البلد: بريدة
المشاركات: 3
تجربتي في ولادتي بمستشفى القصيم الوطني ( ماقول الا حسبي الله عليهم )

تحذير للي يبي يولودون هناك


مرحبا بنات انا دايما اطلع على كتاباتكم بس ماعمري شاركت وقلت لازم اكتب تجربتي المميته للحذر


طبعا أنا دخلت المستشفى بعد مارحعت الشهر الاخير عندهم وكانت فيه مشاكل بسيطه عدم انتظام

بالمواعيد مريضتين يدخلون جميع على دكتورة قلت بنفسي تصير بكل المستشفيات وكنت سألتهم قبل

هل طاقم التوليد نساء اكدو لي أنه لا يمكن يوجد دكتور يولد واذا تبن تتأكيدن ممكن زوجك يدخل معك

غرفة العمليات قلت لهم بس أنا سمعت انه فيه وحده ولدها دكتور قالوا لي اكيد هي طالبه أو هي تراجع عنده فطبيعي انه يكون معها طبعا على كلامهم تطمنت

ورحت زرت قسم الولادة وتكلمت مع دكتورة وشفت الغرفه طبعا الطابق الثاني مهجور مافيه احد

وطابق الأول شبه مهجور مافيه الا حاله او حالتين ولادة بس مافيه امن نهائي مافيه احد يسألك من

أنتي وربي اني داخله ساعه ثنتين بلليل انا وزوجي والله محد سألنا من أنتم طبعا مو هذي المشكله هذي تهون عند الي شفته

طبعا قبل محكي معناتي بس بشهد شهادة حق طاقم التمريضي ممتاز جدا بس

معناتي (( دخلت وفيني طلق وكان رحم منفتح3 سم دخلت ساعه ثنتين بلليل دخلوني غرفة ترقيد مو

غرفة العمليات وقالوا لما ينفتح اكثر نوديك غرفة العمليات وتركوني لحد ساعه ست الصبح وجت

دكتورة وعطتني طلق صناعي جل يموت يابنات وخلوني اتعذب بهالغرفه ماعندي احد انادي سستر تقول

ماقدر اكلم دكتورة تبن ادق عليها بتلفون وانتي كلميها طبعا جاء زوجي وكلمها وقالت بعد ساعه بجي

جت ساعه عشر وانا اتعذب وجت هالسودانيه اسمها رحاب نفسها بخشمه وكشفت علي وقالت لسى

مافتح والأم نار قلت عطني مسكن او خلي احد يجلس عندي او ودني غرفة العمليات قالت مافتح الرحم

شاسويلك هذا مشكلتك مو مشكلتي وراحت وانا أواصل العذاب خوف وألم لحد ماجاء زوجي ودخل

علي وراح يدور دكتورة قالو سستر راحت تتغدى وجلست انتظر لحد ماجت دكتورة ثانية وقالت لازم

تدخل غرفة العمليات ونقلوني غرفة العمليات لما دخلت غرفة العمليات توهم حطايني على سرير الا

ينفتح الرحم واولد وماكان عندي احد دكتورة سودانيه توها تلبس قفاز وثانيه توها تجهز الأبر وانا

اتعذب وجو يركضون لمي ويقلون لي اسحبيه خذي نفس لسى مجهزنا الغرفه وتهاوش هالسودانيه علي

طيب موب ايدي انتم الي تأخرتوا طبعا في هالحظات جاء دكتور رجل طبعا انا مكشفه لا شعر ولا جسم

والله مهتموا وانا اصرخ اقول عطوني طرحه ستروني ولا كأنهم يسمعون وجاء دكتور وبدأ ينظف الرحم

ويخيط بدون بنج تعذبت وربي تعذبت لا كمامه لا مسكن بنج خفيف وربي احس بالابر تدخل وتطلع طبعا

هذا كوم الكوم ثاني الحوار الي دار بين هالدكاتره الثلاثه وهواشهم كانوا يتكلمون ان دكتوره السودانيه

ممنوع تولد لأنها موقوفه بسبب مشكله بسب حالات اخطأت فيها ودكتوره ثانيه كان دكتور يقول لها

شوفي شلون الخياطه مو كل مره تلخبطين وهواش على بعض وازعاج وان المستشفى يخسر وكلام

كثير وعن حالات طرد لدكتورات وحالات صارت لهم مشاكل وربي ماكذبت ولا بكلمه من الي صار لي

طبعا بعد ماولدت رجعت لغرفتي بدون نظافة ملابس بدون تطهير او لبسوني شي ثاني نظيف رحت

الغرفه واناتعبانه لا بنج لا مسكن اليوم ثاني جت دكتورة وقالت انتي طيبه اطلعي قلت من حقي يومن

قالت مو لازم الخروج اليوم تخيلوا العلاج بفلوس محد طمني على ولدي من قبل دكتور الاطفال لا نظافة

لا فوط يعطونك لا كلنكس لا أكل زي ناس رز وربع دجاجه كل وقت ماعدا الصبح فول وربع خبزه بس

الأدوية بفلوس غير الي دفعتي حتى المساحات الطبيه بفلوس حتى حليب لولدي ماعطوني قالوا اشترو بودره وعطيه
ولدي مالبسوه مخلينه عريان لحد ماجيت غرفتي بعد ساعتين جو قالو لي عندك ملابس الطفل عريان

؟؟؟ طبعا اخذو مني اربعة الاف وثمان ميه وربي ان الحكومي ازين منهم بألف مره وغلطتي اني

مارحت لمستشفى الوفاء الي كله رعايه ودلع وهدايا واهتمام بالطفل طبعا قالوا رجعينا بعد شهر وحده

والده تراجع بعد شهر معقول ؟؟؟ وربي شحكي شخلي الخياطه تألم ولحد الحين اتعذب الم في بطني لي

اسبوع والده الم اخاف انهم ناسين فيني شي على هواشهم وهم يخطوني الله يستر

هذي تجربتي بكل أمانه والله على ماأقول شهيد

آخر من قام بالتعديل ملاك الروح*; بتاريخ 19-12-2010 الساعة 09:45 PM.
ملاك الروح* غير متصل  
قديم(ـة) 19-12-2010, 10:04 PM   #955
محبة الجنان
عـضـو
 
تاريخ التسجيل: Nov 2010
البلد: القصيم
المشاركات: 15
أهلين أختي ملاك الروح
أول شي الحمدلله عالسلامه وماتشوفي شر
ومبروك ماجبتي ماشاء الله يتربى بعزك إنتي وابوه إن شاء الله

والله أنك عورتي قلبي بسالفتك الله يهديهم إن شاء الله

يالله ماتشوفين شر إن شاء الله

طهور ونور بإذن الله*****

:
محبة الجنان غير متصل  
قديم(ـة) 19-12-2010, 11:53 PM   #956
ورود المساء
عـضـو
 
تاريخ التسجيل: Mar 2007
البلد: بريده
المشاركات: 677
يوه ياملاك الروح عورتي لي قلبي.....الله يتبع لك بالصحه والعافيه وان شاءالله على اجر .....الله يحفظ لك وليدك .....والله يجزاك الف خير عالنصيحه...
__________________
اللهم اغفر لأمي واخواني والمسلمين...واجمعنا وإياهم في جنات الفردوس الاعلى...
ورود المساء غير متصل  
قديم(ـة) 20-12-2010, 01:49 AM   #957
ام احمد3
عـضـو
 
صورة ام احمد3 الرمزية
 
تاريخ التسجيل: Dec 2010
البلد: بريدة
المشاركات: 384
رحت لم المستشفى الولاده الدكتوره تقولي بنت والمستشفى الوطني ولد

واحترت والله بس عند صوره وشلون اعرف الولد من البنت يا بنات

الحمدالله ع سلامتك اجل كنت ناويه اصير بالوطني ياحبي لك والله يقومك بالسلامه انك حذرتينا

بس بكم الحبيب وبكم الوفاء
ام احمد3 غير متصل  
قديم(ـة) 20-12-2010, 02:25 AM   #958
ام ميشو
عـضـو
 
تاريخ التسجيل: Nov 2010
البلد: القصيم
المشاركات: 9
السلام عليكم حبايبي
ادري تاخرت عليكم بس والله دخلت مع ولدي المستشفي تنويم واليوم اللي طلعت

والله اعلم بحالتي نفاس وتعب وخياطه ومنومه في المستشفي بس الحمد الله علي كل حال

مبروك اماحلا بنوته وتحكمني قناعتي ويتربون بعزكم ان شاء الله

خبروني خياطتكم كبس مثلي ولا عادي وهل طاحت ولا لسي

وتجربتي ذكرتها لكم قبل هذا لمن سال عنها

وطبعا قالوا لي احنا ماندخل احد ودخلت لهم عن طريق الطواري ماعندي ملف

وطريقه الكبس تكون الخياطه كانها مبرومه علي داخل وماتحسي تقريبا الابالعقده وادخلي علي قوقل وشوفي يطلع معك طريقته

اتنمي الردمن احلا بنوته وتحكمني قناعتي وتريحوني
ام ميشو غير متصل  
قديم(ـة) 20-12-2010, 03:07 AM   #959
حب لأخيك ماتحب لنفسك
عـضـو
 
صورة حب لأخيك ماتحب لنفسك الرمزية
 
تاريخ التسجيل: Nov 2010
البلد: الشماسية
المشاركات: 639
الحمدلله علاسلامتكياملاك الروح عورتي قلبي حسبي الله عليهم
, جبت اعيالي بالحكومي اوماشفت من الي صارلك شي
,,,الحكومي اهم شي صيري حبيبة معهم لاتهاوشينهم واتصارخين عليهم والله يشيلونك شيل,,,

أم حمد3الله ايون عليك
يابنت الحلال احيانا وضع الطفل اخليم مايشوفون زين
حب لأخيك ماتحب لنفسك غير متصل  
قديم(ـة) 20-12-2010, 03:12 AM   #960
حب لأخيك ماتحب لنفسك
عـضـو
 
صورة حب لأخيك ماتحب لنفسك الرمزية
 
تاريخ التسجيل: Nov 2010
البلد: الشماسية
المشاركات: 639
ام ميشو في النت كثير يمدحونها بس أناماجربتها
أهم شي لاتقلقي أنشلءالله تكون حلوة
حب لأخيك ماتحب لنفسك غير متصل  
قديم(ـة) 20-12-2010, 07:54 AM   #961
ام احمد3
عـضـو
 
صورة ام احمد3 الرمزية
 
تاريخ التسجيل: Dec 2010
البلد: بريدة
المشاركات: 384
اقتباس
المشاركة الأساسية كتبها حب لأخيك ماتحب لنفسك
أم حمد3الله ايون عليك
يابنت الحلال احيانا وضع الطفل اخليم مايشوفون زين

ماشفتي شي من الخوف والتردد اللي بي وزملللللله قوووووه

ع فكره شكراً ع اللي ارسلتي لي بالخاص ما قدرت ارد عليك لان رصيدي ما يكفي
ام احمد3 غير متصل  
قديم(ـة) 20-12-2010, 02:34 PM   #962
حلمي المآستر
عـضـو
 
تاريخ التسجيل: Feb 2010
البلد: بين الجدران
المشاركات: 514
ملاك الحمدلله ع سلامتك

مااقول لكم يابنات عجزت ارتاااااااااااااااااااااح للوطني ماادري ليه ولاافكر فيه لويمدح الى بكرى
حلمي المآستر غير متصل  
قديم(ـة) 20-12-2010, 02:35 PM   #963
حلمي المآستر
عـضـو
 
تاريخ التسجيل: Feb 2010
البلد: بين الجدران
المشاركات: 514
بنات ماخبرتوا شغاله زينه للنفاس وقرمة؟
حلمي المآستر غير متصل  
قديم(ـة) 20-12-2010, 02:38 PM   #964
رنـيـم !
عـضـو
 
صورة رنـيـم ! الرمزية
 
تاريخ التسجيل: Apr 2009
المشاركات: 81
السلام عليكم
اهلا وسهلا بـنآت ..

حبيت استفسر عن افضل دكتورة نساء وولادة لمتابعه الحمل
سمعت عن دكتورات مستوصف المستقبل احد جربهم ؟
اهم شي تكون نفسها زيينه
برضوا افضل مستشفى للولاده
هل الوطني ببريدة او الوفاء بعنيزه ؟

شكرا مقدماً
رنـيـم ! غير متصل  
قديم(ـة) 20-12-2010, 02:42 PM   #965
ام حمادة
عـضـو
 
تاريخ التسجيل: Nov 2010
البلد: السعودية
المشاركات: 60
ملاك الرووح حسبي الله ونعم الوكيل

هذي اول مره اقرى تجربه سيئة عن مستشفى القصيم الوطني الكل يمدحه

بس الحمد الله على سلامتك وماتشوفين شر ياعمري وان شاء الله اخر الالام

ومبروك ماجبتي ربي يخليه لك

اجل استخير واجزم على الحبيب

الله يعيننا ويهون علينا يارب

آخر من قام بالتعديل ام حمادة; بتاريخ 20-12-2010 الساعة 03:00 PM.
ام حمادة غير متصل  
قديم(ـة) 20-12-2010, 05:31 PM   #966
نجديــــة
حرف راقي
 
تاريخ التسجيل: Oct 2007
البلد: بريدة
المشاركات: 2,409

الأوسمة

سلااااااااااام بنوتاااات

أنا الحمدلله والدة من شهرين , وس أقولكم تجربتي

أنا تابعت حملي عند د.سلوى بمستشفى المحيميد تجنن وحبيبة وعسل
ونصووح بالحيل , يعني ثقي بكلامه لو نصحتك بشيء !!

وأما ولادتي بمستشفى الفريح
معااملة تجنن وسعة صدر بهم علي خخخخخخخخ
والله يوم جت الولادة حسرتبهم بس أصارخ والممرضات كل
وحده ماسكتن من جهة وتهدين وأحيانا أعض ايدينهن من حر ماأوجس
ولا يقولن شيء عسسسسسسسسسسسسسسسسسسسل
لما جت الولادة واضنيت الحمدلله على السلامتي وخياطتهم تجنن
واللي ولدتن دكتورة نوال , ولو تشوفون الممرضات عقب ولادتي
حمدووو عاالسلاامة نجديييه خخخخخخخخخخ
والله ماكأني حسرتبهم قبل الولادة وه بس والله الفلوس حلااال عليهم ق1
وحتى يوم نمت عقب ولادتي بالليل كانت هناك ممرضة تطل علي كل شوي كان ابي شيء
طوول الليل وفطورهم وغداهم وعشااهم شيء شيء شيء وه بس ق1
من قوة الشسمه ودي ارجع اضني ثانيه > كلاااكه ذذ

والله اني كتبت تجربتي للي مقبلات على الولادة وشكر للمستشفى
واللي عنده سؤاال انا حاضررة

وتقومن بالسلامة يارب انتن وعيالكن
__________________


" عندما كنت طفلة .. تمنيت ان يرزقني الله ابناً , يشبه احلامي الصغيرة "
نجديــــة غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 10:31 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)